للأسف فقدت الجنين

الله يعوضج ان شاالله

الله يعوضج خير أختى،، والعادة مايعملون التنظيف الا لما ينفتح الرحم من نفسه، لأن على حسب كلامهم كل تدخل من قبل الطبيبة لفتح الرحم يعمل في المستقبل إرتخاء لفتحة عنق الرحم وبالتالي عدم إستمرارية الحمل الثاني..
وأنت ذكرتي بخصوص تخثر الدم، والمفروض يوصوفن لك الأسبرين لأنه مساعد كبير في عملية إتمام وصول الدم والغذاء للجنين في مثل حالتك...

أنا بعد توقفي جنيني بالأسبوع السادس، وماعرفوا الا بالأسبوع التاسع، حتى دكتورتي ماعطتني سبب؟ ونتائجي سليمة،، وللحين آبي سبب مقنع عن توقف نمو الأجنة؟؟؟؟؟؟

الله يرزقنا قريبا ويعوض علينا خير..

الله يعوضج ان شاء الله

ويشفيج يارب

ويرزقك بالذريه الصالحه عاجلا غير آجل

ترى معظم النساء تصيبهم هالحالات بدون سبب واضح بس نصيحة روحي عند دكتور سلام جبريل في المستشفى التخصصي لانه بروفيسور وفاهم عدل مو مثل باقي دكاترة البحرين اللي ما يفهمون شي ابد

هلا اختي
بالنسبة لسؤالش وين الدكتورة منى الشرقي

فبتكون عيادتها في سند في مركز الاستقلال صوب صيدلية رويان

انشاء الله تدلينه

الله يعوضج ان شاء الله


في دكاتره وااااايد يمدحونهم مثل موزه الذوادي وهدى شريده في العسكري وعفاف الحمر عندها عياده خاصة يقولون انهم وااااااااايد زينين..

ربي يعوضك خير

والله قطعتي قلبي عليج

ماحاولتين تجربين بره البلاد؟

كل اللي بقوله لش

لاتيأسين ابدا من رحمة الله الواسعة
ان شاء الله الله يعوضج خير
يااااااااارب

انا اختي مثلج مرتين سقطت لكن الدكتور قال لها شنو فصيله دمج وفصيله دم زوجك وطلعت اختي o+ وزوجها o- فقالها انتي لازم تاخذين ابره علشان اختلاف نوع الدم

هلا اختي
ما عليش شر

انا بعد اول زواجي طرحت مرتين وكنت بين الاسبوع ا لسادس والسابع
وما فيه سبب للاسقاط سويت كل التحاليل وكل شي زين
ورحت حق الدكتورة فكرية مصطفى في المركز التخصصي
وقالت لي اول ما تعرفين انج حامل تعالي وعطتني حمض الفوليك
واول ما عرفت اني حامل للمرة الثالثة رحت لها وعطتني حبوب مثبتة وابر اسبوعية وقالت لي الراحة التامة
والحمدلله ثبت جنيني

الله يعوض عليج
وما تدرين يمكن بعد يثبت الجنين لان الفرق بس اسبوعين

الله يثبته لج

الله يعوضني ويعوضش انشالله وبدعي لش في الحج ان الله يرزقش بالذرية الصالحة عاجلا

الله يعوضح ان شاءالله فلقريب العاجل بلضريه الصالخه

الله يعوضج خيـــــــــــــــــــر إن شاء الله...

الأخت شوق : شكرا على موضوع (ملف شامل عن الاجهاد وعملية التنظيف) وفعلا استفدت منه بالنسبة لنوعية الفحوصات اللي لازم أعملها.

بالنسبة للأخت أم حسنين، اختي للحين مانزل علي أي دم بالمرة . وأحب أطلب منك خدمة أنك تدعين لي وللاخوات في الحج لاتنسيني من دعائك.

بالنسبة للأخت رانيا البحرينية : انا مشكلة تخثر الدم اكتشفوها من أول أسقاط لي بس مع ذلك ماوصوفوا لي أسبرين ، عموما أنا نويت أغير الدكتورة.

بالنسبة للأخت عرو س سمراء ، عفوا بسألك هل لك تجربة علاج مع دكتور سلام جبريل وهل يعالج الاسقاطات المتكررة . عذرا على كثرة الأسئلة .

وجميع الأخوات اللي واسوني أو ساهموا بالدعاء الطيب والنصيحة أشكركم ويمكن أنا فقدت الجنين بس كسبت أخوات طيبين مثلكم (رب أخ لك لم تلده أمك). وأتمنى من الله سبحانه وتعالي أن يمن علي وعليكم جميعا الذرية الصالحة وكل الخير.

الله يعوضج خير ان شالله

الله يصبرك اختي ويعوضك خير منه امين يارب
وانصحك تروحي عند شيخ يقراء عليك ولاتنسي قراءه سوره البقره يوميا

خيووو انتين صار لش نفس حماتي بالضبط ... قالو ليها بس كيس مافي حمل وقامت تصيح وقالو ليها لازم اتجي يسوون ليها تنظيف ماراحت اليهم وراحت خاص ونفس الشي قالو ليها وبيت عمي كانو بسافرون ايران قالت اليها عمتي تعالي ويانه والله بيسلمش وصدق راحت ايران ورجعت والحمدلله سوو ليها سونار وقالو ليها ان اول مرة انشوف صورة جاهل بهذا الوضوح .. الحمدلله والحين هي في الشهر الثامن الله يسهل عليها

لا تتسرعين وتسوين تنظيف يمكن الحمل يستمر عندش ولاتنسين التوسل والدعاء

وعن الدكتورة انصحش اتروحين الى منى الشرقي في مجمع الاستقلال بصراحه عجيبه

اتصدقين اختي انهم في العيادة قالوا لي الجنين بس 6 أسابيع يعني ناقص ورحت الصبح الطوارئ قالوا لي مافي جنين بس كيس حمل !!! يعني بس من الليل للصبح وين اختفى الجنين سبحان الله. وعطوني موعد بعد اسبوع اللي هو اليوم يقولون الجنين سبع اسابيع ويوم زين شلون زاد اسبوع بعد ماكان مومبين اصلا .... زادوني حيرة على حيرتي والحين يبون يسوني عملية تنظيف يوم السبت... وانا خايفة