كم طفل تتمنين؟؟ادخلي وشاركي

الله يرزقكم من فضله ان شاء الله
وتربونهم احسن تربيه..
عن نفسي الحمل والولادة واجدصعبين عليي
يعني اشوف الموت بايام الحمل..
اكثر من التربية لأني أحب الاطفال واااااجد..
بس بكتفي بــ 3 أولاد ..اذا الله رزقني بهم
ان شاء الله...

انا عندي ولد واحد وحامل الحين الله يسهل علي وعلى جميع المؤمنات

خاطري يصيرون اولادي اربعه بنتين وولدين

انا في بالي ثلاثة عندي ولد الحين انشاء الله يرزقني بنت ولد او بنتين بس الصراحة انا وزوجي خاطرنا في بنت وانشاءالله الله يرزقنا بها
الصراحة ثلاثة واقول وايد لان مثل ما قالوا الخوات التربية صعبة وبعد ودنا نربيهم ونعيشهم في احسن حال
على العموم الله يرزقنا بهم ويجيب رزقهم معاهم

كل شي من الله حياه الله
انا عندي بنوتة
اتمنى بعد ولد وبنوتة ثانية
مع اني احب اليهايل واحسهم عزوة واستانس اذا التمينا بيت ابوي الحين بعد ماكلنا كبرنا وتزوجنا انا وخواني وخواتي حوالين امي ماشالله عيلة

بس بعد الحياة صعبة وفي هالزمن يقولون لج 3 وايد

انا عندي ولدين وبنوتة وخاطري بعد في بنية بس ماافكر اجيب لانهم عن 10 مدوخيني الله يحفظهم ويهديهم يا رب

انا الى الان عندي الله يحفظه ويخليه ابني آدم عمره سنه وسبعة اشهر واتمنى الله يرزقني اثنين كمان بنت وولد يعني يصير عندي ثلاث اولاد

ادعو لي ربنا يرزقني

طبعا هذا كلشي بيد رب العالمين
بس اني اتمنى 2 ولد وبنت وكلش يعني لو زادوا 3 ولله الحمد
والحين عندي منهم عبادي الله يخلي لي ويحفظة

انا من قبل متفقه مع زوجي ان 5 او 6 بالكثير ..

والحمدلله الخير وايد... انا اللي بيلس اجابلهم ..ومايقصرون الخدم ..

يعيطكم العافية والله يقوينا عليهم

suzysooz يعجبني رأيك .. يارب يخلي لك عيالك .. !

تقريبا مثلي انتي انا ارتبطت بعمرك بس حملت بعمر ال 18 و حاسة لو جبت ولدين راح يكونو مثل اخوان او اصدقاء لي ! .. والله يقدرنا على تربيتهم !

عاشقه الاسمراني..............انا عندي بنت وولد ....الحمدلله هاذي نعمه من الله وما افكر ايب غيرهم لان التربيه يبي له صبر والحياه مو مثل قبل بس الله والله يقدرنه على تربيتهم تربيه .............والله يخليهم لنه.

انا عني دايما من قبل ما اتزوج ما كنت اريد عيال كثير علشان اقدر اربيهم صح ..

وبعد ما اتزوجت وجبت نور عيوني وسام .. زدت اقتناعا بالفكرة ..
نفسي اجيب 3 .. عندي ولد واحد باقي 2 ... اما ولد وبنت او بنتين .. اصلا زوجي يموت على البنات ... بس لو في امكانية اني اجيب 2 تاني بدون الم وتعب يكون احسن :shiny::shiny:

اني خاطري في 2 علشان اربيهم صح واوفر لهم كل الي يبونه الله يرزق الجميع يارب:8875:

الي يجي من الله حياه الله ما بحدد جم كله كتبة رب العالمين

طبعا هو اولا و اخيرا بايد الله

بس عن امنيتي اللي اتمنى الله يحققلياها

انا عندي سيد عمور و اتمنى الله يرزقني ببنوتة بعد 6 سنين و بسسسسسسسسسسسسسسسسس

لان التربية وايد صعبة و انا من النوع العصبية و احب اولادي يكونون متربيين عدل و بعدين وحامي مرض انا ليوم الولادة استفرغ و الم القرحة <<< كانه حكيت قصة حياتي خخخخ

و شكرا لك عشوقة على الموضوع الروعة و الله العظيم كنت ناوية انزله اليوم و انصدمت لمن شفت الموضوع

الأطفال نعمة من عند رب العالمين أني عندي بنوتة و اللحين حامل أدعوا لي الله يسهل علي و على كل حامل و ولدت ببنتي قيصري و أحتمال أولد اللحين قيصيري أدعولي بنات الله يسهل علي و أولد قيصري ولا أتعذب زي ولادتي الأولى بالطلق الصناعي .. و بالنسبة للأولاد هذا شيء بيد رب العالمين بس أنا أتمنى يصير عندي 5 أطفال 3 بنات و ولدين و الله يسهلها و زوجي يموت بالأطفال و كل طفل يجي برزقه و ترى بكرة لما نكبر بالسن بصيروا هم سندنا بالدنيا و 5 عدد حلو لا كثير و لا قليل حلو يكون حوالينك 5 صحيح التربية صعبة بس الله يسهل
و تسلم يدينك أختي عاشقة الأسمراني على الموضوع الأكثر من رائع

عروسنا الله يقومك بسلامه

انا اتمنى يكون عندي 3اطفال بنتين وولد

هلا حبيبتي
موضوع حلو

الحمدلله انا عندي بنت وولد وخاطري بعد في 2 سواء بنات او اولاد المهم يكونوا 4
واتمنى ما اوصل 30 سنة الا خلاص موقفة حمل وولادة ومتفرغة للتربية فقط
يعني باقي لي 6 سنوات عشان اوصل ال30 وفي هال6 سنوات لازم اجيب 2:whistling:
وطبعا هالشي بيد الله سبحانه بس احنا نتمنى

والي يجي من الله حياه الله:wavetowel2:

أنا عندي بنتين و ولد (جواد) الله يخليهم
أتمنى ما أجيب خلاص تععععععععب








اأ




ا

ابرار الجنه لا تزعليين لاني نزلت موضوع انتي ناويت تنزليينه والله لو ادري تبيين تنزليته خليته لج بس يلا انا وانتي وااحد صحح :whistling:

ومشكورين كلللللللللكم على تفاعلكم لموضوعي والله اسعدتني ردوردكم الحلوه والله يوفقكم وتربون عيالكم احسسسن تربيه يا رب ويخليهم لكم ويكونون سند لكم انشاء الله :shiny:

والله يرزق كل المحروميين من هالنعمه يا رب:flower:

:flower:تحيااتي للجمييييييييييييع:flower: