مشكلة بيني وبين زوجي بسبب الموبايل ،، ايش اسوي

تـــرانيم;4788666:
من غيـــــــــــــــــر كلام يا أختي

لا تكلمينه ولا تردين على الموبايل او التلفون

ولا تقابلينه .....

وإن ما جه يعتذر لك يا أختي

فحطي ببالك انه راح يسويها لك مليوووون مره وانتي أم عياله

لا تسكتين عن حقك

الحق معك مو معه

الرجال لما يكون غلطان على طول يطلع المره هي غلطانه

ويقول لها كلام غير مقنع نهائيا مثل كبري عقلج وانا رجال

وانتي وانتي ....

الي حصل يدل ان الله يحبك قبل ما يصير فيه بينكم عيال وبيت ومسؤليه

لا تقولين والله نصيبي وراح اراضيه وراح اشتاق له

فكري بعمرك ترااااا الرجال يبين انه يلعب وانا آسفه على صراحتي

انتي تقولين انك خايفه ان وحده منهم كلمته

يا اختي لو كان مو لعابي كان ما حط رقم الموبايل

لما يجي ويعتذر لازم يوعدك انه ما راح يسويها

وعلشان تتأكدين لازم يغير رقم موبايله

وتأجلين الزواج لحد ما تعرفين هل فعلا هو تعدل او لا

وقولي له انا بنت ناس وعندي اهل وظهر

وما ارضى اني اعيش مع انسان يخدعني ويخوني

ولو كنت تبي حرمه ترضى بالسوالف هذي روح دور عليها

انا متربيه وبصير ام عيالك ومن حقي انك تحترمني واكون الاولى والأخيره بحياتك

دائما حسسيه انك منتي خايفه وان رضاه بالنسبه للموضوع هذا بالذات ما يهمك

وربي يوفقك ان شاء الله

ولا تتعبين عمرك والقهر اتركيه عنك

ودائما ادعي ان الله يهديه ويصلحه ويسخره لك ان شاء الله

ولو كنت تبي حرمه ترضى بالسوالف هذي روح دور عليها من بين هالحقيرات

وهذي اللي تناسبك وعقلها مثل عقلك

وانا معندي استعداد اتحمل العيشه مع واحد ما يخاف الله مثلك وبكره تجيني منك بنات

ربي بيعاقبني فيهم بسبب خرابيطك

و راعي الاشكال هذي ما يخلى من الامراض والبلا وانتي وحده مو عايفه عمرك


ورنيه عدل لاحد مايقول خلااااااااااااااااااااااااااااااااااص حرمت

واذا الله هذاه وحس بقلطته بعد اجلي العرس مده اكثر ليما تتاكدين من صدقه

واذا ماعترف بغلطته وظل يكابر فنصيحتي لك البعد عنه وفرقاه ابرك لك حبيبتي

وربي بيبدلك بابرك منه ان شاء الله ..


والله وياك ...

شوفي حبيبتي لو ايي يبوسج على راسج ويعتذر لا توافقين واتركيه هذا ريلج تفكيره حجري بصراحة انه الريال يسوي اللي يبيه ونسى ربه ودينه وماكو فرق بين المرة والريال بالدين

حبيبتي انتي للحينج على البروبفترة ملكة اطلبي الطلاق منه لانه عقب ما ياخذج وياخذ اللي يبيه منه ما تقدرين تطلبين غير لمن تكونين بكر ديري بالج هالريال لعوب وتلقينه مواعدهم بعد شلون راح تعيشين مع واحد جذيه اشلون يربي اعياله واهو لا قيم

لاتغرج الكلمة الحلوة منه والدلع وفكري بعقلج انا وحدة عايشة بذل مع زوجي وبإهانة ومتحسفة لو اني طالبة الطلاق بالملكة ودي اترد الايام واتطلق منه واتزوج اللي يستاهلني ويقدرني

صدقيني ياختي والله قصتج معورة قلبي وقلبي عليج بعد اهم شي الاخلاق بالزواج والدين وغيره لاء لا شهادة تنفع ولا جمال ولا مال بس الاخلاق والدين

وهذا ترا تحذير من ربج انج تتركينه لانه انفضح حمدري ربج انه كل شي بان قبل فوات الاوان

خلج قوية وطلبي الطلاق وصدقيني البنت الي تتطلق بالملجة ما راح يطلعون عليها حجي لانه معروف انه الغلط على الريال او ماتفاهمو لكن عقب الدخلة يطلع الحجي عليج

والله من بدايته باين انج بتتبهدلين وياااه...


