أخو زوجي !!!

الله يعينك اختي ,,والحل بيدين زوجك..هو اللي يقدر ينهي الموضوع..

بس خوفك انه من الرجال اللي شخصيتهم صفر عند اهلهم <<<آآآآآآآسفه على هالكلمه بس زوج اختي كذا..

يعني ناقشي الموضوع مع زوجك..وان وضعك كن عندك شريكه..وهالشي مو عاجبك..؟؟

والله يسهل امرك ويفرج عنك..

بصراحة الله يعينج عليه وحاولي تتفاهمين مع زوجج وتفهميه انج متضايقة واقنعيه ان يقنع امه ويزوجونه

الله يصلح الحال ان شاء الله

اسمحيلي الغلط من زوجك

وشو يعني نشبة السالفة

كلمي زوجك بس بهدوء يكلم اخوه يمكن منحرج من اخوه ومستحي يكلمه وغصب عنه يضطر يقوله تخيلي وحده تجي تحقق معاك كل يوم مرات ما تقدرين تصرفينها

مافي غير تزوجونه أو تخلي زوجك يكلمه وبدون مشاكل علشان لا تطلعك امهم غلطانه والا تبين تفرقين الاخوان

تصدقين هاذا ماله الى الزواج ثم الزوج ثم الزوج

اصبري عليه كم سنه ومصيره يتزوج وتفتكون منه................

انا من رايي
اوقات استقبلوه عادي
واوقات طنشوه مثلاً زوجك لا يرد على التلفون
واذا دق الباب لا تفتحو قولو كنتو نايمين

بل بل بل بل الصراحه في ناس جذيه"الله ايعينج اختـــــــي وايهون عليج مصيبتج لانه صج اللي انتي فيه هذا مصيبه "أنـــا اخبر ان الناس يشتكون من الحموات او من ام الزوج هالدور من الاخو بعد لاحول ولاقوة الا بالله العلي العظيم"بصراحه كلمي زوجج وقولي له انج مو ماخذه راحتج ولاتقدرين تلبسين شي حقه يعني قولي له انا ابي اخذ راحتي وياك ابي البس قصير ابي العب مع ولدي ابي اروح مطبخي على راحتي ومب عدله اللي قاعد ايسوييه اخوك اذا شفتي ماطاوعج او ماصار تغيير الصراحه كلمي احد من اخوانج ايكلم زووجج وايشوف له حل مع هالمصيبه الكبيره بصراحه صج غثه ولوعه"

انا لو منج اشيل الدنيا واقعدها على ريلي ... ها اللي قاصر بعد ... قلت حيا وادب ... قوليله يا خي هب حاله هذي انته واخوك .. عنبو لزقه .. وكوني معصبه حيل خل يفهم ان اللي يسويه غلط × غلط وهاي هب حاله .. عنبو الواحد حتى في بيته مب مرتاح ..


ريايل آخر زمن والله ... واذا قالج ما اباه يكون هايت بالشوارع ..... قوليله والله انا مايخصني .. انا ابك انته حقي وحق ولدك .. ويوم بيكم طينيله عيشته ..

ولا اتسوين لهم عشى .. و كوني طول الوقت معصبه واتصارخين .. على ولدج على ريلج على اي حد .. يعني معصبه وعقي كلمه ع الطاير (((حشى الواحد حتى في بيته مب مرتاح ..)))

والا كلمي اخته خل اتعقله يعني هذي حاله ما ينسكت عنها

الله يعينج

الله يعينج على هالنوعية من الناس
حاولي انج تتفاهمين مع ريلج ان يكلم اخوه بطريقة حلوة بانه يريد الاستقلالية معاج او انه يزوج ببنت الحلال

ربي يهون عليكي يارب

ريم الدماني;4737040:

.. ويوم بيكم طينيله عيشته .. ولا اتسوين لهم عشى .. و كوني طول الوقت معصبه واتصارخين .. على ولدج على ريلج على اي حد .. يعني معصبه وعقي كلمه ع الطاير (((حشى الواحد حتى في بيته مب مرتاح ..)))

حلوة يا ريم عجبتني الكلمة ع الطاير ... خخخخخخخخخخخخخخ

اما بالنسبة لمشكلتك يا اختي ... فحلها عن زوجك ... بالذوق ولا بالعافية لازم يفهم انك مستاءة من وجود اخوه الدائم بالبيت ... وانه مو مشكلتك ليش تحلينها انتي؟؟؟ اذا بالنقاش ما اتفهم اقنعيه بالاتي :

