ارجوكم طلبتكم

صليت صلاة أستخاره عنه اللي احبه احس ارتحت ..

في انسان عاقل يصلي عن الحرام..أختي فكري بعقل..انتي اليوم بنظر الكل بنت ماشاء الله اخلاق..بس اتخيلي حد عرف وانفضحتي شو بتكون صورتج جدام الكل..

مافي شئ فالدين حب بين بنت ولد..ونصيحتي لج لالي يباج يدق الباب..والله يهديج يارب:)

شكرا على النصحه أختي وانا صراحه . اتريه انتقادكم كلكم وبسمع الكلام ..

حبيبتى انتى توج صغيييييييره ع الحب,ومابقولج هاذا مب حب لكن الله هدانا بنعمه العقل اش فايده الحب والتعلق بحبال ذايبه والمجهول؟؟؟ ولو اهلج دروا والله لو يحبج اش كثرررر بتطيحى م نظرهم وبعد هو,انتى فكرى زين وبمستقبلج والحب ملحوق عليييه والشباب ممكن يحبون بس يوم الزواج بيفكرون الف مرة ومره مين بيأخذون واغلبهم للاسف مابياخذوا اللى يحبونها انا بقلج هالشىء عن تجربه وعن اللى اشوفه واسمعه ودريييييييه ولو اهو يباج لو بعد الف عام بييج والبيوت تندخل من ابوابها,, وخليه يخلص دراسته ولو اهو جااد ويجى يتقدملج بعد السنتين وانتى الحين التفتى لمستقبلج ودراستج حبيبتى فكرى عدل الله يهديج ولاتفكرى بعواطفج ترى الشيطان عندة مداخل كثيييره ويارب تتوفقين واللى الله كاتبه لج بيصير بس انتى ثقى برب العباد والحب والموده الحقيقيه اهى اللى تجى بعد الزواج,,,

تسلمين على النصيحه ....................

أختي الحبيبة ..

قعدي بينج و بين نفسج و فكري بـعقل .. مبين من كلامج ان فيج بذرة خير .. فحاولي تنمينها في داخلج و اقتنعي و لازم تقتنعين ان اللي قاعدة تسوينه غلط .. و إن اللي يبيج ما راح يستمر معاج في الحرام و بيجيج يخطبج من عند هلج و يدخل من الباب .. اقطعي علاقتج فيه و قوي علاقتج بربج .. و بتشوفين شلون الراحة ..

و لا تقولين اذا ابتعدت باموت و و و .. و تذكري إن الله بيعوضج خير و بيرزقج الزوج الصالح سواء كان هو و لا غيره ..

تسلمين والله على النصيحه ^_^

انا ياعمري

اقولج مو غلط انك تحبين مشاعرج واحساسيج هذي نعمه من عند الله


بس في الحلال ياقلبي

حتى لو انك ما تتكلمون بشيء يغصب الله بس بعد مكالماتك معاه بدون علم اهلج هذا بحد ذاته غلط


اسمعي نصيحتي


انا اعرف الامهات موقفهم اغلب الاحيان مو متفهم بهالامور ويتعصبون وياخذونها من باب الثقه والاخلاق والادب وهذا هو الصح


اذا كانت امك متعلمة ومتفهمه تقدرين تقوليلها في وحده من صحباتي كلمتني تبغي تخطبني لاخوها او احد اقربائه اذا ماعنده خوات


وشوفي رد امج


واذا تعرفين ان امج ماراح تقبل بهالوضع فانتي لسه صغيره عمرك 17 سنة

ولين ما تخلصين ثانوية وجامعه يكون هو اتخرج واشتغل ويكدر يتقدم لج

والله يوفقك

ادا متأكدة انه يحبك ومتأكدة من مشاعرك اتجاهها مع انك لسة صغيرة..

خبري امك عنه وخلي امه تكلم امك..ويتقدمولك..

وانتي لسة صغيرة يعني عندو الوقت يخلص جامعته وتتزوجو..

بساهم شي خلى الامر يكون خطبة رسمية احسن...اتمنالك التوفيق والسعادة حبيبتي وما رح الومك لاني اعرف شي يعني تحبي...


دمتي بود..

