ولدي ما يشيل صبعه من فمه حتى لو ما كان جوعان تعبت نفسيا

هلا حبيبتي ملاك سالفة ولدش مثل سالفة بنتي بس بنتي مو بس صبع واحد صبعين :surrender: فااشتريت الها عضاضه والحمدالله صارت كل تععض فيها ولاتمص اصابعها:ongue:

المفروض تلحقين عليه من الحين قبل لايكبر لانه توه صغير وتقدرين تتحكمين فيه

لبسيه القفازات الخاصة في المواليد او لفيه باللفه حتى تكون ايدينه داخل وكلما تشوفينه حاط ايدينه على طول شيليها ولاتستسلمين نصيحة مني حاولي وحاولي واعيد واكرر لسه صغير وتقدرين تتحكمين فيه

حتى انا بنتي نفس الحالة ..

مب يوعانه و لا شياته

بس تحط صبوعها في حلجها

و الروان يطلع

حتى يوم ألبسها قفاز نفس الشي بعد

القفاز يخيس روان

امي اتقول .. يمكن اسنانها تنمو بس ( تحت اللثه )

يمكن

كل شي جايز


:icon9:

صحيح كلام البنات...

الطفل قاعد يستكشف شيء يديد عليه وهو يده، ويستمتع بمصها، مب لأنه جوعان ولا شيء...

انتي خليكي معاه فترة على طول تطلعين يده وان شاءالله لما يكبر شوي يحصل شيءآخر يلتهي فيه ويترك مص اليد...
وفكرة القفازات حلوة اللي تجي كامل اليد مب مفرقة الى اصابع ..

حبيبتي ليش تتعب نفسيتج هذا شي عادي كل الاطفال جذيه
انا بنتي كانت تمص اصابع يدها كلها مو بس صبع واحد وما كان دليل عالجوع بس هذا الطفل قاعد يتحسس اصابعه
والحين كبرت وشوي شوي قاعده تترك هذي العادة بروحها

انا كمان بنتي طول اليوم يدها في حلجها ... في الاول كانت تدخل اربعة اصابع ... بعدين صاروا اصبعين ... وبعدين وصلنا لاصبع واحد بس طول اليوم .... بس الحين تركتها لحالها ... ماسويت شي ... من عندها خلتها الا لو كانت تبي تنام ... او جوعانة ... يعني لا تخافين عاااااااادي

هلا الغاليه

ليش بس تتعب نفسيتج حبيبتي؟؟؟ شو فيها لو حط ايده في حلجه؟؟ هو في مرحله استكشاف الحين ...ويالس يستكشف ايديه و صبوعه...خليه عقب فتره بروحه بيترك هالعاده..بس انتي كل ما تشوفين ايده في حلجه طلعيها و خلاص عقب فتره بيودرها و بيبتدي بصبوع ريوله خخخخخخ...هذا غير انه يمكن بدا يسنن فمص الصبع يريحه..
عادي الغاليه حمودي كان جيه والكل يقولي مادري شو و عن يتعود و من هالكلام...والحمدلله بروحه ترك من غير ما البسه قفازات ولا غيره..وحتى المصاصه او اللهايه ما انصحج فيها لانها متعبه اذا تعود عليها انج تخلينه يودرها...واحي يمص ايده اهون من انه يمص القفازات...يدخل شعر القماش في حلجه...

انا بنتي كانت جيه بس ..

بس كل ما دلت اصبعهاا اشيله من ثمهاا والحمدلله خلالاص موول ما استوت ادخلهاا مره ثانيه نسيت اصبعهاا ..

انا اقوول انهاا بس فتره وتعدي مب اكثر ...^_^

انا عندى نفس المشكله بس انا اولادى عمرهم اسبوعين و خصوصا ابنى على طول ايده فى فمه ...الاول كانيكونجوعانبس تقريبا صارت عاده لانه يكون لسه واكل ويحطه فى فمه..انا حاسه لسه صغير على انه يتعودعلى كده ...ممكن حد يفيدنى ؟؟

angel eyes;4800299:
عقب فتره بيودرها و بيبتدي بصبوع ريوله خخخخخخ...

خخخخخخخخخخخخخخخخخ ... صحيح صبوع ريوله حتكون المرحلة التانية

هذي سالفه عيالنا أغلبهم

والقهر الاكبر انه لمن يكون شبعان ويدخل اصبعه بحلجه يغص ويستفرغ

بس عن نفسي ألهيها بلعبه وإلا أشيل يدها بهدوؤ وألاعبها وأشغلها عن هالحركه

تسلمون حبيباتي ما قصرتو

بس انا كنت خايفة انه ياثر على اسنانه بعدين