إلى هنا وخلاص يكفي ما أقدر أسكت !!!!!!!

ترانيم ممكن سؤال بصراااااااااااااااااااااااااااحة الجارة ؟؟؟؟؟؟؟؟؟؟؟؟؟؟ قريبتك حتى لو من بعيد
اشعر بتصرفاتك المبالغة معها بانها تمون عليك مو بس جارة فهالزمن الناس فين وفين تلاقي مثلك بهالامانة في التعامل وطول البال او ممكن ريحتيلها باي شكل كاخت او صديقة مو معنىكلامي اني مش مصدقة بس بصراحة بكل مافعلتية مازالت افكاري تتسائل ايوجد من هو مثلك؟؟؟!!!!!!!!!!!!!!11
واعذريني على اسلوبي

جزاكم الله خير

وبارك الله فيكم

وكل عام وانتم بخير ..

الله يوفق كل من رد على الموضوع

وكل من دعا لي عسى الله يوفقكم لفعل الخير

ويسعدكم

الأخت الغاليه رغد 1981

أختي العزيزه بقول لك كم قصه من قصص الحياه
وقولي لي بعدها هل تصرفي مبالغ فيه
أخت لي في الله غاليه علي اعرفها عز المعرفه
تعيش اشوي بعيد عن بيتي صرت اتصل فيها من ايام وما ترد علي
السبب بأنشغالها إنها تروح بيت الجيران تسبح جارتها الكبيره بالسن وتهتم فيها
وقت انشغال زوجها بالعمل تقضي وقتها هناك بخدمة الحرمه الكبيره
مع العلم ان هالحرمه عندها بنات ولكن مشغولين بأمور الحياه يا سبحان الله
جاره غريبه عن العائله تدخل اعزكم الله مع الحرمه وتسبحها وتبدل ثيابها وشرشفها
وتعطيها دواها الخاص بالضغط ونفس الوقت راحت المستشفى تتعلم كيف تعطيها حقنه السكر

هل هذا غريب على المسلم ...

وحده ثانيه فرشت لوحده ما تعرفها الا عن طريق جمعيه كل بيتها مع العلم ان الله رازقها بالقليل
زوجها طلب منها تروح السنه الحج قالت اكيد في ناس احوج للفلوس انا ليلحين بصحتي وشبابي وان
شاء الله الله بيرزقني بالسنه الجايه واحج ودام الله رزقني للعمره وما حرمني من شوفت الكعبه
ان شاء الله احج وبتوكل على الله راحت لأقرب جمعيه وقالت لهم ابي اباشر بنفسي
بالمساعده ما ابي تاخذون الفلوس وانا ما اعرف لمين راح تعطونها
فرشت لوحده أرمله وعندها عيال بيتها من .... الى
مع العلم ان الارمله كانت تنام مع عيالها بدون مكيف بعز الحر
وثلاجتها لا حول لها ولا قوه
وازيدك من الشعر بيت شفتي ملة الروب او الزبادي يشربون فيه ماء لأن ما عندها كاسات بالبيت

يا سبحان الله واحنا نغير الطقوم ونتفنن بأنتقاء الافضل لنا

ما هو الغريب بنظرك ...

علمتني الحياه ..
اني لما كنت حامل طحت بالشارع واغمى علي بسبب ضغط الدم

محد جه صوبي تدرين ليه خوفا من الاستجواب .. ؟؟؟

يا الله الى هذه الدرجه الخوف للمصلحه النفسيه تغطي على المصلحه العامه للمسلمين !!

جت وحده مهي مواطنه شالتني وحطتني بسيارتها مع ان سيارتي قريبه

وودتني المستشفى

الى متى بنعيش لنفسنا وبس ؟؟

هل كافل اليتيم بنظرك ما عنده سالفه وقاعد يسوي شي مبالغ فيه

عموما انا بعذرك على اسلوبك بطرح ردك
وكل شخص يكتب رده على حسب اسلوب حياته وبيئته

والله يوفقك ويستر عليك ويسعدك

والله العظيم ياختي ان مثلج نادر الوجود الحين..
والله يعطيج العافيه ..ويكثر من أمثالج..