زوج الأخت أجنبي عنكِ ، والواجب عليكِ تغطية وجهكِ عنه ، وعدم الخلوة به ، وكذلك هو يحرم عليه أن ينظر إليكِ ويخلو بكِ ، وللأسف يتهاون الناس في بيوتهم مع أقارب الزوج وأقارب الزوجة ، مع أن الشرع شدَّد في جهتهم أكثر من غيرهم لوجود الخلطة في البيوت معهم ، وثقة أهل البيت بهم .
فعن عقبة بن عامر أن رسول الله صلى الله عليه وسلم قال : " إياكم والدخول على النساء ، فقال رجل من الأنصار : يا رسول الله أفرأيت الحمو ؟ قال : الحمو الموت .
رواه البخاري ( 4934 ) ومسلم ( 2172 ) .
والحمو : هو قريب الزوج .
وأنت تلاحظ أن الصحابي أراد أن يستثني قريب الزوج من الحكم فجاء التشديد من جهته ، لأن دخوله البيت لا يُستغرب .
قال النووي :
وأما قوله صلى الله عليه وسلم " الحمو الموت " فمعناه : أن الخوف منه أكثر من غيره , والشر يتوقع منه , والفتنة أكثر لتمكنه من الوصول إلى المرأة والخلوة من غير أن ينكر عليه , بخلاف الأجنبي ، والمراد بالحمو هنا أقارب الزوج غير آبائه وأبنائه ، فأما الآباء والأبناء فمحارم لزوجته تجوز لهم الخلوة بها , ولا يوصفون بالموت , وإنما المراد الأخ , وابن الأخ , والعم , وابنه , ونحوهم ممن ليس بمحرم ، وعادة الناس المساهلة فيه , ويخلو بامرأة أخيه , فهذا هو الموت , وهو أولى بالمنع من الأجنبي لما ذكرناه ، فهذا الذي ذكرته هو صواب معنى الحديث ... وقال ابن الأعرابي : هي كلمة تقولها العرب , كما يقال : الأسد الموت , أي لقاؤه مثل الموت ، وقال القاضي : معناه الخلوة بالأحماء مؤدية إلى الفتنة والهلاك في الدين , فجعله كهلاك الموت , فورد الكلام مورد التغليظ .
" شرح مسلم " ( 14 / 154 ) .

الله يكون بعونك ويفرج لك

الله يعينج اختي .....

بس فهمي زوجج اكثر وحسسيه انك متضايجه ...

وبالتوفيق يا رب

اختي العزيزة اقدر موقفك بانه لصقة وطينها بالاخلاق راعي بنات يعني


انتي قولي لزوجك ترى الحمو الموت تعاليلة من طريق الدين وهذا الصحيح ومن كلامك ان هذولا مالهم احد غير بعض


يعني مراح يختلفون على شي متعلقين ببعض

اذا جاكم اطلعي انتي ولدك من البيت الين مازوجك يطفش ويعرف السبب

ياقلبي والله معناة
شوفي عندي لك طريقه مررررررره رائعه وبس بشرط انك تكوني محسنة الظن وبأستمرار

اكثري من الاستغفار

ام اعقوص;4732767:
حبوبه خلني اكون معاج صريحة
خلي وجهك لوح قولي في وجه أخو ريلج انت عظم واقف على بلعومي خلي كلامج قدام ريلج وقولي حق اخو ريلج أنا مش حرمتك ولا أختك ولا انت حلالي يعني بلعربي روح بيتكم أنا حره في بيتي وأبا أخذ راحتي في بيتي هذا مش فندق ولا شقة مفروشة افهم والحرمة لها بيتها وبلقانون الريال يظهر بيت غصب عن اهله حق الحرمه الحالها مش حق اهل الريال ولا حق اخوه عيب اذا تعرف العيب وذا قال بيت اخوي وعلى كيفي قولي حقه ريلي عصب عنه مسؤل عني وعن اعيالي مش عنك ولا عن اهله واذا انت شاك في كلامي انسير المحاكم ونشوف شو بيقولون ولا عليه من امك ولا اهلك هذا حقي عند الله والقانون يافهيم

السلام عليكم ورحمة الله وبركاته اختى انا اسفة انا مش من رايك حبيبتى بلاش الاسلوب ده معاه لانه ممكن يعاند اكثر او يحدث مشاكل انتى فى غنى عنها الحل انه يتزوج ممكن لو ليكى صديقى مش متزوجة وحلوة قولى له عليها انه يتقدم لها ولو مش مستعد الان للزواج ممن يعقدوا بس الان ده حل وحل اخر انك تذكرى زوجك بحديث الرسول صلى الله عليه وسلم ( الحمو الموت ) وسمعيه شرايط للشيوخ الذين يتحدثوا فى هذا الموضوع ولو اردتى اسم الشرايط ابعثيلى على الخاص وشئ اخر ادعوا لهذا الانسان ان يتوب الله عليه ولو ممكن تعطى لزوجك سرايط اسلاميه يعطيها له وتتحدث ايضا عن الحياء وعن اخلاق الرسول يكون افضل واسفة على الاطالة وجزاكى الله خيرا

والله امر غريب هذا ما يشتغل والله ماعنده ربع يروح لهم
الله يعينج انشاء تفتكين منه قرييييييييب لانه انتي لاازم بتفتكيين بس متى ما يندره
بس لاازم زوجج هو اللي ينهي الموضوع لانه اخووه
وتحيااتي

[GRADE="00008B FF6347 008000 00008B"]والله ياختي مالك الا صبر انا والله مثلك بس الفرق انه ساكن معي ولازم اذا بطلع من غرفتي غطاي علي شوفي الحكره واذاقلت لزوجي خليه يطلع هو وحرمته في بيت لهم يقول تبيني اطرد خوي صغير مالي الا هو وليته بس كذا مسوي بعد مشاكل ومخلي جو البيت كأيب من كثر مشاكله هو وزوجته الله يعين بس ويعطينا صبر بعض الاحيانا افكر بطلاق وارتاح من وجه بس اقول زوجي طيب معي وعيالي بعد مالهم ذنب[/GRADE]

الله يعينك حبيبتي


مالي الا ادعيلك يالغلا

تحياتي لك,,

السلا م ورحمة الله وبركاته


اختي الغاليه

شوفي أنا بسألك سؤال واحد اختي اخو زوجك انتي تومنين عليه يوم انتي معهم في البيت من ثلاث سنين

هذا سؤالي لك

واذا جوبتيني اقدر قول حال المشكله ان شاء الله


أختك/راعــــ يـــــ تـــــ هـــا