بطالة البحرين تفضلوا هنا...

أنا الشوق;8242243:



هذيان

انتي خلي ثقتج بربج قويه وصدقيني كل شي تبين بتحصلينه
وان مالقيتي الوظيفه اللي في بالج اكيد بتلاقين اللي احسن منها
وماتدرين رزقج وين

ان شاء الله

انتين شخبارش ويا الدوام؟مرتاحة؟

اتصلت فهالرقم طلع لي مب الوزراة

بس غريبة الرقم مكون من 9 أرقام

ماظن في رقم بيت مكون من 9 أرقام

ولما دورت في دليل الهاتف عن وزارة التربية

طلع لي رقم صالة وزارة التربية في مدينة عيسى ..

يمكن يقصد هالرقم .. بتصل فيهم بكرا وأجوف

المشكلة أبوي يبي شهادة مضمونة تشغلني بالمستقبل

وآنه صج الشهادة مهمة عندي بس مو لهالدرجة

يعني مااحد راح ليهم ( تمكين ) ؟؟

يقولون ياخدون امتحان ومقابلة !!!!

هذيــان;8245135:
ان شاء الله

انتين شخبارش ويا الدوام؟مرتاحة؟

ايه الحمدلله لحد الحين كل شي أوكي
بس القعده من الصبح كريهه :ss: وفي واحد مأذيني و منرفزني يبيله طق :dd::dd:

أمة اللـه;8247534:
اتصلت فهالرقم طلع لي مب الوزراة

بس غريبة الرقم مكون من 9 أرقام

ماظن في رقم بيت مكون من 9 أرقام

ولما دورت في دليل الهاتف عن وزارة التربية

طلع لي رقم صالة وزارة التربية في مدينة عيسى ..

يمكن يقصد هالرقم .. بتصل فيهم بكرا وأجوف

المشكلة أبوي يبي شهادة مضمونة تشغلني بالمستقبل

وآنه صج الشهادة مهمة عندي بس مو لهالدرجة

صالة الوزارة اعتقد مالها شغل
بس انتي اتصلي بالوزارة في المدينه وقولي لهم يحولونج على القسم المختص بالشهادات، قولي انتي تبين تسألين عن واحد من المعاهد اذا كان معتمد ولا لا
وأكيد هم بيعطونج القسم العدل

هذيــان;8242157:
ديرة النفط والبترول يازعم

اقولج لا !! للأسف والله (w)

بنات تره أي وحده ضمن الجامعيين العاطلين عن العمل وما توظفوا في وزارات في الفترة السابقة أللي كان فيها توظيف

يتصلون فيهم تمكين

أنا أتصلوا فيني وعطوني موعد حق بكره وإنشاءالله بروح وبودي أوراقي والله يكتب لي أللي فيه الخير إنشاءالله

وتره إذا اتصلوا فيكم لا تقولون مشغوليين أو شي فضوا أنفسكم لهم أحسن لأنهم يمشون على قائمة أسماء عندهم وإذا طافت أساميكم تره مظطرين تنتظرون فترة أطول

والله يوفق الجميع

موفقيين ^_^

@sPiCy@;8248770:
بنات تره أي وحده ضمن الجامعيين العاطلين عن العمل وما توظفوا في وزارات في الفترة السابقة أللي كان فيها توظيف

يتصلون فيهم تمكين

أنا أتصلوا فيني وعطوني موعد حق بكره وإنشاءالله بروح وبودي أوراقي والله يكتب لي أللي فيه الخير إنشاءالله

وتره إذا اتصلوا فيكم لا تقولون مشغوليين أو شي فضوا أنفسكم لهم أحسن لأنهم يمشون على قائمة أسماء عندهم وإذا طافت أساميكم تره مظطرين تنتظرون فترة أطول

والله يوفق الجميع

اي والله
انا اتعجب من اللي يتصلون فيهم حق مقابلات ويقولون الوقت مايناسبي ولا مانقدر ولا مادري شنو
وبعدين اييون مافي اشغال ومحد يشغلنا :ss:
شكثر بنات هني وفي منتديات ثانيه يقولون اتصلوا فيني المكان الفلاني بس مارحت لان ماناسبني ولا ماعندي سياره

سلام يا بنات ديرتي

يلا علشان خاطركم بزيد عددكم من العاطلين صار لي 3 سنوات متخرجة من جامعه البحرين وتخصصي ( صلوا على النبي) ما شاء اللة محد يبية في البحرين ( خدمة اجتماعية ) درستة لان باللغة العربية وكنت خاطري ادرس رياضيات بس ما عطوني

قابلة اشتغل اي شغلة ما لها علاقة بتخصصي بس اهم شيء دوام واحد لان اولادي اهم شيء بحياتي ولو اشتغلت دوامين يعني اني مقصرة معاهم هم عندي اهم شيء واني ما بشتغل الا علشانهم علشان انعيشهم حياة كريمة وما نقصر عنهم

المهم طولت عليكم واني اكتب قصة حياتي وبقول لكم رحلتي مع البطالة طبعا بحكم تخصصي محد يبيني كأن فيي الجدري ههههههههههههههههههه قدمت في مدارس محد رد علي ووزارة العمل كل اللي قدموة لي دوامين والمعاش ما يسوى لو هندية يمكن معاشي اكثر

