تعبت من الاكتئاب بعد الولاده

مرحبا أختي..

بصراحه الله يساعدج.. ومثل ما قالوا لج الاخوات هني.. حاولي تغيرين جو وتغيرين من روتين حياتك اليومي.. وتذا كنتي عند أهلك رجعي بيتك أوشقتك وبتتغير نفسيتك شوي..وشوي شوي بيروح الاكتئاب..

انا قبل لا أحمل اقول هذا الاكتئاب هرار اسمع عنه بس في القصص والافلام والمسلسلات ..أما انا مستحييييل يصيدني أكتئاب..لانه أشوف اذا وحده ولددددددت دوم الاهل حواليها ويراعون راحتها.. ومعاها بيبها أكيد مرتاحه.. وليش الاكتئاب أصلا..

مع بداية مرحلة حملي حاشني أكتئاب بس كان خفيف نوعا مااااا .. لكن بعد الولاده.. ومصاعب السهر والتربيه والرضاعه ..والبواسير..زااااااااد.. ووصلت لمرحله الله يعلم فيها..كرهت ولدي.. والبيت والمكان اللي انا فيه...... وبالليل دووووم أبكي.. بس بصوت منخفض ..لاني كنت ببيت أهلي .. وما ابغي احد يشوفني او يحس فيني..وكنت ما احب شي اسمه أأأأأكل..

لكن بحمد الله كنت أحاول أتخلص منه.. وشوي شوي.. راح خصوصا لما رجعت شقتي.. وتغير روتين حياتي... ما حسيت باكتئاب كلللللللش.. راااااااااااح..

وربي يريحك ان شاء الله مثل ما ريحنا..

تحياتي,,