أطيع زوجي ولا أبوي!!!!!!!!

شكرا يا بنات لمشاركتم لي بمشكلتي بس والله مضايقة حيييييييييل وكل شوي اهني بالدوام اروح الحمام - اعزكم الله - وابكي من القهرة :tears: انا صادفتني مشاكل وايد من لما ملجت والله تعبت :( نفسي اكون مبسوطة مثل البنات المخطوبين :tears: صرت وايد اهمل بنفسي اللي يشوفني الحين ما يقول هذي عروس :tears: زوجي عنيد واهو طبع اهله غير عنا اهم منفتحين اكثر منا وكثير اشيا عندهم اياها عادي وما حد يدخل بخصوصية احد واهو يبني جذي ما احد من اهلي يدخل فينا،ولان بيئتهم غير عنا انا هالشي كان مخليني اتردد بس انا حبيته وكنت دايما اقول ما في وحدة تلاقى فارس احلامها متل ما تبي ، انا وايد احط له اعذار واقول يمكن يتغير اهو بعده صغير عمره 23 وكل الشباب بهالعمر يكونوا عنيدين ويبون يفرضون شخصيتهم ،،، ساعدوني يا ينات اني اتفاهم معاه ونقدر نحل مشاكلنا وافرح مثل اي بنت مخطوبة ، ساعدوني كيف اقنعه انه راي ابوي صح ؟؟؟؟؟؟؟؟

هلا اختي



اسمعي كلام ابوووج

لانج في بيت ابووووج
وكلام ابوووج هو اللي يمشي عليج يالغاليه
وهالشي معروووف عند كل الناس

بنات هل فيه امل زوجي مع الوقت يتغير؟؟؟ في اشيا فيه انا ما تعجبني ؟ هل ممكن اقدر اغيرها ؟ وكيف ؟؟؟ ساعدوني يا بنات اللي متزوجة وعندها خبرة :(

انا رايي من راي أختي اريج البنفسج ..

والإسلام قال : امك امك امك ثم ابوك

والله يعينج على خطيبج الله يعيييييييييييييييييينج هذا قبل لا تتزوجين وميننج

الله يهدية

حببتي ام يوسف
بو طبيع ما ييوز عن طبعه
وما انصحج تسيرين وياه الشقه مهما كان الموضوع

خلج متمسكه برايج ولو اصر على موقفه
قوله انته كلم ابوي وخذ منه اذن عشان اسير وياك ولو وافق ابوي انا وقتها مستعده اسير وياك بس غير جذي اسفه ما اقدر اعصيه وانته ع العين والراس

خلج متمسكه براي ابوج لانج مو ضامنه الياي
ولو هو يبي يحس انج زوجته خله يحس بأي طريقه يبيها غير اسلوب الشقه

وحاولي تفهمنيه ان البيئه اللي عشتي فيها غير عن بيئته
وعشان المشاكل ما تزيد خليه يستنى للعرس

واذا اصر على موقفه ولاحظتي انه تغير وما صار وياج مثل قبل
انصحج تخبرين الموضوع لاحد مقرب لج من اهله مثل اختج العوده او امج
وشوفي اشلون بتكون نصيحة هالشخص وامشي عليها

حببتي انتي مو ضامنه الياي فلا تتسرعي بموضوع الشقه عشان لا تندمين بعدين وتقولين ياليت
ووقتها ما راح تفيدج ياليت

فكري عدل واكثري من الدعاء

الله يعينج ويوفقج وقوليلنا التطورات

اختي ممكن ترضي زوجك وابوك في نفس الوقت يعني خدي معاك احد من محارمك اخوك متلا اختك بعد ما يوافق ابوك على الذهاب الى منزل زوجك اعتقد لو اخدت معاك اخوك او احد من محارمك ابوك لن يمانع من الدهاب اليه
تحياتي

شوفي روحي مع زوجك بس لاجتك الدوره خخخخخ

اكيد بيزعل لا قلتي ان ابوي رفض اطلع معك لانه حاط مافي احد يئمرعليك غيره

بس حاولي تقنعينه انك ودك تروحين معه بس الظروف ماتصلح

واذا الح مره روحي بس لاتطولين اذا انتي تضمنينه واذا لا بلاش من الروحه وزعل ساعه ولا العمر كله تندمين

