ام ريلي عضتني

الله يعيينج

لا حول ولا قوة الى بالله ..الله يهديهاا ...وربي يستر عليج وعلى الي في بطنج..

في خالات الله يهديهم ..وفي خالت يهبلون شحلااتهم يعاملون بنت الريل مثل بناتهم ..مثل خالتي الله يخليهاا ويطول بعمرهاا تعاملني مثل بنتها وازود بالعيد انا اول وحده اعايدهاا وهي بعد دياما تذكرني بكل المناسبات.الله يخليها لنا ان شاء الله

يااختي العزيزة بارك الله فيج ام زوجج تستحق انج تراعين شعورها مثل ماتراعين شعور امج بالضبط

ولاتنسين ان مايحرق قلب المرة غير المره الي على راسها وانتي ياحبيبتي فضلتي مرت ريلها عليها ومن كلامج واضح جدا انج تميلين لمرت ابو زوجج اكثر ...وانتي لو فعلا صادقة في حب زوجج وتسعين لرضاه كان حبيتي اقرب الناس له وهي امه والبطن الي شالته صح والالا؟؟ اختي الكريمه قيسي الوضع على امج لو زوجج مثلا فضل مرت ابوج على امج شنو شعور امج راح يكون ؟ وشنو شعورج انتي ؟
حبيبتي اتمنى انج تعاملين ام زوجج مثل ماتحبين في المستقبل زوجة ابنج تعاملج ...كلميها بالكلمة الطيبه واهديها حتى لو وردة ولاتنسين ان هذا يفتح لج باب للحسنات ..وصدقيني لو انتي مب عزيزة على قلبها وامرج يهمها كان ماهمتيها ولاهمها انتي مع من طلعتي ..

اتمنى انج تكونين اكثر وعي وصدرج اكثر اتساعا وقلبج مليء بالحب الكثير ..واحتسبي واصبري .

صراحه انك امرأه صبوره لو انا صارلي اللي صارلك كان صارت علوووووووووووووووووووووووووم

معقولة في ناس بعدها كذا بصراحة الله يعينك

الله يعينك يا اختي ... بس اقولك ... انتو وصلتو مرحلة مافي بعديها رجوع ... يعني طالما مدت يدها عليكي ... ومشاكلكم صارت علنية ...صعب ترجع علاقتكم طيبة مرة تانية ... فاحسن حل انكم تستقلون بحياتكم في بيت بعيد عنهم ... ولدها لازم يضل يراعيها ويزورها وتكون على راسه من فوق ... اما انتي فخلي علاقتك رسمية وفي حدودها تحاشياً للمشاكل

وان شاء الله نسمع عنكم كل خير يا رب

لحوووووووووووووووول الله يعينج اختي والله ماتستاهلين بس اصبري لما تطلعون من هالبيت وانا اشوف ريلج متفاهم وعارف تصرفات امه والحمدالله

والله مشكورين على المرور والله صدق خذت على نصايحكم والله يسعد الجميع وتكون حياتكم فيها سعادة وفرح والله لا يبليكم مثل ما بلاني يارب العالمين وللمره الثانيه مشكورين على النصيحة
ام اعقوص

الله فيكم الخير وشكرن على النصيحة والله يسعدكم ويبارك الله في حياتها والله لا يبليكم مثل ما بلاني والله يوفقكم يارب

الحمدلله والشكر يا ربي اسمحيلي اختي انا من شفت عنوان الموضوع ضحكت ياختي شنو عضتج اسد هي ودي اعرف هذي ماتحس ام عيال ماتعرف الصح والغلط وليش تعاملج جذي وع اي اساس تعضج وتضربج وانتي حامل يعني مافكرت في الي فبطنج؟؟؟ الحمددلله والشكر الف مرررررررره وبعدين زوجج ليش يصفعج انتي ماقلتي شي غلط انا اقووووووووووول اطلعووووووو من البيت وفكووووو عمركم كأنكم في حلبه مصارعه وش هالحياه الي متحملتها انتي ماقول غير الله يساعدج انا صج ضحكتني السالفه لاتعتقدين اني اضحك عليج بس قاعده اضحك ع اسلوب وتفكير ام ريلج وين قاعدين احنا في العصر الحجري الحمدلله والشكر اول مره اشوف انسانه هالشكل... الحمدلله مليووون مره ع النعمه الي انا فيها..


تقبلي مروري
الحب الكبير


لا تنسين مابترتاحين الا لين طلعتي والله يعينج ع ما ابتلاج

حبيبتي

سويمثلي ما عليه من حد زمزززل مااطلع من الغرفه واذا بطلع بطلع برع البيت ...

واذا طلعوا في ويهي اقول السلام عليكم اشحالكم واكمل دربي .. وما عليه من القيل والقال ..

عليه في عيالي وزوجي ...

وام زوجج اذا قالتلج شي قوليلها انا اعامل الناس بالمثل حطيني على راسج بحطج على راسي حطيتيني تحت نعالج احطج تحتنعالي (قويه)

وبالنسبه لزوجج .. قوليله مالك حق تضربني جدام اهلك اذا انا غلط ناقشني عقب ما اهلك ينجلهون ..

