.::يوميات اطفالــكم ::.

انا أبني عمره 5 سنوات وحاليا هو ف المدرسه

وعذبني حتى راااح

وابني الثاني عمره 3 ونص وهو نايم حاليا هههههه
وبنتي عمرها سنه طلت أخس من اخواااانه ماتجلس ولا توهد
ومنتظرين تفاعل الأخوااات

بنتي اربع سنوات

اغلب يومها لعب وتلفزيوووووون

بس احيانا اجيب لها قصة او كتاب فيه رسومات واشرحلها الصور

واحيانا افتح لها بعض المواقع لتعليم الاطفال عربي او انجليزي + الاناشيد العربية للاطفال

وهذا الي يصير بس مو بوقت محدد

بس اكون حريصه انه اول ماتصحى ماتشوف التلفزيون

مشكووورة عروسة بيتها على الموضوع ...

تحياتي

بنتي عمرها ثلاث سنوات ونص تصحى الصباح الساعة سبع الا ربع، تسبح وتغسل اسنانها والبسها وامشط شعرها واريكها وتروح الروضة، الساعة 12 ونص ترجع على طول الحمام ابدلها واغسل ايدها ووجها واغذيها وتظل تلعب شوي تقريبا نصف ساعة والساعة وحدة ونصف تنام والساعة 4 اصحيها واعطيها شي خفيف وفواكه اوقات تاكل اوقات ماترضى وبعدين اذا عليها واجب نسويه ونظل نلعب الى الاذان نصلي وبعدها يا انا نطلع نروح بيت اهلي او ان احنا نتظر الى بعد العشاء اعشيها ونروح عندهم تلعب شوي مع الاطفال او ان نروح العاب نرجع البيت بعد تظل تلعب شوي وبعدين ابدلها واغسل اسنانها وتنام على الساعة 11 صج متأخر بس هي لانها ما تحب تنام وبالغصب تنام.

ولدي عمره 3 سنوات و4 شهور ويقعد الظهر حزة الغدا

بس يقعد عقب نص ساعة اغديه يعني مافي ريوق

ويومه يقضي على اللعب والتلوين ويطالع التلفزيون او الدي في دي او على الكمبيوتر

واحيانا العصر يطلع وية ابوه بالسيكل او السكوتر ماله يلعب برة واحيانا يلعب بعدة البحر في الرمل برة مع ابوه طبعا

وكل اسبوع نطلع مرتين نوديه السوق او الالعاب وما ارح بيت اهلي الا يوم الجمعة لانة بعيد عني

والمغرب يسبح وياكل شي خفيف ويقعد ويانا يلون ويتعلم ويكتب ويرسم

واحيانا ينزل تحت مع عمته وجدته يقعد وياهم ساعة يمكن هذا كل يوم موعده ينزل وياهم هالحزة

والليل يتعشا ونقعد على الكمبيوتر او التلفزيون ويسولف ويانا والليل تبتدي المعركة عشان ينام وما ينام الا الساعة 1 نص الليل

والجاية بيروح الروضة وان شاء الله بيقضي وقت في الروضة وبيتعدل اكله ونومه

والله انتظر السنة الجاية عشان تتنظم حياتنا اكثر

ماشاء الله عجبني تفاعلكــم

الموشكــله لمن يكونو اخواان ياللله لازم تصير مضاربات

انا افكر اشتري لولدي مجلات فيها قصص عشان ينشغل بيعا اكتــر

احس يجي وقت بعد المغرب ما اعرف ايش يسوي يكون طفش من التلفزيون ومن الكمبيوتر ومن الالعاب

ان شاء الله السنه دي بدخلو روضه وبعضهم يقولون لي دخليه تمهيدي انتم ايش رايكم

ونبغى تفاعل يابنات عشان الفايده ربي يسعدكم

انا ولدي عمره خمس سنوات
من السبت الى الاربعاء يصحى الساعة 6 يروح الروضة ويرجع الساعه 12 الظهر