شكرا خواتي على ردودكم

بس بغيت أخبركم

انا عمري 17

بس فالجامعه .. أدرس وكل يستغرب مني لان عمري مب مال جامعه ...

بس والله عقلي كبير وايد أفهم

السلام عليكم
أختي أنصحك نصيحة ويارب تقبليها مني
لسا أنتي في أول الطريق أنتي أجلسي لوحدك وفكري هذه القصة ما نهايتها
يعني ترفضي اللي يتقدمون لخطبتك عشان بتستني هذا الشاب
طيب كم سنة لسا لازمه حتى يقدر يخطبك
لازم يخلص جامعة ويلاقي وظيفة ..............طيب وأنتي بتستني لمتى؟؟؟
وأنتي عندك استعداد تستني ؟؟
لا تضيعي عمرك بشئ مو مضمونة نتائجه
رح تقولي انتو ما جربتوا تحبوا رح أقلك انو أغلب البنات حبو بس ربنا خلق لنا عقلنا علشان نفكر بطريقة صح
وياقلبي الاستخارة اما لتيسير الامر أو تعسيره ولا علاقة لها بضيق الصدر أو بالر احة
عدا عن ذلك أنك تكلمي شخص بدون علم اهلك ولا هو خطيبك ولاشي فهذا حرام

ومن يتق الله يجعل له مخرجا
أنا بنصحك تدعي ربك وخاصة في صلاة الليل
استغفري كثيرررر
وادعي ربك ييسرلك اللي فيه خير
تقبلي مني
والسلام عليكم

تسلمين على ردج ماتقصرين


أحبكم كلكم ^_^

انا اقولك

اذا يحبك يتقدم لك بسسسسسس

اما يبكي ويصيح شوفي التمثيييييييييييييل قدامك الكل يبكي ويصيح وكله تمثيل ×تمثيل

يعني ممكن يمثل الدور عليك عشان تتعلقين فيه

نصيحتي لك بعدك صغيرة عن الحب خلي عقلك في دراستك ولا تشغلي بالك

الحياة قدامك وبعدك صغيرة

لااااااااااااااااااتظلمي نفسك

شكرااا على المرور

بس ها مب تمثيل

شكرا كلكم

وتحياتي لكم ......^_^ ذ


ودمتم في حفظ الرحمان

حبيبتى خبرى امك وهى ادرى بمصلحتك

شكرا أختي وتسلمين والله على ردج

عزيزتي ..
الحُب أطهَر شي بالوجود
أنقَى إحساس ممكن الإنسان يعيشه
إنتِ شوفي حالك معاه
صحيح تحبينه وعلى حد قولك انه يحبّك
بس ما زلتِ بداخلك خايفة !!

الخَوف مصدرهـ إحساسك بأنّ في شي خطأ
في شئ في غير مكانه
..

تدرينـ
أشعر بإحساسك
لكن
" ليس كل ما يتمناه المرء يدركه :) "

:

إتركي له صورَة طيبة عنّك
صورَة ولو مضت السنين ما يقدَر يخدشها
ويثق فيها
لا تتركي نفسك في موضع شك أبداً
لا من الانسان اللي تحبينه
ولا من أهلك
"

وإذا بجَد تحبينه
خلّي صورتك نقيّة في باله
ما يجي لها أي تشويش
لأن لو فرضنا إنه تقدّم لك
وخطبك ( ترجع ذاكرته لأيّام مضت )
لكن لو منعتيه الحين
بتكونين المستفيدة
منها تختبرين نيّته
ومنها ترتاحين بدل دوامة الخوف :)

"

إنتبهي عزيزتي لأن النّدم
شوكة تؤلمنا !

شكرااااااااااااااااااااااااااااااااااااااااا!!!على الردود !!!!!!!!!!!!!1



تسلمون ,,,,,,,,,,,,,,,,,,,,,,,,,,,,,,,,,,,,,,,

هلا اختي ..... شحالج ؟؟

انا نصيحتي لج ان تفكرين صح .. لان لو هو صح يباج جان يى يخطبج حتى لو كان يدرس وبعد ما تخلصون دراسه ان شاء الله بتعرسون ... والاحسن انج تصارحين امج عشان ما طيحين من عينها ...

والله يوفقج ...