الفزعه يامتزوجاااااااااااااااات

حب ربها شاغل قلبها 25-11-2007 15 رد 872 مشاهدة
ح
السلام عليكم ورحمه الله وبركاته
خواتي يمكن موضوعي غريب اشوي بس حطيته للفايده للبنات جميعا
بصراحه انا اسمع من زميلاتي في الشغل ان الزواج يصير ملل بعد فتره وخصوصا العلاقه الحميميه بين الزوجين وتصبح مثل تأديه الواجب فقط لاغير (لاعت جبدي من العرس) حتى بنت خالتي اللى متزوجه من ثلاث شهور تقول ان العلاقه ممله مع انها متزوجه بعد قصه حب
بصراحه انا خفت وايد.......وين الحب ووين الاهتمام وين الرومانسيه اللى يتكلمون عنها؟؟؟؟؟واسئله كثيره مالها اجابه(للاسف ماعندي اخت اكبر مني تعلمني وصديقاتي المتزوجات مايحبون يتكلمون في هلموضوع حتى صرت استحي اتكلم معاهم فيه)
ياليت ياخواتي تنصحونا وتعلمونا الله يجزيكم رضاه والجنه ويصلح لكم أزواجكم واعيالكم
واسمحولي اذا خانيي التعبير
و
طبيعي تجي فترات ملل بسبب الروتين

والحل كسر الروتين

والغيير

والتجديد


واقصد في كل شي بداية بالبيت ونهاية بج

وبس
i
عليج بلتجدييييييييد تراه بعد الريل يمل وإذا مل يريد شي ايديييييد اذا تبين نصيحتي باطرشلج علخاص اوكيه حبيبتي؟؟
a
شوفي حبيبتي خلي الخوف عنج اصلا الموضوع مايبيله شي نفس ما تغيرين فستانج في كل عرس ولازم تكشخين نفس الشي للزوج كل يوم طلعي له بلون لاتخافين فية يوم مكياج وتسريحة يوم مكياج هادي والشعر مبطل لان في زمنا هذا في مشكلة الرجال صارو يشوفون القنوات وهالممثلات وتسريحات انشاللة ريلج مايكون منهم وعل فكرة لو تسوين هذا كلة وانتي ماتسمعين كلامه مافي فايدة يعني لازم تسمعين كلامة في كل شي الا من امر يغضب رب العالمين هاذا بصفة عامة واتمني اكون اافدتج بشي
ص
حتى انا خايفه صار لي 3 شهور متزوجه
l
iwaki_san;4681431:
عليج بلتجدييييييييد تراه بعد الريل يمل وإذا مل يريد شي ايديييييد اذا تبين نصيحتي باطرشلج علخاص اوكيه حبيبتي؟؟


أنا بعد أبي النصيحه اذا ماعليج أمر
!
عليج السلام ورحمة الله وبركاته

. الغاليه . تصرفي مثل ما قالن الاخوات بارك الله فيهن .. جددي وغيري كل يوم بشكلج وبالمكان حولج

.. ابتكري افكار .. كل يوم اظهري له بشي ، وهيّـئيه انتي بالجو، اذا كان كل يوم هو يبادر هالمرة انتي ابدأي وبادري اقل شي بكلمتين حلوات بنظرة بلمسة .. بس موب تعيدينهم نفسهم دووم .. غيري بعد فيهم .. شوّقيـه

مثل ما يقول الاعلان .. عيشي كل يوم كأنه أول يوم بحياتج .. ما بتملين بإذن الله ولا هو .. دامه يشوف على وحدة يديده كل يوم اكيد ما بيمل منها وهي حبيبته وزوجته اللي تبي سعادته

اضحكي .. بتجددين روحه بضحكتج الحلوة

ربي يسعدج ويوفقج اختي " حب ربها شاغل قلبها " ف ايامج القادمة وباقي الاخوات منهن " صاحبة السمو الملكي "