ما شاء الله عليج اختي

الله يسعدج ويبارك فيج يرزقج الجنه على اعمالج وطيبه قلبج

الله يجزاك خير وإنشاء الله تلقينه بميزان حسناتك

تـــرانيم;4792423:
الساعه أربع بالضبط انا عند الباب

خذالها خمس دقايق وانا عند الباب الداخلي

الين ما سمحت لي ادخل

عموما بفترة خمس دقايق اسئل نفسي ليه مو راضيه ادخل

واشم ريحه اعوذ بالله مجاري


اتلفت شفت العجب 13 كيس زباله بالحديقه

وعظام الدجاج طالع منثور مع رز الظاهر من كم يوم

اكيد القطط كانو ينبشون فيه

قربت وحطيت شيلتي على خشمي شفت ان الكيس مفتوح قاعد يطلع منه دود

وااااااااااااااااااااااااااااي

اسمع صوت بنتها تناديني دخلت

ما بقول لكم الحين بروح اصلي وبروح ارجع لها مره ثانيه

لأن الي شفته جرم بحق الطبيعه البشريه والبيئه وقريبا بيوصل الدود لبيتي

لااااااااااااااااااااااااا انا اولد ما دخلت قعدت استفرغ كرمكم الله

بس برجع لأن اشوف انها تقبلت الكثير مني بصراحه ذميتها وهزأتها

ما قدرت اسكت والله يسامحني

وما اشوف انها ما تقبلت بالعكس قالت انا ادري اني واني

صدمت حياتي لما فتحت الباب كانت متعدله وحاطه ميك آب

قلت بواشير خير

بس لما دخلت اللهم يا كافي

لازم اقول لكم بالتفصيل الممل

بعدين لما ارجع من عندها اليوم اقصد الليله

عيالي الليله بينامون بيت جدتهم وزوجي مسافر ما بيرجع الا بعد بكره

الظاهر بقضي طول الليل هناك والله شي مو طبيعي

ولاااااااااااااااااااا حلقة أوبرااااا



هذي كانت آخر مشاركه لي بالموضوع

الحين بتكلم على راحتي بعد ما رجعت من عندها

مع ان ظهري منكسر علي :(

بدايتا حابه انكم تسامحوني على اسلوبي وانا اعتذر مقدما منكم

بس من هول ما شفته

أول ما دخلتني بصراحه ما عرفت وين اودي صحن الحلويات الي كان بيدي

لأن ما كان في مكان بالبيت فاضي ما عليه شي

الكنب ما يبينون من زود الأطنان والجبال من الملابس عليه

والريحه اعوذ بالله احس ريحة الحمامات طالعه وانتو بكرامه

قلت لها عسى ما جيت بوقت مو مناسب قالت لا عادي البيت بيتج

قلت بخاطري لو هالبيت بيتي كان حرقته من زمان

المهم قالت لي قعدي تفضلي طبعا شالت بعض الثياب من على الكنب

وياريتها ما شالته شفت كيس جبس مفلوت ومفتت قطع بسكويت

وعصاير طايحه معصره ومبقعه على الكنب

قامت شالت الموكيت على الكنب وقلبته على الجهه الثانيه علشان اقدر اقعد

قلت لها مشكوره

أختي أنا بصراحه بسئلج انتي شلون عايشه جذي

قالت ما فهمت عليج شنو تبين

يعني اشلون البيت ... ما خلصت جملتي

الا قالت لي ايه والله عيالي وايد يتعبون وينثرون ويلعوزون كل شي

وانا خدامه ما عندي وقاعده انطر توصل بس .

