بطالة البحرين تفضلوا هنا...

عنوني;8916916:
حبيبتي اني ادله بس إلي اعرفه انه خلاص صكوه اهناك حتى مكانهم خالي يعني ما بتستفيدين

بس إذا تبين

ولو انتين يايه من الهاي وي صور الكورنيش تاخذين طبعا اللفه ماله المنطقه الدبلوماسيه يعني صوب الإشاره

وتروحين سيده بكون بنك طيب على ايدش اليمين اوكيه

توصلين لعند الإشاره تاخذين يمين

بعدين تجي لفه يسااار تاخذينها بكون فيه الدبلومات تور على ايدك اليمين واليسار باركات خاصه

بس تروحيه فيه لفه على يدك اليمين عقبها مبنى إلي كان فيه الخدمه المدنيه بعد اللفه يعني ما تدخلين اللفه لا لين تروحين سيده تشوفينه على يدك اليمين بعد اللفه بس ما تقدرين تروحين سيده بالسياره لانه رون سيد يا امه تبوقين روحش خخخخخخخخخ

او تشوفين بارك وتروحين مشي يعني

تحياتي

Loli pop girl;8924307:
زين جم يوم اجازة؟؟؟؟؟؟؟؟؟ زين دوامهم يناسبني :)

عن الاجازه ما سالتهم
تقدرين تتصلين وتسالينهم او تروحين لهم
الله يوفقج

ام خالدBH;8918040:
مطلوب موظفة للعمل لمكتب بالرفاع الشرقي تجيد التعامل مع الكمبيوتر للإتصال ت: ‌ 36130830

اتصلت لهم وقالو ان الوظيفه في مكتبة تصير يم اللولو هايبر ماركت
اسمها ثري والباقي نسيته خخ
المهم ان الراتب يكون 150 دينار وغير الحوافز الشهريه توصل الى 50 دينار
طبيعة العمل هو عمل بحوث وجذي والدوام يكون من الساعه 8.30 الى 12.30

وبس

غريبه;8924494:

حصلوا ناس ؟؟ لو بعدها الوظيفه شاغره ؟؟

انا اليوم اتصلت لهم
و ما قالي ان حصلنا موظفة شرح لي كل شئ تقريباً
فاكيد للحين شاغرة

بشرى السماء;8920890:

ابشركم بنات اني اليوم رحت معهد كومون وقبلوني فيه :D

وعطوني التي شيرت والبطاقة اللي عليها اسمي
دوامي رح يكون 3 أيام في الأسبوع لمدة 3 ساعات
وان شاء الله رح يبدأ دوامي من يوم الثلاثاء

ام خالدBH;8924547:
انا اليوم اتصلت لهم
و ما قالي ان حصلنا موظفة شرح لي كل شئ تقريباً
فاكيد للحين شاغرة

غريبه;8924686:

أهااا ،، تسلمين يا ام خالد

الله يسلمج حبيبتي

هلا اختي بشرى السماء شخبارش ويش مسويه
بس حبيت اسالش في وين اصير معهد كومون اول مره اسمع عنه ياليت اتقولين الي التفاصيل عنه وعن طبيعه شغلهم وفي وينه اصير المعهد

لاني ناويه اقدم اوراقي عدهم

ومشكوره مقدما

انه ابي شغله تكون من الصبح للين العصر يعني تقضيت وقت بس مو عارفه ووين اشلون اختار وع اي اساس
انه صار لي الحين من تخرجت 2 سنه وجريب بامشي في السنه الثالثة....صارت قعدة البيت فراغ وملل

باسالكم عن مؤسسة المير احد يعرف عنها شيء

خيو بشرى السماء بغيت أسألش معهد كومون ويش المواصفات الي يبغونها وهل شرط أجادة اللغة الانكليزية

بدرة البدوور;8930174:
باسالكم عن مؤسسة المير احد يعرف عنها شيء

حبيبتي بدر البدور

مؤسسة المير هذي شركة يملكها جلال المير

وهم أللي تبعهم أسواق المنتزه بكل فروعه وفي سفريات المنتزه والمنتزه للكميوتر ومفروشات المنتزه

موقعهم بين تايلوس وميغامارت أللي في المحرق

fate88;8917129:
بنات كم مرة اسال هالسؤال ولا احد رد عليي


زعلت واجد :(


سمعت ان وزارة الصحة يوظفون اللي متخرجين من علمل اكزيو لري (اللي يلبسون اخضر في المستشفى)


وين اقدر اروح اقدم؟؟


احد منكم يقدر يسال لي .. استفسر من من او اسال من ؟؟؟


تعبت واني اسال هالسؤال .. افيدونا يمكن بنات واجد يستفيدون ويروحون يقدمون

وظيفة ال Axilliary هذي لازم تقدمين على كلية العلوم الصحية وفي اوقات معينة يفتحون فيها باب التسجيل يعني عادة بالصيف شهر 6 او 7 ,, واذا قبلوج يدرسونج ويدربونج كلية العلوم 6 اشهر وبعدين يوظفونج ..

شنو سالفة المعهد اله تتكلمون عنه ؟؟؟

وهل في أحد جرب يتصل على روضة السيف اله من قبل كنتوا حاطين اعلان عنه ؟؟

رحت روضة السيف ولا ردو عليي ورواتبهم قليلة 80 والمتدربة 40 وبما اني جامعية ما اتصلت لان بيحاسبون الى الشهادة

بنات من فترة طويلة كنت مسجلة في بتلكو

وكنت كل فترة أدخل موقعهم أجيك إذا في وظايف جديدة أقدم فيها

أمس

أتصل فيني واحد من شركة كابيتال للمشارع العقارية

وقال لي إنا إحنا خذنا ال cv مالج من عند بتلكو

ومحتاجين موظفة مؤقته حق كم شهر

ورحت اليوم المقابلة والله كريم إنشاءالله

بس أللي حبيت أقوله يا حبيبات قلبي إنكم لازم تقدمون كل مكان ما تدرون يمكن مره من المرات ال cv مالكم يوصل حق شركة محتاجه مؤهلاتكم أو مهاراتكم

وأنا على طول آخذ جوله في مواقع المؤسسات الكبيرة في البحرين

مثل زين وبتلكو وطيران الخليج والراشد والشايع وغيرهم


والله يوفق الجميع إنشاءالله

مشكورة أخت سبايسي على النصحية
و ان شاء الله نعمل بها

@sPiCy@;8940783:
بنات من فترة طويلة كنت مسجلة في بتلكو

وكنت كل فترة أدخل موقعهم أجيك إذا في وظايف جديدة أقدم فيها

أمس

أتصل فيني واحد من شركة كابيتال للمشارع العقارية

وقال لي إنا إحنا خذنا ال cv مالج من عند بتلكو

ومحتاجين موظفة مؤقته حق كم شهر

ورحت اليوم المقابلة والله كريم إنشاءالله

بس أللي حبيت أقوله يا حبيبات قلبي إنكم لازم تقدمون كل مكان ما تدرون يمكن مره من المرات ال cv مالكم يوصل حق شركة محتاجه مؤهلاتكم أو مهاراتكم

وأنا على طول آخذ جوله في مواقع المؤسسات الكبيرة في البحرين

مثل زين وبتلكو وطيران الخليج والراشد والشايع وغيرهم


والله يوفق الجميع إنشاءالله

موفقه سبايسي

تستاهليين
وان شالله يثبتونج