استفسارات بنات مصر ........تفضلوا

ياسمينــــا;7877684:
لاااااااااااااا
ياقمر اوعى تركبى الباركية على البلاط لحسن الخشب يقب
بصى لو عايزة تعملى كدة اعملى الاول حاجة اسمها علفة خشب تعمل عازل بين البلاط والباركية

لالالالالالاHDF

لو نفسك فية الشركة لما بتيجى تركب بتحط حاجة شبة الفل عازلة عن البلاط عن السيراميك عن اى حاجة وكل حاجة
الباركية الحديث دة الالمانى او البلجيكى بيتركب على كل حاجة واى حاجة
دى بيتعمل بية بدرومات الشركات

صوت العيون;7877904:
جزاك الله خير

بس ارخمها يعنى ايه فى صور لدا


تقصدى اديها شكل الرخام يعنى

لو كدا فرجينى صور لو سمحتى

ايوه يا صوت تعمليها شبه الرخام هحاول اجيبلك صور من على النت و لو ملقتش ان شاء الله على بليل او بكره الصبح بالكتير اجبلك صوره من موبايل خطيبي

emansaed;7879692:
ازيكو ياحلوين عاملين ايه
بنات عندى سوال هام جدا
هو لما الراجل بيجى يفصل الستارة اللى هى ببرقع دى اللى بتبقى ع بلتكانة. بيقول بياخد كذا ع متر الحيطة
السوال بقى قصده العرض بس ولا العرض والطول يعنى المساحة؟؟؟؟؟؟؟؟؟؟؟؟؟
بنات بليز حد يرد عليا لانى نويت ان شاء الله اعمل الستاير بتاعتى فى ميت غمر لان شقتى هناك وارخص واحد بتاع ستاير قالى هياخد 20 جنيه فى متر الحيطة بس هو قالى العرض بس ومالوش دعوة بالطول يعنى مثلا لو هعمل ستارة 2 متر عرضها هياخد منى 40 جنيه
كده كويس ولا غالى اصل بنات قالولى قبل كده ع واحد ف القاهرة بياخد 6 جنيه فى متر الحيطة بس مش عارفة بقى هما قصدهم اللى ببرقع ولا العادية اللى بمواسير
يارييييييييييييييييييييييييييييت تفيدونى

اللي بياخد 6 ج ده على متر القماش مش متر الحيطه متر الحيطه بيتحسب على العرض بس يعني انتى عندك حيطه عرضها 3 متر يبقي الستاره تتكلف 60 ج

سارة المزعورة;7887872:
لالالالالالاHDF

لو نفسك فية الشركة لما بتيجى تركب بتحط حاجة شبة الفل عازلة عن البلاط عن السيراميك عن اى حاجة وكل حاجة
الباركية الحديث دة الالمانى او البلجيكى بيتركب على كل حاجة واى حاجة
دى بيتعمل بية بدرومات الشركات

(y)(y)(y)(y)(y)(y)(y)(y)
و بعدين اصلا الشركه بتاعت ال HDF قبل ما تيجي تركبلك الباركيه بتقولك ركبي بلاط او تدلقي اسمنتعلى الارض و تساويه قبلها عشان الارض تكون متساويه و يطلع الباركيه مظبوط و بتفضل البلاط عشان الماده اللي بيلزقوا بيها الباركيه بتلزق اكتر على البلاط

كيتي هو الراجل اللي انتى بتقولي عليه لازم تتفقي معاه من قبلها و يعملك اللي انتى عوزاه عموله و لا بيبقي عنده معرض فيه حاجات معموله اصلا

تووووكي;7885375:
بنات هو رخامه المطبخ الى بتتحط فوق المطبخ بتتثبت فالحيطه ؟ولا بتبقي عالوش كده عالمطبخ

الرخامه بتبقى على المطبخ مبتسبتش فى الحيطه

thering;7839116:

طب بما ان السقف الساقط ممكن ما ينفعش عندي فا ايه رأيكوا في السقف ده و الاضاءه ديه هاتكون حلوه ولا لاء


ملاحظه الصوره ديه من منتدي خاص بالديكور

ماهو ده ياحبيبتي سقف ساقط واسمه بيت النور ومش بياكل المساحة انا عاملاه وشكله حلو جدا وطبعا بيكون جواه اضاءات بتكون حلوة اوي - وكمان ده كان حل عندي لمشكلة الكمر المتخلف الي بيتعمل في الشقق دلوقتي

