عروس و مهمومه و مو فرحانه بالزواج

Noor1979;4679117:
السلام عليكم ورحمه الله وبركاته

اختي .. انا بكون عكس البنات مب عشان خالف تعرف ... بقولج شغله ,, اولا واخيرا ..

صلي استخاره ,, ولو حستي ان الزواج مب مكتوب ,, حتى لو باقي له يوم كنسيله واصري على موقفج ....

شغله زوجك واضحه وضوح الشمس ما عنده موقف وسلبي دايما ,, ومن اولها ما يبي يطلع ,, والحين بتعيشين مع اهله وعيوزج من الحين ما تبي وتتشرط , باجر لين سكنتي عندها .. الا دشت الا طلعت الا سوت الا فعلت ,,

اختي هذولا متخرعين على ولدهم ,,, وما يبون يخسرونه والبنت الغاليه تظل غاليه وعزيزه ومكرمه .. طبيعي ان البنت تحس انها بتفارق اهلها ... انا يوم الملجه قعدت اصيح اقول شسويت فعمري ,, شلون تزوجت ,,,,, بس مو لدرجه ان اني احس بضيق واختناق ... اختي

الريال الي يشتري البنت يبين من البدايه ,,,, وانتي على البر للحين .... صلي استخاره ,,, ولا تتسرعين بشي ... واذا تقدرين ترجعين له الفلوس ,, رديهم له ,, وكلمه منفصله ارحم من مطلقه ... اعزلي نفسج وحطي جدامج ورقه .. ,كتبي حساناته وسيئاته .. الي تحبينه فيه والي ما تحبينه ,,,


لكن ابدا ابدا لا تعيشين على كلمه ( باجر يتغير ) الريال عمره ما يتغير وبوطبيع ما يوز عن طبعه ,, وسكان امه ما يتعدل ... عطيها حلق في اذونج ..هذا زواج مب لعبه الفرحه والكوشه ,, كله يزول وتبقين انتي وزوجج بين اربع اطوف واهله فكري فيها عدل

تحياتي لج والله يهدي سرج
ام جنى

السلام عليكم

بنات

المشكلة اني ماقدر اقولكم بالتفصيل كل شي
هني انا قد ما اقدر اختصر
و شوفو السطور تكون اشكثرها
و في اشياء وايد ما قلتها من ضمن التفاصيل

منها ابي اقوله الحين
هو يحبني و يموت فيني و انا بعد احبه
و احس فيه
و احس في ظروفه
بس
هو مضايقني من كثر
ما يقولي
ماله داعي
كل اللي اسويه في نظره ماله داعي
العرس و التصوير و السفر
حتى الذهب ماله
داعي
قلت اذا جذي
معناته انا بعد مالي داعي في وجودك طنقرت حدي

بس امس رحت معاه الحوض الجاف في الليل
و سهرت معاه و تفاهمت معاه على كل شيء و وضحت له شنو مضايقني و قلت له كل اللي في خاطري

و حسيت انه صج مشاكلنا ماديه
بس
يعني مؤقته

يعني اذا تعدل وضعنا بنعيش اوكي مرتاحين
ان شاء الله


بعد تذكرت شي ما قلت لكم عنه
عمتي و حمياتي ثنتين
علاقتي فيهم
قد ما اقدر حاولت اقويها ما قدرت
احس ماعرف اكتب لكم شنو عمتي احس هذي يبيلها سوالف عشان تعرفون شخصيتها
كلمته عنها
تبون بإختصار شخصيتها ( مزاجيه, وايد تعايي, تسوي الحبه قبه,عندها تفرقة في عيالها, تدخل, تتحكم في تشياء ما تخصها)

المهم قالي محد بيدخل بينا
و ان شاء الله ما بصير ضدج لأني كلمته في هالموضوع
يعني
لحد الآن انا وياه
اوكي
و ادعولي يا بنات انتم على طول اوكي

