قصة ولادتك رومانسية عاطفية ولا فيها اكشن ...تعالي اكتبيها...

حصه السويدى;4821969:
بسم الله الرحمن الرحيم

كل عام وأنتو بخير وعيدكم مبارك

كان عندى موعد عند الدكتوره وسونار وخلصت وكان موعد ولادتى 24- 4 المهم وكانت مع معاى أم ريلى وكان عندى موعد بعد ما خلصت طلعنا نمشئ حسيت بشئ مثل الرطوبه وأنا ما عرف شو السالفه ورافع أقول حق عمتى شوف ماي وعمتى تقولى خلاص روحى الحمام وأنا بسير الصيدليه بعد ما ظهرت من الحمام رجت عند الدكتوره وكشفت عليه مفتوح 2 خلاص ولاده دكتوره تقول بطلب لج الاسعاف وأنا خايف أقول لها لالالالا بتصل بريلى بياخذنى بسير وياه المستشفى المهم رحت المستشفى ونفس الشئ 2 مفتوح حولونى غرفه اولاده وتصلت بأمى وأنا خايفه وصلها أخوى عندى المستشفى المهم من الساعه تقريبا فى غرفه اولاده وأنا مافينى ألم وحطولى أبره المغذى وأنا أكره ريلى معاى شفنى طولت خلانى وسار الكليه المهم الساعه 5 بدء الالم شوي شوى امى وعمتى معاى ما خليهم يظهرون من عندى وحده تيليس وحده تروح تصلى بتدوره وهيه تعرفو على حرمه الله يحفظها عطونى تمر ماشاء بسرعه تسهلت ولاده وشوي شوس لما ولاده بنتى فديتها وسميها حصه ويبتها 30-3 -2004
وبنتى الثانيه 8-6-2007
كان فينى الم من يوم الخميس يعنى من الفجر وأنا تعبانه أستوى الصبح وأنا تعابت الم ماروم أسوى شئ اقريبا كل شوى أروح الحمام كان يوم الجمعه خبرت أمى قلت لها تعباته عاد امى سكتى لاتخبرنى حد المهم مر الوقت وأنا أتعب صليت العصر المغرب امى تقول لا بتولدين باجر وأنا أقول حق امى لالالالالا أنا تعبانه وايد استوت الساعه 8 قلت حه امى خلاص بروح المستشفى تصلت بعمتى أخبرها وتصلت بريلى أخبره أقوله بسير المستشفى يقولى ليش شو فيه أقول بولاد يقول بسلامه عاد أنا أنقهرت منه
مرت البيت خذت أغراضى وأعراض سرمه فديتها وأنا أتالم المهم وأنا فى الطريج عمتى تعطينى تمر وأمى خوافه تقولى لاتخذينها صبرى يلست ماسكه التمره لين ما وصلت المستشفى أول ما وصلت المستشفى فحوصات
علطول غرفه الولاده الحمد الله الله سهل عليه 12 ولاده يبت أحلى قمر سلامه الله يحفظها ويحفظ اخته حصه

ويرزق كا محروم يارب

lolu;4821992:
الموضوع حده جميل و مشوق
ما ادري ليش لمن قريت قصة ولادتج حسيت بآلام الولادة لووووووووول والله اخترعت قلت لا يكون راح اولد

راح اقول لكم قصة ولادتي الاولى و ان شاء الله الثانيه بعد جم شهر

كان موعد ولادتي 16_8_2006 وكنت ماخذه كورس صيفي و خايفه لا اولد قبل لا يخلص الكورس . المهم كنت اداوم وانا بالتاسع ثقل و حر مووووووت و خلص الكورس ولا ولدت , كان عندي موعد يوم الخميس الصبح و فحصتني الدكتورة كان الرحم كلش مسكر والراس مو نازل عدل


كان صاير لي يوم واحد من طايفة الموعد قالت لي تعالي يوم الثلاثاء نحط لج طلق صناعي و نولدج وافقت مع اني كنت حدي خايفه من الطلق الصناعي (( عشتو يكون ابي اولد طبيعي يعني )) المهم يوم الخميس رحت الزوارة بيت جدي و الكل كان يسألني مافي آلام وانا مصرة ان مافيني شي يوم الجمعة قعدت و عادي مو حاسة بشي بعدين رحت مع زوجي اكلنا في مغل محل و هني تبدي القصة

انا زوجي كان دوامه من 12 بالليل لمن 8 الصبح و الخميس اجازة المهم كان زوجي توه راجع من الدوام يوم السبت الصبح على الساعه 7 و حط راسه و نام وانا بديت احس بآلام كل نص ساعه تقريبا بس ما عطيتها ويه قلت اكيد بس جذي خرابيط لوووووول على كيفي


قمت من النوم الساعه 12 والا الكهرباء مقطوعه و الدنيا حر موووووت المهم قمت انظف الشقة كلها و سبحت وكانت الآلام تجي كل ربع ساعه على الساعه 4 العصر

