شعري تعبني ..عذورة ساعدني الله يباركلك

حبيبتي الزيوت مافي افضل منها

داومي عليها واستخدميها مرتين بالاسبوع

ولاتقل عن 6 ساعات...

كلشي بالدنيا يحتاج لعنايه ...


فلازم نهتم بالشعر وباكلنا في نفس الوقت...


موفقه اختي

اختي دام قلتي انج تعتنين في شعرج من برا بالزيوت وهالاشيا
طيب العناية من الداخل والتغذيه عندج كيف؟؟؟
ترى الشعر مثل ماهو محتاج تغذيه من برا لازم بعد من داخل وهذا هو الاهم
اول شي سوي لج فحص دم وفيتامينات والغده الدرقية اذا الدكتور اللي رحتيه ماسوى لج هالفحص وبناء عليه يتحدد احتياجاتج من الاكل او العلاج
شوفي نوعية اكلج شلون، وكثري من السلطات
اذا بتاكلين الوجبة خلي السلطه تكون كيمتها اكبر ويفضل السلطه الخضراء (الجرجير والبقدونس والخس وباقي الخضار الورقية)
التمر بعد مفيد لجميع المشاكل سواء للشعر او البشره او الصحه ككل
الحليب ايضا اهميته تضاهي اهمية التمر
ابتعدي قدر الامكان عن الفاست فود والاطعمة المقليه
يعني خل يكون نظام اكلج يعتمد اكثر شي على التمر والحليب والخضار
انا ماقول احرمي نفسج لكن كثري من هالاشيا المفيده، وممكن الاستعانه بالمكملات الغذائية مثل الملتي فيتامين او زيوت كبد الحوت او كبسولات الحديد
حبوب الزنك معروف انها مفيده كثييييير للشعر فممكن انها تفيدج
وهناك بعد حبوب تباع في الصيدليات مخصصه للشعر والبشره والاظافر
لكن انتبهي ترى الحبوب والفيتامينات تزيد من الوزن فاذا انتي ماعندج مشكله ان شاء الله راح تناسبج
هاذي هي النقطة الاولى

اما النقطه الثانية
النفسية تلعب دور كثير مهم من ناحية نمو الشعر وتساقطه
شوفي اذا انتي عندج اي مشاكل او تواجهين ضغوطات في الحياة
ومن كلامج يبين انج متعبة نفسيتج على حالة شعرج وترى هذا بعد ممكن انه يؤثر سلبا على الشعر
فحاولي قد ماتقدرين انج تبتعدين عن اي مصدر للضغوطات او اي شي ممكن يخليك تتنرفزين او تعصبين او تبكين


النقطه الثالثة

اختاري لج شامبو وكريم وبلسم مناسب لنوعية شعرج وهاذي نقطه مهمه بعد
وممكن تستعملين امبولات للشعر ، وانتو عندكم ماركة ايفا عندهم كذا نوع من امبولات العناية بالشعر
بس لازم استعمالهم لمدة لا تقل عن شهرين

واخيرا

خلي لج برنامج ثابت تمشين عليه
وانتي مثل ماقلتي انج تداومين على الشي فهاذي نقطه في صالحج
داومي على نظام اكل صحي وعناية على الشعر بس بدون ماتفكرين بشكل زيادة عن اللزوم بالنتائج
وبدون ماتحبطين اذا ماكانت النتائج سريعه

هذا اللي في بالي الحين
وان شاء الله اكون افدتج ولو بالقليل

:87457:

ربنا ما يحرمنيش منك ولا من كلامك ونصيحتك وانا نويت بجد اني اروح لدكتور لا نك نبهتيني لحاجة مهمة وهيا التغذية وان شاءالله يقدم الي فيه الخير
كل سنة وانتي طيبة

وانتي طيبة حبيبتي
واحنا ماسوينا الا الواجب
وان شاء الله العيد الجاي يصير شعرك احلى شعر

هلا الغاليه

ماقصرت (أنا الشوق ) كفت ووفت يعطيها العافيه

بس حبيت أأكد على شغله ظروريه وهي استشارة الدكتور تو وااااااااااااايد مهم تسوين تحليل عشان تعرفين وين المشكله بالظبط وبعدين تقدرين تعالجينها ولا تنسين ان الشعر اتييله فتره ويتساقط وهذا شي طبيعي

والله يوفقج

شكرا تغلي على مرورك وربي يخليكي وبجد انا لفت نظري موضوع التحاليل لاني بجد كان رايح من بالي
وكمان ان بهتم من الخارج زيوت وحنة وخلطات ومافي فايدة
وكل سنة وانتي طيبة حياتي