الي عنده اكثرعن طفل وماعنده خدامة يدخل ...

اما انا احب اتعب لعيون بناتي
واحب التعب لاصار لزوجي
واحب شغل البيت


لكن احس اني انسانه فاشله في تنظيم حياتي

سويت لي جدول
صرت كل يوم ارتب بعض الاشياء

كوي - غسيل- ترتيب- تنظيف- غسيل حمامات- اشياء واجد ماتنتهي
واحس ان الشغل فيها شطاره

لكن اتعب اكيد لاني بروحي
واليوم بين مسؤلياتي كزوجه وكأم وراعيه بيت ماقدر عليها

دايم افكر بامهاتنا اول

شلون يصحون الصبح
ينظفون ويشتغلون ويجهزونا للمدارس وابهاتنا للعمل القهوه والفطور من الصبحواشياء واجد من غسيل ملابس ونشر وطوي وطوي وحوسه لا وبعد زياده عليهم اشياء اختفت في وقتنا الحين بفضل التطور..
وزياده على هذا يسيرون ويزورون جيرانهم الصبح
ويرجعون يطبخون الغدا
ويقدمونه ويذاكرون فينا ويمدي الوقت ننام الظهر ونصحى نلقاهم قبلنا مجهزين لنا كيك وحلى والقهوه للوالد
وهاتها زيارات وقدعات وبلاوي
ويالله الشغل مستمر وعشا ووالحمام عشان تحممنا وبعدها لبس ونوم وعندها وقت تجلس مع ابوي وبعدها تنام وهي راضيه متنطمنه وبخير وماتشتكي من شي ..


هذي مو بس امي
هذي امهاتنا كلنااااااااااااااا على نفس الحال

يرحم ايام اول
الوقت فيها مبروك
والعافيه مبروكه وكل الامور تمشي برضى الله

لكن الحين وربي ان احنا صرنا عجز في عز شبابنا
ودوم نتذمر ونشتكي


ياليتني اصير مثل امي عسا ربي يخليها لي يارب

الله يعينكم والله

والله احيانا من التعب اتيني صيحه ادخل غرفتي واصيييييييييييييح