اي حبيبتي صيري صريحة وية زوجك على الاشياء الي تضايقك

وعلاقتك وية اهله مهما كانو مو عاجبينك خلي علاقتك حلوة وعادية وياهم

والله يهنج و يسر اموج ويوقفج يارب

الله يهديييييييييييييك انت جنيتي على نفسك الوحده لملتتزوج مو كل شئ يكون جاهزعالاخر لا
الوحده تصبر وتتحمل وتعيش مع زوجها عالحلو والمر بعدين تتشرط وتطلب بيت ووووو بس بسياسه هو بس عقد عليك خليتيه يقترض ويبني ومدري اييييييييييييييييش
الزواج مو سهل وايسرهن مؤونه اكثرهن بركه
ترى المظاهر تخدع وياما ناس سووا مظاهر ودفعوا وحجزوا وووووووووووووو
واخرتها طلاق وماتهنوا بسبب الحسد
واعرف شخص ملتي ملياردير في اول زواج اولاده اخذ 500 رزم وشققها ورماها عالضيوف من ثاني انشل ولهااليوم
اهم شئ في الزواج يحبك يقدرك
ولا تثقلي عليه اتمنى ان المعلومه وصلت

مشكورين على الردود و الوقفه الحلوة معاي
الحمدالله رب العالمين كل اللي فيني محتاج صبر
انا امس و اليوم قضيت يومين حلوين بمزاج حلو
و عيني ريحت من الصياح يومين و ان شاء الله على طول

بس انتو تقولون لي انج خليتيه ياخذ قرض و يبني لج
و كسرتي ظهره
انا ما طلبت شي فوق الطبيعي

طلبت حقي كاي وحده تتزوج
و شقتي متوسطه مو كبيره
و لافيها احسن الماركات
كل شي على قد الحالو الحمدالله
و لحد الآن ما تأثثت
يعني ما احس اني كلفت عليه ذيج الكلفه
و اذا على المهر و مصاريف الزواج
ترى احنا البحرينيات
مهورنا قلييييييييييييييله جدا
مو مثل باقي الخليج
و حفلة عرسنا بسيييييييييطه
بس بالنسبة للظروف صاير في عجز في الميزانيه

على العموم مشكوووراااات
و ادعلولي الله يتمم علي فرحتي و يكون زواج حلو

بصراحه انا مع الاخت نورا من اولها مبين وواضح.........صللي الاستخاره وربي يقدملج اللي فيه خير وكلمة منفصله افضل من مطلقه حتى لو بدون عييال وفي مجتمعنا العربي للاسف الشديد جدااا ما يعذرون المطلقه ودايم ضدها وربي يسهج

أنا أنصحج إنج تكملين معاه الطريج .. الريال مبين عليه شاريج .. بس إنتي للحين ماتعرفين هم الديون!!!!!!

الله يتمم لكم على خير...

كل الريايل الي في الدنيا يشوفون ان العرس ماله داعلي و ما يفهمون اهميه الفستان و التصوير و القاعه و الباقه و الصالون و غيره من خرابيط و اهتمامات الحريم ...

و اذا زوجك الابن الاكبر او المضل لحماتج ....شي طبيعي انها بتبدا تغار منج و تعتبرج عدوه و انج خطفتي ولدها ...و طبعا هي بتوقف ويا ولدها و بتقول تخسر ولدي و ولدي ما عنده ما عليج منها ....اكسبيها بالهدايا ....بمناسبه و من غير مناسبه ....سافري و لا تنسينها في شهر العسل خلي ريلج يتصل فيها و لا تنسينها بالهدايا ...خليها تحس انه حتى لو انه تزوج ما نساها ... و بجذي شوي شوي بترضى عليج و بتحبج اكثر

و الشعور الي فيج طبيعي قبل العرس تحسين شوي بضيج و تردد و خوف ...لانج داخله على حياه يديه و ناس يداد ما تعرفين عن طباعهم و افكارهم ...لكن بعد العرس كل شي يروح

