بطالة البحرين تفضلوا هنا...

ام فاطمة شنو يبون من وظايف في مدرسة النور اني عندي ثانوية عامة

~أم فاطمة~;6276948:
هلا اختي ماسية 2004،،
قدمي في مدرسة النور العالمية اللي في سترة سمعت إن فيها منقبات يدرسون
مع إن رواتبهم 300 بس يمشي
والله كريم

وايد بعيد وزحمة الله يعين شنسوي
يالله
خيرها في غيرها

كوافيرة صدق انج متفائلة

يعني ثانوية عامة ما اعتقد بالمدارس الخاصة ،ن بس الله كريم يا اختي ،،

في دول الخليج الثانية خريجة الثانوية ما تتعطل جذي ،، يعني تطنيش وتضييع وقت ، الله ياخذ الحق


أتمنى تحصلين على وظيفة اختي كوافيرة وانا بعد الله يرزقني معااااااااج ،،،


بس انتي وين حابة تشتغلين ؟؟ بالضبط

بنات للحين مافي وظااااااااااااايف

زهقت من قعدت البيت


<< ابي اقعد على مكتب وطقطق على الكمبيوتر ويمشي لي معاش <<< احلم صح ههههه

ماتحصلون وظيفة لشاب يصير لنا ،، مايهم المعاش :(

بنات الي تبي في مجال السيلز الحواج يبون روحو قدمو
معاشهم 250 دينار

حبيبتي الحواج الى بأي فرع
واذا عندهم بريد الكتروني
او فااااكس

تهاني البحرين اني درست في الجامعة ادارة مكتبية سنتين وللأسف ما كملت لان صادتني ظروف صعبة بس ما اعتبر جامعية لاني ما كملت يالله الحمدلله على كل حال وعن الوظيفة احب اشتغل في مكتب ومعاش محترم ودوام مناسب مو نفس الاشغال الا من الساعة 8 الى الساعة 5و 6 يعني مو ناقص الا نودي المرقد ويانا وياريت الراتب زين

هههههههههههههههههه فديتج كوافيرة

والله يا اختي هذي الاشغاااااااااال

صدق ماسااااااااااة من 8 الى 5 و 6

تررررررررررجعين هلكاااااااااااااانة والله ونفسيتج زفت ما تحبين تطلعين ولا تسوووين شي

الله يعييييييييييين ويفرررررررررررررجها علينا جميع يا اختي

الله يووووووووووفقكم جميع ويسهل امورررررررررركم يارب

انه بعد ابي وظيفه في مكتب من ساعه 9 الصبح لي 5 العصر عادي ويكون معاشها زين يعني 290 وفوق ياريت تحصلون لي واكون شاكرة لكم

اشواك ناعمه حبيبتي الفرع الرئيسي روحي قدمي فيه وماعندي ايميلهم ولا فاكس لهم
بس التقديم عندهم

بسمة البحرين;6279573:
بنات الي تبي في مجال السيلز الحواج يبون روحو قدمو
معاشهم 250 دينار

الحواج الي في وين؟
ويبون بنات لو شباب؟

وعندش رقمهم؟

بنات بسألكم الحين المحاضرة والامتحان الي سيونه المشروع شكثر مدته

المحاضرة جم ساعه؟
الامتحان جم ساعه؟

صاحبة الظل
اني ماسووى لي امتحان << غريبه لانه اسمع الكل سووى ليه امتحان
بنسبه للمحاضره ساعه بس احين مادري كأنه سووهاا ساعتين

صاحبة الظل الخفي;6285636:
بنات بسألكم الحين المحاضرة والامتحان الي سيونه المشروع شكثر مدته

المحاضرة جم ساعه؟
الامتحان جم ساعه؟

هلا اختي
المحاضرة ساعه
الامتحان ساعتين

التقييم شي اساسي ولا ماينزلون لج بيزات خخخخخخ

هلا خيو كوافيرة ،، ما ادري وش عندهم من وظايف بس اعتقد في وظايف للي عندهم ثانوية ،، يمكن مراسلة أو شي ثاني ،، قدمي اوراقش عندهم احين في فترة توظيف ومقابلات للسنة الجاية ،، والله الموفق ،،

الله يكون بعونكم بنات

بس ترى نصيحه مني لكم
انا الصراحه شفت ان وايد تتشرطون خخخخخ يعني الصج ينقال اللي تبي شغل صج صج بتقبل بأي شي
عاد مب أي شي اي شي ،بس لو كان المكان بعيد مع ان البحرين مافيها مكان بعيد ولا الراتب قليل انزين صبري تشتغلين شغل مؤقت لحد ماتحصلين الشغله الثانيه اللي في بالج
يعني لا تقعدين تنتظرين الشغل يوصل لج لحد الباب، على الاقل في هالفتره وانتي تدورين شغل بيكون راتب يمشي لج حتى لو 200 بتقضي لج جم شغله وبتساعد زوجج مسكين اذا كنتي متزوجه

وبعدين من خلال شغلتج هاذي يمكن تلاقين ناس وتتعرفين عليهم ويشغلونج في مكان ثاني
انا اعرف وحده من زمان كانت تشتغل في زارا يعني تبيع هي وصديقتها ودوامهم كان تعب يعني في وقت الاعياد يتمون في المحل لعقب نص الليل (مصخوها عاد)
بس من خلال الشغل تعرفوا على وحده زبونة كانت دايم تيي عندهم وشغلتهم في وحده من الوزارات وبراتب حلو

وبعدين اذا اشتغلتوا في مبيعات مابتمون طول عمركم تبيعون تقدرون بعدين تنقلون الى قسم ثاني

يعني انتوا لا تتوقعون ان كل شي بيصير على كيفكم
شغله حلوه ودوام مناسب وراتب زين، هاذي ماتصير،،لازم يبيلها تعب

ومن فتره ترى شفت مجموعة الراشد يبون موظفات
وعذاري وجنة دلمون يبون بعد سكرتارية ومادري شنو
و بعد شركة اسمها apparel يبون تقريبا 80 موظف او شي جذي من الجنسين بس ماعندي رقمهم
وهذا موقعهم http://go.3roos.com/YRH2fB2B6II
وذي الايميل [email][email protected][/email]
والله يوفقكم

شكرا على هذا الموضوع اللي فعلا شاغل فكر كل عاطل عن العمل واشكر لكن اخواتي على مساعدتكن من خلال وضع روابط تساعدنا على التقديم على وظائف وبالخصوص اللي ما عندها سيارة تقعد تدور على شغل
ولكن تحياتي

انا الشوق خيوو اللي قلتينه معاج حق فيه واحنا مستعدين نكرف ونشتغل ونستلم راتب زين يجازي التعب اللي نتعبه بس في حالة اذا وحدة عنده اولاد صغار نفس حالتي اني عندي ولد عمره سنتين وابغي اشتغل بس ما ابغي دوام طويل لان حرام اغيب عنه فترة طويلة يعني توقعي من الساعة 7 الى الساعة 5 او 6 المغرب يعني مو حلوة بحقي كأم تغيب عن ولدها كل هالوقت وعن مجموعة الراشد سمعت انهم يبون موظفات بس ما ادري وين التقديم ياريت تفيدني او احد من الاخوات اللي يعرف ايقول لي وين اروح اقدم , وهالشركة اللي اسمها apparel يبون 80 موظف !! بس ويش يبون من وظايف وهذي الشركة مالت شنو وفي وين تصير ومشكورة اختي على طرحش هالوظايف والله يوفقج ويوفقنا