بطالة البحرين تفضلوا هنا...

انا أبي أشتغل يا ليت أحد يحصل لي شغله على مكتب

يا ليت خييو اقدر اساعدش اني نفس معاناتش من زماااان واني ادور شغل مناسب بس مو محصلة بس دخلي على موقع جريدة الوسيط قسم الوظائف يمكن تحصلين

السلام عليكم خواتي

بغيت اعرف هل ينزلون الحين راتب الى العاطلين الي تبع المشروع الوطني ولا لا واذا ينزلون بعد مرور كم يعني شهر ولا شهرين ولا شلون ؟؟

ثاني شيء سمعت انة ممكن ندرس في معهد البحرين دورات تبع المشرووع هل فيه احد يعرف عن هالدورات متى وشلون سألت كذا مرة عنها في مركز سترة الاجتماعي الي ارووح اراجع فيه اوراقي مال المشرووع كله يقولون مافي معنه خال رفيقتي الي مقدمة وياي يتصل الى واحد يعرفه هناك يقولون فيه ومطرشين الى المراكز بس لي رحنا المركز يقولون مكو دورات صار لنا شهر على هالسالفة المعهد يقول فيه والمركز يقول مافيه ...الي يعرف شيء عن الدورات يخبرني ؟؟

وانة اقرا الموضوع جفت البنات يتكلمون عن وزارة الصحة ودفعة جديدة بيوظفونها بداية السنة الجديدة (( هل الدفعة مالت مساعدة ممرضة الي يلبسون اخضر او شنو بالضبط )) ؟؟

السلاام عليكم بنات ليش ما اجووف نفس الاول تحطوون اعلانات لوظائف

ألــ أمـ ــل ـــم;7885333:
وانة اقرا الموضوع جفت البنات يتكلمون عن وزارة الصحة ودفعة جديدة بيوظفونها بداية السنة الجديدة (( هل الدفعة مالت مساعدة ممرضة الي يلبسون اخضر او شنو بالضبط )) ؟؟

اي اني بعد ابي اسال نفس السؤال سمعت اللي متخرجين من علمي يبونهم


بس وين نقدم وين نروح ؟؟

ي احد يدري كم معاش فندق الخليج للبكالوريس و هل الشغل زين عندهم مع المعاملة

بنات
سؤال

هل كل العاطلات عندنا هني بالمنتدى خريجات ثانوية عامة او جامعيات؟؟
أبي اعرف النسبة

بالنسبة ليي عندي ثانوية عامة مسار تجاري ودخلت الجامعة درست دبلوم إدراة مكتبية بس للأسف ما كملت يعني اعتبر ثانوية عامة فما فوق نص ونص

بنات

احد يعرف عن خريجات علم اجتماع في احد منهم اشتغل في وزارة او لا؟

الله يسلمكم انا كملت 3سنين ولا حس ولا خبر!!!!

مرحبا بنات اتصلو فيني الوزارة عارضين عليي دراسة في معهد البحرين للضيافة وقالو ليي ان المواصلات من عندهم ويمشون راتب ليي 100 دينار شهريا بس اني مو مطمنة اكيد المعهد وراه سوالف خصوصا انه في مجال الضيافة وسمعت مرة في بنات قالو ان سمعته مو زينة وفيه سوالف ياريت تخبروني اذا تعرفون عن المعهد شي

عن نفسي

خريجه تجاري

وادرس حقوق وماباقي الا كورسين واصير خريجه حقوق باذن الله
بس وايد احاتي عن بعد التخرج لان ماباقي شي وابوي يقولي لاتخافين
وكله يقولي (لوجريت جري الوحوش غير رزققك ماتحوش) ههههههههه
انا مؤمنه بكتبه ربه العالمين بس اسعى ياعبدي وانا اسعى معاك

بنات في شركه سعوديه قايلين لي عنها بس لان انه ادرس وعندي اوردي تريننغ في الشؤون القانونيه فمايمدي اوافق بين دراسه وتريننغ ويا شغل الراتب حسب ماقالولي 500
وفي مكتب بيبب لكم سالفه الشركه ووين تصير وشنو طبيعه الشغل ان شاءلله اذا ماصار لي نصيب فيها بخليكم تجربون حظكم فيها كون اللي خبرني هو اللي حاب المساعده لي او لاي احد من صوبي

الترجيه;7933219:
عن نفسي

خريجه تجاري

وادرس حقوق وماباقي الا كورسين واصير خريجه حقوق باذن الله
بس وايد احاتي عن بعد التخرج لان ماباقي شي وابوي يقولي لاتخافين
وكله يقولي (لوجريت جري الوحوش غير رزققك ماتحوش) ههههههههه
انا مؤمنه بكتبه ربه العالمين بس اسعى ياعبدي وانا اسعى معاك

بنات في شركه سعوديه قايلين لي عنها بس لان انه ادرس وعندي اوردي تريننغ في الشؤون القانونيه فمايمدي اوافق بين دراسه وتريننغ ويا شغل الراتب حسب ماقالولي 500
وفي مكتب بيبب لكم سالفه الشركه ووين تصير وشنو طبيعه الشغل ان شاءلله اذا ماصار لي نصيب فيها بخليكم تجربون حظكم فيها كون اللي خبرني هو اللي حاب المساعده لي او لاي احد من صوبي

شنو هي الشغلة بالضبط ؟ معذرة على اللقافة الا فيني بس ويش انسوي يا اختي مو محصلة شغل مناسب داير راسي واني ادور والمشكلة اني عندي طفل وما اقدر اشتغل دوامين او دوام طويل يالله الله يفرجها ليي وللجميع والله يوفقش وتشتغلين

عن نفسي خريجة جامعية تربية خاصة

الترجية ....... ياريت تفيدينا بالشغلة إذا تقدرين وتعطينا معلومات أكثر وجزاك الله خير

السلام عليكم

اليوم متصلين فيني لمقابله باچر في مركز المشرق العربي للتدريب

أحد يعرفه او سمع عنه؟؟؟ لأني ماعرف عنه شي وما حصلت شي في النت!!!!

سلام عليكم بنات

من كم يوم متصلين فيني صالون الوزان حق وظيفة ادارية وكلش مهمة بس للأسف ما كان عندي سيارة حتى اروح

شكلها الشغلة زينه لانها قالت بعطيهم اللي يبون وتبي وحده تدير لها المحل كامل

بس مثل ما تعرفون بعد دوامين ويبغي ليه وحده مستعده لجذي

اللي تحب تطلع رقم الصالون وتتصل

بالتوفيق

صالون صالوون ماغيرة حق شعر وهشغلااات ؟؟؟؟

انا طبعا اليوم رحت ودورت على المكان بس ما لقيته!!!

وبالنسبه حق صالون الوزان وين صاير هذا؟؟؟

بطالة البحرين << كان سمعت احد يناديني خخخخ

والله الحال من بعضه

بكاللوريوس وقاعدة اربع سنوات في البيت << والله حراااااااااااااااااااااام

بس ياللا الله كريم ولله الحمد