زوجي السابق بعد 6سنوات من الطلاق جاي يبي يرجعني

حبيبتي اول شي استخري الله وبعدين فكري هو اصلا ليش طلقك وليش يبي يرجعك بعد كل هذه المدة واسالي واستشيري اهلك وان شاء الله خير

The MoOoOoN;4728815:






كلام الاخت ندايم صحيح وانا معاها

وغير كذا قلتي وحده وصلتلك الكلام وانه بيطلقها !!!!!
طيب وينه ماجا دق الباب ...... انتي انتظري حتى يجي ويتكلم بالموضوع وبعدين افهمو منه هو ليش بيطلق زوجته ومهم يكون سبب مقنع لانه بحكم انه مانساكي واتزوج بنت الناس وعاش معاها 4 سنوات والحين قرر يتركها عشان يرجع للأنسانه الي هو تركها قبل 6 سنوات من دون ما يعطي اي اهتمام بالثانيه ولا في سبب مقنع .......
معناها انه انسان مستهتر ولا يفكر غير بنفسه ولا يستحق انك ترجعيله

طبعا هذه وجهة نظري لكن انتي اعلم بالأمور بشكل ادق واعلم بسبب طلاقكم بالأول

وغير هذا كله لاااااااااااااااازم تستخيري وتسألي اهل العلم بموضوع رجوعك له

كلام صحيح والله

,والله يا اختي ما ادري شو اقولج بس 6 سنوات مب شويه يعني وايد
ما سالتي نفسج ليش ما سال عنج طول ها المده
ثاني شيء ما يستوي ترجيعن له لانه طلقج طلقة بائنه ولازم تتزوجين مرة ثانيه وتطلقين وبعدين ترجعين لزوجج
ما لي غير اقولج استخيري

حبيبتي ندى الطلقة الوحده يقدر يتزوجها بمهر جديد وعقد جديد مب لازم يتزوجها غيره إلا إن كان طلقها 3 مرات

قال الرسول الكريم ( أجرأكم على الفتيا أجرأكم على النار، ) لاتفتون بغير علم الله يهديكم

اختي ما نعرف تفاصيل حالتج لان فعلا مثل ما قالت ندى اذا كان طلاقكم من ست سنين وما راجعج في العده فالطلاق صار بائن

ما تحلين له الا بزواجج من ثاني وطلاقج او وفاته


لو تفسرين لنا هالنقطه لانها مخليه الموضوع معلق

اولا استخيري ثانيا انتي ادر اقعد مع نفسك وشوفي مميزاتة وعيوبة وهل يستحق الرجوع الية واذا كان مو راعي خرابيط ارجعي لة طبعا بعد الاستخارة اولا

الصراحة انا مع راي اختي خطيرة استخيري ولو مايحبج مارجع لج ومافي ريال بالدنيا يتم يتذكر وحدة ست سنين الصراحة احس انه يبيج ..... والله يوفقج ويريح بالج ....

صراحه موضوع يحير...بس فكري بعقلج مش بقلبج و حطي في بالج أن الزواج مش مثل ما ينشاف في الأفلام وينقرا في الروايات..و المثل يقول كل ممنوع مرغوب..يعني بعدتي عنه فطابت نفسه لج بس ما تعرفين إذا هذا الشيء راح يدوم ولا بس نزوه..أنت أدرى بيه و بشخصيته فممكن تحددين هذا الشيء بس لا تكونين عاطفيه وايد ويقولون (المرء لا يلدغ في جحره مرتين)...الله يوفجك

انا مع ندايم كلامها مضبوط
ليش طلقك و هل اسباب الطلاق راحت؟
لو راجع علشان الانجاب فقط هل زوجته لا تنجب؟؟؟؟؟؟؟؟؟؟؟؟
كل هذه اسئلة يجب ان تردي عليها و استخيري
و طمنينا عليكي - وفقكي الله

مشكورات جميعا
وسبب الطلاق لو اقوله لكم راح تضحكون سبب تافه البنت اول ما تتزوج تكون خجوله وهادئه وهو كان يبيني من اول ما دخلت اكون جريئه وانا هذا مو من طبعي وهو ما اتحمل وصار الطلاق والحين راجع ويقول ندمان على انه تسرع في الطلاق ويقول ان الله مو موفقنه في حياته لانه ظلمني

