بطالة البحرين تفضلوا هنا...

كلمة الحياة;5202821:
بنات انا قدمت في ديوان الخدمة المدنية ولا اتصلو فيني للحين و قدمت في وزاره التربية وما قبلوني لاني ما عندي دبلوم تربية والله حترت شسوي وين اقدم :(
مافي وظااااايف

شنو تخصصج ؟؟
وليش ماتروحين تاخذين تربيه ؟؟

بنتي حبيبتي;5206091:
الحين بنات انا خدمه اجتماعيه درست 10 مواد من علم النفس هل يعتبر انه عندي دبلوم تربية

يعني اروح الوزارة او لا بليز جاوبوني

لا اختي التربيه يعني هذي بروحه
وتتظمن المواد طرق التدريس واستراتيجيات التدريس والمناهج وعلم النفس هذي لازم الكل ياخذها

راعية الفراري;5206157:
شنو تخصصج ؟؟
وليش ماتروحين تاخذين تربيه ؟؟

مصممة ديكور
حبيبتي والله في ناس موظفينهم بدون تربية ووحده كانت تدرس معاي توظفت عندهم

السلام عليكم بنات البحرين
الصراحة أنا توني مسجلة في المنتدى وحبيت تكون أول مشاركاتي معاكم هني..
أنا أعاني من نفس المشكلة.. تخرجت هالكورس تخصص Information Systems من جامعة البحرين..
بس مادري وين أقدم؟؟!!
ويصير أقدم وإفادة التخرج للحين مابرزت؟

بنات بسألكم احين حاطين عن توظيف 500 من العاطلين الجامعيين

على اي اساس بياخذونهم يعني لازم نكون مسجلين في المشروع او عادي اروح ديوان الخدمه واقدم

صاحبة الظل الخفي.. لا ماله علاقة بالمشروع ولا راح يفتكرون فيج ويطرشون الاوراق

روحي بنفسج ديوان الخدمة المدنية وقدمي..


سليب لس بحرين..
لازم اول افادة التخرج تطلع
بعدين تقلبين بطاقتج عاطل
بعدين تروحين تقدمين



التقديم للتدريس آخر شيء هالاسبوع..

كلمة الحياة;5208565:
مصممة ديكور
حبيبتي والله في ناس موظفينهم بدون تربية ووحده كانت تدرس معاي توظفت عندهم

هذا من حظها

كل ما يي الشروط تتصعب اكثر..

اعلان التوظيف السنة مشترط ان كل الاناث عندهم تربية و اذا لا .. ما عندهم.. لا يتعبون عمرهم ويقدمون ..

بس الذكور عادي يقدمون بدون تربية

هلا راعية الفراري

اي أختي اني قصدي امتحان التربية وانتي نفس حالتي انشاء الله عما قريب تنفرج

صاحبة الظل الخفي;5212624:
بنات بسألكم احين حاطين عن توظيف 500 من العاطلين الجامعيين

على اي اساس بياخذونهم يعني لازم نكون مسجلين في المشروع او عادي اروح ديوان الخدمه واقدم

اختي يقصدون بالعاطلين الجامعيين اللي كانو مسجلين بس في المشروع الوطني للتوظيف قبل لايقفلونه

والقائمه تظم على ما اعتقد 2100 عاطل تم رفع قائمه باسمائهم اللى الديوان الملكي قبل سنه من الان

يعني اللي تخرجو الكورس الثاني من العام الماضي والكورس الاول من هذا العام ما اعتقد انهم مشمولين بقرار التوظيف لانهم مادخلو القائمه

انا اذكر ان صار تسجيل حق العاطلين كان على شهر ابريل السنه الماضيه على ما اعتقد وكل عاطل يتصل على ارقام معينه للتسجيل حسب التخصص الجامعي اللي كان عنده

والله تعالى اعلم
والله اعلم

كلمة الحياة;5208565:
مصممة ديكور
حبيبتي والله في ناس موظفينهم بدون تربية ووحده كانت تدرس معاي توظفت عندهم

للاسف هذي قبل
لان الحين من الشروط ان لازم تربيه
حتى ذاك الاسبوع يوم رحت اسجل واقدم اوراقي ،، في الاستمارة اللي نمليها مكتوب هل خذيتي تربيه وفي وين واي جامعه ،،

sleepless.bh;5209051:
السلام عليكم بنات البحرين
الصراحة أنا توني مسجلة في المنتدى وحبيت تكون أول مشاركاتي معاكم هني..
أنا أعاني من نفس المشكلة.. تخرجت هالكورس تخصص Information Systems من جامعة البحرين..
بس مادري وين أقدم؟؟!!
ويصير أقدم وإفادة التخرج للحين مابرزت؟

لا وحتى لورحتي قدمتي بيقولون لج لازم الافاده ،،
وجامعه البحرين اعتقد نزلوا الافادات