أختي عيالج كبار ما شاء الله

يعني كيس الزباله الي براااا صار له شهرين يمكن طايح براااا

وما اعتقد ان اليهال لهم دخل بالشي هذا

هذي مسؤليتج انتي

قالت لي معلش بسألج انتي زايرتني علشان تنصحيني وله شنو بالضبط

قلت لها انا اوصل عيالج واشوف ان تصرفاتهم وترتيبهم مو ذاك الزود واسمحي لي يعني

أكيد إدارة المدرسه سئلوج بالخصوص هذا

قالت ايه قالو لي تعالي بس انا ما رحت ما عندي وقت

قلت لها انتي بشنو مشغوله

قالت شغل البيت واطبخ وانظف

ولما اليهال يوصلون يعفسون ويخربون كل الي سويته

سكت اشوي قامت دخلت المطبخ الظاهر بتضيفني شي :icon9:

قلت لها من بعيد لا تسوين شي لا تعبين روحج

وانا اتكلم قربت اشوي اشوي من المطبخ

دخلت وياريتني ما دخلت كانت تغسل كوب علشان تصب لي فيه شي

لأن ما اعتقد باقي شي بالدواليب مو مغسل

حتى الارضيه فيه صحون ومواعين يالله أنواع القرف

والريحه مو طبيعيه

قلت لها اختي انا ما ابي شي انا مسويه رجيم

ههههههه انا مو مثلك ضعيفه ورشيقه :whistling:

وانا في خاطري اقول لو اموت ما بشرب شي

قلت لها بس اذا عندك ماي صحه اقصد مياه معدنيه

قالت لا ما عندي عندي ماء للشرب بس مو مياه معدنيه

قلت لها خلاص عيل ما ابي شي تعالي نقعد نسولف انا مو جايه اتعبج

المهم انا مشيت قدامها كأن البيت بيتي خخخخ

واهيه وراي الا تقول لي وين تشترين ثياب بنتج

قلت لها من وين

تقول لي عندج شغاله

قلت لها لا

عيل اشلون تدبرين عمرج

قلت لها مثلج

اسكتت اشوي قامت تضحك

قالت يعني الحال من بعضه :wavetowel2:

قلت لها يصير خير :icon9:

قالت ادري انج ما اقتنعتي بكلامي لما وضحت لج سالفة الترتيب والنظافه

عادي كل واحد له حياته الخاصه

بس انتي حياتج بعد شهر بيوصل الى بيتي

قالت ما فهمت شنو اقصد

قلت لها قومي اراويج

قامت طلعتها برااا قلت لها شوفي الدود والذبان والريحه

والله لو اعرفو عنج الجيران وانا اعرفهم كلهم من ام محمد الى ام دعيج

ليروحون يشتكون عليكم البلديه

قلت لها قبل ما تبطل حلجها

اختي يبين عليج انج تحبين النظافه بس مو عارفه اشلون تضبطين روحج


قالت :

انا ما انام الليل

وانام النهار

اتكيسل اني اقوم انظف

زوجي معاه مشاكل وايد بهذا الخصوص

وعناد فيني مو راضي يجيب لي خدامه

وقال لي كفايه عليج البيت والقروض

وانا تعبانه مو عارفه اشلون ارتب وانظف

قبل كنت اسوي كل شي لما كان ما يسافر بس صار شغله

انه لازم يسافر انا تعبت نفسيا

وما ابي اسوي اي شي

قلت لها معلش يا اختي كل راع مسؤل عن رعيته

وانتي مسؤله عن اطفالك

حراااااااااااااام عليك الي تسوينه فيهم

انتي لو كنتي تعبانه كان ما وقفتيني خمس دقايق علشان تضبطين عمرج بالميك آب

قبل ما تفتحين الباب

انتي كسوله

وكسلج هذا خلاج خلاص ما تهتمين بشي

وبناتج بكره بيضيعون

اختي انتي نايمه عيالج يطلعون من البيت وله يحرقون البيت

مهما يكون هذيله اطفال

اختي احيانا يجونا الظهر وانا ما اقول لهم شي

اقول معلش ولا يروحون مكان وله احد ياخذهم

والدنيا مو بخير انتي عارفه هالشي عدل

قلت لها معلش الحين بتصل بشغاله الي تنظف لساعتين اتي الحين

وتنظف وترتب وانتي عليج الباقي ان شاء الله

المهم اتصلت بالشغاله هذي الشغاله تمر علي البيت كل 3 شهور تغسل لي السجاجيد

واعطيها حقها ...