حاولي تسويلها طاف وما تجادلينها بالكلام اسمعي من اذن وطلعي من اذنج الثانيه ..

والله مادري شقولج واايد ضحكت عليها ليش تعضج ياااهل ؟؟؟

انا ما صدق في ناس جذيية

الله يعينج ويصبرج

من جد ام زوجكـ متوحشه

طيب روحي عند أهلكـ في فترة حملكـ الين ماتولدين

لحقي على نفسك هذا الي ناقصق بعد ضرب وعض
وانت يوم درستي البنت الله بيعطيك اجر كبير كبير والبنت صغيرة ما لها ذنب ان ام ريلج تنقهر يوم تدرسينها
والصراحة الواحد يتزوج علشان يفتك من الزحمة مو يروح في بيت كلة زحمة
اعذريني قولي حق رلج يحمد الله مليون مرة كافي انك ساكتة وصابرة وعايشة معاهم في بيت واحد وغيرج مايقبل ومعاهم حق السكن في بيت خاص طلعي بسرعة طلعي من هذا البيت الجحيم وش ناطرة

خيووووووووو تسمعين كلامي لو نصحتج ؟؟؟
اني زوجة من اكثر من 22 سنه
اول ماتزوجت امي قالت لي هي بتكون امج اكثر مني صح اني اختلف بس لازم تحسسينها انتي بهذا الشي

من اول يوم قلت اليه يمه وضليت احاول رضاها الى درجة هي صارت تحسني بنتها
لاتقولي انها سوت وسوت
ابي اسال سؤال من الاذكى انتي او هي ؟؟؟
اكيد انتي بوجدج بعصر يختلف بكل شي في التعليم وفي النت انت خبرة اكثر منها واذكى منها بمعنى اخر انتي تقدرين تكونين في مركز الكبير
لانه لو طفل صغير بتقولين اقدر اتعامل وياه -- هي بالضبط مثل الطفل الصغير لانه مثل ماقلت لج انتي خبيرة اكثر منها

اخر شي بقول لج قصة استفدت منها
كان في وحده ام ريلها تكرهها وكانت اذت في حياتها فكرت وفكرت مالقت حل غير انها تقتلها
راحت الى رجال كبير في السن عرفت عنه انه يقدر يساعدها وهو رجال خبيير
قالت اليه قصتها
قال اليها انا بعطيج هذا الدهن ادهني فيه رجل ام زوجج كل يوم لمدة اربعين يوم وبعدها ام زوجج هي بتموت

قالت بس هالشكل ؟؟

قال اليها اي
المهم اخذت الدهن منه وراحت الى ام رجلها قالت اليها يمه اني ابي ادهن رجلك لانها تالمك وبخليك ترتاحي
سكتت ام زوجها وضلت زوجة ابنها تدهن وتدهن
كل يوم على هذي الحالة -- ام الزوج بدات تسمعها كلمات حلوة وشوي شوي بدت تتغير معاملتها خلصت مدة الاربعين يوم
وراحت زوجة الابن للرجال الي عطاها الدهن قالت اليه ارجوك مابي ام زوجي تموت اني صرت احبها وهي تحبني
صار يضحك قال اليها الاعمار بيد الله مو بيدي انا عطيتج دهن عادي مافيه ولا شي

ان شاء الله فهمتي القصة خيووووو لو حبيتي اساعدج كوني على اتصال وياي واني واثقة انه اقدر اخلي ام زوجج تحبج

خيووووووووووو حبيت اضيف شي
كل الاخوات الي ينصحونج بشي يختلف هذا لانهم صغيرات بالسن ماعندهم الخبرة الكافية بالحياة
بكرة كل وحده تكون ام واليها اخطاء يبحان من لايخطا وطول مانحب الزوج نحب كل شي ينتمي اليه

bj3a;4719027:
حبيبتي

سويمثلي ما عليه من حد زمزززل مااطلع من الغرفه واذا بطلع بطلع برع البيت ...

واذا طلعوا في ويهي اقول السلام عليكم اشحالكم واكمل دربي .. وما عليه من القيل والقال ..

عليه في عيالي وزوجي ...

وام زوجج اذا قالتلج شي قوليلها انا اعامل الناس بالمثل حطيني على راسج بحطج على راسي حطيتيني تحت نعالج احطج تحتنعالي (قويه)

وبالنسبه لزوجج .. قوليله مالك حق تضربني جدام اهلك اذا انا غلط ناقشني عقب ما اهلك ينجلهون ..

حاولي تسويلها طاف وما تجادلينها بالكلام اسمعي من اذن وطلعي من اذنج الثانيه ..

كلامها صح الصح

حاولي باسرع وقت تظهروا من البيت
لانها مش طبيعية و ابقي العلاقة رسمية
الله يوفقك

الله يعينك يا اختى ويارب يسلمك انتى والجنين الى فى بطنكويهدى للك حماتك

هههههههههههههههههه انا كنت اظن هالنوعية من امهات الازواج بس في المسلسلات التلفزيونية .. مسوية اكشن حضرتها .. الله يعينك عليها