تعالو شوفو غرابة زوجي الله يهديه

مرحبا يا بنات كيف حالكم كنت حابه اخذ رايكم بموضوع كثير متعبني ومش قادرة الاقي تفسير يريحني المهم خليني احكي حكايتي مع زوجي الله يهديه.

انا متزوجة من 5 سنوات وعندي 3 اطفال وانا موظفة بشتغل من الساعة السابعة والنصف الى الساعة الثانية والنصف طبعا دوامي لغاية الساعة الثالثة والنصف بس انا باخذ ساعة الرضاعة حق ابني وبروح قبل بساعة يعني الساعة الثانية والنصف ظهرا.

وزوجي دوامه من الساعة السابعة ولغاية السابعة مساء او السادسه حسب ما بخلص شغله يعني ما في وقت محدد بس مش قبل الساعة السادسه مساء

المهم مش هون المشكلة المشكلة انو زوجي عنده سيارة خصوصي وبذهب فيها على الدوام صباحا المفروض ما يروح فيها لانه عندهم بالدوام باص ياتي صباحا وياخذ الموظفين يعني الباص ياتي الساعة السادسة وموقف الباص قريب عن بيتنا يعني بس بدو مواصله وحده وبوصل الباص وبعدين بذهب للدوام

اما انا مواصلاتي كثير بعيدة وصعبة يعني بدي اربع مواصلات لما اوصل شغلي طبعا غير البهدله مع سائقي الحافلات والطريق الطويلة وبعد الدوام برضو نفس المعاناة المواصلات والطريق الطويلة بضيع وقت الساعة الي باخذها حق ولدي بالمواصلات مع اني حابه اروح على البيت بدري شوي عشان اطفالي كلهم صغار ومحتاجين اني اروح بكير صدقوني دايما بعاني من الناس وسواقي السيارات الي بالاجرة بدي اضطر احكي معاهم عشان ياخذوني وما اوقف على الطابور عشان اكسب الوقت .

المهم انا حكيت لزوجي عن كل الي بصير معايه طبعا هو بعرف البهدله ومشوار الطريق لبعيد والله انو ما رضي يعطيني السيارة عشان اروح فيها على الدوام ويريحني من هاي المعاناة مش عارفه شو الي قساه عليه معقول في زوج بخلي زوجته تروح مواصلات وتتبهدل وهو مرتاح بركب باص الشغل على البال المستريح وانا الله لا يردني

المشكله يا بنات والي قاهرني انو لما يصحا الصبح بروح بالسيارة لعند مكان الباص عشان ما يتبهدل وبصف السيارة بالمجموع وبركب بباص الشغل وبضل السيارة صافه على الفاضي ولا يعطيني اياها مع اني انا معي رخصة من عشر سنوات

شو الحل والله تعبت معاه بخصوص هذا الموضع وحسيت انو زوجي مش سائل عليه ولا على راحتي اصلا انا مش في باله

لمصيبة انو دايما لما اخلص شغلي وهو يروح علبيت بضل يفتش بجوالي مين الي متصل عليه وانا مع مين اتصلت قال شو الاخ غيران عليه لو غيران صحيح ما بخليني اروح مواصلات بكفي الي بشوفو في مشوار شغلي لبعيد

اه تعبت الله يخليكم فسرولي شو معنى هذا كله الله يخليكم بدي ارتاح والاقي تفسير لزوجي تسرفاته غريبه مستحيل في رجال برضى على حاله انها زوجته تتبهدل بالمواصلات ما بكفي تعبي طول النهار وغيابي عن اطفالي وما بصدق وانا اوصل عشان اقضي اكبر وقت معاهم شو الحل.

اكيد هو ما بحبني مستحيل لو بحبني ما برضى اني اتبهدل بس انا زوجته ام اولاده حتى لو ما بحبني المفروض يحس فيني على الاقل اذا مش عشاني عشان الاولاد علما بان زوجي حنون بحب اولاده كثير كثير.

اسفه اني طولت بس لازم الاقي حل نهائي معاه لا تحكولي استقيلي لاني ما بقدر استقيل من الشغل الوضع المادي ما بسمح لانه عليه سلفه للبنك وما بقدر اطلع من شغلي.