و انتي عوتي عمرج على كلمه ما ابيك ...تراها كلمه تعور و تجرح و انتي وايد قلتي له ..و هو صابر و متحمل ...حطي عمرج في مكانه تخيلي لو كل موضوع تافه يقول لج ما ابيج شو بيصير فيج ...لا تيلسين تقولين له ما ابيك و انتبهي لكلامج و انتي معصبه ...و الافضل اذا عصبتي تروحين بعيد عنه لين تهدين و ارجعي كلميه بالهدوء مثل ما كلمتيه و اتفقتوا على كل شي


و ربي يتمم لج على خير ان شاء الله

و الف مبروك

انا مع كلام Noor الصراحه صج

وبعد انا لو بنصحج .. بقول لج من باب اني لو كنت بدالج شبسوي ..

هاي يبي لها تفكير ؟

والله بحمد ربي انه طلع على حقيقته هالبخيل هو واهله .. شدعوه على خطوبه صغيره يقولون مافي عرس ولا سفر ! .. لا وبعد دبي يعني ماقلتي له بروح مربيا ولا الكاريبي

والله حاله ... هاي الرجال اللي يجيج جذي خديه كلمه توديه وتجيبه وخاصه من اهله .. بالقلللللللعه

بليز خليه يولي :(

سوري عالكلام .. بس منقهره حدي ! .. ماتستاهلين جذي توج صغيره والله بتلقين الاحسن

واللي يحبج بيسوي اي شي عشان يرضيج ويخليج سعيده ..

اصلا عيب عليه يقول مافي سفر وكفايه سويتي خطوبه .. او يقول سوي عرس من مهرج !

الريال كلش مايحب يبين عند زوجته انه عيزان يدفع حتى لو مايقدر .. بس هاي عااادي عنده

بل شبيسوي عقب الزواج

هممم اختي مرمر فديتج برد على شي قلتيه في الاخير اذا تسمحين لي :$

بالعكس هي يوم تقول له مابيك هو حده يعني عادي احس .. يمكن يزعل شوي بس يعني كلش الظاهر انه مايحس !

لو كان صج يحب ترى بتأثر فيه الكلمه من اووول مره وبيقول لها مابي اسمعها منج ويكون من صجه يعني زعلان ومنصدم من الكلمه

بس احسها هاينه عليه يعني ماتفرق معاه سمعها ولا ماسمعها ..

وبعدين شباب الحين يعرفون شقد العرس مهم بالنسبه حق البنت

الرياييل الحين فاهمين البنات ومشاعرهم مو مثل قبل مايدرون عن شي

شكرا على ردودكم

و انا قلت من قبل
( انه كرييييييييييييم)

بس ظروف المعيشة في البحرني
جنكم في ( الهند) ترى و الله مأسااااااااة

و حبيت اشكر و اوضح لأختي aNa QaTaRia
انه خطيبي ابدااا مب بخيل بس الحال ضيج
على العكس فيه كرم و الكل يشهد به
بس انا عارفه ظروفه و ابيه ياخذ قرض زياده بس الحال نا يسمح
ثانيا خطيبي موب خديه
و ثالثا كلمة ما ابيك مرة زعل عليها و قالي و هو ويهه
احمر جدام امي انا هالكلمة وايد ساكت عنها و تبين اسمعج اياها
يعني اثرت فيه



و بقولكم اشياء عن عادتنا في البحرين

عادات الاغلبيه
اللي تسوي خطوبة ما تسوي زواج و اذا تبي
من مهرها او من عند ابوها

بس انا ما سويت خطوبة فخمه
فمن جذي اصريت على العرس


الشي الثاني اللي ابيه اقوله
الخطوبة في البحرين يعني زواااااج
لأن البنت تروح و تجي عندنا عااااااادي
فأنا اهله اعرفهم عدل
و زواجي معناته
ان اسكن معاه و استقر واه على طوووول بس

استخيرى ربنا اختى اولا ولو لسة مش قابلاة اوعى تكملى معاة

صلي استخاااااااااره واذا ما ارتحتي لا تتزوجين ومو بس مره تصلين صلي انشاء الله عشرين الف مره لين تتأكدين من احساسج لان هذا زواج مو لعبه..