الله يسعدك ويوووفقك

لاحبيبتي انتبهي تروحين له لان غالب الشباب يوسوس لهم الشيطان واذا خلص وسوى الي يبي يوسوس له الشيطان بان زوجته ماتستحي او انها مب هذي الي تصلحله يعني المختصر المفيد انه دايم تحصل مشاكل في مثل هذي الامور فخلي كل شي بوقته افضل

ام يوسف2009;4805590]السلام عليكم،،

انا من زمان اقرا واتابع بهالمنتدى وماشاء اسرة واحدة تساعدون بعض وان شاء الله دوم على طول.

انا يا بنات ملجت من شهرين (كتبت كتابي) وعندي مشكلة منكدة عليي ليلي ونهاري :(

زوجي حاليا ساكن لوحده وهو قبل كان ساكن مع اخته بس اهيي من فترة سافرت وصار الحين عايش لوحده ، طبعا عرفتوا الموضوع :tears: يبيني اروح عنده الشقة انا رحت قبل لهناك لما كانت اخته موجودة،الحين هو يقولي ابي تساعدني بالبيت احسن من اني اييب شغالة وقالي مهما صار انا بعرف حدودي وين وانتي زوجتي ولازم ترضيني واذا ما طعتيني ترى الله بيغضب عليك وانتي السبب اذا عيني طلعت على غيرك :tears:، انا كلمته كثييييير ما في فايدة وقلتله كل شي بوقته حلو ، هاوشني وقتها وقالي انتي ليش جذي تفكيرك يروح لبعيد انا بعرف حدودي الحين.....

ومن فترة ابوي كلمني قالي الحين اخته سافرت فالشقة ما تعتبين لها مهما صار ، روحوا كل مكان ما عدا البيت عنده ممنوع ، وطبعا هذا ابوي كلامه على عيني وراسي ، خبرت زوجي برأي ابوي قالي الحين كلمتي انا اهيي اللي تمشي واحنا ما نسوي شي غلط انتي زوجتي وحلالي :( ، العرس انشالله بعد 6 شهور ومستحيل يكون قبل ماني عارفة شو اسوي الحين صارت اتهرب من اني اطلع مع زوجي اخاف يقولي نروح لعنده والله محتارة ابي الحل ؟؟؟؟اروح لعنده دون علم اهلي؟؟ اصر على موقفي وما اروح معاه الشقة؟؟؟ ساعدوني بالحل رجااااااااااااااااء

حبيبتي هذى النقطه وقفي عندها وافهمي المغزى

ولاتصيرين طيبه زياده عن اللزوم وتصيرين الضحيه

واخذيه بالسياسه فهميه انه لازم يحرص عليك وعلى سمعتك اكثر من حرصك على نفسك اذا يحبك بجد

وان الناس لاشافتك داخله عليه لوحدك وش بتقول عنك

واذا مازم كلش كلش اخذي امك معك وشغالتكم بحجة انهم يساعدونك على التنظيف وهذا افضل شي

واذا لاحظتي منه اي زعل او تذمر ردي عليه برد صريح ( اذا سمعتي ماتهمك فانا سمعتي بالدنيا كلها وعنك مارضيت )

واسفهيه كم من يوم واذا عاقل مرده يرجع ويعرف حجم غلطته ويعتذر والاهم من هذا كله بتصرفك هذا رح تكبرين في نظره وتفرضين احترامك عليه وبيقدرك اكثر ..