والطلاق صار طلقه وحده مب 3 طلقات

وبصراحه مادري هل سبب عدم الانجاب منه لو منها

واذا صار في الموضوع تطورات راح اخبركم ان شاء الله

والله انا متحيره وايد

لازم تتأكدين عن الانجاب

ممكن ما انجب من الثانيه بسبب مشاكل صحيه

والخوف اذا صارت المشكله عنده !! معناته مارجع من فراغ

وسبب الطلاق جداً سخيف هذا دليل انه متسرع

فكري زين طلقك اول مره بعدين بيطلق الثانيه والله اعلم وش بيسوي معك بعدين !!!

حبيبتي

نصيحة اخت

شوفي سبب تأخر الانجاب واتوقع ان السبب منه

اذا كان منه لا ترجعين له كفاية انه حرمج وطلقج من 6 سنين والحين راجع

ولا تـأمني لهم وسبب الطلاق تافه جـداً

اسمحي لي بس تراه مو رجـال بمعنى الكلمة

يعني جم فترة زواجكم الي ما صبر لين تصيرين جريئة

يعني المدة كانت بسيطة لزواجكم

لانة السبب تافه صراحة والبنت يبي لها وقت وما صبر يعني جم مدة زواجكم؟؟

السلام عليكم...

اتصلت لي اخته الليله تقول انه نادم وانه شارني ويبيني ومستعد ان يلبي لي كل اللي ابيه

ومسالة الانجاب انا استحي اسئل مباشر بسئل بنت خالي

اول ما تزوجته كنت عايشه مع اهله الحين اخته تقول انه بيحط لي سكن لحالي

حبيبة جيمي فترة زواجنا 4 اشهر

اختي انا كتبتلك قبل والحين ارجع واقولك

زوجته الثانيه ليييييش بيطلقها (سؤال لازم نحط تحته مليون خط)

لأنه بصراحه مو داخل راسي وحده يتزوجها 4 شهور بس ويطلقها ويتزوج وحده يقعد معاها 4 سنوات واخر شئ يطلقها !!!!!!!!

ويكتشف ان الي عاش معاها 4 شهور بس ......... يحبها ووده يرجعلها !!

طيب من الجهه العاطفيه ممكن نصدق لكن ايش ذنب الثانيه ؟؟؟؟؟

ومن جهه عقليه مستحييييييييييل إلا في سبب ثاني
وممكن يكون السبب الأنجاب مثلا ....... او ممكن تكون الثانيه طلبت الطلاق وحط هذا عذر انه بيطلقها عشان يرجع للأولى الي اتسرع وطلقها على سبب اقل من تافه .....

يعني الموضوع غريب نوعا ما

ومن وجهة نظري انا انه مايستاهل ترجعيله
لأنه في الحاله الأولى (الحهه العاطفيه) يدل انه ما يهتم لشعور الأخرين ومتجاهل تماما شعور الأنسانه الي عاش معاها 4 سنوات وبكذا يكون من النوع الي ينخاف منه بالمستقبل

والحالة الثانيه (الحهه العقليه ) ... اذا كان الأنجاب هو السبب وطلع المشكله فيه انا انصحك ابدا ما ترجعيله لانه حرام تضيعي عمرك وانتي لسه صغيره مع واحد ما ينجب وغير كذا باعك في يوم من الايام وممكن يبيعك بأي وقت

الله يساعدك ان شاء الله ويجيكي الي احسن منه عشان ماتنحطي بهذا الموقف الي يحير

يا ناس إرحموها

أخبرج إنتي إستخيري كل ليلة والأمور المقدرة لج واللي في صالحج بتصير خليها على الله ويا خبر النهر ده بفلوس بكرة يبقى ببلاش ولا تيلسين تحاتين

كلام اختي ندايم عين العقل

و الله يكتبلج الي فيه الخير

اذا لج الخير معاه ... الله يوفقكم مع بعض اختي .....



رووووووووووووووووووووووز