قولوا لي شو أسوي

خلى ثقتك بربك اكبر من اى اى شى سبحانه ماينسى احد وهو تعالى احن علينا من امهاتنا.......ونصيبك بجيك باذن الله العلى القدير

انزين شو أسوي حتى أمي تسمعني وتدعي لي
صدقوني أنا بارة فيها بس لما تقسى علي أحس الدنيا سدوة في عيني
والله والله أحس إني مب مهمة وما عندي سوالف مهمة أتكلم عنها يوم خواتي يزورونا في البيت أكون ساكتة ومنطوية على نفسي
صدقوني حياتي مالها طعم بدون زوج يحبني ويفهمني .. أنا وايد خايفة من العنوسة
كلامكم وايد يريحني ... وأحس في حد يسمعني ....

الجوهرة;4717795:
حبيبتي عندك ألف حق في رفضك للي يدخن

والمدخن بالذات وغيره من اللي ممكن يسوون أشياء منكرة مايوقفون الا ناااااادر

ولو حتى تزوجت اختك الصغيرة قبلك

الله عنده النصيب مب الأهل ولا المعارف

واطلبي من خواتك والوالده بتذلل ودموع وانكسار انهم يوقفون معاك معنويا ويدعون لك

والله يصلح حال أمة محمد

عزيزتي الجوهرة ما فهمت كيف يوقفون معاي معنويا ؟؟؟؟؟؟؟؟؟؟

لعــل في الامر خيره

الله يرزقك الزوج الصالح عااااجـــلآ غير اجــل

alah yerza9ak bi zawj asalih inchalah lah okhti .
alah yewaf9ak we sahil omourik

كل دقيقة تمر وكأنها ساعة وكل ساعة تمر وكأنها شهر وشهر يمر وكأنه سنة
صدقوني أنا خايفة من العنوسة
أبا زوج يفهمني ......... يحبني ............. يقدرني .....لطيف ..........طيب .......عفيف ....
هل أخطأت يوم تمنيت زوج بها الصفات ... أنا ما قلت أبا واحد غني لا ............ !!!!!!!
أنا مليت من الإنتظار .............. أنا وايد تعبانة نفسيا

أختي الغالية هداك الله وعافاك لا تجزعي ولديك القرآن والاستغفار أكثري الدعاء والصلاة وترقبي الفرج وأياك واليأس والاستعجال فالله يستجيب للعبد ما لم يعجل هناك أشياء كثيرة تشغلي فيها وقتك فالفراغ مجلس الشيطان أقرئي القرآن وداومي على الأذكار واستغلي فراقك في أوجه الأحسان من رعاية الأيتام وقضاء حاجات المسلمين وخططي لجهازك وزفافك واهتمي بجمالك من الآن حتى لا يأتي الزوج الا وأنتي عروس جاهزه وان شاء الله ستبشرينا عن قريب وارمي همك على الله حبيبتي وطمنينا عليك.[/COLOR]

اعووووووووووووووووووووووووووووووووووووووووووووووووووولي

إختي شعلة كلامج وايد ريحني
الصراحة صدق صدق كلام كل الخوات إللي ردوا علي ريحني .. ربي يريحكم
صدقوني أكتم عذابي بداخلي حتى أقرب الناس لي وهم خواتي وأمي يعاتبوني ويوم أقول لهم أبا أتزوج يقولون لي .. لما في صدق عريس إتكلمي ...
وإختي الكبيرة كلامها وايد جارح لي ...

