كيف تجعلين زوجك يقلع عن التدخين

:( اللي تلقى الحل تخبرنا

و انـــــا معكم اللي عندها حل تفيدنـا

هلا أخواتي

مافيه غير الدعاء

نعم الدعاء بظهر الغيب لهمـ

وبأذن الله يتغير حالهم
^.^

اللى تعرف حاجة تقول عليها ارجوكم

السلام عليكم

انا مو متزوجه بس بابا يدخن
وفي طريقة فكرت فيها وقاعده افكر اني اسويها شرايكم تسونها معي ^_^

طبعا انا مافي شي ماجربته مع بابا بس مافاد معي يقطعه اسبوع ويتركه

بس اللي فكرت فيه هو اني ادور موقع من المواقع اللي نقدر نرسل منها رسايل جوال مجانا
وارسل فيها للبابا واقوله مايلي

تعبان .. نفسيتك تعبانه ...
على اقل مجهود تتعب
ماتقدر تلعب مع عيالك وتركض معهم
عندك عيال صغار تتمنى تشوفهم اذا كبروا وتخرجوا من مدارسهم
عندك بنات ماتبي تتنتظر الين ماتشوف كل وحده في بيت زوجها
طيب ماتبي تشوف احفادهم
تلاعبهم وتحازيهم وتقول لهم احلى القصص اللي انت عشتها

اترك التدخين وشوف شلون بتتمدد حياتك وبتعيش مع عيالك كل لحظه بلحظه

يمكن الكلام اللي كتبته الحين مو مؤثر بس بحاول انه يمس قلب ابوي قدر الأمكان
بس بشرط تكون الرساله من مصدر مجهول يعني ماتكتبين اسمك ولا شي


مرياام

والله انا قاعده احاول اخلي زوجي يقطع التدخين مع انه مو مدمن يعني في الشهر مره او كل شهرين احيانا يشيش ومالي غير الله ادعي واحاول معاه اذا حصلتو حل خبروني..


الف شكر اختي ع موضوعج رائع


تقبلي مروري
الحب الكبير

السلام عليكم ورحمة الله وبركاته
الصراحه الكل يعاني من هالمشكله:(
وانا بعد تعبت مع ابوي
الطريقه الوحيده طريقتج بإقناعه للاقلاع عن التدخين
يعني انا دايما اقول لأبوي اكلمه بس باسلوب اخليه يقتنع
( انت ماتبي تحس بطعم الاكل ترى التدخين يخليك ماتشعر بلذة الاكل - ماتبي شفايفك تكون ورديه - مو بخاطرك يروح الصفار الي باسنانك واظافرك وترجع نظاره وجهك - انت تضر نفسك وتضرنه معاك - وبعدين يوم تكون معصب لاتفكر انك ادخن انت اقوه من هذي لحبه الي تمسكها لازم تكون عندك اراده انك تخليها - الزقاير تسبب 17 مرض سرطاني غير الامراض المعروفه وغير انها تضيعه للوقت والنفس والمال وتنقص من عمر الانسان كل حبه ماتذكر يمكن 10 ثواني ) ترى هذا الكلام دايما اقوله لابوي وكل المعلومات مو من عندي من مصادر موثوقه
وانا وديت ابوي لطبيب يسوي له ليزر للتدخين والحمدلله ترك التدخين ووايد اهو كان مستانس وتغيرت حياته
يعني ماقام يعصب ويحس بطعم الاكل وكل شي وقام يسوي رياضضه حتى ينقي صدره من التدخين
وفجأه بعد مرور 3 اسابيع رجع والسبب يعود للمكان الي قاعد فيه اصدقائه كلهم يدخنون واانا احاول معاه مره ثانيه
وانا خليت 4 من اهلنا يقطعون التدخين والفال لأبوي ولكم يارب ...

ادري تكلمت وايد بس حبيت افيدكم بتجربتي الي نجحت وفشلت بنفس الوقت:(

تحياتي لكم

خيو يعني في ليزر للتدخين ...!!

توني اسمع وربي

بس نفس الشي ابوي ساكن بعدي في الشغل ومع اصحابه واصحابه كلهم يدخنون يعني مافي فايدة :(

ياريت بس يومي قبل يوم ابوي

انا اخوي كان يذخن بس ماكان مدمن على الدخان بقووووه

اني كل مره اشوفه اعطيه نصائح بس مايفيد معه في النهايه صرت اسرق الباكيت ومانفع
والطريقه الوحيده اي خلته يترك التدخين
صرت اذا اشوفه يدخن اجلس معه واقول له ابغي ادخن معك..هو يعصب
بس اقول له مثل ماتبي تدمر حياتك انا بعد حره وبدمر حياتي..
وساعات توصل الى اني اوريه كيف انا ادخن وهو يعصب ويطفي الدخاااااان
لين بالنهايه اقتنع ..وصار مايدخن لا في البيت ولا خارج البيت <<< هو ماكان يدخن واجد يعني تدخينه قليل بس الطريقه هذي هي الي نفعت معه..
والله يهديه ويهدي ازواجكم :)يارب ويتركو التدخين

