الزوجة الثانيه، دشوا موضوعي ودلوني بالحل؟!!1

وعليكم السلام ورحمة الله وبركاته


جفت موضوع عن تجربة وحده ماخذه واحد متزوج وقلت بحط لج الرابط.


http://www.3roos.com/forums/t290258.html#post4674268


والله يوفقج ان شاء الله

لو تسمحين لي ممكن اعرف انتي كم عمرك؟

عمري 28 سنة
عندي شهادة واشتغل في وظيفة مرموقة

لا تدخلين نفسج في مشاكل ما لها تالي

دام الريال يشوف في حرمته كل خير .. ليش يبا يعرس . ؟ انا بقولج و الله اعلم .. عشان اليديدة بتكون عروس ويازينها في البداية ومتفرغة له والاولى مشغولة بالطفلتين ..

انزين

فكري .. يوم انتي بيونج عيال وبيصير حالج حال الاولى.. بيدور ثالثه ورابعه .. يا عيني

وبعدين انا شفت شي ووايد بعد .. اللي يتزوج ثانيه ، يتزوج ثالثة ورابعه وما يمل ولا يرضى الا لفترة وعقب يدور يديده

.. انتي فكري وتأني ماله داعي التعجل يمكن اييج غيره يكون حقج بروحج .. الله اعلم

ف النهاية استخيري الغالية و ربي بيسر لج اللي فيه الخير :)

اتمنى لج التوفيق والسعاده فحياتج واخرتج

تقبلي سلامي

اختي الفاضلة
نصيحتي لا تاخذي الرجل من زوجتة وتفاجئيها
خذي رقم زوجتة الاولى وكلميها وشوفي نفسيتها اذا راضية توكلي على الله
الله يعين الجميع

ما فهمتوني
هو ما يذكرها بالخير لان اخلاقه تأبى انه يتكلم على ام اطفاله مهما كان
بس لما سالت وتطقست عنه عرفت انه تزوج بطريقة تقليدية وزوجته عندها الثانويه وعمرها 29 وهو شخصيته العكس طموح ويتمنى يرتبط بإمرأه متعلمة
وهذا نصيبه كان

في شئ ثاني
هو راح يكلم زوجته عن رغبته في الزواج ولن يفاجأها عندما يحصل على موافقتي

تصحيح خطأ كتابي:
هو ما يذكرها الا بكل خير

استخيري الله و انا بلاحظ انك ميالة له

مدرى حبيتى انتى استخيرى وفكرى زين وشوفى نفسج بتقدرين تتحملين اللى بيجيج منه لقدام وترضين بوضع انج تكونى الثانيه هدا راجع لج بس اهم شىء تكونى مرتاحه ومستخيره .ومثلما فى زواجات ثانيه فشلت فى اللى نجحت وحياتهم واااايد سعيده,الله يسعدك اختى ويكتبلج الخير

لا اختي انتي بعدج صغيرة ومتعلمه اشلون تقبلين من رجل متزوج وعندة طفلين مو تفكرين فيى اول الطريق فكري في بعدين اغلب اللي تزوجو من رجل متزوج يقدمون تنازلا ت ان كان على تواجدة او اشياء وايد انتي مستعدة تتنازلين ؟او قد تكونين فقط لمتعته
نصيحتي لج فكري زين الزواج من متزوج يعني الدخول الى حياة مجهوله ما تعرفين مصيرها

اصرفي النظر عن الموضوع والله بيرزقج زوج لج وحدج

لاتقيسي تجارب غيرك عليك وشوفي نفسك اذا تقدرين تحملين انك تقاسمين رجال مع حرمه ثانيه توكلي على الله اذا مافيك غيره قويه بعد صدقيني اتكلم لك عن تجربه ....الروحات والجيات مع زوجك بأوقات مو على كيفك وبرضو يعتمد على الرجال والله يكتب لك الخير مافي احسن من الاستخاره وحطي ببالك اذا مأخذتيه انتي بـتاخذه غيرك يعني انتي لاتقولين مابي اخرب بيتهم لاااا هو نصيب سبحان الله بس الزواج ذا له سلبيات وايجابيات والله يوفقك اختي ...
على فكره انا زوجه ثانيه وذبحتني الغيره والله يخففها عني وفي بنات اعرفهم زوجات ثانيات وماشاء الله مبسوطات

لا تعليق

عزيزتي اولا الله يوفقك
تانيا توكلي على الله واستخيري

ولا تقيسي نفسك بتجارب الاخرين