مشكلتين مو عارفة احلهم

هلا بالغالية ام شجاع .. شخبارها نجودة ؟

حبيبتي المشكلة الثانية ، ظلي فترة طويلة تربتين على ظهرها ، واجهت هالمشكلة مع ولدي .. كنت أظل بالثلث الساعة بدون مبالغة اربت على ظهره و ما يتجشأ ، لحظات ايأس لكن اصبر شوي و يتجشأ ، و الايام اللي بعدها صار بسرعة !

انتي اصبري و ان شاء الله بيصير اوكي ..

السلام عليكم ورحمة الله وبركاته..
الف الحمد الله على السلامة بالنسبة للمشكلة الاولى .. اشربي نبته السوسن وهذي مجربة تحصلينها عند المنتوجات الشامية بمنطقة جدحفص مقابل مجمع الهاشمي هو عنده كل شئ طبيعي وانا عن نفسي استخدمها.. وايد زينه وسعرها بسيط 2دينار او 3دينار مب متذكره بس في الحدود .. وربي يحفظ ولدش ويخليه ..واي سؤال انا حاضرة

هلا بأم شجاع

شخبارش وشخبار نجد

وحشتينا خيو

سمعي حبيبتي
ارضعي بتش وبيدر الحليب بالأضافة عطيها صناعي لوما تحسينها تشبع والسخونة عادي جان رضعتينها لأن اني يوم كنت في النفاس صادتني سخونة من التهاب الابوال وقالت الدكتورة رضعيه عادي مع اني ترقدت عندهم بالمستشفى وكنت ارضعه وخصوصاً أول الايام ما في حليب لكن مع الرضاعة يدر الحليب واكلي عدل واشربي سوائل واجد

ولما تحطين بتش على صدرش أرئي سورة الحمد 7 مرات والمعوذات

وان شاء الله بترضع منش طبيعي

وبالنسبة للتجشي امسحي على ظهرها وضربي عليه بأقوى مو بخفة كلش وبتتجشا ان شاء الله

وحبي الكتكونة عني

واي شي احنا حاضرين لش خيو

الحمد لله على سلامتش ام شجاع

بس تشربين الحلبة يدر اليش الحليب واجد

و بعد الرضعة الطفل اذا نام ما بيجشاء اني كنت اخليها على ارجولي 5 دقايق ام اقل بس ارفعها كانت تجشاء و بعدين اخليها على فراشها

السلام عليكم ورحمة الله وبركاته

المشكلة الاولى حبيبتي ... لازم تخلينها تشفط منج حتى لو ما يطلع لها شي في البدايه بس مع الشفط بيطلع الحليب

وحاولي تاكلين وايييييييييييييد لان التغذية لها دور بعد



وبالنسبة للمشكلة الثانية انا بعد كنت اعاني منها
فكنت اربت على ظهره وابطحه بعدين اشيله مرة ثانية واربت على ظهره مرة ثانية ويشتده ...

لا تخافين حبيبتي ... كل المشاكل هذي في البداية نحسها مشكلة عظيمة لو كانت بسيطة هههههه بس ان شاء الله بتتعودين على التربية

الحمد لله على سلامتج وسلامة المولودة والله يحفظها لج

في أمان الله

هلا بالغاليه أم شجاع إشتقنالج يالغاليه

وأخيرا صرتي ضمن قسمنا قسم التربيه (( حياج ببيتج وبيت نجوده ))


المشكله الاولى والله عورت قلبي نجوده والله يسهلها عليكم واتبعي نصايح البنوتات

بس الاهم أنج ما تيأسين وأذكري ربج بكل وقت وحطي ببالج انها راح ترضع منج بالقريب

واتمنى يرد لج الحليب ويدر أن شاء الله


المشكله الثانيه اذا الطفل طول وماتجشا عادي ردي سدحيها على اريولج كم دقيقه ومن

ثم كرري عمليه تجشأها وراح تظهر لج الغازات المحبوسه


إن شاء الله قدرت اوصل لج المعلومه عن التجشأ

وحيالله أم نجوووده

المشكله الاولى..

اول شي عن الحليب كل اشياء ادر الحليب مثل الحلبه وكثري من السوائل قد ما تقدرين..
وثاني شي سوي مساج لصدرج وهاتي كمادات دافيه وحطيهم على صدرج وان شاء الله يدر الحليب..