صوت العيون;7872519:
لا منا لقيت 30 فى 30 فى عمر افندى بس صغيره فرق 5 سم

طيب هى الكورنيشه ان شاء الله بتاخد اى لون لون السقف ولا الحيطه ان شاء الله

عامة الكورنيشة بتكون ابيض زي السقف بس في كرانيش نازلة بتكون رقيقة كده وعبارة عن 3 او اربع خطوط كده فبيعملو ممكن خط في النص لون الحيطة بيكون شكلها لذيذ يارب تكوني فاهماني

جزاك الله خير

يا روزى فكره حلوة خصوصا لو اتعملت زجزاج او موجه صح

طيب عندك صور ليها وللرخامه

maro111;7879435:
يا بنات ايه رأيكم انا هاجيب الاثاث بتاعي جاهز لاني بصراحه خايفه من التفصيل يطلع مش زي ما انا عايزه لكن الجاهز هاختاره واجيبه على طول ان شاء الله فكنت عايزه منكم اسماء اماكن ممكن اجيب منها في القاهرة والعناوين بتاعتها يعني اللي يعرف مكان كويس يقولي عليه وياريت تقولولي رنج الاسعار وياريت في المتوسط انا بشوف اسعار هنا تعقد كمان معلش اللي يعرف حد عنده الكنب المودرن يقولي ولو برده يعرف الاسعار .......... وشكرااااااااااا مقدما للي هايخدمنا

في محلات مفكو حلوان خشبه نضيف جدا وغرف النوم عنده عسولة اوي بس احلي فرع الي في مكرم عبيد قدام سيتي سنتر - وممكن يفصلولك اي حاجة انتي عايزاها وشفت ومواعيدهم حلوة اوي - وشفت غرف النوم عندة من 13000 و15000 كده في الحدود دي -
والانتريهات مممممم انصحك تفصليها والف مين يعملهالك عشان تجيبي القماش ع مزاجك في اقمشة تحفة في الوكالة - والف مكان ممكن يعملهولك - بس اتأكدي من نوع الخشب قبل ماتتفقي

روزى خشب الانتريه بيكون اسمه ايه يا جميله ان شاء الله

kitty_kity;7880801:
ماشاء الله شكلها رووووووووعه....عملتيها ازاي؟ وفين واتكلفت كام...
بجد ماشاء الله روعه
كانت عندي صورة اودة..معمول فيها اضاءة ف السرير كدا...ومعمول ف الخشب بقى فراغ كدا مكتوب عليه اي لف يو :D
I love U
وصورة تانيه كان فيها من جهة مكتوب
me
والجهة التانيه
you

النجار بتاعي ياحبيبتي ماشاء الله عليه بيعملي اي حاجة بقوله عليها هو شاطر ماشاء الله انا كنت شفت النور الي في السرير ده في محل وايت هاوس في سيتي ستارز وبعدين لئيتها ع النت وهو قالي هايعملها وملهاش تكلفة معينة ولا حاجة يعني اوضة النوم كلها اتكلفت حوالي 11 الف بس لسة ماتفقناش ع السعر النهائي -

شهيدة;7884900:
انا لقيت الصورة دى على منتدى واحده مصريه عارضه فيها مطبخ مامتها وهوا مفتوح مع انى مش مؤيدة ليه

انا فعلا هاجيب حاجة زي دي عشان المطبخ بتاعي بس طبعا شكل تاني دي شكلها بلدي اوي :ss:-

صوت العيون;7892903:
جزاك الله خير

يا روزى فكره حلوة خصوصا لو اتعملت زجزاج او موجه صح

طيب عندك صور ليها وللرخامه

للأسف يامورو مش عندي صور ليهم - بس تخيليها انتي بئا :)

صوت العيون;7892970:
روزى خشب الانتريه بيكون اسمه ايه يا جميله ان شاء الله

خشب زان طبعا وحتى لو الخشب مش باين في الانتريه الداخلي يعني فاهماني

بنات كنت عايزه اسالكوا انا عندي اوضه كان فيها قنالتكس هو لو اتشال بيشيل وش البلاط ال تحته ولا مش بياثر فيه؟؟؟ وايه احسن حاجه اعملها واشيله بيها او اداريه بيها؟؟؟؟

انا عايزه اسالكو عن انواع الخشب ايلى تنفع فى المطابخ؟ يعنى ايلى تستحمل الميه والحراره وهو فيه خشب اسمه خشب ابيض ولا كل الخشب قبل ميدهن بيبقى خشب ابيض ؟

تووووكي;7885375:
بنات هو رخامه المطبخ الى بتتحط فوق المطبخ بتتثبت فالحيطه ؟ولا بتبقي عالوش كده عالمطبخ