رحيق الفردوس;5218297:
هلا راعية الفراري

اي أختي اني قصدي امتحان التربية وانتي نفس حالتي انشاء الله عما قريب تنفرج

ان شاء الله يارب نكون منهم
واذا لنا رزق من رب العالمين بناخذه

جريدة الايام

اليوم الاثنين
18/2/2008


أكد أن مهمته إشرافية رقابية
»‬الخدمة المدنية« ‬يبدأ بمقابلة 500 ‬باحث جامعي ‬لتوظيفهم


تنفيذا لتوجيهات القيادة أكد ديوان الخدمة المدنية أنه تم إرسال قائمة الجامعيين الباحثين عن عمل المعتمده من قبل وزارة العمل وعددهم ٢١٩١ ‬باحثا إلى جميع وزارات الدولة والشركات والمؤسسات العامة التابعة لها، ‬وذلك لتوظيف خمسمائه باحث عن عمل منهم حسب قرار مجلس الوزراء.‬
وفيما تناولته إحدى الصحف المحلية مؤخرا من إثارة لقضية الجامعيين العاطلين، ‬أكد رئيس ديوان الخدمة المدنية أحمد بن زايد الزايد أن ذلك عار عن الصحة، ‬لافتا أن التوظيف هو من اختصاص الجهات الحكومية، ‬وأن مهمة ديوان الخدمة المدنية إشرافية رقابية، ‬مؤكدا أنه تم اتخاذ كافة الإجراءات القانونية لتنفيذ هذا القرار. ‬
وأشار الزايد أنه قام بالاتصال شخصيا بجميع الوزراء المعنيين لمتابعة تنفيذ التوجيهات الصادرة من القيادة بسرعة توظيف الجامعيين العاطلين عن العمل.‬
وقال إن الجهات الحكومية بدأت باستدعاء الجامعيين الباحثين عن عمل حسب التخصص والوظيفة الشاغرة لمقابلتهم وامتحانهم ليتسنى تسكينهم في ‬الوظائف الشاغرة المناسبة حسب ما ‬يقتضيه قانون الخدمة المدنية. ‬
‬وأوضح فيما ‬يتعلق بتأهيل وتوظيف بقية الباحثين والبالغ ‬عددهم 1412 ‬شخصا فانه وتنفيذا لقرار مجلس الوزراء ‬، ‬تم إسناد هذه المهمة إلى صندوق العمل لإعادة تأهيلهم وتدريبهم مع منح كل متدرب مبلغ 300 ‬دينار كمكافأة شهرية طيلة الفترة التدريبية.‬

بنات انه اليوم كان عندي امتحان في وزارة العمل مال العاطلين ونسيت عبالي باجر وضايعة مني الورقة مالت المواعيد لأن فيها رقم اتصل عليه اعتذر عشان يحددون لي موعد ثاني والا بيعتبروني اني موجادة للوظيفة..

بنات اللي عندها الرقم ياليت تعطيني اياه عشان باجر اتصل واجوف متى بيعطوني موعد ثاني والله محتارة بس على ماعتقد كان الوعد تاريخ 18 يعني اليوم والورقة ضايعة..اللي عندها الرقم ترسله لي بليييز

انزين بناااااات يعني نروح الخدمة المدنية نجوف ولا شنو لان انا من تخرجت قدمت في ديوان الخدمة ولا ردو علي الى اليوم

اذا االطلب صار له سنتين ردي روحي قدمي مرة 2

بس اذا توه من اقل من سنتين مايحتاج..

هذا كلامهم والله اعلم..

فيه بنات خافوا وردوا قدموا مرة 2 رغم انهم مقدمين من اقل من سنتين

حبيبة جناحي.. رديت عليج بالخاص.. شصار على موضوعج؟

اليوم وبكره معرض المهن في وزارة العمل اللي يحب يروح يقدم..

حسب البنات الي راحو.. الوظايف كلش كجرة..

وتعالي شوفي الشركات بس..

باباسنز

سيراميكا دلمون ..

الخ..



وفيه شركة هندسية


اعلى راتب فيهم 300 دينار ..




للاسف كان شيء متوقع انه مافي وظائف عدلة هناك..

سلام بنات شخاركم وش اخبار البطاله والعطاله وياكم ،، الله يساعدنا ويساعد الجميع ،، ويه هلاغلاء إلي صاير

اني رحت الخميس إلي راح وزارة العمل وقدمت اوراقي وبعد عطيتهم رقم الحساب بس قالو انه مافي موعد حق امتحان ،،، يعني ما اعتقد انه بينزل ليه تأمين ضد التعطيل هئ هئ هئ

انشاله ينادوني حق محاضره ،، اني سأتهم اني كنت مسجله في المشروع الوطني وكنت مسويه امتحان ومقابله وكل شي بس قالو انه انتين مسجله انش طلعتين من المشروع لأني اشتغلت والحين لازم يعيدونه

دعواتكم ليه ،،، ودعواتي لكم بالتوفيق