بطالة البحرين تفضلوا هنا...

تعبت واين ادور شغل لمته يعني قبل يوم كنت بنيه وما عندي احد بسرعه اشتغل وبعدي يوم تزوجب ما اضل في شغله من ريلي وشروطه والحين ويه بنتي ابي احصل شغله مناسبه ماني قاده ولا واللأخس لين اروح مقابله حق شغله عن طريق الوزارة ما يفتكرون فيني لانه اصلا الأشغال ما يبون عن طريقه وزارة العمل على الرغم من اني ما اعتمد عليهم واطرش اليفي مالي وين ما شفت اعلان بس صعبه بدوام زين وراتب زين للي عرندها يهال وبيت وزوج الله كريم

عصفورة 2008;6574017:
اتصلو لي الوظيفة اللي عرضتها نور الورد اشكرج وايد
وكانت المقابلة تيلفونية اريح بعد اممم ولكن في شيئ ماعجبني وهو اللحين بريئكم اي افضل الشهادة الجامعية او الثانوية اول مرة بعد اجووف ناس جذية اقولهم انا جامعية قالو اي ماعلية بس الشهادة الثانوية تهمنا اكثر من صجهم هذولي وسئلوني جم نسبتج بثانوية واي تخصص كنتي طبعا الى حد هني حلوة المقابلة ولكن بعدين احنا بندرج طبعا بما معناه بنتعب عليج شهرين وبعدين افترضي وزارة التربية اتصلو فيج يعني شنو اتهدينا انا ماعلية قابلتها الشغلة وحلوة بس انه بيقلون لي وزارة التربية بتتصل لج وعاد اذا اتصلو ذولي اللي ماوراهم خير خلوني اتردد

عاد شنو هي الشغله بالضبط؟؟
يعني باحثة تروحين بيوت الناس ولا شلون؟؟

انه طرشت حق اللاعلان اللي حاطته نور الورد وطرشولي ايميل بنتصلج هالاسبوع ماتصلو

الوظيفة: موظفة خدمة عملاء لمنطقة الرفاع الشرقي
الدوام: دوامين طوال الأسبوع
الإجازة: يوم الجمعة + نصف يوم إضافي خلال الأسبوع
الراتب: 225 + 25 بدل مواصلات

مميزات الوظيفة:
- بيئة عمل مع شباب وفتيات من الجنسية البحرينية
- تدريب على يد مدرب مختص حتى إجادة الوظيفة
- زيادة سنوية
- بونس سنوي (على حسب الأداء)
- بيئة عمل وإدارة تهتم إهتمام جدي بالعمالة البحرينية ومتطلباتها
- إمكانية الترقية ومستقبل وظيفي مشرق
- تأمين صحي بعد عام من العمل


شروط الوظيفة:
- بحرينية الجنسية
- شهادة ثانوية بمعدل 75% فما فوق
- إتقان اللغة الانجليزية (تحدثاً وكتابة) - للتعامل مع الزبائن
- خبرة جيدة في استخدام الحاسب الآلي و الوندوز والبرامج الأساسية (الأوفيس)
- جيدة في حساب الأرقام - الرياضيات

يفضل:
- من لديها الخبرة في التعامل مع العملاء
- من لديها شهادات أخرى من من معاهد أو جامعات تدعم خبرتها الأكاديمية

بسألكم بنات من عنده فكرة عن امتحان شهادة الcat اللي في ايرنست يونغ

شنو يعطون فامتحان القبول ؟

بحرينية فديتني;6580804:
بسألكم بنات من عنده فكرة عن امتحان شهادة الcat اللي في ايرنست يونغ

ماعندي فكره
انتي قدمتي عندهم؟؟؟

هلا اي انه قدمت عندهم محد عنده فكرة يفيدني شييبون بالامتحان القبول

سلام بنات

حبيت أسأل البنات الجامعيات هل بعد الست أشهر يعني بعد ما نستلم تأمين التعطل ست أشهر بينزلون بعد لينا ولا لاء

شكرا

بنات انا قاعدة ادور لي شغل يكون مؤقت لفترة الصيف واذا في جانس انه عقب ما ابدي دراسة اواصل بواصل اياهم

يعني يقبلون بوحدة تدرس في الجامعة يعني ابي اشتغل وادرس بنفس الوقت ..