قالت بتمر عليها بعد الصلاة قلت لجارتي انا بروح البيت اصلي

وارجع واجيب معي الشغاله قالت بتعبج وياي قلت لها انا فاضيه اليوم زوجي مسافر وما بيرجع

وعيالي بيت جدتهم بينامون

ودخلت البيت واستفرغت من لوعت الجبد

ودخلت المنتدى وكتبت المقدمه

ورجعت لها ..

المفاجأه ...

الشغاله قالت لي مدام لو بتعطوني خمسين دينار ما انظف هالبيت انا ما يبي شغل :schmoll:

طبعا المره صار ويها ألوان قزقزح

قلت لها ولا يهمج

انا اساعدج بس على شرط والله ثم والله بصير لج مشرفه أفاجأج كل مره بزياراتي وبيب معاي الجارات

تراااا ما يرفضون لي طلب وان جفتج رجعتي للكسل ياويلج ترااا بينكسر ظهري معاج

وما ابي تعبي يروح بلاش

اول شي لميت معها كل الثياب وعلى طول حطيناهم بكيس زباله

قلت لها لا تطقين على صدرك تقولين بتغسلين لأن مستحيل تغسلين كل هذا

يبي لج شهرين لحد ما تخلصين قلت لها على طول نوديه المغسله بعد ما نخلص شغلنا وباجر تقدرين تستلمينهم

مكوين وعلى طول تعلقينهم وبجذي تبتدين من الصفر كل ما يكون عندج غسيل تغسلين وتكوين على طول