هاي غيره شوو يتحرا هووو يعني يرضاااه عليج...قوليله عادي تكتشف يوم من لايام ان لي علاقات شو بتسوي اقل شي بتقول اني وحده مب شي..



اووووووووووووووووووووووووووووووف من الريايل والبنات حشا يشفووون حد ويا الريال بعد يسوون حركات ومالووهم لو الريال ما يحس على دمه

شو هالريايل ما في واحد زين..

واجهيه قوليله لو بتم جي على قووولته انتي مب مجبوره اتعيشين ياوحد يخوووون ليش انتي مب لعبه ولا ماخذنج من الشارع...يوم هو متعود على بنات اشوارع يسير يشووف دربه الصراحه....وقفيه عند حده انتي بعدج بدايه المشوااار

والله ياختيه كلامهم كله صح البنات..ذيل الكلب عوج مايعتدل..اسمحيلي على المثل بس لأنه قهرج وانتي مثل اختنا ..
الحين انتي عايشه بين اهلج معززه مكرمه ومرتاحه وتتزوجين عشان تجيبين الهم حق عمرج والضيق والزعل والنكد ترى هالنوع يحب ينكد على حرمته ..وبعدين إذا هو من الحين مش هامنه زعلج وانتي توج عروس ولازم يدلعج ومايزعلج ولا ينكد عليج ما بتهمينه بعد الزواج بيقول خلاص هذي ضمناها وفى الجيب كله واحد من زعلها ..
الله يعينج ويرزقج الريل اللي يحترمج ويقدرج وعيال الحلال وايد ..لا تقولين اخاف ماأعرس ولا ماحد بيتقدم لي..
والله اتمين عانس ومرتاحة البال ولا عيشه تقصر العمر مع هذا الريال ..

انا لو منك مو بس اتعصب الا انجن الله يعينك بس
هذا قدامك يسوي هذه الحركات حق المراهقين لو كان مو معاك الله اعلم ايش كان بيسوي
الا طنشيه ولا تكلميه ولا تردي على تلفوناته لانه مافيه ثقة لين تحس على روحه بالي سواه هذا اذا كان يحس
اهم شي حبيبتي صلي ركعتين عشان تهدئي
والله يصبرك

انا مع البنات في كل اللي قالوه..



ما اقول غير الله يعينج ويرزقج بزوج صالح يقدرج ويقدر قيمتج ويحطج فوق راسه ..

ندايم;4788263:
اللي سواه غلط غلط غلط...

و يتحججون انهم ريايل و ما سوو شئ عيب!!!!!!!!

الغاليه...انتي توج في اول الطريق...

اذا سامحتي الحين حياتج على طول بتكون تنازلات...

انا ما اقولج اركبي على راسه...

بس فهميه انج حاااااطه في خاطرج و رضاج مب هين...

فهميه انه وراج رياييل...(( ابوج و اخوانج ))

و انج كنتي بتدخلينهم في الموضوع بس قلتي تتفاهمين و ياه احسن...

قبل كل هذا اتوضي و صلي ركعتين عشان تهدين...

و ما تنفعلين وايد في الكلام و تجرحون بعض...

الله يسر امرج و يفرج همج...

الله يسخر زوجك لج...

عين العقل

أختـي حطي حدود للموضوع


وشو باقي الحريم يرضـون لأزواجهم يكلمون ولاوشو

حسبي الله ونعم الوكيييييييييل ..

انا مع البنات .. والله

وطمنينا عليج ..

والله يعينج

لاحول ولاقوه الا بالله
اختي بعد الزواج بتشوفينه يغازل الا ان الله كتب يهديه
وانتي شوفي تقدرين تتحملين وتبنين حياه سعيده لان الكثير عايشين معا رجال كذا
واذا كنتي ماتقدرين فانفصلي قبل فوات الاوان

يااااااااااااااااااااااااااااااااااااو حسبي الله ونعم الوكيييييييييييل

والله شي يعووور القلب الله يعيينج وانا مع البنااااااااااااااات بكل كلمه قاالوهااا

الله يفرج همج طمنيينا عنج ياااقلبي

الله يعينج لو انا صار معاي هالموقف احس عمري بصفعه الين ما طش عينه

صدج قوي بصراحه الله يعينج جدامج جذيه يسوي عنبو ما يحترم وجودج
هذا انسان بايعه ولعاب انتي خلج قويه وخلي اهلج يعرفوا عن سوالفه ترا هذا بيعذبج بحركاته

