حطي نفسك مكاني ...

لازم تخبرينه انو مو عاجبك الوضع بس اذا اصر عليكي روحي وشوفي الوضع هناك لازم تعرفيه شلون وكيف عايش ومن هني تنبني الصورة

لا تخلينه يروح لحاله

حبيبتى فهميه ع طبعج من البدايه وكلميه بهدوء انج ماتحبين سوالف هالبنات معاه ومزحهم,وع اساس رد فعله تصرفى,بس الحفله روووحى واكشخخخى واقهريهم قهر انتى بحقج وهدا زوجج ولو كانوا زميلاته بالعمل ع الاقل علشان يسوولنج حساب ..وبالحفله تصرفى بطبيعيه وتلقائيه وحتى لو صار شىء يضايقج خلك ع اتزانج وصدقينى بيحترمج وبتكبرى بعينه وانتهزيها فرصه تتعرفين ع طبيعه عمله وعلاقاته,الله يوفقج وييسر امورج

انا بصراحه استغربت انه قبلي وكذا

حبيبتي دامه اختارك من بين كل البنات

اللي عارفهم فهاذا يدل على حبه لك

وروحي معاها الحفله وخلي الكل يشوفك

ويشوف قد ايه انتو بتحبوا بعض لا تعطي

فرصه لاحد .......... تكلمي واضحكي

واثبتي وجودك في الحفله

ولا تبداي من الحين في الغيرة والشك

لا تخلي يروح بحاله هاي اولا
ثانيا لابد لك من ان تتاقلمي مع واقعه لان بعد الزواج لو شافج مضايقة راح يروح الى هالمحيط اكثر و اكثر
و تشوفين حالكم كل واحد بوادي

لا تخلي يروح بحاله هاي اولا
ثانيا لابد لك من ان تتاقلمي مع واقعه لان بعد الزواج لو شافج مضايقة راح يروح الى هالمحيط اكثر و اكثر
و تشوفين حالكم كل واحد بوادي

لو انا منج مستحيل اخليه يروح الحفله بروحه ..

خاصه ان البنت تدري انج يمكن تجين واكيد قالت حق الزميلات وبعدين لما يجي بدونج بيحسون ان في gap بينكم وانج زعلانه ويمكن وحده منهم تطلع حاقده وتستغل هاللحظه وتسوي شي ! <<< فلم حشى

بس لا صج والله كل شي جايز .. بنات هالايام مايعرفون هالشخص مرتبط ولا على وجه زواج، أبددددددد مايهمهم شي !!

وبعدين انا لو كنت مكانج .. اوكي ممكن اتغاضى عن سوالف انه بحكم شغله والحياه اللي تربى عليها انه لازم يختلط بالبنات ويستظرف معاهم .. لكن صج بقول في نفسي ياربي خوفي ينقلب علي عقب الزوااج وأي وحده من اللي يحتك فيهم تاخذه مني

يعني والله شي ماينعرف :( !! تشوفينه الحين يقول لج ان كلهم كانوا يبونه وبس هو ماهتم لهم وخذج ..

مايندرى عنهم هالرجاجيل شيسوون بعدين والله .. ينسوون الكلام والوعود

بس شلحل ؟ .. همم مادري انا بتابع الموضوع لان صج ابي اعرف شلحل .. او اذا مافي حل .. شلّي المفروض يصير؟ :s !!

أدري ماستفدتي من ردي بس كنت اقول افكاري بصوت عالي :$

بس تبين الصج؟ ..

زوجج المفروض يتغير .. خاصه انه بيتزوج .. يعني مب لازم سوالف الخلط والحركات هاذي وهو مب محتاج يكون على اتصال ويعرف اخبار فلانه وعلانه .. يعني لازم يفهم ان حياة اول غير، والحين المفروض يتغير الحال .. وبعدين قبيلي؟ المفروض يغار عليج ومايخليج تطلعين جدام ربعه حتى لو كان في ناس بيجيبون زوجاتهم .. همممم مادري جذي احس انا .. يعني صج المفروض يتفهم هالشي .. بس ماعرف والله شلون تقدرين توصلين له هالمعلومه .. اذا هو من النوع اللي يحب يحاور ويناقش .. تناقشي معاه بأسلوب هادي وابتسامه حلوه منج ;)
حتى لو كنتي تغلين من داخل

انشالله البنات يفيدوونج حبيبتي :)