الله يوفقج

صلي استخارة وادعي ربج

حبيبتي عروس بحرينيه2
انا مع كلاام الاخت حبيبت جيمي 100/100
ولأني من نفس ديرتج فاعرف الحال اشلون صاير
انتي توكلي على الله ولااتخلين هالشي ااثر فيج ومثل ماقلتين كلمه ما ابيك الصراحه تعور القلب خصوصا انه مبين انه يحبج وشاريج توكلي على الله ويسري امورج عشان الله يسر لج
وبالتوفيق حبيبتي

السلام عليكم ورحمه الله وبركاته


اختي عروس حبيت اصحح لج معلومه .. من يقول الي ما يسوي خطوبه ما يسوي زواج الا اذا كانت الفتره بين الخطوبه والملجه .. بسيطه شهور يعني .. وثاني شي احنا الخطوبه عندنا صحيح انها ملجه وكتب كتاب يعني زواج مثل ما تقولين .... بس مب الكل يخليهم اهلهم يطلعون ويسهرون ويباتون عن ريالهم مثل ما يبون عيل شنو خلينا حق الزواج ؟

وبعدين اختي الريال الي يبي مو بس يحط قروض على راسه يحط الدنيا ويقومها ويقعدها عشان خاطر عروسه ,,,, شرايج ان انا الي كنت ما ابي عرس ,,, بس زوجي هو الي مصر يسوي عرس ,,
وسوا لي احسن عرس ,, .. حط على نفسه قروض ومع ذلك بنى لي شقه في بيت اهله وسكني معاه وماقصر علي شي لا في الخطوبه ولا في العرس ..

وامه كانت تتحلطم وتقول بتسون عرس وبتسافرون شالخســـــــــــــــــــــــــاير ..... وللعلم بعد سافرنا تايلند وماليزيا 20 يوم .... مو تقولين لي دبي ,, ليش عيوني انتي شنو اقل من باقي البنات احنا صحيح مو مثل بنات الامارات وقطر .. بس البنت العاديه تسافر اقل شي ماليزيا او تايلند او مصر ... او تركيا

والي شايفين خير اروبا على طول .... وبعد الي العادين الحين صارو يروحون كل مكان ....

اختي البوم عرس في خزانتج تروحين واتين عليه ,, وتتأملين اجمل لحظات عمرج شي عمره الريال ما بيقدره ولا بيفهم معناه ....

اتمنى اني وصلت الفكره ووضحتها .. وتحياتي لكم وبالتوفيق

ام جنى

اختي نور 1979 انا احترم رايج بس لي تعقيب عليه

احنا اكثر الي اشوفه انهم يسوون زواج اذا الزوج عنده واذا ماعنده مافي داعي

انا ما استانس ان اسوي عرس واسافر وعلينا قروض الدنيا ما ارضها لزوجي اصلا يصير عليه ديون الدنيا عشان سفر وعرس يوم وبينقضي اصلا حراااااااااااااااااام اسوي قرض على زوجي عشان اسافر ووعشان المظاهر

اهم شي راحة زوجي وكان زوجي يبنى نروح شهر العسل دبي بس انا ما رضيت قلت نخلي البيزات لو قت الحاجة احسن من نصرفها لانة كان زوجي مضطوط ولانة زواجي وخطوبتي بسيطةكانت وشقتي صغيرة

وانا الي ما رضيت بكل شي لاني زوجي عندي بالدنيا والواحد يعيش على قد الي عند زوجها والي راح يدوم مو السفر ولا البوم ولا عرس في اكبر الصالات الي يظل علاقة الزوجين بعض والحب