بصى ياستى
لو الرخامه بتاعت المطبخ دى رخام يعنى بتتحط فوق خشب المطبخ عادى
بس لو هيا جرانيت بتتعلق فى الحيطه بس فى نفس المستوى اكنها فوق الخشب بس بتتثبت فى الحيطه وده الاصح على فكره
بس الرخام مش بيستحمل كل ده
وفى رخام جلاله شبه الجرانيت اسمه جلاله فص بيبقى نفس نقشه الجرانيت بس طبعا فى فرق فى السعر
الجرانيت يبتدى من 300 وانتى طالعه والرخام العادى الجلاله ده ب 70 والىل هيا جلاله فص ب 90 وفى رخام كراره نضيف موت زى الجرانيت كده الى بيعملو بيها رخامه الصالون بتبقى غاليه زىالجرانيت بس حلوه اوى

بناويت النجف بقى منين؟ وايه الجديد فى النجف
مش عارفه سمعت حاجه اسمها نجف بشابوهات؟؟
والكرستال لسه موضه ولا لا ؟ ولا حاجه اسمها اطباق
انا بتكلم كنجف كلاسيك مش مودرن
والمودرن اجيبه منين؟
والاسعار رنجات ايه؟
بليز حد يرد عليا ضرورى اوى

pascotta;7893253:
بنات كنت عايزه اسالكوا انا عندي اوضه كان فيها قنالتكس هو لو اتشال بيشيل وش البلاط ال تحته ولا مش بياثر فيه؟؟؟ وايه احسن حاجه اعملها واشيله بيها او اداريه بيها؟؟؟؟

احنا كان عندا فى الصاله الاول قنال تكس ولما جينا ركبنا السيراميك الراجل شال بس الطبقه اللى على الوش دى وبعد كده حط الرمل والاسمنت وعادى

يا بنات ممكن محلات غرف نوم اطفال بس اسعارها متكونش اوفر

mashimaro16;7896359:
بناويت النجف بقى منين؟ وايه الجديد فى النجف
مش عارفه سمعت حاجه اسمها نجف بشابوهات؟؟
والكرستال لسه موضه ولا لا ؟ ولا حاجه اسمها اطباق
انا بتكلم كنجف كلاسيك مش مودرن
والمودرن اجيبه منين؟
والاسعار رنجات ايه؟
بليز حد يرد عليا ضرورى اوى

النجف من درب البرابره فيه هناك كل انواع النجف الكلاسيك و المودرن و البنات بيقولوا فيه كمان نجف مودرن حلو اوى في سوق الكهربا
بالنسبه للجديد بقي في النجف فيه فعلا النجف اللي بشابوه بس بصراحه انا مش حبيته و دلوقتي الموضه النجف اللي بكريستالات قليله يعني بتبقي الدراع بتاعت النجفه نحاس مشغوله و يتركب عليها كريستالات قليله غير بتاعت زمان اللي كانت كلها كريستالات
الاسعار بقي في النجف الكلاسيك تقريبا بتبدأ من 800 و انتى طالعه حسب نوعها و حسب حجمها و احسن نوع دلوقتي نجف الرضا
و النجف المودرن بيبقي ب 200 و حاجه او 300 و حاجه

koka;7902438:
احنا كان عندا فى الصاله الاول قنال تكس ولما جينا ركبنا السيراميك الراجل شال بس الطبقه اللى على الوش دى وبعد كده حط الرمل والاسمنت وعادى

ميرسي يا قمر بس انا كنت عايزه اعرف لما بيشيله البلاط تحته بيبقى بايظ ولا عادي لان انا عايزه اشيله واسيب البلاط بس

mashimaro16;7896359:
بناويت النجف بقى منين؟ وايه الجديد فى النجف
مش عارفه سمعت حاجه اسمها نجف بشابوهات؟؟
والكرستال لسه موضه ولا لا ؟ ولا حاجه اسمها اطباق
انا بتكلم كنجف كلاسيك مش مودرن
والمودرن اجيبه منين؟
والاسعار رنجات ايه؟
بليز حد يرد عليا ضرورى اوى

انا بصراحه بتعجبنى الاذواق بتاعت ميدان الجامع سعرها معقول وهتلاقي احدث حاجه هناك وحاجات شيك

salad;7902588:
يا بنات ممكن محلات غرف نوم اطفال بس اسعارها متكونش اوفر

عندك في رياضكو بتاع الاثاث وفي استقبال برضو ومعظم محلات الموبيليا بتعمل اوض اطفال
انا نفسي اجيب اوضه الاطفال من دمياط لانى كنت شفت عندهم موديلات حلوة واسعارهم احسن كتير من هنا

salad;7902588:
يا بنات ممكن محلات غرف نوم اطفال بس اسعارها متكونش اوفر

كله بيشكر فى مفكو حلوان الى فى مكرم عبيد يا جميله والمصنع فى حلوان برده بيعرض وبيبع ان شاء الله