قريت في احد المنتديات طريقه حلوه والله اعلم مفيده
يغلى كأس من الحليب وكاس من الماء بعد ذلك يخلط الحليب بالماء ويستنشق المدخن البخار لمدة عشر دقائق حتى عشر أيام يقول كاتب الموضوع سيخرج من رئة المدخن الوان عجيبه من البلغم (اعزكم الله )
وسيكره المدخن بعد ذلك طعم الدخان
منقول للإفاده

بصراحة ترك التدخين مايجي الا بالاقتناع الداخلي من الشخص المدخن نفسه وكلامي هذا عن تجربة صارت لي
كان اخو الله يحفظه لي مدخن من الدرجة الأولى وابوي بعد000

وبعد فترة أخوي اقلع عن التدخين فجأة بس كان بإرادته وغير الوسط اللي كان فيه ((أصحابه المدخنين)) وبدلهم بناس ثانيين غير مدخنين وبصراحة كان في البداية مايقعد معانا عشان ابوي كان يدخن وخاف يأثر عليه بس الحين الحمدلله الله يثبته ويهدي أبوي ان شاءالله0000

طولت عليكم بس حبيت افيدكم باللي عندي


تــــــــــــــــــــــــــــــحياتي

انا زوجى مدخن وحاولت مافى شي جاب نتيجة بس حسيت انه حاله نفسية يعانى خلاص تعود يسالى نفسه بدخان فامرة جبت له فص فص ولاحظت انه قلل الدخان وكمان جبت له لبنان مستكه وكمان قلل لكن ماترك والله يعين كل واحدة زوجها يدخن

حتى انا اتصدقوون ريلي يدخن..


ومافي طريقه ما جربته حتى لدرجه يوم جبت البيبي كتبت بطاقه حلووه من طرف ولدي ويا هديه بس مااااافي فاديه لا حياته لمن تونادي

ههههه

انا صدق حالتي تقهر...انا كنت مستحيل اتزوج مدخن لاني اكره الدخان كره العمى...فيوم كنا مخطوبين ريلي ترك الدخان لانه اصلا كان ناوي من نفسه يترك...وتخيلوا تركه لاكثر من سنه و نص...وعقب رد له :( والله قهر...يعني عنده الاراده يتركه ليش رد...طبعا يوم رد كان بالدس من غير ما ادري...لين ما انكشف في يوم اخوه فضحه ما كان يدري انه داس عني...وصدق عصبت علييييه...وهالكلام من سنتين تقريبا..طبعا هو ما يدخن جدامي ابدا..يدخن في حمام في البيت بعيد عن حجرتي...بس واحنا مسافرين طبعا انكون 24 ساعه ويا بعض فاحسه يكون متوهق يوم يبي يدخن..فقلت له ما عليه دخن جدامي...والله اني اموووووووووووت من داخلي كل مره اشوفه يدخن فيها او حتى اشم منه ريحه دخان....كانه يخونني والله...حاولت بكل الطرق..طبعا يعصب ويغير الوضوع اذا كلمته ..لإصرت مجرد ارمي نغزات..او احيانا اقوله اف ريحتك خياط هندي...او اذا كانت فيه ريحه وهو ياي ينام عدالي اصد الصوب الثاني وابين له اني مختنقه من ريحته ....ويوم ايي وهو ريحته حلوه ومب دخان اقوله الله ريحتك تعذب...ياريت دوم ريحتك جيه حلوه..يعصب يقوللي ليش قصدج انا خايس...اقوله لا حبيبي بس يوم ريحتك جكاره اختنق ....فصار ينتبه انه ما ينام الا وريحته مب سجاير...اف والله ماادري شسوي وياه..وادري هذا كله من المحيطين فيه حسبي الله عاللي رده للدخان...كل ربعه يدوخون ...ويوم ترك كانوا يطنزون و يحاولون يردونه يدوخ لين ما رد :( الحين اقوله اذا تباني احمل مره ثانيه لازم يكون دمك نظيف من الدخان عالاقل 3 شهور قبل لا احمل...ماابا الياهل يتاثر لان ابوه مدخن ويطلع فيه امراض ولا شي...يقوللي انتي انوي تحملين و خبريني ...الله يهديه لي و يهدي كل الرياييل

انا بعد
ريلي يوم يجرب صوبي وريحته سجائر اقوووله ااااااااااااااااااااااااااااااع والله ريحتك اتلوع بالجبد

اخ اخ والله ما ببوسك ريحتك مب حلوه بس شوالفايده يسير يضرب برووووووووووووووووش ويتعطر ويرد هههههههههههههههههههههههههههههههههههههههههههههههههههههههههههههههههه
خله يدخن بس يويله لو لودي اتعلم على هالشي بذبحه صدقوووووني...

انا اخواني وابويه يكرهووووووووووون شي اسمه تدخين ماشاء الله

وانا ابتلشت بريل يدخن بلا من رب العالمين الحمدالله والشكر