بنتي سرها يطلع صديد كيف اتصرف

حبيبتي انا ماعندي خبره لكن ساله امي
وتقول روحي العطار واطلبي شوي مره مع مباركه
واذا رجعتي البيت خذي بملعقه الشاهي مره ونصف الملعقه مباركة
وحطيهم بالنجر وحاولي انك تدقينهم الين يصيرون ناعمين مره ثم حطيهم بعلبه
طهري سر البنت وبعدين ذري عليها من الطحين اللي سويتيه
وكل ماغيرتي لها ولقيتي شي حاولي تشيلينه بشكل بسيط من دون ما تشيلين العلاج اللي عليه
وذري عليها كرري ها اعمليه الين ينشف واذا شفتي انه نشف لاتشيلين اللي عليه الا بعد كم يوم
واتمنى لها الشفاء العاجل
وادعي لامي

حاسبي لا تبليه ماي وايد وفيه بودرة معقمة من الصيدليه وايد زينة لهالشي ما أذكر شو إسمها بس إشرحي للصيدلاني الموضوع وراح يعرف ع طوووول

وبإمكانك تنظفيه بالإسبيرتو بعد

ولما تلبسينها حفاظتها حاولي الطبقة اللي فوق الحفاظ ما تلصق على سرتها يعني المسألة وما فيها تهوية المنطقة عدل ..

وسلامتها ألف سلامة يا رب

توتة العسل

الله يجزا امك كل خير يارب

بس انا ماعندي الا مرة تنفع لحالها انا في امريكا يعني مافية عطارين

وعادي احط على سرها مرة وهو في فتحة صغيرة رطبة


ام المهند

الله يجزاك خير على الافادة وفعلا انا ما اهوي المنطقة دايم ملبستهاوالفها اخاف عليها من البرد

اختي فيه بودرة خاصة بالسرة مثل ما قالت ام المهند
اول شي تمسحيها بالسبيرتو وبعدين ترشي عليها البودرة هي الخاصة نحنا بسوريا نسميها درور
وان شالله ماعليها شر

أنا مع البنت مسحيها بالأسبيرتو وبعدين حطي البودرة (معروفة لو تقولي حق الصيدلي بودرة سر الأطفال راح يعرفها).... وخلي المنطقة متهوية

الله يجزاكم خير على الافادة

انا كانت بنتي فيها نفس الشي
نظفتها بالسبيرتووو عشان التعقيم
بس طالت المسأله علي
رحت للدكتور عملها كوي خفيف للمنطقه
وصارت اوكي من ساعتها
وعطاني مضاد مرهم امسح السر فيه يوميا
والحين ولا كانه فيها شي
لا تخافين الكوي ما يألم ..

اختي

عليج بالكحول .. او المطهر

و في بودرة اسمها ( إمبي )

مال السر

وايد زينة

و تقدرين اتحطيلها الآيدين

اللي لونه احمر او بنفسجي

هم بعد زين


و ما عليها شر الحلوة


:flower:

هذا الكريم بعد وايد زين




انا كنت استخدمه حق بنتي

هلا اختي
اخذيها نصيحة مني
لا تستخدمي لا بودرة ولا مرة ولا غيره
ما راح يخف بسرعة الا بمرهم العين اذا تعرفينه اسمه Gentacin جنتاسين
آنا استفادت بنتي عليه
وما عليها شر بنتك

البنات كلهم ما قصروا ما شاء الله

اختي صار لابنها نفس الشي و جربت كل الأدويه و ما نفع

و دته للاستشاري بمستشفى خليفه فالها عادي بتسكر لحالها

حبيت بس اقول اللي اعرفه

صار لبنتي تقريبا نفس الشي فرحنا الصيدلية وشرحنا الي فيها وعطونا بودرة استخدمه مرتين في اليوم واقل من 3 ايام وصار سرها اوكي

انا ولدي انتفخ سره والتهب
ومااذكر انه قام يطلع وسخ

المهم رحت المستشفى وعطوه مرهم وصحى

لكن السر ظل طالع على برة بس صاحي ومافيه شي ولا يألمه

والحين طلع عنده فتق سري من عمره سنيتين قالو لي والحين يحتاج عملية

ولا تسكتينها عنها استخدمي مرهم عيون ووايد زين واذا ما فاد ما بيضر

اني بنتي بعد سرتها كملت شهر و ما صارت زينة كاة اتلع وسخ

رحت الدكتور عطوني كحول على الاطراف اخلي و مرهم عليها

بس ما صارت زينة و رديت رحت الدكتور جففها اليها و قال الية يومين لايصيدها ماي و بعدين صارت زينة

الله يجزاكم خير كلكم يارب

ماقصرتم

انه ولدي اذكر في الاربعين تعب سره وصار يطلع ريحه خايسه رحت الصيدليه وشريت كحول اسبري وبودره لصغيره خاصه بالسر فكنت انظفه وارش الاسبري وبعدين البودره وويوم الا هو بخير الحمدلله