هني عرفت ان هذي ولادة جهزت اغراضي و ظليت احوس احواس لين ما ظلمت الدنيا قعدت زوجي من النوم و قلت له ان العوار يتكرر كل 10 دقايق قوم ودني بيت اهلي وطلعنا والا الشوارع زحمة على ما وصلت بيتنا بعدين رحت عيادة الدكتورة تخيلي الآلام كل خمس دقايق فحصتني تقول توه الرحم واحد سانتي ما اتوقع تولدين اليوم روحي امشي رجعت بيتنا و زوجي قرر انه بينام معاي في بيتنا و يكشت بالدوام


طبعا ما قدرت انام و صحيته من النوم على الساعه وحده و نص وكان الطلق كل دقيقتين صحيت امي و راحت معانا المستشفى و لمن فحصتني طبيبة المستشفى استغربت لان عنق الرحم مختفي بس توني 2 سم وقالت على طول غرفة الولادة

طبعا كل هذا وانا اتألم عوار فضييع بس امشي و اضحك دخلوني غرفة الولادة و كلموا دكتورتي قالت لهم ركبوا لها طلق صناعي و عطوني المخدر الكمام و انا مصرة انهم يحطون لي برنامج فوزية الدريع لاني طوفت الحلقة يومها
لووووول وحده متفرغه

وصلت دكتورتي على الساعه 6 و بعدني 2 سم فتحت الماي و عطوني جرعه ثانيه من الطلق الصناعي و يمي زوجي و امي في غرفة الولادة و حبيبي كان ماسك ايدي على طول و يمسح على راسي

المهم على الساعه 11 الا ربع اسمع الدكتورة تقول لي يالله بش بش ترى حرام البيبي وايد تعبان و انا احاول بس ماني قادره كنت منهكه طلق يوم ونص مو شويه و على الساعه 11 و 6 دقايق ولدت أحلى أتومي بالدنيا كلها بعدها ما كنت احس بشي كلش

احلى موقف صار لي ان لمن كانوا بيصعدوني الغرفة و اول ما طلعوني من غرفة الولادة قربوا مني ثنتين وحده عمرها يمكن 20 سنه ماسكة كاميرة فيديو و تصورني و الثانيه عيوز لبنانيه يت باستني و تبببببجي و تقول لي اي الحمدلله على السلامه و انا مو مستوعبه شي و الا البنت تقول لها لا هيدي مش هييييي لووووووووووووووووووووووووووووووووووووووووووول

كل ما اتذكر اموت من الضحك يحليلها الحجيه مضيعه و انا اطالع الكاميرا و مو مستوعبه شي

و بس سوري اذا طولت عليج و ان شاء الله عن قريب تسمعون قصة ولادتي الثانية

بـنـت الـشـيـوخ;4822362:

يالله اقرا القصص وانا مستغربة

آنا اوردي متخرعة من الولادة اشوي

ههههههههههههههه

احسه شئ صعب يعني يبي له

والا معجزة تستوي

لانها بصراحة من صج مو سهلة خروج روح من روح

للعلم تراني مب حامل لاني مأجلة هالموضوع لان انا صغيرة وريلي صغير

وآنا ادرس واهو يدرس ويشتغل

يعني بعد سنتين جي بنييب عياال

واتمنى نسمع قصص الباقي ^_^

فاطمه 86;4825568:
:tears:

بكتب قصة ولادتي وبرجع اقرا القصص اموووت بقصص الولادات

انا قصتي كلها معاناه مافيها اكشن كلما اتذكرها اموت من الخوف والحين حامل وكل يوم افكر بالولاده وخايفه منها


