استفسارات بنات مصر ........تفضلوا

ريهام@محمود;8300168:
السلام عليكم ازيكوا يا بنات كل سنة وانتوا طيبين انا امبارح االحمد للة رحت شقتى واتفرجت عليها بعد ما العمال كسروا البلكونات ودخلت فى مساحة الشقة المهم لقيت عندى مشكلة:( فظيعة وهى وجود كمرة ساقطة ياريت تكونوا عارفينها ومش عارفة اعمل اية؟؟ لانها موجودة فى نص الصالة نفسى فى علاج ليها ولا ادهنها لون؟؟ ولا احطلها مرايات ولا اية؟:(ياريت تشاركونى الراىولو عندكوا (p)صور(p) يبقى كرم من عند ربنا ما يسقطلكوا كمرة ياااااااااااارب

ازيك يا ريهام هو انتي مكنتيش عارفة انك لما تكسري حيطة البلكونة هتظهر الكمرة دي؟؟
دا طبيعي اومال الحيطة هتقف على ايه عموما معلش و لو كانت ارتفاعها 50-60سم مش قضية ادهينيها ابيض زي السقف وهي مش هتبان وممكن فكرة تاني تحطي فيها براويز بعرض الكمرة كلها جنب بعض وتبقى كأن الحركة مقصودة :wink: حاولي تلاقليها علاج برضو بأفكارك حسب طريقة تنظيمك للشقه وكده وأي سؤال احنا فالخدمة برضو

منال وحشتيني يا جبانه بجد
هوا ده عمر افندي فعلا؟؟
اوضه النوم تجنن
و السفره حلوه جدا
بس هوا التنجيد بتاع الكراسي اللي عاوز قماش تاني

بس المجمل حلو جدا ما شاء الله و الاسعار تحفه
بس الخشب حلو و لا اي كلام؟؟؟

انا صحيح لسه بدررررررررررررررررررررررررري علي العفش بس الاسعار اديتني امل في الحياه

كملي
عاوزه منك كل يوم تقرير

يا بنات انا بجد بحبكم كلكوا

شكرا ليكي ياmanafola
بس للاسف قررنا اني افصل خلاص
ياجماعه معلش حد يعرف اسعار التفصيل قد ايه تقريبا
انا ضايعه خالص اهلي مسافرين وخطيبي مسافر وانا محتاسه هنا لوحدي

ريهام@محمود;8300168:
السلام عليكم ازيكوا يا بنات كل سنة وانتوا طيبين انا امبارح االحمد للة رحت شقتى واتفرجت عليها بعد ما العمال كسروا البلكونات ودخلت فى مساحة الشقة المهم لقيت عندى مشكلة:( فظيعة وهى وجود كمرة ساقطة ياريت تكونوا عارفينها ومش عارفة اعمل اية؟؟ لانها موجودة فى نص الصالة نفسى فى علاج ليها ولا ادهنها لون؟؟ ولا احطلها مرايات ولا اية؟:(ياريت تشاركونى الراىولو عندكوا (p)صور(p) يبقى كرم من عند ربنا ما يسقطلكوا كمرة ياااااااااااارب

وعليكم السلام ورحمه الله وبركاته
بصي انا معرفش هتنفع الفكرة دى ولا لاء
ممكن تخلى الراجل اللى شغال فى الشقه واساليه لو ينفع تتعمل بتدوريه بسيطه بدل ما تكون كلها حته واحده متهيالى هتبقى احلى ومش هتحسسك ان المكان ضيق
ولو نفعت او منفعتش ادهنيها عادى جدا بلون الحيطه وحطى فيها اسبوتات من تحت اللى هى اللمض اللى بتكون مدوره وصغيره دى ياريت اكون قدرت اوضح

بنات هو قماش الانتريه ده حد يقدر يعرف نوعه لاني عايزه ادور عليه؟
وكنت عايزه اسال على الاماكن اللي بتبيع قماش التنجيد في مصر

دو مودي

في بنات كتير فصلت و الحمد لله طلع حاجاتها حلوه و سعرها مناسب
و في ناس فصلت و النجارين اتأخروا عليهم

الاسعار بتختلف حسب الموديل و الشغل اللي فيه و كمان الوقت اللي هتعملي فيه

بالنسبه لقماش التنجيد هتلاقي في الازهر و الوكاله
و اهم حاجه شطارتك في الفصال

بنات ايه رأيكم فى الديكور ده وحد شافه قبل كده او يعرف بيتعمل ازاى وفين

عاشقة الرحمن دينا;8301070:
دو مودي

في بنات كتير فصلت و الحمد لله طلع حاجاتها حلوه و سعرها مناسب
و في ناس فصلت و النجارين اتأخروا عليهم

الاسعار بتختلف حسب الموديل و الشغل اللي فيه و كمان الوقت اللي هتعملي فيه

بالنسبه لقماش التنجيد هتلاقي في الازهر و الوكاله
و اهم حاجه شطارتك في الفصال

دندون تعرفى محلات كويسة بالاسم؟

ميرو يا قمر وحشاني

لا مش عارفه بس كان في كذا بنوته هما اللي قالوا الازهر و الغوريه

بصي كمان في اهرام الجمعه شاتكس تقريبا اسم المحل كده عامل خصم 50 في الميه
علي اقمشه التنجيد و الستاير