المشكله الثانيه

عادي انا يمكن سااعه كامله ولدي ما يتجشأ بس في طريقه ان بعد ما تشربينه حليب ترفعينه فووق اشويه وتمسحين على ظهرة وبعدين ردي نيميه على بطنه بس يكون على ريلج وتاكدي انه بطنه يالامس فخذج فهمتي يعني وضعيه اشويه اتكون رجله متدليه تحت ...ومسحي على ظهره وبعدين ردي ارفعيه مره ثانيه وباهاي الطريقه يتشجأ الطفل

هلا والله ام شجاع مشكلتج نفس مشكلتي بضبط والله امس قعدت اصيح لانه ما فيني الحليب الكافي عشان يشرب البيبي ومتعود على الصناعي

والله ما عرف شنو اسوي صايدني اكتئااااااااااااااااااااااااااااب حاد من هالموضوع

اهلين ام شجاع كيفك وعالبركه النونا الحلوه الله يحفظها لك
مشكلتك الثانيه عاااااااااادي مو لازو يتجشاء ويطلع صوت
اهم شي اربتي عليه شوي بعد الحليب وكفايه

انا كنت مثلك كنت اخذ بالنص ساعه وانا اربت عليه خخخخ
بس قالتلي الدكتوره لالالا اهم شي اربتي عليه شوي بعد الحليب وكفايه

الحمد لله على سلامتج ام شجاع ومبرو ك عليكم الصغنونة...
بالتسبة للتجشأ، قريت في منتدى أجنبي عن طريقة وجربتها ونفعت مع ولدي... بعد الرضاعة وانتي تربتين على ظهرها أطلعي الدرج وانزلي مرة أو مرتين تتجشأ على طول ان شاء الله :smile:

الله يكون في عونش انا عكسج ولدي رضع مني شهر كامل والحليب ماشاء الله عندي كان كافي ومايبي الصناعي فجاه انقلب الحال وصار مايبي الا الصناعي للحين قلبي معورني مااحس اني ام لانه مايرضع مني
لاتغلطين الغلطه هذي مثلي وحاولي مع بنتش ومع الوقت بيدر الحليب اصبري
توها صغيره وماتحتاج كميات حليب كبيره اقل شي بيشبعها حاولي كلما تجمع الحليب اشفطيه كله لاتخلين ولا قطره ويوم ثاني بيجيش حليب دبل حرميها من الصناعي ولاتخافين اذا جاعت بتشرب من عندش بس اذا شبعانه مابتقبل صدرش


اما عن التجشي اسوي طريقة عروس البحر ويتجشا ولدي لانه لما كان عمره ايام متل بنتج ماكان يتجشا بسهوله

عروس الموج;4761064:
المشكله الاولى..

اول شي عن الحليب كل اشياء ادر الحليب مثل الحلبه وكثري من السوائل قد ما تقدرين..
وثاني شي سوي مساج لصدرج وهاتي كمادات دافيه وحطيهم على صدرج وان شاء الله يدر الحليب..


المشكله الثانيه

عادي انا يمكن سااعه كامله ولدي ما يتجشأ بس في طريقه ان بعد ما تشربينه حليب ترفعينه فووق اشويه وتمسحين على ظهرة وبعدين ردي نيميه على بطنه بس يكون على ريلج وتاكدي انه بطنه يالامس فخذج فهمتي يعني وضعيه اشويه اتكون رجله متدليه تحت ...ومسحي على ظهره وبعدين ردي ارفعيه مره ثانيه وباهاي الطريقه يتشجأ الطفل

هلا اخت ام شجاع الحمد لله على سلامتك وسلامة البيبي
اخت ام شجاع المشكلة الاولى:
حتى لو الحليب تعتقدين انه قليل لازم تخلين البيبي يشرب عشان يجيش الحليب كلما رضعت اكثر كلما جاش اكثر وترى الياهل حتى لو عودتيها على الحليب الصناعي بترضى تشرب من صدرش اذا حاولتي وياها بس خلك بروحك معاها
انا زنوب ماكانت تشرب من عندي لين الشهر تقريبا بس كنت يوميا احاول معاها كانت تذبح نفسها من الصريخ ولا رحمة من صوبي اقول ليها تشربين يعني تشربين لين رضخت لي وصارت تشرب ولله الحمد
شوفي اذا هي عطشانة وايد عطيها المرضعة بس شوي وعطيها من صدرك راح تشرب انا اخلي المرضعة صوبي كل شوي احطها في بوزها واشيلها واعطيها صدري
المشكلة الثانية : التجشؤ هم زنوب كانا انام انا وابوها وهي مب راضية تتجشأ لين عرفت ليها اخذها وخليها في وضعية الجلوس مثل الياهل الكبير كانها قاعدة واربت على ظهرها وتتجشا جربي هي الطريقة ونفس ماقالو البنات لا تشيلنها مباشرة من بعد الرضعة وتجشينها خليها لين شوي وبعدين ارفعيها بتشوفين انه تتجشئ بروحها

تسلمون والله يا امهات

راح اجرب الطرق اللي قلتوها وان شاء الله تفيد

ما قصروا البنات... ما شاء الله يا ام نجد ( شجاع ) كل هذي شعبية :D

حمدلله على سلامتج.. وبخصوص التجشؤ... السبب هو ان الغازات تكون بعد انتهاء الرضعة على هيئة فقاقيع صغيرة منتشرة... لكن بعد مدة تصبح كلها فقاعة واحدة كبيرة باعلى المعدة... يعني اذا ماتجشأت بعد الرضعة... تركيها دقيقتين او ثلاث نايمة ... وردي حاولي <<< عز الله طارت نومتها :)

حلوة منج جمانة " كل هذي شعبية"

وقشنكوو ان شاء الله لقيتي لج حل مع الرضاعة