وانا اقول جذي واعرف ظروف البحرين عدددددددددددددددددددددددددل لاني بحرينية

وانا مرتاحة بحياتي ومع زوجي انا اسعد الي بالعالم

وشنو اقل البنات يروحون تايلند وماليزيا ترى الاكثرية ما يقدرون يسوون شقة ويسافرون وعرس فخم

اكثر البحرينين اذا مو كلهم معظمهم ما يقدرون على هالاشياء


وحبيبتي عروس البحرين ما عليج من كلام البنات وعيشي على قد الي عند زوجج وصدقيني بتصيرن من اسعد الناس والله يوفقج


وكلامي مخربط لانة في ردود كلش ما عجبتني

انتي لسه على البر وتنازلتي عن طلباتك وما نفع وامه من الحين تحن عليكي .شاوري نفسك وشوفي بتقدري تعيشي هذي الحياه لاانه حتى بعد الزواج حتكون هاذي معاملته لكي وامه حتدخل بنفس الطريقه وما راح يتفير شي . والله يساعدكي ويكتبلك اللي فيه الخير .

الله ييسر أمورك يا أختي ويكتب لك الخير حيث ماكان،،،

اولا صلي استخارة وادعي دااايما وفي كل اوقاتج ،،،، ان كان خير الله بيتم زواجج وان كان غير ذلك فقدر الله

من الواضح ان المشكلة بسبب الظروف المادية،، وإذا الرجال قالج ماله داعي ترى الرجال تفكيرهم غييييير واحنا

البنات تفيرنا غير ،،، لاتحسبينه هو يبي يعاندج لما يقولج ماله داعي ،، بالعكس احنا نفكر جذي لكن الرجال

مايكون حاط بباله هالشي ،،، و لو نشوف الموضوع من منظور تفكير الرجال ترى صج يشوفون ان التصوير

والكوشة وكل هالاشياء كلام فاضي ،، لكن لنا احنا البنات والحريم تعني الكثير ،،،

المهـــــم ،، لاتخلين هالاشياء تاثر على علاقتج مع زوجج إذا كنتي صج تحبينه وهو شاريج ،،، لان هذي

الاشياء تعتبر توافه بالنسبة للحياة الزوجية واللي جاي أهم من الكوشة والتصوير و وووو.... ،،

لازم تحطون لكم ميزانية وتقعدون مع بعض وتحددون كم عندكم وكيف توزعون المبلغ

على حاجاتكم مب بس جذي تصرفون وتتعاونون على الحلوة والمرة وتصبرون على الظروف الصعبة مع بعض،،

وحبيبتي هذي الدنيا وهذي ظروف الحياة ،،اليوم ضايقة بكرة تنفرج ،، وبالنسبة لامه واهله حاولي تكونين معهم

سياسية واصبري على اذاهم واحتسبي الاجر واعتبريه نوع من البلاء ولاتذكرينهم بسوء جدام زوجك ولاتقولين له

امك وامك ولا اختك ،، ترى مهما كنتي انتي الصح وهم غلطانين الرجال بيوقف مع اهله ،، حطي هالنقطة في بالج

وانتي أدرى بظروفكم ووضعج وحكمي عقلج زين قبل اي قرار تتخذينه،، هذا زواج مب فستان تلبسينه وبكرة

تبدلينه. استخيري واستشيري وحكمي عقلج مب عاطفتج ،،،

هذي وجهة نظري والله اعلم ،، ومانتمنى لج إلا كل خييييييييير وان الله يديم عليج السعادة ويزوجج ويريحج في حياتج آآآآمين

السلام عليكم


هلا بنات
شخباركم

مشكورين على الردود
كلللللللللكم
و اشكر شكر خاص
للأخت حبيبة جيمي
على الكلام اللي يساند و يساعد
و اشكرها
على الردود اللي كتبتها عني

و انا الحين جدااااا مرتاحه معااه
و الاغرب و الاعجب
ان عمتي صايرة وايد زينه
و اتمنى و اطلب من رب العالمين دووووووووم تكون جذي يارب