نوم ما في بالنهار

تنامين بالليل وما اشوف عيالج الظهر براااا

وانا اشتغل معاها تكلمت الين ما لاعت جبدي من الكلام

اتصل زوجي على الموبايل

يقول لي شتسوين اقول له انظف بيت جارتي

قال الله يلعن ابليسج

خلصتي من البيت قمتي تيودين بيت الجيران تنظفينه

اشفيج انتي متى بتهدين عنج الوسواس

قلت له لا جارتي تعبانه بساعدها

قال لي جزاج الله خير

المهم قالي لا تعبين روحج ومع السلامه

يمكن وانا هناك شربت ما يعادل ثلاث من ماء الصحه الي جبتهم معي من البيت

ههههههههههههههههههه خلاص يا بنات اعتقد اني ضيعت العشر كيلو الباقين

بالنسبه للمطبخ طلعت كل المواعين وحطيتهم بكارتون ووديتهم البيت

وشغلت توني غسالة الصحون علشان تعقم عدل ما اعتقد الغسيل العادي ينفع لهم

طلعت الستاير كله وحطيته مع الملابس علشان المغسله

وصار البيت قرعه ما فيه ولا شعره هههههههه

أما السجاجيد طلعت براااا بالحوش قلت لها بكره نغسله انا وانتي ونلعب ونتزحلق عليهم

السيراميك علبتين من الديتول ما كفى النار الي كان شاب بقلبي

الخزن بكره ان شاء الله بنعدله

المطبخ فلاش ديتول دواء المجاري كلوركس انواع المنظفات صبيته

والحمام جبت الرش الي عندي بالبيت الي يغسلون فيه السياره الرشاش كلش قوي

حطيت بالدبه ماء وصابون وكلوركس وديتول ورشيت الحمام كله وبعدين دعك من كل قلبي

وجارتي هديت حيلها بالشغل دواليب عيالها عدلناه دواليبها عدلناه عطرت لها البيت

بدخون وبس تعبت من الكتابه ايه نسيت بعد قلت حق الهندي الي يغسل السياير

علشان يطلع اكياس الزباله الي كانت بالحديقه وخليتها تدفع له

طبعا الاكياس كانو 13 انا عديتهم لكن بعد التنظيفات بالبيت صارو 22 كيس

وحاوية القمامه الله يكرمكم بالحاره طفحت من الاكياس

قلت لها اشتري اكياس قمامه صغار من اليوم ورايح علشان كل ما تطلعين

تطلعين الكيس معك وتقطينه والحديقه للعب والزراعه وراحة الباب

بــــــــــــــــــــــــــــــــــــــــــــــس

بكره بنطلع الكنب بالشمس من الصبح

ونغسل السجاجيد ونعدل المخزن

وبرجع لها صحونها الي بالغساله

وخلاص مشكورين يا بنات

والحين باخذ لفه بالمنتدى واريح اشوي

ومع السلامه

حبيبتي واللــــــــــــــــــه

عظم الله أجرج وكتبه في ميزان حسنــــــــــــــــــــــــــــــــــــــــــــــاتج

والله انج بنت نااس ما شااء الله عليـــــــــج

ماتدرين شكثر دخلتي قلبي بعد اللي سويتية لو كنت مكانج ما اتوقع اني راح اقعد 5 دقايق بعد اللي شفتية

بس انتي ما شاء الله عليج سويتي اللي ما سوته الشغااااااالة لو بـ50 ديناار على قوولتج عظم الله اجرج و وضعه في ميزان حسنااتج

فديتج 3>

الله يجزاج خير ويعطيج الف الف عافيه

قسم بالله ماتدرين اشكثر استانست لما قريت شسويتي

الي بقوله الله يخليج لريلج ولا يفرقكم عن بعض ويحفظ لج اعيالج

ما شاء الله عليك

جزاك الله كل خير يا رب

والله يهديها يا رب

تـــرانيم;4823514:
جزاكم الله خير

وبارك الله فيكم

وكل عام وانتم بخير ..

الله يوفق كل من رد على الموضوع

وكل من دعا لي عسى الله يوفقكم لفعل الخير

ويسعدكم

الأخت الغاليه رغد 1981

أختي العزيزه بقول لك كم قصه من قصص الحياه
وقولي لي بعدها هل تصرفي مبالغ فيه
أخت لي في الله غاليه علي اعرفها عز المعرفه
تعيش اشوي بعيد عن بيتي صرت اتصل فيها من ايام وما ترد علي
السبب بأنشغالها إنها تروح بيت الجيران تسبح جارتها الكبيره بالسن وتهتم فيها
وقت انشغال زوجها بالعمل تقضي وقتها هناك بخدمة الحرمه الكبيره
مع العلم ان هالحرمه عندها بنات ولكن مشغولين بأمور الحياه يا سبحان الله
جاره غريبه عن العائله تدخل اعزكم الله مع الحرمه وتسبحها وتبدل ثيابها وشرشفها
وتعطيها دواها الخاص بالضغط ونفس الوقت راحت المستشفى تتعلم كيف تعطيها حقنه السكر

هل هذا غريب على المسلم ...

وحده ثانيه فرشت لوحده ما تعرفها الا عن طريق جمعيه كل بيتها مع العلم ان الله رازقها بالقليل
زوجها طلب منها تروح السنه الحج قالت اكيد في ناس احوج للفلوس انا ليلحين بصحتي وشبابي وان
شاء الله الله بيرزقني بالسنه الجايه واحج ودام الله رزقني للعمره وما حرمني من شوفت الكعبه
ان شاء الله احج وبتوكل على الله راحت لأقرب جمعيه وقالت لهم ابي اباشر بنفسي
بالمساعده ما ابي تاخذون الفلوس وانا ما اعرف لمين راح تعطونها
فرشت لوحده أرمله وعندها عيال بيتها من .... الى
مع العلم ان الارمله كانت تنام مع عيالها بدون مكيف بعز الحر
وثلاجتها لا حول لها ولا قوه
وازيدك من الشعر بيت شفتي ملة الروب او الزبادي يشربون فيه ماء لأن ما عندها كاسات بالبيت

يا سبحان الله واحنا نغير الطقوم ونتفنن بأنتقاء الافضل لنا

ما هو الغريب بنظرك ...