ياليت انسوي لنا جدول كل وحدة تكتب اسمها فية وشنو تخصصها علشان لو حصلنا وظائف انساعد غيرنا وانا عن نفسي اذا حصلت شيء يسوى بقول لكم

وكلنا واسطتنا رب العالمين اللي ما ينسى من دعاة وطلباتنا عندة مجابة ان شاء اللة بس يبي لها اشوية صبر فتوكلوا على اللة

تحياتي

حابة اشتغل في مدرسة خاصة فيا ليت اذا احد عندة خبر عن مدرسة خاصة تبي مدرسات او مشرفات اتخبرنا


في مدرسة خاصة اسمها مدرسة السنابل تبي مدرسات لغة عربية واسلاميات يبون بنات جامعيات دارسين نفس التخصص ان شاء اللة احد يستفيد ويقبلونة واقل عددنا اشوي

الله يوفقكم جيمعا

السلام عليكم بنات

أني عندي طلب :ss: والله يخليكم ياريت تساعدوني

رحت مقابلة وطلب مني أسوي رسالة أطلب فيها من الزبون الحضور لمقابلة وارسلها على الايميل ليهم واني الحين محتارة بصراحه ما اعرف اسوي

اهي المفروض بالإنجليزي - مو مشكلتي اللغة - المشكلة في ترتيب هالرسالة الرسمية

فإذا وحده منكم الله يخليكم مشتغلة قبل في شغلة ادارية وعندها ياريت تساعدني

ابغيها بشكل سريع اذا ما عليكم امر

لآليء البحرين;8253517:
السلام عليكم بنات

أني عندي طلب :ss: والله يخليكم ياريت تساعدوني

رحت مقابلة وطلب مني أسوي رسالة أطلب فيها من الزبون الحضور لمقابلة وارسلها على الايميل ليهم واني الحين محتارة بصراحه ما اعرف اسوي

اهي المفروض بالإنجليزي - مو مشكلتي اللغة - المشكلة في ترتيب هالرسالة الرسمية

فإذا وحده منكم الله يخليكم مشتغلة قبل في شغلة ادارية وعندها ياريت تساعدني

ابغيها بشكل سريع اذا ما عليكم امر

والله ماعندي فكرة ان شاء الله البنات يساعدونك



موفقة اختي :)

بنات سالتكم من قبل وللحين رجعت اسالكم



وين اقدر اقدم حق المستشفى اقزلري (اللي يلبسون اخضر)



سمعت يقولون موظفين واجد ؟؟

بنات محتاجه الي وظيفة متمللله من قعدت البيت والقعده تذبح صراحه لاشغله ولامشغله أنا شهادتي إدارة أعمال تخصص إداره مكتبيه فالي تحصل وظيفه تخبرني حتى لو خاص على الاقل الى 3 الظهر

السلام عليكم

انا صار لي تقريبا 7 أشهر عاطلة رسمية ..

تخصصي في التربية وكلما نروح حق ضد التعطل كله يقولون لينا التربية والآداب ماليكم وظايف..!

اني وحدة قابلة اشتغل اي شغلة بعيدة عن تخصصي كبداية يعني بدل هالقعدة بس وين نحصل ما ادري

خاطري ادرس او ادخل اي دورات تدريبية فالي تعرف معاهد تدرس او تعطي دورات باسعار مناسبة ياريت تخبرنا

ومشكورين البنات اله يحطون الاعلانات بين فترة وفترة

:)

قوه عرايس شلونكم

تمامووووووووووووووووووووو

المهم

مثل ما قلت لكم أتصلوا فيني تمكين أللي هم نفسهم أرنست أند يونغ

ورحت الحمدلله المقابله وهناك قدمت إمتحان إنجليزي وإختبار شخصية

وبعدين سوت ليه وحده مقابلة سألتني عن دراستي ومشروع التخرج وكلام وايد


أللي أهم من جذيه أنا سألتها شنو نوعية الأشغال أللي إنشاءالله تقدرون توفرونهم لنا؟؟؟؟؟؟؟؟؟؟؟

قالت لي إن معظم الأشغال قطاع خاص س الحد الأدنى للرواتب 400 دينار ورايح فوق

والدوامات ماتزيد عن الساعة 4 العصر

يعني إنشاءالله الأشغال تكون مريحة

هذي أللي صار معاي حبيت أشارككم فيه عشان يصي عندكم فكرة

والله يوفق الجميع

فيه بنيه مطرشت لي ع الخاص عشان الشغل .. و قلت لها عن تمكين من اللي قريته اهني و عطيتها الرابط ..

بس انا شخصياَ ما عرفت له !!

شسالفته و كيف يقدمون عليه ؟؟

التفاصيل ؟!

على حسب علمي ان تمكين هيه اصلا صندوق العمل

يعني محولين الطلبات ليهم

فاللي طلباتهم هناك بس يروحون يجددون المعلومات

وكل الشغلات في القطاع الخااص

والله يستر من الدوام والراتب