استفسارات بنات مصر ........تفضلوا

hoba555;8501352:
بوسي انا هرد عليكي في موضوع اوضه الاطفال انا منزله شويه صور من المندي هنا وفي صوره منهم هعملها في الشقه الجديده بتاعتي هي حلوه وبسيطه ومش محتاجه ورق حائط ولا الكلام ده
هي لونها اخضر تفاحي كده في روز يعني حيطه لونها روز وحيطه لو نها تفاحي بكره هنزلك الصور عشان انا شغال علي اللاب بتاع جوزي دلوقتي

انا كمان عمله اوده ابني حلو اوووي ولونها اصفر بس فاقع وفيها روسمات علي الحيطه وبوستر صوره وقلوب حمرا هبقا اصورها ليكم والسقف عامله فيه نجوم تجننن في النور عامله شكل حلو للسقف وبليل بتنور الاوضه كلها ولونها فسفوري بس بتحسي فعلا انك بتبصي علي نجوم في السما دلوقتي في الصور مش باين جمالها لانها صغيره لكن بليل ومن بعيد بيبن التوزيع حلو

ساره انتي جايبه النجوم اللي بتنور في الضلمه دي منين جوزي نفسه يعملها في اوضه ندي
بس بجد تحفففففففه ربنا يهني بيها يا رب

hoba555;8501697:
ساره انتي جايبه النجوم اللي بتنور في الضلمه دي منين جوزي نفسه يعملها في اوضه ندي
بس بجد تحفففففففه ربنا يهني بيها يا رب

بصي انا جبتها من سنه اول مانزلت وكانت ب4.30:confused::confused::confused: دلوقتي ب2.30من محلات اتنين ونص
بص للامانه انا عندي الاتنين دول بيفضلوا للصبح منورين الاوضه ظهرررررررررررررررر
كاني مولعه سهرايه صغيره حاولت اصورها وهيا مطفيه مطلعتش :o:o
وكمان لو عايزه تعمليها هتبقا احلي لما تبقا كده مجموعه وجانب بعض هتدي شكل وهتديكي اضائه حلوه ابني بيحبها اوووي وبيبص عليها كتيررر
لما بتبقا كام وحده فرضاني مش بتبقا اضائتها قوبه وممكن تعد خمس دقائق وتطفي
بس ديه مستمر بقولك من بليل للفجر يعني ممكن اكتر من 5ساعات بس اول ماجبنها وعلقنها ماكمنت كده دلوقتي بقيت تطول اوووي تقريبا بقا من تحويش النور وخصوصا ان النور زي ماشفتي في وشها علي طول
ومكتوب علي الورقه من بره الالوان بتعد اد ايه اكتر لون بيطول في الاضائه الاخضر وبعدها الازرق وبعدها البينك

حلوة اوي اوي ما شاء الله شكل النجوم دي وتنسيقها، بقولكوا يا بنات ممكن حد يقولي ايه احسن لون اعمله للشيشات والزجاج بتاع الغرف والبلكونة وابواب الغرف كمان يعني كله، اعمله من نفس لون الحيطة اللي فيه حتي لو الونها غامقة والوان جديدة مش التقليدية ولا بيبقي مفروض لون ابيض وبس ومن بره لون تاني غامق شوية بني او رمادي مثلا ياريت تجاوبوني بسرعة عشان محتارة اوي ودي المرحلة القادمة عالطول والنقاش كان سايبني افكر وارد عليه

شهيدة;8494434:
بصي يا دينا

شقتك ما شاء الله حلوة
بالنسبه للريسبشن حاولى متحطيش فيه حاجات كتير علشان يدى وسع خاصه لو ناويه عالستيل
للاسف معرفتش احطلك مقاسات للحاجه لانك ممكن تتحكمى في العفش وقت الشرا او التفصيل

لو ليكى سؤال انا تحت امرك

ودي اخر رسمة

http://www.3roos.com/uploder/uploded20080901/40579/11232380638.jpg

ميرسي جدا جدا جدا
بجد تسلم ايدك
بس ممكن اعرف يعني ايه (لوي كاتورز ) معلش الجهل وحش

و عاوزه اسأل سؤال كمان معلش هوا مفيش مكان نحط فية دفايه جبس او رخام اصل نفسي فيها قوي

و سؤال كمان بقي معلش طماعة
انا بحس ان الريسبشن المفتوح زي اللي عندي ده احسن له استيل و لا انتي ايه رأيك
بمعني لو دي شقتك تعملي مودرن و لا ستيل

ربنا يا رب يكرمك و يحققلك كل اللي انتي بتتمنيه يا رب
و عقبال ما تفرشي شقة عمر و انا اجي ارصله النيش بأيدي
اصلي بحب رص النيش

عاشقة الرحمن دينا;8503839:


و عاوزه اسأل سؤال كمان معلش هوا مفيش مكان نحط فية دفايه جبس او رخام اصل نفسي فيها قوي