ولدت في رمضان تاريخ 24-9 وكان المفروض موعد ولادتي 25 - 9 مافي فرق واجد المهم قبل الموعد بثلاث ايام ودتني عمتي لوحده يقولون تمرخ وتعدل البيبي اسمها حصوص للحين اتذكر هذاك اليوم واقول لو ماسمعت كلامها كنت ماولدت قيصريه :( قالت لي شربي دارسين وشربتها وزاد الالم بغيت اموت ورحت السلمانيه قالوا 1 سانتي رجعوني البيت وكنت اتالم الطلق كان حااار والرحم مايفتح ضليت ثلاث ايام على هالحال الم ليل نهار مانمت طول هالايام وكنت صايمه بعد اخر شي قالت لي مرت حميي قومي نروح جدحفص بنخليهم يخلون لج طلق صناعي ورحنا كشفت عليي قالت 2 ونص كل هالالم و 2 ونص سوو لي تخطيط وكانت الدكتوره تقول الطلق واجد قوي ومتقارب كان كل اربع دقايق دخلوني غرفة الولاده وكنت كلما تجيني الطلقه اتنفس بقوه واتشهد وامسك السرير كان الم فضيع واللي جنبي بالغرفه تصارخ خوفتني اكثر شوي الا يجتمعون الممرضات والنرسات يقولون مافي نبض ومت من الخوف ومرت حميي كانت بالغرفه ضلت تقرا ايات وتهدئني وكانت دموعي سيلان ماقدرت اوقف ونسيت الالم من خوفي على الجنين قامت الدكتوره حركت شوي الجنين ورجع النبض الحمد لله لكن كان بطيء قالوا لازم عمليه النبض ضعيف جا زوجي وقالوا له وهو خاف عليي اكثر كان يقول مماادري لاتسئلوني واتصل باابوي يسئله قال له خل يسوون العمليه لايروح الجاهل تعب تسع شهور وفتحت الدكتوره كيس الماي وطلع الماي اصفر تقول البيبي موصخ ببطني وهذا كلش خطير شوي الا تجي النرس تقيس اسمعها تقول 8 سانتي في دقايق فتح الرحم عندي من 2 ونص الى 8 وودوني غرفة العمليات واني اطالع الممرات ضربوني ابرة التخدير كان نصفي شوي ماحسيت ببطني ولا برجولي وكنت انتظر اسمع صوت ولدي حبيبي وانا ميته من الخوف يكون صار له شي وبعدعشر دقايق بالضبط سمعت صوته كنت اطالع بالساعه واحسب وصرت اسال الدكتور وينه ابشوفه وهو يقول ودوه لطبيب الاطفال يعاينه قلت له يعني هو فيه شي؟ بيموت؟ وهو يظحك ويقول لي ده زي الفل مدام سمعتيه يبكي ماتخفيش عليه ده بطل!!

وجابوه لي اشوفه وبسته حبيب قلبي وسالتهم اهلي شافوا الولد؟ قالوا لي لا بس نطلعج بنخليهم يشوفونه وطلعوني غرفة الانعاش كنت ماشاء الله ولا كأني مسويه عمليه وكنت اسال عن زوجي دخلوه هو واهلي ماشاء الله العايله الكريمه كلها انتقلت لغرفة الانعاش وشفت ابوي كان هناك وفرحان بالبيبي لانه اول حفيد وعمتي ام زوجي كانت موجوده وكلهم فرحانين بولدي وانا كنت احسب الساعات متى بيودوني الغرفه وكنت اتنافض من البرد ودوني الغرفه مانمت من الفرحه ليوم ثاني وجات الدكتوره والممرضه وكنت اقول لهم ابي اقوم من السرير مليت ابي اتحرك عادي اقوم؟؟ مااكنت ادري وش ينتظرني وهم فرحانين يقولون انتين نشيطه وشاطره قومي اتحركي احسن للعمليه لكن يوم قوموني حسيت بالموت لكن تحملت وقمت يوم ثاني بروحي رغم انه صعب وكنت اتمشى بالغرفه واتحمل الالم وماخليتهم ياخذون ولدي طول الوقت عندي يعني اعتمدت على نفسي بكل شي بتنضيفه وتلبيسه والرضاعه وحتى روحتي للحمام وانتو بكرامه ولانمت اربع ايام بالمستشفى وثلاثه قبل الولاده لكن الحمد لله عدت على خير ماتعبت واجد لاني كنت اتحرك بنفسي مااعتمدت على الممرضات ابدااا الا ثاني يوم العمليه لما قوموني .. وهذي انا الحين انتظر الولاده الثانيه والله يستر :tears:

قطعة سكر;4825730:
بصراحة حمسوتوني اولد عشان اكتب لكم قصتي..
انا عارفة انها الم وتعب لكن النهاية ان شاء الله سعيدة

وانا الحين حامل بالرابع ..بس اولد اكتبها لكم ان شاء الله

والله يحفظ لكم اولادكم ويجزاكم الجنة

مداعبة الحروف;4830910:
لسا ماحملت خليني احمل والله لا اكتب قصه الحمل والولادة

اميرة السعاده;4833432:
هلا فيك يا ام حبيبها:flower:
موضوعك كتير حلو
بالنسبه لي استمتعت بموضوعك لكن انا ما احب اتكلم عن ولادتي
:9_33:ربنا يحميلك البيبي:9_33:

الوردة الصفرا;4833615:
انا ولادتي كانت نكته..كانت الدكتورة معطتني تاريخ 24 اولد وكان التاريخ 9 وكان عرس بنت خالتي خلصت شعري ومكياجي وانا احس بألم بسيط قلت يمكن من الوقفه وعدا اتصلت على زوجي ياخذني يوصلني صالة الافراح لما وصلت الصاله اول ما حطيت رجلي بره السياره انفتح عندي الماي دخلت الصاله عند امي قالت لي هذي ولاده أخذت امي وكنت بكريه وعلى طول المشتشفى وبعدها بست ساعات جبت بشاير وانا في قمه اناقتي.