تواجد الزوج في غرفة الولادة اثناء المخاض

انا من ناحيتي لازم يدخل معايا اجباري ومره سألته زمان وقالي

مستحيل اتركك بلحظه مثل هاذي <<<<حنون ماشالله عليه..

بس في بنات قالوا انه مستحيل انه يشوفني وانا بهالحاله المقرفه

وانا مابأيدههم بهالنقطه يعني بوقت ثاني بدهم يشوفونا بكامل انوثتنا وبوقت الالم يتركونااا ليييش هالانانيه

من ناحيتي مستحيل مايكون زوجي حبيبي معااااي

الله يخلي لكم ازواجكم وتسلمون على هالآراء الطيبة

لا افضل زوجي معاي من ورده مفتحه الى ورده ذبلانه الله يوفق لما يحب ويرضا
مع الف سلامه

احلى شي الزوج يدخل مع زوجته لحظة الولاده,,,
هالشيء احسه يقوي العلاقات وينمي الحب
انا و حبيبي زوجي متفقين انه يدخل معي ما يخليني لحالي...مع اني لسه ما حملت انا ببلد وهو ببلد..
بس بعلم النفس اثبتوا ان المرأه الي تولد ويكون زوجها مرافقها تولد بآلام أقل بكثير عن الي تكون لحالها..
وبعدين انا عندي اني لازم اضل شاده على ايديه ما اخليه يناظر للي بيصير تحت بس اني اشوفه لحظتها ونكون مع بعض..نشوف ولدنا انا وياه مع بعض..
بتوقع هالشي بيخلي العلاقه الزوجيه جميله جداً.

انا اجوف مهم وجود الزوج مع زوجته .عشان يحس بتعبها .. بس مب لوقت الولاده يعني في البدايه يكون وياها و عقب يطلع ما يتم يجوف ...


و هذا يعتمد على حسب طبيعه الزوج في ازواج ما يتحملون يجوفون زوجاتهم في ها الحاله من التعب مب عشان اتلوع جبدهم لا ..

الله يسهل علينا وعى الجميع .. و تقومون بالسلامه ..


تحياتي ..

انا ما اؤيد ان اي احد يدخل .. وانا الحمدلله في المرتين زوجي ما دخل معاي ،، دخل علي وشافني اتألم وكنت اشوف الدموع بعينه وكان يقول لي انا بطلع ما اقدر اشوفج تتألمين وتبكين كذا ههههههههههههه
طبعا هالكلام في الولاده الاولى .. وكان وهو معاي كل ما حسيت بالطلق صرخت ومسكت يده بالقوووووووووووووة وبعدين لما الدكتورة كانت بتفحص علي قالت له ينتظر برا وبعدين قالت له قربت تولد قام وشرد عني هههههههههههههههههه وطلع برا وقعد يقرا قرآن وانا ولدت بعدها بساعه وبعد ما خلصت الولاده وطلعوني له باسني على جبهتي وقال لي حمد لله على السلامه يأم حسين " وكانت اول مرة يقول لي فيها ام حسين واعتبرها احلى كلمه في وقتها "


اما في الولاده الثانية من وانا حامل قال لي ما راح ادخل عليج وقت الطلق ههههههههههههههههههههههههه وفعلا سواها ولا دخل بس ردة فعله بعد الولاده كانت مشابهة للمرة الاولى ..

انا ما اؤيد يكووون معاي بالغررررررفة
مستحيل اخليه يشووفني وانا بذيك الحالة
من بكي وصراخ واصلااا موووب
اخذ راحتي واناا اصارخ وابكي

ممكن وقت الطلق اووكي
بس اذا قربت الولادة يشرف برى
ينتظرنا انا وولده

الصراحه أنا ولادتي الأولانيه كان ريلي معاي طول الوقت ماخلاني على حظي أمي ماكانت موجودة ولا أمه أنا وهو بروحنا في المستشفى المهم وكان معاي من أول مادخلت غرفة الولادة لين ماودوني غرفتي ماخلاني ولالحظة ماهان عليه يخليني وانا بهالحاله بروحي فديت روحه انا اشوف ان يكون موجود معاج أحسن عشان يحس ويشوف اشكثر تعبتي في هاليوم ويقدرج الصراحه تكبرين في عينهم أكثر ويحسون فيج أكثر عن تجربتي وهالمره ما أدري إذا بيكون موجود معاي أولا لأنه مسافر ويحفظه يرده ربي لي بالسلامه انشالله أنا ألحين بشهري الأخير وهو روحه مايعرف متى بيرد الله يسهل علي وعليكم ويولدنا بالسلامه..

لااااااااااااااااااااااااااااااا بيصيده هبوط ويغمى عليه
انا كنت مع بنتي يخيطونلها جرح بسيط قالولي ماتستحملين تشوفين قلت لا استحمل بس عشان ماتخرع البنت مسكينه بروحها
وصج بغيت اطيح صادتني دوخه وهبوط مره وحدة برد جسمي قمت سحبت كرسي وقعدت
وصارت مع واحد من هلي كان مع ولده وهم يخيطونه طاح الابو وقامو ينعشونه ويعالجون الولد يعني بدل المريض اثنين
مانصح اي ريال يدخل غرفة ولاده اوخياطة او اي شي . لين ولدت بالسلامه يقدر يشوفة وهو نظيف .

الله يعين كل وحدة وقت ولدتها رايها راح يختلف ههههههههههههههههه