انا كمان نفسي اعملها اوي ومش عارفة افكر اعملها فين عندي بردو

شوفو اوضه الاطفال دي يا بنات طبعا للامانه ده منقول من بنوته في المنتدي هنا وكانت مصورها من عندها بس مش عارفه اسمها ايه بس بجد اوحت ليا بافكار كتير











الالوان حلوين اوي مع بعض بس دي تنفع اكتر للبنات مش الاول

ممكن يا بنات اعرف مقاسات النيش ال 3 درف وال 4 درف ؟

ازيكم يابنات انا شفت ورق حائط روعه من منتدي اخر نقلتهلكم وعملتها ف موضوع
يارب تعجبكم
http://www.3roos.com/forums/t423729.html

ممكن يابنات تجبولى افكار لبياضات للكنب

maro;8520737:
ممكن يابنات تجبولى افكار لبياضات للكنب

دى شوية صور نقلتهم من منتدى تانى يمكن تاخدى منهم فكرة تعجبك












بصى ولاحسن انتى نقى القماش وبتاع الستاير او المنجد ممكن يعملهالك حلو اوى

شكراااااا حبيبتى الف شكر

طيب ممكن صور كنب بس كنب صغير عارفين الكنب اللي هوا ايده صغيره مش بتاخد مساحة
عايزة زي انتريه صغير عشان المساحة عندي صغيرة

شهيدة;8491933:
للاسف يا قمر المساحات مش باينه لان الصورة صغيرة اوى




اوضه الاطفال مهمة فعلا بس ممكن تتاجل لحد ما الطفل الاولانى يكون عنده سنتين تلاته




تسلمى يا قمر

بس سؤال انتى هتغيري من الكلاسيك للمودرن ولا ايه؟



ده ممكن يكون طوب حراري او عارفه ممكن يكون باركيه





في العتبه طبعا بس فين بالضبط مقدرش اقلك لانى كل ما اروح اسال والناس تدلنى على مكانه

استحالة اغير من الكلاسيك للمودرن بس قلت لو ربنا رزقنى بشقة كويسة تكون مثلا 3 غرف وريسبشن انى باذن الله هعمل الريسبشن كلاسيك كله والغرف جوة مودرن يعنى غرفة النوم مودرن لانى بعشق النوم المودرن وهعمل غرفة اطفال روشة كدة وهعمل غرف معيشة فيها ركنة مودرن وترابيزة تليفزيون واطية كدة شوية لانى بحب الاستايل ده وهعمل باب فى الطرقة فاصل باذن اله بين الاتنين او بين الستايلين وانا شوفت الفكرة دى من مهندش ديكور وقال عادى بو مزاجنا بين المودرن والكلاسيك بس يبقوا مش فى مكان واحد يعنى مش سفرة مودرن وانترية كلاسيك بسسسسسسسسسسسسسسس ادعولى بس ربنا يرزقنى بالزوج الصالح عاجلا يارب ويبقى ميسور وعنده الشقة اللى بحلم بيها دى يارررررررررررررررررررررررررررب

شهيدة;8494218:
منورة يا قمر

بصي بالنسبه للريسبشن لو انتى مختارة عفشك ستيل يبقى احسن تكون الدهانات اوف وايت وبلاش تعملى اوى موضوع الحيطة اللي بتكون لونها مختلف لان الريسبشن ده واجهه البيت ومينفعش كل ما الموضه تتغير تغيريه برضو ممكن تعملى فيه ورق حيطة بس يكون قيم ويكون بالخطوط الطوليه

انا بحب الاستر في الابواب والشبابيك بيدى شياكة ومنظر روعه وكان نفسي اعمل كده في شقتى بس المشكله ان الابواب كانت مدهونه قبل كده

اه بالنسبه للاوض احسن حاجه درجات السيمون او الروز للاوضه النوم الرئيسيه اوضه الاطفال حلو انك تعملى فيها ورق حيطة لعب واشكال لذيذه وكمان زى ما دينا قالت الاصفر والازرق من احلى الالوان

مطبخك طالما انه صغير يبقى خليكى في الفواتح
لانها اكيد زى ما انتى عارفه بتدى وسع للمكان فممكن اللون البيج الفاتح

الشباك بتاع المطبخ قفليه الوميتال بنفس الاوان الفاتحه اللي تجمع ما بين البيج بتاع المطبخ ودهان الريسبشن لو هتعمليه اوف وايت وفي اشكال حلوة وشيك وخاصه لو هتعملى المطبخ الومتال هيبقى حلو وجميل ان شاء الله