مستحيل تخليه يروح بروحه لهذه الحفلة اكشخي وتعدلي وروحي معاه على الاقل تشوفي الزميلات لي قالك عليه وتشوفي محيط الحفلة ايش هو وتستنتجي بعده
وقوليله انه هذه السالفة تضايقني وانا مو متعودة على انه زوجي يكلم هذه ويكمل هذه وعلى امرك ومن عيوني في شغل اوكي بس يكون احترام بس هذا كله تفهميه له بشويش من دون عصبية نفاش عادي
والله يوفقك

انصحكي ان تروحين وياه بلعكس اذا رحتين معاه بحسش انسانه متفهمه وضعيه عمله لا تحسسينه انش انسانه متحجره ومتخلفه روحي معاه بس محتشمه ادري انه في خلط بس هذا طبيعه شغله كاني اني وزوجي يعرفني علي زملائه وزميلاته ومو شرط ان بينه وبين زميلاته شي انصحكي لا تخلينه يروح لوحده لا تحسسينه انه اقل واحد فيهم ولا انصحكي ان تخليه يتغير مثل ما نصحتكي لاخت تره الرجال ما يحبون ذا الشي وخاصه اذا كان متعود عليه من قبل الملكه تره الرجل يحب المراءه الواعيه الفاهمه احين الحياه تغيرت مو مثل قبل

السلام عليكم ورحمة الله وبركاته..
اختي اسمحي لي ان اضع لك بعض الحلول اظنها مناسبه(وجهة نظري فقط)
أولا حذاري من اظهار الغيره عليه لكن لايعني هذا ان تتركي الحبل على الغارب فالرجل اذا ماعرف حدوده عند زواجه وفي حياته الزوجيه مع زوجته فانه يتوه هنا وهناك...وتصبح كل المجالات مفتوحه امامه بدون حساب ولااحتياط..ويتعامل معها بكل حريه واريحيه فبحكمه تحدثي اليه انه ليس من فئات الرجال الذين يلهون ولايعرفون بالعيب والاحترام وانك على ثقه به وانه انما زل فقط وهذه هفوه ظهرت منه ليست مقصوده.فالرجل طفل ينصت دائما للتعاليم اللامباشره بل ويستهويها ..
ثانيا بالنسبه للحفله لو انه مايروح راح يكون افضل وتكون هذه نقطة تحول غير مباشره له وانت باتخلين الكل يتكلم عنك انك انتي جيتي وغيرتيه..
حاولي باي طريقه تلهينه عن حضور الحفله واذا ماقدرتي خذي على نفسك وروحي اما انه يروح وحده لا ..لكن بدون ماتظهرين له انك تروحين لانه رايح ..وبيني له دائما انك ماتغيرين عليه ولاذا شيء يخطر ببالك وانك على ثقه به واذا مو على ثقه به فعلى ثقه بنفسك.
ثالثا..
بدون تكلف تكلمي بالحفله واضحكي وامرحي ولكن بثقل واللي تشوفينها ماتعرف الاحترام لاتعيريها ادنى اهتمام لو سوت ايش ماسوت...اكتفي بابتسامه صفراء عليها بدون ماتيجي عينك في عينها.وهي راح تنغلي غلي وراح تحاول مضايقتك بتصرفاتها وانتي ابتسمييييييييييييي عالآخر.
وربنا يوفقك ويسدد خطاك وعذرا على الاطاله.

والله ماادري ايش اقولك البنات وفوا وزياااااااااااااده

اول شئ البنات ما قصرو ثانيا لا تتركيه يرموح لحالللللللللللللله وثالثا جنني البنات هناك بحبك لزوجك اظهري حبك خليهم ينفرسو رابعا لازم يعرف انك تتضايقي ولااااازم يتغير الزواج مو مثل العزوبيه حبيبتي وبعدين انتي قلتي مختلط ليش يكلم بنات مو اولاد؟؟ يمكن يبي يخليكي تغيري عليه

البنات ماشاء الله ما قصروا ....

بس خلي عينج على ريلج وبلا هل الانفتاح الزياده عن اللزوم ... والله يوفقكم حبوووبة


روووووووووووووووووز

بنات تسلموا لي مرررررررررة\
مو عارفة ايش اقووول لكم مررة احبكم والله :)\

أسأل الله العظيم أن يجعل لك في كل خطوة نور وبركة لك ..
وأن ييسر لك الخير .