"شمعة ^ الجلاس";5723178:
السلام عليكم
عاطله جديده لا تنحبطوون
نادوني التربيه حق مقابله بس ما اعرف شنوو بيسالوني
قلت اسال اهل الخبره
انا جغرافيه
يالله يارب وحده تطلع جامعيه نفسي ونفس التخصص
انتظر الرد باسرع وقت رجاء
أنا قدمت امتحان السنة اللي فاتت بس تخصصي مو جغرافية لكن بشكل عام طريقة المقابلة و نوعية الأسئلةة ما تختلف اللهم إلا أسئلة التخصص و الباقي كله نفس الشي
أكيد إذا نادوج للمقابلة معناها ناجحة..
قبل المقابلة تروحين الوزارة فرع القضيبية بيعطونج رقم
بينادوج عليج للمقابلة في مدرسة مو ذاكرة اسمها في شارع المعارض
تروحين للصف اللي مكتوب عليه رقمج ( بيكون فيه ارشادات معلقة ) تعطين بطاقتج السكانية للشخص اللي بيكون هناك
تنتظرين شوي
بينادونج للمقابلة في صف تدخلين على 3 ممتحنين
في البداية بيطلبونج بطاقتج السكانية أو الليسن و بيسألونج عن سيرتج الذاتية بشكل مختصر يعني الاسم سنة التخرج الحالة الاجتماعية و منطقة السكن و خبراتج و ليش تبين تشتغلين في التربية
الأسئلة تنقسم إلى 3 أقسام
1- أسئلة في التخصص ( يعني أساسيات تخصصج )
2- أسئلة في المعلومات العامةشنو أهم الأحداث اللي صايرة في الفترة الأخيرة
كم محافظة في البحرين و عدديهم و انتي في أي محافظة
شنو الفرق بين الانتماء و المواطنة
من الجهة اللي تتولى شؤون المرأة في البحرين
اذكري اسم 3 وزراء و ماسكين أي وزارة
و من هذي الأسئلة يعني
3- أسألة في التربية
بيسألونج في استراتيجيات التدريس و النظريات و المناهج
بيعطونج موقف افتراضي و شلون تتصرفين مثلا لو صار خلاف بينج و بين ولي أمر شلون تتصرفين
لو طالب سوى لج موقف معين شلون تتصرفين
بيطلبون منج بعض التعريفات في اساسيات التربية
بيسألونج من وجهة نظرج أي أفضل هذي الاستراتيجية أو ذيك و الأسباب
و الله يوفقج