مرحبا بنات شخباركم
الله يخليييكم اللي عندها وصفة او منتج او أي شي اقدر استخدمه لحواجبي بصراااحة من فترة يتساقطون وصايرين اخف من المعتاد وانا ما احب ارسم حواجبي ولا احب اغير بشكلهم وابيهم يرجعون مثل قبل... ونصحوني بزيت الخروع وزيت الحية وجربتهم بس ما لقيت تحسن
وتسلمووون يا بنات ولا تحرموني من نصايحكم
الناس تبي تخفف
وناس هنيه تبي تكثف
والله حاله
ههههههههههههههه خلاص عيل تبادلوا هههههههههههه
اختي انا اللي اعرفه زيت الخروع ان شاءالله البنات يساعدونج
انا اللي سمعته ان زيت الخروع بروحه مايعطي نتيجه
لازم ينخلط بزيت ثاني والزيت الثاني يكون اكثر منه بشوي
مثلا تخلطينه مع زيت زيتون او زيت اللوز .. هالزيوت الخفيفه يعني
ولازم عاد كل يووم فديتج مايصير يوم اي ويوم لا و 3 ايام اي و اسبوع لا :D
واستمري شهر شهرين .. هاي شعر اكيد بيتم فتره عشان يستجيب للزيت وبعدين فتره لين ينبت وفتره لين يطول
هيـك الإصـّـه
موفقه دير ;)
أنا عندي نفس مشكلتج .. وسألت حفافتي عن زيت الخروع .. فقالت لي إنتي شعر حواجبج بسرعة يطلع .. فما أنصحج تحطين زيت عليه .. لأن راح يطلع لج شعر مو طبيعي بحواجبج وخشن .. فما استخدمته ..
وآخر مرة اللي قصة شعري نصحتني بزيت الزيتون .. وقالت إنه يطلع شعر الحواجب بسرعة .. بس بصراحة ملليت وماقمت أداوم عليه!! .. وما شفت أي نتيجة تذكر .. وبيني وبينكم أنا من النوع اللي ما احب أحط زيوت بدون اضافات على وجهي .. احس تسمرني ..
تسلمووووووون حبااااااااااااااايبي عالردود
بس الحين شسوي عاااااااااد؟؟؟؟؟ اتوكل على الله واجرب زيت الزيتون؟؟؟
حبيبتي A7la والله مو مسألة تخفيف ولا تكثيف,,, القصة ان الحواجب لما تتساقط في بعض الاماكن يصير شكلها مو حلووو ولازم مكانها ما يكون خالي,,, (y)
عالعموم مقدرة دخلتكم لموضوعي وردودكم الحلوة... والبحث جاري عن الحل وانا ان شالله اذا لقيت شي مفيد بنزله عشان البنات كلهم يتسفيدون
اختي انا اذكر ان الماما تقول ان الكحل البودرة يكثف شعر الحواجب
قبل لا تنامين حطي كحل على حواجبك وان شاء الله تكثف
واعرف بنت عمي بعد تفرك حواجبها بثوم اذا ماطلعت بسرعه