والله مايبغالها تفكير لا تروحين ابدا ابدا ابدا ولا ترضخين لأي ضغط منه ... صدقيني بعد الزواج راح تكبرين بنظره طالما رفضتي تروحين له وصدقيني حينظرلك نظره دونيه لو رضختيله

نصيحتي لك لاتروحين بيته

وانتبهي لحاللك ترى بس عقد يعني ممكن يطلقك

والزوج والله ماله امان

نصيحتي لك لاتروحين بيته

وانتبهي لحاللك ترى بس عقد يعني ممكن يطلقك

والزوج والله ماله امان

انتبهي على نفسك

السلام عليكم،،،،

شكرا يا بنات لوقفتكم معاي ونصحي والله نورتوني كثير بس للحين ما انعدل الحال :tears: زوجي عنييييييييييد وايد ما يبي يقتنع كلمته بس اهيي اللي تمشي ، بأي موضوع يبني اطيعه وبس :( اعرف لازم الموضوع يكبر كثيييييييير والله اعلم شنو بتكون النهاية :tears: ادعولي الله يهديه ويبطل عناده هذا :(

عزيزتي اصراره هذا مب على خير .. صدقيني الريايل معروفين ... يعني هو مصر على انج انتي ترتبيله الشقه لا طبعن ,...هو مصر على انج انتي اتين الشقه ويسوي هو اللي يباله .. معروفه و مافي داعي انقص على عمارنا ..

وثاني شي قوليلله انا ابا اشوف ذوقك فالشقه .. والا قوليله انا عادي عندي عقب انرتبها على راحتنا...

لا تنجرين له يا ام يوسف وصدقيني بنتدميييييييييييييييييييييييييييييييييييييييين ....

ياما بنات حملن وعقب ما صار نصيب والا فض عندها الغشاء وتركها .. والا كان بس يبا يجربها وللأسف فشلت فالامتحان ...

خلج قويه ... لان احتمال كبير انج لو رحتي هو يبدا يعاند فيج .. وانتي ادري بزوجك .. وياخذ منج اللي يبغيه بالغصب .. ويكون عناد فيج وفي ابوج ...

وطمنينا عنج..

شكرا عزيزتي ريم الدماني عالنصيحة الحمدلله انا واثقة من نفسي وانشالله مارح اعمل شي غلط اندم عليه والله يعيني

ميسى كوول;4806129:
حبيبتى الله معاج,صحيح العقد اشهار وانتى الحينه زوجته شرعا,بس الاصول اصول كمان,ومادمتى فى بيت اهلج فالعقل والمنطق يقول الشور شورهم,هذا رائى وانتى فهميه بهدوء انه كلامه ع العين والرأس بس ماتقدرين تخالفين كلام والدج وانك كلمه اهلج تسبق كلمتج,,ولو مب طايع يصبر قدمى موعد الزواج,,ومثل ماقالوا الاخوات ماقصروا بردهم ان الريايل مالهم امان ولو سمحتيله بشىء الحين الخوف بعدين تتوهقين,,خلج بالسيف سايد ومع راىء ابوج وزوجج مصيره بيزعل بس شوى بيفهم اهم شىء تكونى قويه واهو يسوى كل هالزعل يمكن عشان يضغط عليج وتوافقينه,, الله يحفظك ويوفقج

مع هذا الرأى الصائب

البنات ما قصرو
و انا معاهم في انه دامج انتي بعدج في بيت ابووج لازم اطيعين ابوج حتى لو ريلج معارض هالشي
و اصلا ريلج مب من حقه .. يعني تطلعون و جي اوكي
تروحين عنده الشقه و تقعدون بروحكم .. مااا ينفع
يا انج تروحين الشقه و تاخذين حد معاج من اخواتج او اخوانج
يا انج ما تروحين للشقه ابد ليييييين العرس
و عن التنظيف هذي مب مشكله يروم يدبرها بروحه
و صدقيييني الرياييل ما منهم اماااان .. و ان كانت عينه بتطلع لبرا تراها بتطلع ان رحتي الشقه او لا
شو يهدد يعني؟؟
و الله الدنيا متروسه رياييل .. مب لازم عليج المذله

الدخول لا يصح الا بعد الاشهار
غير هيك
طالما ان النفقه على ابوكِ مناكل و شرب و لبس و مصروف..فالطاعه لوالدك وليس لزوجك
والملكه لاتعني زوجه 100%
الملكه تعني زوجه فقط 50%
والاشهار هو الي يخليكِ زوجه 100% ويكون طبعاً قبل الدخول..