علمتني الحياه ..
اني لما كنت حامل طحت بالشارع واغمى علي بسبب ضغط الدم

محد جه صوبي تدرين ليه خوفا من الاستجواب .. ؟؟؟

يا الله الى هذه الدرجه الخوف للمصلحه النفسيه تغطي على المصلحه العامه للمسلمين !!

جت وحده مهي مواطنه شالتني وحطتني بسيارتها مع ان سيارتي قريبه

وودتني المستشفى

الى متى بنعيش لنفسنا وبس ؟؟

هل كافل اليتيم بنظرك ما عنده سالفه وقاعد يسوي شي مبالغ فيه

عموما انا بعذرك على اسلوبك بطرح ردك
وكل شخص يكتب رده على حسب اسلوب حياته وبيئته

والله يوفقك ويستر عليك ويسعدك

شكرا اختي ترانيم على بعض القصص :)

وحبيت اقولج انه الكلام الي قلتيه كله مو غرررررررررريب علينه وانه بذات مصدقتج لانج بحرينيه :):)

ومو غريب على شعب البحرين بلطيبه والعطاء ومعروفين احنه وصفاتنه انه اطيب شعب واكفء شعب ..



مع احترامي لكل الدول :)

تـــرانيم;4811558:
بسم الله الرحمن الرحيم

السلام عليكم ورحمة الله وبركاته


حبيباتي الغاليات على قلبي ...

كيف حالكم عساكم بخير..

خواتي كلمة شكر ما توفيكم حقكم بدعائكم لي ولها

جزاكم الله خير وبارك الله فيكم وبتواصلكم

خواتي بما ان البعض يتسائل ماذا حدث بعد ذلك ؟؟

خواتي بكتب فقط توضيح لبعض الخوات الي ردو على الموضوع

اولا جارتي ما تشتغل بالليل لأن وحده كانت تسئل شنو تشتغل بالليل ؟؟
اختي جارتي كانت تسهر بالبيت تتفرج على التلفزيون وبس هذي كان شغلها الشاغل

ثانيا وحده سئلتني شنو ردت فعل زوجها ؟؟
بكره ان شاء الله زوجها بيرجع من السفر واهيه مسويه لها مفاجأه لأني جبتها عندي بالبيت
أمس وراويتها المنتدى والأفكار والخبرات وغيره ونفس الوقت قلت لها تعالي شوفي خواتك بالموضوع
هذا انصدمت !! بس قالت يااااااااااااا فشيلتي ولأني ضحكت ضحكت وقالت عسى ما قلتي لهم اسمي
قلت لها حسبي الله على بليسج اشايفتني مينونه
قالت عسى ما صورتينا واحنا ننظف ؟؟
قلت والله انا ما عندي سوالف بلوتوث
بس قلت لها لو الجزيره عرفو عن بيتج جان بيدفعون لج جيك مفتوح علشان ينقلون الحدث المهم
والله جارتي تحب الضحك وفرفوشه وايد نفسي يمكن هالشي الوحيد الي قربنا من بعض
وصار وقتنا نضحك واحيانا تدمع عيونا من زود الضحك

عموما يا اخواتي كلمة من عندها تقول جزاكم الله خير انكم شجعتوني على زيارتها
وبارك الله فيكم لكل وحده دعت ان الله يهديها ويقويها ويصلحها

ملاحظه : كنت خايفه هل شهرت بجارتي من غير علمها :::؟؟؟؟
ولهذا السبب حبيت احطها بالصوره والحمدلله انها حللتني على هالفعله لأن نيتي واضحه بالنسبه لها

هل هي مرتاحه نفسيا من الوضع الحالي ؟؟

بالتأكيد ولكن خائفه أحيانا انها ترجع للوضع الي كانت عليه
ولكن تقول انها مطمئنه إني معها الحمدلله وتقول صرت اخاف منج ههههههههه

هل عندها مشاكل مع زوجها ؟؟

لاااااااااااااااا ابدا المشكله الوحيده كانت النظافه وعدم الترتيب بواجباتها تجاه بيتها
وكم مره هددها بالطلاق لو ما اهتمت ونظفت البيت

