سلفتي تقهرني شسوي....

همس القلوب00 21-11-2007 24 رد 2,737 مشاهدة
ه
انا عايشه ويااهل ريلي في بيت واحد وكلهم شباب طبعا ومنهم اثنين متزوجين وعايشين ويانا في نفس البيت ....ووحده من حريمهم (سلفتي) تصير بنت عمهم وبصراحه مايعجبني اسلوبها احسها تعتبرنفسها اختهم .. ووايد تسولف وتضحك بصوت عالي وياهم ..:21_131:واحيانا اذا حد من اخوان زوجي يالس قريب منها وتمزح وياه عادي عندها تضربه على كتفه (اونه تتمصخر).حتى هم مساكين يستحون :21_184:... يعني احنا نرمسهم بس باحترام وفي حدود من بينا ...بس هي احسها غيرعنا...
طبعا انا مااقدر اكلمها وانصحها لانها تعتبر كل اللي تسويه صح واذا نصحتها بتسوي لي سالفه وبتخبر ريلها وعمتي وبتزيد كلام من عندها :sm2441:.........مشكلتي انها بتتمصخر احيانا ويا زوجي ونفس الحالة واذا هو يالس بعيد بتفره في اي شي في ايدها ...قهر .....وانا اموت من القهر واقول حق زوجي لاتعطيها ويه ...وحتى الحين هو يحاول يتجنبها لانه يعرف انها وايد تتمادى ....حتى من يومين كان زوجي يمزح مع اخوه(ريلها) ويقوله ليش ماتاكل عشان الريجيم ...عشان الرشاقه وتاخذالحرمة الثانية ....سوالف شباب
تخيلو قالت لي يودي ريلج ولا بنتف شعره ..قلت لها اشوفج نتفي شعره ....تخيلو لو كنتو في موقفي شو بتسوون :mad2::mad2:...........ريال معرس وعنده ولد وتقوله بنتف شعرك ؟؟
انا محتاره شسوي ....بامكاني افشلها جدامهم بس ماابغي اسوي مشاكل


لو كنتو مكاني شو بتسووون
ا
انا برايي طنشيها

و اهم شي انه زوجك ما يعطيها وجه

و حاولي لمن تكون موجودة احكي مع زوجك و حاولي تلهينه و ما تعطينها مجال تحكي
&
حبيبتي ما عليج منها انطيها على كد عقلها وخليج مع زوجك ولا تديرين لها بال
h
كبرى دماغك وطنشيها ولا كانها موجودة
ب
طنش تعش تنتعش
ا
سوي حالك كانها مش موجودة ولا تهتمي فيها وبكلامها يعني خديها على قد عقلها وكلامك معاها يكون بحدود عشان لا تزيد اكثر من لي مسوياه وبعد زوجك خليه يطنشها ولا يكلمها والمكان لي هي موجودة فيه زوجك لا يقعد فيه
a
هي تفكر ان الكل عاذرها لان لها حق انها تسوي جذي ( فخاطرها بحكم انها بنت عمهم )

هههه صج تقهر والله ! شفيه ريلها مايمسكها :S !! .. همم بس صج صج لو انج حاولتي توقفين هالشي بإنج تفشلينها او شي بيكون موقفج مادري شلون ..ماتدرين من بيكون معاج ومن بيكون ضدج ..

لان تراكم في بيت وااحد ولازم تحتكين فيها وتجاملينها .. اشيسوى عليج تفشلينها وبعدين تضطرين تكلمينها عادي وحااله ..

احسن حل انج تخلينها تولي .. هي صج تقهر بس طقاق شتسوين بعد ترى مو كل الناس اللي نحتك فيهم يعجبوونا :D ...

واهم شي ريلج صج حاس انها مزودتها .. يعني بيكون قهر لو كان يقول لج عااادي .. بس أشوه

احمدي ربج هاي المشكله عباره ولا شي من المشاكل اللي قريتها :)

الله يوفقج انشالله
ح
تعاملي وياها بحدود وحتى زوجك يحاول ما يمزح وية زوحها في وقت وجودها
س
صدق تقهر .. انزين ليش ما تقولين لزوجج يكلم زوجها الي هو اخوه ويقوله ان زوجته وايد ماخذه راحتها في البيت جنه البيت مافيه ريايل .. على الاقل عشان محد يتكلم عنها .. انا اشوف تصرفها دفشه وايد .. ما اتخيل نفسي اضرب افلان ولا اضحك بصوت عالي مع علان .. مو شي ..
طنشيها شو انسوي اسلوب ماشي
س
عزيزتي لا تزعلي من صراحتي احسك انتي اللي مهتمه فيها مره دام زوجك مطنشها ما عليك من حركاتها هي حره

الله يكفيك شرها
ن
هاي نقول عنها في البلاد عقلها عقل يهال...

كوني انتي العاقله...و طنشيها...

كوني عاقله في اليلسه بينهم و في نفس الوقت اجتماعيه...

و اذا قالت شئ يقهرج...سمي عمرج مندمجه في التلفزيون...

و اذا زقرتج بالاسم...قولي كنت مندمجه ما سمعت...

بتحس انه كلامها ماله اهميه...(( اذا اللي قالته شئ تافه ))

غير جيه...خلج عادي سلام و سوالف و كلام و ياها...
ه
اشكركم خواتي عالردود ....بسوي كلامكم وبطنشها ...ولو انها تحشر عمرها في كل شي ....وتدش عرض في كل سالفه تنقال وحتى لو ماتعرف شالسالفه
M
هلا اختي همس القلوب

اول شي بس بغيت اخبرج ان في ناس جي بهالشكل ما يتغيرون ،، يعني هي متزوجة و ساكنه في بيت اهل ريلها المفروض شوي يكون في احترام بينها وبين اهل ريلها .

وانا بصراحة لو كنت مكانج اكيد شي طبيعي بحس بالغيره ان في وحده تتمصخر مع ريلي بهالشكل ، بس شو بتسوين المشكلة انها بنت عمهم يعني حتى لو قلتي لعمتج (ام ريلج ) يمكن اتقول انها بنت عمهم عادي (يمكن اتقول جي يمكن مب اكيد)

وبصراحة العتب على ريلها اللي ما يقوللها شي هي تتمصخر معاهم بهالطريقة ، وريلها ما يلاحظ انها هي تتمادى احيانا ؟

انا بقولج شي طنشيها وقللي يلستج وياها ،، انا ما اقول لا تيلسين معاها بالمره ، لا انا ادري في اوقات العايلة بكبرها اتكون يالسة في مكان واحد ، بس يعني لا تحتكين فيها وايد ، وريلج خبريه انه ما يتمصخر مع ريلها جدامها !! (انا ادري ان هذا مب حل بس شو بتسوين)

وان شا الله تعتدل واتحس على دمها شوي ،، والله يهديها ان شا الله

ادعيلها بالهداية

والله يوفقج ويسعدج ان شا الله ، ويرزقج بالذرية الصالحة يا رب

^_^
Q
انا بقولج

اذا سوت شي واضحكت وطالعتج انتي لاتضحكين

ولاتلتفتين عليها حسسيها انها سخيفة

واذا كانت تسولف وتقول اشياء مالها معنى قطعي السالفه مثلا كلمي ولدج او زوجج او نادي الخدامه

او اتصلي أي مكان اسفهيها

سوي لها حرب نفسيه عشان تخف من سخافتها

بعض الحريم مايستحون يقطون الميانه

بنات خالة زوجي نفس الشي كل وحده فالة الشعر جدام زوجي

وضحك وسوالف وقلة ادب
ه
هي والله صدق قهر هذا اللي قاعده اسويه مافي حل غير واضغط على نفسي واحاول اسفهها وانا في داخلي بنفجر بس اتحكم في اعصابي ....واشكركم خواتي الغاليات مس شوكليت ..وقطر جيرل بسوي اللي قلتولي عليه وامري لله بس اتمنى تحس ...ولو اني متأكدة انها تحس وتفهم كل شي وتعرف عمرها بس كأنها ماتحس بشي ...
ا
اختي الغاليه انا واتقه انك حتزعلي من كلامي وممكن الكتير يزعل مني
بس الصراحه مني شايفه ان سلفتك مسويه شيء غلط
مدامها ما بتقلك كلام يجرحك ومدامها ما بتتسببلك في مشاكل ويا زوجك ومدامها ما بتدخل في حياتك ومدامها مهي مسويالك مشاكل ويا حماتك او اخوان زوجك ايش المشكله لما تمزح مع اخوات زوجها او اولاد عمها مدامهم اولاد عمها ومتربيه وياهم ومتزوجه اخوهم
بالعكس انا شيفه انك انتي الي عطياها اكتر من حجمها ومكبره السالفه
وكمان شيفاكي انتي مادري لا تزعلين بس احسك مكبره السالفه والمشكله هي الغيره بس
حاولي انتي كمان تكوني اجتماعيه وتقربي من اهل زوجك وسولفي وشحكي خليكم عيله وحده مش عيب
ومدام هي ما بتضرك في شيء ليش بتحسي بنقص قدامها
انصحك لا تشعلين نار الحرب بينكم
ولا تستفزيها
ولا تحولين تغيريها
لانها الاقوى مدامها بنت عمهم وزوجت اخوهم
حاولي تتفاديها وعامليها بكل احترام وحب وهي كمان حتحبك وادا مزحت معاكي امزحي معاها مش عيب
في بنات يحبو المزح والفرفشه لا تكوني نكديه خلي البيت فيه روح وانتي كمان سوي مكان ليكي وياهم
اتمنى ما تزعلي من كلامي
ع
قولي لزوجك يطنش لها ولايرد عليها او حتى مايناظر صوبها

ومع الايام هي بتعرف وتستحي شوي

والله يكون بعونك
ا
شكلها واااااااااااااااايد ماخذه عليهم
فعسب جي تتكلم وياهم براحتها..........~
يمكن انتي تحسين تصرفها يقهرج او ان حركاتها بزياده
لكن في ناظرها كل اللي تسويه عادي ...~ وسوالف .....~
ودامج تنقهرين منها خلاص لا تخلين زوجج ييلس في المكان اللي هي فيه
وخلكم في حالكم احسن...~
والا خل الرياييل ييلسوون في صوب والحريم في صوب
هاللي احنا متعودين عليه
والله يوفجكم..~
.
طنشيها حبيبتي ما عليك منها لا تقهرين نفسك على شيء ما يستاهل ,,,
u
اختي اقولج الصراحه

البنت مافيها شي ... يمكن هي طبيعتها متربيه معاهم جذي ومتعوده عليهم ,, ومثل ما قلتي بنت عمهم .. يعني معاشرتهم وقت طويل ,,,

وكل الموضوع البنت تحب الضحك والغشمره وهذا اسلوبها الوحيد انها تبين انها تحب الكل .. وواضح انها ما تقصد شي من تصرفاتها .. وكانت تمزح ..

نصحيتي لا تحطينها ببالج أولا.

اذا زوجك مب مرتاح من حركاتها يكلم اخوه على جنب وينصحه عن زوجته ويكلمها باسلوب ما يجرح مشاعرها ..

واذا زوجها شايف كل هذا مافي شي .. اعتقد ان الشخص الوحيد الي لازم يتفاداها هو زوجك وانتي .. عشان ما تصير حساسيه ..

تحياتي

ام جنى
X