مادري شفيه ولدي.. ساعدوني

هلا حبيتي ان شاء الله ما عليه شر

صحت ولدك اهم احسن لك تطلعين المدرسه وعلى طول على اقرب عياده

اعتقد عنده التهاب في البول

ربي يحفظك وياه

وطمنيني عليه

مشكورة وماقصرتي، مو قادرة آطلع لأني الأسبوع اللي فات تغيبت وكنت قاعدة معاه عشان إلتهاب بلاعيمة،، وماباقي الا ساعة وشوي وطالعة وإن شاء الله مباشره آخذه على العيادة... إن شاء الله مافيه شي....

رانيا .. ولد اختي عمره 6 سنين ، مرت عليه يمكن 3 ايام حرارته مرتفعة ! و امه تعالجه بالبندول و مافي فايدة ! .. اخذته للدكتور طلع معاه التهاب بول و حاد بعد مسكين ! .. فأعتقد ولدك مثل الحالة !

الله يشفيه ..

تسلمين أختى أنثى،، باخذه العيادة أول ماطلع من الداوم،، يمكن فعلا إلتهاب، بس لأن ولا مرة صاده من قبل من جذي مو عارفة شاسوي ....

يا قلبي عليه والله شفقت عليه المسكين ، ما يشوف شر يا رب

أعتقد لا سمح الله عنده التهابات المسالك البولية ، وهاي تجيب حرارة فعلا وتؤدي الى مضاعفات خطيرة جداً على الكليتين تسبب التهابات ثم تلف للكلية لا سمح الله عشان كذا ضروري تراجعين الدكتور فوراً وضروري تتابهين الأدوية اللي بتصرف له ولا تتوقفين عنها إلا بتعليمات منه ..

إنتبهي لا تحطين رغاوي صابونية في حوضه تراها سبب للإلتهابات ، ونبهيه إنه ما يحصر نفسه إذا فيه بول ولازم يطلعه أول بأول ، وضروري يشرب ماي وايد ، ولا تلبسينه ملابس ضيقة مثل الأندروير وما شابه ..

وألف سلامة عليه طمنينا عليه وما يشوف شر بإذن الله وإن شاء الله تخميني يطلع غلطططط

ما يشوف شر ان شاء الله يا عبدالله .. والله يطمن قلبك عليه .. :flower:


الصراحه ما عندي فكرة عن الموضوع بسبب النصائح اللي حطتها ام المهند مهمة حسيتها حتى لو ما كان الطفل يعاني من شي .. وقررت شخصيا ان انتبه لها مع ولدي ..

واتذكر لما حسون ولدي كان صغير حتى قبل ما يكمل السنة كان وايد يمرض وترتفع حرارته ومن كثر ما اخذه على المستشفى الدكتورة قالت لنا حسين على طول حرارته مرتفعه .. وطلبت ان نسوي له تحليل للبول الله يكرمكم ، بس الحمدلله بعد التحليل طلع كل شي طبيعي ولا فيه شي (f)


اهم شي تاخذين على المستشفى اليوم وان شاء الله ما فيه الا العافية ...

سلامة ولدش وان شاء الله تتطمنين عليه انا اذكر في الحمل صادني مثل هالالم يوووو بغيت اموت منه ولمن رحت طلع التهاب في المسالك البوليه ولاتخلين ولدش وديه عالمستشفى على طول

الف سلامه مايشوف شر انشاءالدكتور يطمنك

أم المهند.. شكرا يالغالية وماقصرتي على هذه النصائح، وفعلا ولدي مايرضى يشرب ماء بكثرة بس يعشق العصائر... والحمدلله بالليل ماخلي عليه الأندر وير،، لأني سمعت أفضل للأولاد بدونه...

ماما حسون... ماقصرتي أختى وأنت بعد أستفيدي من هالمعلومات خصوصا للأولاد..

توتة المعفوسة
عروس حيرانة..
تسلمون أخواتي على مروركم ودعوتكم والحين أنا طالعة من الدوام وباخذه من بيت أمي ورايحة على المستشفى مع أن المواعيد كلها محجوزة بس داخلة داخلة وإن شاء الله أطمنكم عليه...

ما عليه شر عبودي

وطمنينا عليه

الف سلامة عليه ما يشوف شر..

طمنينا عليه باقرب فرصة ..

ما فيه الا العافيـة يااااااااارب... طمنينـا عليه أختـــي

مايشوف شر ياقلبي طمنينا عليه بس اذا عنده التاب بالمساك عليك بمغلي الشعير بس انشاء اله مافيه شيء شوية برد والبول ممكن من يومين تغير اجو وبرد يزيد عنده البول خاصه اذا غسل بعد البول بماي بارد

سلامته عزيزتي ان شاء الله تطمني عليه

الدكتور ان شاء الله يطمنك باذن الله

ما يشوف شر عبدالله

ودي المستشفى و طمنينا علية

مايشوف شر بس اكيد التهاب

حبيبتي ما عليه شر ان شاء الله وطمنيني عليه

ما عليه شر ان شاء الله

وطمنينا عليه

ما يشوف شر، طمنينا عليه في اقرب اوقت