تسلمى يا قمر على نصايحك الجميل
ربنا يخليكى يا جميله . بس انا عندى المطبخ لونه فاتح يعنى بيج وفيه بنى بس بسيط قوى يكاد يكون مش ظاهر هلى ينفع اغمل المطبخ كمان بيج مش هيكون لونه فاتح قوى وكمان انتى عارفه الفواتح فى المطبخ بالذات مش بتستحمل انا كنت بفكر اعمل بنى واخل فيه البيج او اعمله خشمنيوم . اما للشباك انا فعلا قفلته الوميتال بلون السيراميك بتاع المطبخ . انا هبقى انزلك تصميم المطبخ اللى انا عملته على برنامج تصميم المطابخ واكيد هيوضح ليكى شكله وهو مش صغير قوى هو كويس نوعا ما 3 × 2.5 م
اللى انا عاوزه اعرفه ومحتاره فيه جدا فتحته المناوله بتاعت المطبخ او بيقولوا عنها مطبخ امريكى مفتوح على الريسبشن مش عارفه لحد دلوقتى هيكون الديكور بتاعها ايه ؟؟؟؟؟

smsmakimo;8498923:
بصى ياقمر شقتك فيها كتير من شقتى انا عملت الوان مطرقعة وحلوة مثلا الرسيبن عندى اتنين سفرة وانترية مودرن على فكرة السفرة عملت الحيطة اللى هيكون عليها البوفية بيج والحيطة التانية اورانج والعامود الفاصل اللى بين الرسيبشن عملتة بيج والجزء التانى فية حيطة فيها البلكونة عملتها بيج والحيطتين اللى قصادبعض احمر لون الانترية اما بقى الليفنج فانا هحط فية ركنة لونها موف غامق فعملتها موف هادى خالص وحيطة فيها مقلمة بالطول موف فاتح مع غامق كونتراست الوان طلع تحفة اما بقى الممر اللى فية الحمام والمطبخ فلونة بيج مصفر حلو اوى والباب البار عملتة استر طلع ف منتهى الشياكة اما بقى اوضة النوم الدلع كله فانا عملتها كلها احمر معادا الحيطة اللى ورا السرير مقلمة بالطول احمر مع بيج طلعت حكاية والحمد لله النقاش كان راجل محترم اوى واى سوال انا تحت امرك وهحاول ابعتلك الصور

ماشاء الله شقتك جميله وزوقك حلو اوى يارب تتهنى بيها
بس حاولى تبعتيلى الصور عشان عاوزه اشوف شكلها وخصوصا الحيطه المقلمه دى عشان قالولى كتير عنها وانا لسه مش متخيله شكلها ايه حلو ولا وحش
وكمان ممكن اطلب منك طلب كمان معلش بقى تقلت عليكى
عاوزه منك رقم النقاش اللى عملك الشغل ده واخد مصنعيه كام بس طبعا على الخاص عشان ممنوع هنا
معلش يا قمر تقلت عليكى وربنا يوفقك ويبعتلك كل خير

hoba555;8501352:
بوسي انا هرد عليكي في موضوع اوضه الاطفال انا منزله شويه صور من المندي هنا وفي صوره منهم هعملها في الشقه الجديده بتاعتي هي حلوه وبسيطه ومش محتاجه ورق حائط ولا الكلام ده
هي لونها اخضر تفاحي كده في روز يعني حيطه لونها روز وحيطه لو نها تفاحي بكره هنزلك الصور عشان انا شغال علي اللاب بتاع جوزي دلوقتي

ازيك يا هوبه عامله ايه ؟
صوره غرفه الاطفال اللى انتى بعتيها دى تحفه جميله قوى بس بناتى جدا وانا لسه مش عارفه ربنا هيرزوقنى بى ايه بس انا كنت بفكر فى اللون التفاحى ده او البوستاج مع الدرجه الافتح منه او الموفات بدرجاته

ساره افندي;8501489:
انا كمان عمله اوده ابني حلو اوووي ولونها اصفر بس فاقع وفيها روسمات علي الحيطه وبوستر صوره وقلوب حمرا هبقا اصورها ليكم والسقف عامله فيه نجوم تجننن في النور عامله شكل حلو للسقف وبليل بتنور الاوضه كلها ولونها فسفوري بس بتحسي فعلا انك بتبصي علي نجوم في السما دلوقتي في الصور مش باين جمالها لانها صغيره لكن بليل ومن بعيد بيبن التوزيع حلو

انا كنت عاوزه اعرف النجوم دى كلها انتى مركباها ولا فى منها رسم على الحيطه ومنها النجوم اللى بتنور دى ؟ وكمان مين اللى ركبهالك النقاش ولا انتى اللى عملتيها ولو انتى اشرحيلى عملتيها اذاى ؟؟

ازيكم با بنانيت يا حلوين انا جبتلكم رسم المطبخ بتاعى وكمان تصميم انا عملته على برنامج تصميم مطابخ وعاوزه اخد رأيكم فيه بصراحه واللى عندها فكره جديده تقولهالى
ومشكوووووووووووره ليكم جميعا
على فكره انا حاطه الاول صوره للمطبخ وهو فاضى وهتلاقو فيه باب و2 شباك ( الشباك اللى فى وش الباب ده شباك المطبخ والتانى المفروض انها فتحه المناوله اللى على الريسبشن بس الموقع مفيهوش تصميم لفتحات المناوله دى فا اضطريت اعملها شباك وخلاص وفى صوره تانيه من شقتى لفتحه المناوله من الريسبشن ودى قبل ما يركبلها الرخامه

معلش يا بنانيت الصوره اللى من شقتى مترفعتش عشان هيا مرفوع قبل كده ممكن تشوفوها تقريبا من صفحع رقم 95 من نفس الموضوع ده