ما الاسباب الي خلتها على هالحاله ؟؟

الوحده القاتله

الكسل ثم الكسل ثم الكسل

عدم زيارة احد لها خلاها تتمادى بعدم المبالاة لأن ما في احد تنحرج قدامه

مشروعنا القادم معا ؟؟

بما اني بسافر يوم الثلاثاء غدا ان شاء الله لأمي الحبيبه الي وحشتني وايد وايد
وبرجع يوم الخميس بعون الله

هي مصره بعد القاء نظره على قسم التجارب بالمنتدى انها تسوي حفله لزوجها

وبما ان زوجها بكره بيرجع من السفر

توجهنا اليوم الصباح الى السوق وشرينا اللازم للحفله

العصر بنرتب كل شي للمفاجأه

ولما ارجع من السفر بتخبرني عن المفاجأه

.........................................................

بنات اعدكم اني ما راح اتركها ان شاء الله

ثالث يوم العيد زوجها بيسافر مره ثانيه

وانا ما بخليها ان شاء الله ليلحين منتحله شخصية المشرفه عليها

وبما ان زياراتي لها كثيره

والله اشوف ان البيت منظم ومرتب ونظيف وريحته روعه

وجزاكم الله عني كل خير

وتسلمون على هالردود الحلوه الزينه

وهذا دليل على اخلاقكم وطيبة قلبكم

ملاحظه : لو حصل وشرت جارتي لها كمبيوتر مثل ما قالت
بتسجل معنا بالمنتدى ان شاء الله علشان تكسب لها خوات
ونفس الوقت تتعلم المزيد منكم

مااااااااااااااااشااااااااااااااااااااااااااااء عليج يا تراااااااااااااااااااااااانيم

الله يحفظج ويرزقج ويسعدج ويجعل لج بكل خطوه سلام وخير يا اختي

والله انج نااااااااااادره وررربي يكثر من امثالج

والله يرزقج بكل ما تتمنين ويوفق اعيالج وتشوفينهم احسن ناس ياربي

وين بقية السالفه

تصدقين وانا اشوف افعالج احس المسلمين الحين ما يسوونها

الغرب صارو احسن منا

والله يقويك على فعلا لخير

ما اقوووووووووووووووووووووووووول غير يزاج الله الف خير اختي ... وجان زين عندي جارة نفسج اتمنى والله

الله يسعدج مع زوووجج يا رب ويوفقج في حياتج ويجعل هذا العمل في ميزان حسناتج ....

صدق احسد جارتج عليج .... الله يخليكم لبعض ... ما شاء الله ما شاء الله ما بعطيكم بعين بعدين تقولون من رووووووووووووووووووووووووووز هههههههههههههه


تقبلي تحياتي

رووووووووووووووووووووز

يا زينج ويا طيب قلبج يا ترانيم والله إنا حبيناج من قلب

ربي يجزيج خير

الله يجزيج خير ويوفقج أخت ترانيم الحبووبة

ترانيم

عن جد احنا حبيناش


الله يعطيش العافية ويجازيش كل الخير يارب

يا حلووج يا ترانيم صار خاطري اشوفج عن جد من هالسالفة :)

يعطيج الله الف عافية انشاء الله .. ويخليج الى بيتج وعيالج يارب ..

وخاطري لو تكملين السالفة شنو صار بالحفلة لانة تشوقت ابي اعرف ..

انا ما اقول إلا




















يا بخت زوجش فيش و الله

عرف يختار الزوجة و الأم لأطفاله

ويا بختنا احنا عرايس عروس انا تشرفنا بمعرفتش



مبروك عليج هالانسانية الكبيرة اللي تحملينها



تعجز حروفي من تكوين كلمات تليق بعملك و طيبتك


وفقك الله

وسدد خطاك

دنيا و آخرة

يزاج الله خير

في ميزان حسناتج ان شاء الله

[GRADE="0000FF FF6347 008000 4B0082"]ترانيم
ما أقدر الا أقول الله يعطيش العافية
فعلا أنت قوية وراعية شيمة لا اله الا الله عليش
سويتي خير في هالبنات[/GRADE]