البنوتة الى بتسأل عن الكمره انتى ممكن تعمليها تزخرفيها بالجبس زى دى

عاوزه اسأل سؤال في منتهي الذكاء
هوا شكل البلكونه ( شيش و لا الوميتال ) يعتمد علي اني هفرش مودرن و لا كلاسيك

بصوا انا عارفه انو سؤال عبقري فمش عاوزه تريأه

اصل انا مش عارفه اعمل البلكونه اللي في الريسبشن ازاي
الوميتال
شيش و ازاز ( اللي هوا مربعات ده خشب و ازاز طالع جديد )
و الازجاج المربعات و الخشب ده من غير شيش

علما ان الريسبشن في شباك كمان

ازيك يادينا
بصي انا رايي ان الخشب والشيش عملي اكتر يعني عايزه تهويه من غير نور عايزه اضاءه بس بصي انا هبعتلك الباب بس انا هعمله لكل الشقه والتراس طبعاوهو هيتعمل عموله
وقوليلي رايك ولو شفتي حاجه اشيك من كده
انا اتفرجت على كذا شكل بس ده اكتر حاجه عجبتني
قوليلي رايك بس ماتقوليش وحش
قوليلي شكله مش ظريف
ماتصدمنيش

بصي يا حبيبي و الله شكله حلو انا منقية أخوه
بس بضرة المرايا بتاعته مربعات
ممكن اعرف ازاي هتعمليه ده للتراس
انا هحاول ابعتلك للي انا نقيتهم بس انا مصوره الكتالوج بالموبايل فطبعا الالوان بهتانه
انا اخترت لغرف النوم اللي اسمه ro 850
http://www.3roos.com/uploder/uploded20080901/280611/01231164635.jpg
و البلاكونه roy 800
http://www.3roos.com/uploder/uploded20080901/280611/11231164635.jpg
ها ايه رأيك و بصراحه
لو عاوزه باقي الكتالوج قوليلي

بقولكم يا بنات انا جيبلكم مجموعة حلوة اوى من الستائر شوفوها كدة وادعولى

بصي انا شفت زي اللي انتي اخترتيه لاوض النوم بس كان الزجاج ازرق والخشب ابيض شكله ماعجبنيش خالص بس ده لونه حلو
وباب التراس شكله ظريف اوي حلو بجد
ومش عارفه والله هيتعمل ازاي للتراس حماتي هي اللي قالتلي لازم كل الببان تبقى زي بعض قلتلها ماشي
ولا تزعلي نفسك هما يتصرفوا بقى لان هما اللي بيتعاملوا مع الصنايعيه وكده

انا رفعته تانى اهو لكم



رووووووووزى قوليلى راااييييك يا بنت

ريهام@محمود;8300168:
السلام عليكم ازيكوا يا بنات كل سنة وانتوا طيبين انا امبارح االحمد للة رحت شقتى واتفرجت عليها بعد ما العمال كسروا البلكونات ودخلت فى مساحة الشقة المهم لقيت عندى مشكلة:( فظيعة وهى وجود كمرة ساقطة ياريت تكونوا عارفينها ومش عارفة اعمل اية؟؟ لانها موجودة فى نص الصالة نفسى فى علاج ليها ولا ادهنها لون؟؟ ولا احطلها مرايات ولا اية؟:(ياريت تشاركونى الراىولو عندكوا (p)صور(p) يبقى كرم من عند ربنا ما يسقطلكوا كمرة ياااااااااااارب

ريهام انا لقيت كام صوره لموضوع الكمرات ده بس مش عارفه تناسب شقتك والمساحه عندك ولا لا


[
IMG]http://www.3roos.com/uploder/uploded20080901/301959/01231173094.gif[/IMG]

حبيبه مادو;8329693:
انا رفعته تانى اهو لكم



رووووووووزى قوليلى راااييييك يا بنت

بصي - الانتريه ده عايز سجادة سمبل خااااااااااااالص يعني يستحسن لو تجيبي واحدة الي هي الفناكيش دي بني سادة او احمر سادة -انا بصراحة جايبة الفناكيش دي حتى السادة منها شيك جداااااا وبالنسبة لنضافتها فهي مش صوف هي بتكون زي بوليستر يعني التراب مش بيلزق فيه وماتجيبيش كبير يعني هاتي احجام وسط وممكن في الخباثة كدة كل اسبوع نفضيها ع السلم كام تنفيضة :wink:

حبيبه مادو;8329693:
انا رفعته تانى اهو لكم



رووووووووزى قوليلى راااييييك يا بنت

حبيبتى انتى ممكن تجيبى سجادة نفس لون الحيطة اللى ورا دى انتى عاوزه حاجة تفتح الموضوع لانى حاسة اللون غامق ولا انا بيتهيألى ؟او تجيبى لون البنى اللى فى القماشة دا واطمنى هتلاقى منه ان شاء الله

ليلى حبيبتى هو الانتريه احلى من الصووووره بكتييير مش واضح فى الصوره اوى انما هو روعه تفتكرى يعنى افتح