تقبلي سلامي حياتو
ا
laleeta;4684825:
أنا بعد أبي النصيحه اذا ماعليج أمر
أ
سلام عليكم
بصراحة احسن واحلى من العرس ما في شيء ثاني ...
والخوات ما قصروا عطوج النصايح الزينة .... وأي إنسان يكرر نفس الروتين يتملل بس حلو التغير والمفآجات ...
والسموحة ...
أفتخر إني إماراتية ....
خ
خواتي ... أنا بدخل بالموضوع على طول
الحياة الزوجية شراكة وأنتوا عارفين هالشي ... بس اللي ابغي أقوله أنه حياتي أنا وزوجي تختلف عن حياتج انتي وزوجج .. أختي وزوجه ..أمج وأبوج ....
يعني كل أثنين غير ,,, ولاتقولين أبوي يعامل أمي جذي يعني أنا نفس الشي .. ولا تقيسين نفسج بأي حد تراج بتتعبيين ... مثلا أنتي عايشه مع أهل زوجج ... وفي غيرج اثنين من حريم الأولاد - وصدقوني انه كل وحده غير عن الثانية وأرد وأقول لاتقيسين حياتج بلأخرين ... تدرون ليش ؟ لأن المزاج والأفكار والطبايع تختلف من انسان إلى الثاني ...
إذا كنتي إنتي وزوجج إللي بغرفة وحدة تختلفون في الراي والمزاج فما بالكم بالناس ...
وبعدين ياحلوات ابغي أقول لكم شي خطير ............
الحياة الزوجية تنازلات , يعني لازم واحد من الطرفين لازم يتنازل للآخر عشان يكسب الطرف الآخر .. وأنصحكم خواتي ابدو انتو بالتنازل .. ولاتقولون عزة نفس خرابيط وللي ماتتنازل غلطانه .. تدرون ليش ؟ .. بعد فتره قصيرة بتشوفين اللي تنازلتي له يبادر هو بالتنازلات ولكن حبه حبه وبصورة غير مباشرة ,, وجذي اتكونين كسبتيه وانتصرتي ...
وبعدين في نقطة مهمة ... حبي أهل زوجج .. بتشوفين الأحترام والتقدير والحب من زوجج وبتكونين الملاك اللي بعيونه ...
وطبعاً لازم تتفنين له يعني مانبغي روتين ... فاجأيه بكلام حلو مكتوب على قصاصاتن ورق وعلقيها مثلاً خلف باب الحمام ( تكرمون ) وشوفي ردة الفعل ..
أطلبي منه يختار لج قميص النوم من الكبت ... وخليه يعطرج ...
فاجأيه بوردة حمرة على مخدته ، وترفقه بطاقة دعوة للعشا من غير الصغارية للمتزوجات وعلى حسابه ... وشوفي ردة الفعل ..
سولي ليلة للذكريات ، جهزي الفيديو وحطي شريط العرس وبعدين الألبوم ولكن من أي كلمة وشرطي عليه .. وبعدين اتكلمو عن العرس والمعازيم والنظرة الأولى على الكوشه واللهفه ويوم العرس بشكل عام .. وياريت تقضون هاليوم في الفندق اللي تم زفافكم فيه بتكون ليله حلوه وسعيده ..
عندي كلام وايد .. بس فالمرات القادمة انشاء الله
وموفقااااااااااااااااااااات
r
مرايم السعودية;4681358:
طبيعي تجي فترات ملل بسبب الروتين

والحل كسر الروتين

والغيير

والتجديد


واقصد في كل شي بداية بالبيت ونهاية بج

وبس


انا مع الاخت
ش
هالشي اكييييييييييييييييييييييييييييييييييد وانا لاحظت هالشي متزوجه من 4سنوات وبعض احيان يصبح فتووووووووووووووووووووووووووووور
ح
السلام عليكم
شوفي يااختي هالشي يعتمد عليج انتي كزوجه
اذا كل يوم بكون حالكم على نفس الحال هذي راح تسبب لكم حاله من الملل
بس اذا في كل يوم تغير وتجديد راح تكون حياتكم احلى وراح تكونون اسعد زوجين
اما بتهملين بيتج ونفسج وزوجج اكيد راح يصيبكم الملل وراح تكرهين العلاقه بزوجج والتقرب منه واهو مثل الحال راح يكره يقرب صوبج اذا شافج اهملتي نفسج واهملتيه وهملتي بيتج
شوفي يا اختي هالشي بيد الزوجه اهيا مفتاح السعاده اهيا تقدر تسوي كل شي تقدر تخلي الريال يكون اسعد شخص بدنيا واهيا تقدر تخلي الريال محطم
اتنمى اني افدتج يالغاليه
S
عاادي اختتي يعني هاي عششرة اكييد فيها روتيين وملل اهي نفس حياتج الحيين بس مع شخخخص ثاني وبيت ثاااني
C
لا تحطين مشكلة من لا مشكلة الله يهداك
r
انا مع اخواتي في الكلام اللي قالوه
X