الهايلات و الصبغة

بكل صراحه استغرب من البنات اللي يصبغون شعرهم

ويهملونه ويشتكون من التقصف والجفاف والتساقط...!!!


لازم ياعيوني انك تعتنين فيه زيتيه على الاقل لمدة 6 ساعات

وحطي عليه حمام زيت لمدة ربع ساعه وابتعدي عن الجذور

انتظري لمدة يومين وبعدين اصبغي شعرك والموضه الحين

لون واحد والبني متواجد بقوه ..



اختاري اي لون من درجات البني كالشوكولاته او البندقي او الكستنائي...

اصبغي شعرك بنفسك افضل من الصالون..

وحذاري من الحناء السوداء لانها دمار للشعر احذري احذري...



تحيتي

تسلمين يلناعمه

فعلا صبغته و هملته و الحين صار كأن محروق!!!

تسلمين علرد وماقصرتي يختي بس ماقلتي لي اي نوع من الصبغات احسن؟؟
في لوريال و ويللا و غيره بس مب عارفه شختار منهم؟؟

يقولون افضل شي غارنييه

هلا إختي والله شفت غارنييه بس ماعجبتني الوانه!!

رحت شريت ويللا سفيرا
أغمج لون و الله يستر و الله لحين متردده!!!!!!

حبيبتي اول شي لازم تعتنين فيه هالفتره عشان ترد لها حيويته

انج تزيتيه بمخلوط زيت جوز الهند و زيت الخروع بنسب متساويه كل 4 ايام مره

و ممكن تستخدمين نوع زيين من الانبولات

و استخدمي شامبو الوديرمال تحصلينه بالصيدليه

و هم استخدمي بلسم طبي من الصيدبيه

و في صبغه في صيدلية بوتس Boots

من ماركة botanics خاليه من الامونيا بعني لو تصبغينها فوق شعرج الحالي ماتأثير لانها خاليه من الامونيا

بس تأكدي انها خاليه لان في نوع ثاني فيه قليل من الامونيا

انتي اخذي الخاليه تماما من الامونيا

صبغيه بني او اللي يعجبج

بس لا تنسين العنايه و الغذاء الصحي و المساج امدة ربع ساعه عشان تنشطين الدوره الدمويه =)

و اي سؤال لا تترددين

mS.BanTooTa
مشكورة يلغالية علرد

وراح أعتني فيه إن شاء الله و بروح الصيدلية بشوف إذا عندهم هلسوالف فلبحرين أو لأ...
و راح اأجل الصبغة شوي عشان ترجع الحيوية لشعري

تسلمين و ما قصرتي.....

نفس مأساتي والقهر ان شعري لين تحت ظهري بس شالفايده الحين متقصف ويلوع الجبد حته ريلي قالي شعرج استوه خشن
مب عارفه شو اسوي وما يهون علي اقصه