انا قدمت على الاعلان الي حطته نور الورد واليوم اتصلوا فيني بس قلت لهم اني ادرس قالو لي يعني بس لفترة الصيف قلت لهم اي بس اذا بديت دراسة وفي مجال اني ادرس و اشتغل مو مشكلة قالو بتقدرين توفقين قلت لهم اي اقدر ادرس الصبح و اشتغل مسائي ..

بس شكلهم ماقبلوني ..

مرحبا بنات شخباركم

بغيت اسأل الي عندهم بكالريوس بالنسبة للمراجعه لمركز التوظيف هل بس مرة وحده في الشهر
لانه اليوم قالت لي المرشدة وما تاكدت عدل قلت يمكن ما سمعتها عدل

سارة انا مثلج تمام خلصت ست شهور ماتوقع راح ينزل لنه شى


بس ست شهور فى احد نزل له شى بعد الست شهور

محد سجل بدورة الcat سالت قالو لي انجليزي وماث محتويات الاختبار

واللي اتصلو لهم حق وظيفه خدمه عملاء اللي عرضتها الاخت نور الورد قبلوكم يعني بتبتدون هالاسبوع ؟

بحرينية فديتني;6590384:
محد سجل بدورة الcat سالت قالو لي انجليزي وماث محتويات الاختبار

في وين هذه الدورة وممكن تفاصيل اكثر اختي :)

خلص التسجيل هاي تبع وزارة العمل بايرنست يونغ المعهد اللي بالمؤيد والامتحان يوم الاثنين محد مسجل فيها وينكم بنات؟

لشركه تجميل سويسريه في مملكه البحرين

للجادات فقط : ميدانيات واداريات

راتب وعموله وموصلات واتصالات وتدريب قبل البدايه بالعمل


لارسال السيره الذاتيه فاكس :: 17326505

للاتصال 17322278----- 17322274

اللؤلؤه السوداء;6608153:
لشركه تجميل سويسريه في مملكه البحرين

للجادات فقط : ميدانيات واداريات

راتب وعموله وموصلات واتصالات وتدريب قبل البدايه بالعمل


لارسال السيره الذاتيه فاكس :: 17326505

للاتصال 17322278----- 17322274

خيوو شنو الشغلات بالضبط شنو يسوون يعني

وهل يحتاج الى شهادات ؟ واي شهادات بالضبط؟؟

جريده الدليل تطلب للعمل لديها
*مدخل بيانات .. حجوزات.. ....................D2
شهاده ثانويه كحد ادنى
اتقان اللغه الانجليزيه تحدثا وكتابه
اتقان العمل على الكمبيوتر (برامج الاوفيس))
العمل بدوامين
راتب مغري جدا

*امين صندوق ...................................D3
شهاده ثانويه كحد ادنى
خبره لا تقل عن سنتين كحد ادنى
اتقان اللغه الانجليزيه تحدثا وكتابه
اتقان العمل على الكمبيوتر (برامج الاوفيس))
العمل بدوامين
راتب مغري جدا

*مندوبين ومندوبات مبيعات..............................D4
للمبيعات المباشره براتب ثابت + عموله
العمر بين 20 -25 سنه
شهاده ثانويه كحد ادنى
اتقان اللغه الانجليزيه تحدثا وكتابه
خبرة في مجال المبيعات الخارجيه
وجود سياره خاصه
العمل بروح الفريق

*موزعين صحف..............................D5
تقديم الطلبات للموزعين في المكتب الرئيسي حصرا ويشترط وجود سياره خاصه
العمر لا يقل عن 20سنه ولا يزيد عن 35 سنه
شهاده ثانويه كحد ادنى
العمل ليوم السبت صباحا فقط

على المتقدمين لجميع الوظائف ارسال السيره الذاتيه على فاكس 17214427
او البريد الالكتروني
[email][email protected][/email]

مع ذكر اسم الوظيفه ورمزهاا

وبالتووفيق

ام حنااين يا الغااليه
حبيبتي تقدرين تتصلين وتسالي
لاني شفت هالاعلان وقلت اكتبه لكم
يمكن يفيد وحده من البنااات

وان شااء الله يرزقكم بالشغل المناااسب لكم