موضوع حلو

ان شاء الله راح تكون لي رجعة مرة اخرى

موضووعك حلووو يالغاليه

ام انا عندي بنت عمرها ثلاث سنوات ونص وولد عمره سنتين و4 شهور طبع الحبايب نووومهم لخبطه×لخبطه
يعني النوم يكووون السااعه 11 او 12 الليل ويصحوون صلاة الفجر ويقعدووون نلعب بالكمبيووتر شوووي وبعدين
احط لهم بااااااااارني و تووم ان جيري او احط ام بي سي 3 وافطرررهم بعد كذا ويجلسووون الين السااعه 10 او 11
الصباااح ويرجعووون ينااامووون الين 3 او 4 العصر يصحووون اليهم رب ساااعه نص ساااعه الين يشربووون الحليب
وبعدين اروشهم والبسهم وكل شي ونقعد ننتظر ابو الشباب اللين مايشرررف من الدوووام نتغدء معا بعض
ويريح ابووهم شوووي يريح والعيااال اجيب لهم اللعاب يلعبوون الين صلاه العشاء ونطلعهم نمشيهم شوووي ونرجع البيت يلعبوووووون شوووي وبعدين ينااامون .................وهكذا

والله يصبرنا على عيالنا ان شاء الله

ولدي عمره 3 سنوات وأربع شهور،، الصبح أصحيه ويروح الروضة وبعدين أمي تاخذه البيت ويقعد معاهم ويلعب وتغديه على مارجع من الدوام وآخذه ونرجع بيتنا،، وتختلف فترة العصر كل يوم بس العادة مانطلع الا بنهاية الأسبوع لأن ولدي مستحيل ينام العصر وينام مبكر ولو طلعنا بينام بالسيارة..
المهم يقضي بقية اليوم بين التلفزيون واللعب والتلوين وقمت ألعب معاه الحروف والأرقام من اللوحات اللي عندنا او نلصق باللماع والستيكرات..
بنهاية الأسبوع يوم الخميس أطلعه بس ماتأخر لأن أكيد بينام، والجمعة نروح بيت أهل زوجي ويلعب مع عيالهم وبعدين آخذ جولة في بيت أهل أبوي او جدي لأمي ويلعب مع عيالهم..
وفي حالة مارحنا بيت أهل زوجي نطلع مجمع على الغده وهناك يلعب ويغير جو...

بس مسكين طول الأسبوع يكون محكور بروحه في الشقة وماعندنا حتى زوار...

من الاحد لين الخميس روتين تقريبا

يقعد صباحا يستحم ويتريق وعلى ماننتظر الباص نردد السور القصيره كل يوم والادعيه


وبعض الاناشيد ونقرا بعض الكلمات وعالروضه ليييين الساعه 12ونص يرد

أول مايرد اغديه ويتابع التلفزيون ونحل الواجبات ويلعب بالبيت او ببيت عمه للمغرب

يكون وقت عشاه وتالي النووووم أما اذا نام الضهريه فيخترب نومه الليل ينام متاخر فاطلع

معاه بالفريج لين وقت نومته وهكذا

يوم الخميس اول مايرد يتغذى ويكتب واجباته ونخلص منهم ونطلع به مملكه الاطفال

تقريبا كل اسبوع للمغرب وتالي نرد عشان ينام مبكر

يوم الجمعه والسبت نقضيه بين بيت ابوووووي وبين طلعاتنا غذا برا او مجمعات او طلعات

بناتي الثنتين الكبيرة 5ونص والثانية 4 يوميا من السبت لين الاربعاء ينامون الساعة 7بالليل ويقومون الساعة 6ونص أوقات يفطرون واوقات لأ يقومون ويروحون الروضة ويرجعون الساعة 12.45الظهر ويلعبون شوي بعدين يتغدون وبعدين اقعد معاهم احفظهم قرآن وبس يكملون لعبهم لحد الساعة 6.30ويتعشون 7خلاص هم نايمين ...
أما يوم الخميس أول مايرجعون من الروضة نقعد نحل الواجبات عشان مايكون عندهم شي الجمعه والسبت لان مايعطونهم واجبات الا يوم الخميس وبعدين يتغدون ويتمون يلعبون واخليهم لين مايتعبون ويتعشون وينامون..
الجمعه يسوون أي شي هم يبونه والظهر يتغدون وبعدين احفظ بنتي الكبيرة شوي قرآن وتكمل لعبها ويتعشون ويتمون يلعبون وبعدين ينامون..
السبت أول مايقعدون يلعبون شوي ويفطرون اذا اقعدو من وقت و يقرون قرآن ويتغدون ويلعبون لحد الساعة 8ويتعشون وينامون حق الروضة...بس طبعا هاي هو روتينهم اليومي..
بس بالنسبة للولد لأ لحد الحين طبعا كل وقته لعب وبالنسبة لنومه بالليل ينام الساعة 9.30 واذا طول 10 يوميا بس الخميس والجمعه يقعد مع خواته ماينام لحد ماينامون