اللي ينعرف من اوله ينعاف تاليه

الله يعينك علييييييييييه يانك تتحمليه والا

الله يكون في عونج

اختي هذا دامك على البرر بطلي منه زوج مثل ذا وربي وانتو دحين يسوي كذا

اجل لامره العشره ودخل الروتين ايش حيسوووي

ترا في رجال يحبون الحريم وكلامهم لو مزوج مليون وحده

فاعلشان كذا وربي حتعيشي في ضغط عصبي ونفسي ومشاكل معاه

فااحسلك اقصري الشررر من اوله واطلقي دامك على البرر

شو سويتي أختي عسى حصلتي حل ؟؟ لسالفه

:sm229:
السلام عليكم
أختي يتكلم مع بنات وأنتي معه فماذا لو لم تكوني معه
آسفة على كلامي لكن اذا من اولها هكذا فماذا سيحدث بعد ذلك
الأفضل
أن تخبري أمك أو أبوك كي يجدوا لكي حلاا
والله يخترلك اللي فيه الخير



ـــــــــــــــــــــــــــــــــــــــــــــــ
بنات ادعولي ولكم الأجر والثواب
أدعولي أن يرزقني الله بزوج صالح في القريب العاجل

مرحبا يا بنات

يعطيكم العافيه ماقصرتوا والله


ماتعرفون حالتي كيف اليوم مو طايقه شي واخواني يسالوني عنه حتى ما اطيق اسمع اسمه كل ما اتذكر الموقف


اتصل فيني اكثر من مره ومارديت واخر شي طرش مسج طووووويل كاتب في ( وينج )


ماعرف وحده من الاخوات سالتني ان كنت اعرف عنه هالسوالف من قبل ولا لا ؟؟

المصيبه ان هو صديق اخوي ولما اتقدم لي اخوي مدح في كثير وهذا طبعا ما منع اخواني الباقين وابوي يسالون عنه وعن هله والكل شكر فيهم



سوالفه ذي انا ماعرف عنها شي وهو بالبدايه اول ما ملجنه قالي انه مثل الشباب يعرف بنات وانه خلاص بطل السوالف هذي



بس ابو طبع ما يغير طبعه

قدامي وجذي من وراي ايش يسوي ؟؟؟


ووحده من الاخوات بعد قالت انه ممكن اللي مو شايفه فيني يبغي يشوفه مع غيري


وربي انا مو مقصره معاي بشي ومره كتبت مشكله انه طلب اتكلم معاه كلام انا استحي منه واغلب البنات قالولي انه دامكم متملكين انه زوجك وكلمية بحدود الادب


وربي ماني مقصره وقايده اصابعي العشره شمع


بس الظاهر انه مو وجه نعمه


تصدقون انه طااااااااااااااااااااح من عيني


مهما اوصف لك حالي من امس تقولون مكبره السالفه وربي حاسه اني كرامتي داسها في الارض وهو بكل وقاحه يقولي انا رجال وحر


بنات تعبت منه ومن تصرفاته هذا واحد من الف تصرف انا اكرهه


وانتظر لين ما انتفق معاه اما يتعدل واما انفصل عنه مو مستعده بعد الزواج ويصير عندي اطفال وهو يتم على السوالف ذي


احتاج كم يوم اجلس فيها بروحي وافكر واخذ قرار


وربي ما يوقعكم بمشكلة ويسعدكم مع ازواجكم


ولا تفكرون تراني ما برد عليه لو تطلع روحه


مشكورين ويعطيكم العافية

لاحول ولاقوة الا بالله


حبيبتي الموضوع كبير لاتحاولين تستهينين فيه ... اهم شي يكون بينكم احترام وانا من اسلوبه ماشوف اي احترام !! الله يهديه

اقترح عليج دام انها مب الحركه الوحيده انج تفاتحين ابوج أو أمج بالموضوع ولاتفاتحين اخوج الي هو رفيجه لانهم شباب وبيدافعون عن بعض ... الله يعينج صج ايام صعبه

اختي من البداية لازم تفهمينه انج ماراح تسكتين عن تصرفاته واذا عاجبه عاجبه واذا مب عاجبه الانفصال من وجهة نظري افضل
اذا جدامج هالشكل عيل من وراج اشلون