حبيبتي الوقوف معنويايلاطفونك بالكلام ويشاركونك حياتهم يودونك معاهم كشته أو رحله أو زيارة أو أعراس

يعني ماتكونين بروحك

وبعد لازم يدعون لك مب لأختك الصغيرة بس

والعبي مع اليهال والله أحلى شئ اليهال واللعب معاهم

والدنيا أيام حبيبتي وبتروح

والله يسعدك ويوفقك

احمدي ربك على الاقل عندك وظيفة غيرك لاوظيفة ولازواج وعمرهم اكبر منك بكثير

رب يوما بكيت منة فلما سرت في غيرة بكيت علية انا زيك لكن الخيرررة فيما اختارة اللة والزمن هذا نادرا ماتلقي زوج يخاف اللة استغفري اللة وانشالللة ربنا يرزقك ويزق كل محرومة

ربنا يرزقك الزوج اللى تبغية عاجلا وليس اجلا
امين امين امين

بس صدقيني إختي الجوهرة حتى ما أروح الدوام لأني تعبانة نفسيا
لدرجة وصل بي الحال أحس إني بلا قيمة لأني مب متزوجة .. أنا وحده مب مهمة .. ولا حد بيسأل عني إذا كنت ساكتة بين أهلي ...
ولما خواتي وزوجات إخواني يجتمعون كل كلامهم عن عيالهم وكلام حريم .. وصرت ما أحب أتكلم مع صديقاتي .. لأني مليت من الصداقة
يعني أنا مالي أي كلام بينهم .. في شو أتكلم ؟؟؟؟؟؟؟؟؟؟ صدقيني .. كل تفكيري أبا كلام حلو .. أبغي زوج يتغزل فيني ... لما ألبس لبس حلو أقول في نفسي شو الفايدة ألبس؟؟ ولمين ألبس ؟؟؟
معاملة أهلي القاسية لأني رفضت 3 قبل ...... ولحد الآن مافي أي شي ولا حد خطبني ...

بالعكس انت غلطانه والسموحه منج..لان العمر ما يخصه وهذا رسولنا الكريم تزوج خديجه وياب منها عيال.....وانا عن تجربه شخصيه تزوجت واحد اكبر عني ب10 سنوات والله رزقني بولدين..بس ما اتفقنا وانفصلنا..وحبني واحد في مجال العمل وخطبني وهو اصغر عني بسنتين والحمد لله امدلعني ويحبني ويموت فيني وفي عيالي وصاير لهم الاب الحنون وهو اللي يصرف عليهم بعد مع انه مواليد 1980 بس ريال وتعتمدين عليه......
والله يوفقج الغالية ويرزقج بولد الحلال......

الله يرزقج انشاء الله بالزوج الصالح عاجلا مو أجلا

بس اختي رفضتي الاول قلنا السبب اوكي
رفضتي الثاني هذي بعد تمشي
بس الثالث شفتيه ولد زين ورفضتيه عشان يشيش اعتقد انج غلطانه لانج اولا تقدرين تشرطين عليه في العقد وحتى لو ماشرطتي عليه انتي كزوجه تقدرين تغيرين فيه هذا الشي وتخلينه يترك اي شي مايعجبج<< وجهه نظر لاتزعلين مني..

كل الي اقدر اقوووووووله الله يرزقج ان شاء الله ويرزقني بالزوج الصالح عاجل وليس اجل

تقبلي مروري
احلام فتاه

ربي يزوجك الزوج الصالح ويزقكي الدريه الصالحه ويعوض ايام حرمانك ولاتفكري باللي خطبوكي زمان مو من نصيبك ليش تتعبي نفسك ولو ربي كاتبلك بتتزوجين ان شاءالله بدون تعقيدات وبسهاله

صدقوني صايرة وايد حساسة وما أتحمل الكلام الجارح لأني صدق مضايجة واليوم الكل يسألني في الدوام
(( شو بلاج ؟؟ )) حتى لدرجة إن بعض زميلاتي في العمل أعتقدوا إني مضايجة منهم
لأن زميلاتي متعودات علي إني أكون مبتسمة وأتكلم ..

اقري سورة الواقعة 3 مرات في اليوم وسورة الرحمن وان شاء الله تنخطبين هالشهر الله يوفقج ويرزقج الزوج الصالح