استفسارات بنات مصر ........تفضلوا

Warde;7592621:
السلام عليكم ورحمة الله

يوميزو ، بصى عندنا فى البيت فى فاتحة (80 سم * 230 سم) ديه فاتحة طرقة فيها الحمام والمطبخ و كده وبره طبعا الصالة، المهم الفاتحة ديه ماما مقفلاها بستارة حاليا.

عايزين بقى نقفلها بباب ، خشب ولا إكورديون ولا إيه مش عارفين ، أنا دورت عالنت كتير على أبواب بس مش لاقية حاجة مناسبة للمقاس اللى بقللك عليه ده.

المهم شقتنا الإستايل بتاعها "سيمى مودرن" ،فبليز فكرى معايا كده ممكن نعمل الباب ده إزاى ؟!!!

ممكن باب مروحه عارفاه ؟؟

هاجيبلك صورته

عاوزة افكار لبيبان المروحه الى هى سلسله شكل الازاز يبقا ايه يا حلوين ان شاء الله

المشكله يا يميم ان الباب عرضه 80 سم بس يعني صغير علي المروحه

هو إنتوا قصدكوا المروحة زى دول يعنى ؟





بس 80 سم ينفع ؟ وكمان الطول اللى هو 230 سم ده هيبقى أوفر أوى كطول باب :ss: ولا عادى ؟

لا ده مش مروحه و بالنسبة للطول انتي هتسدي حبه بالطوب عادي و بعدين تتمحر و تدهن مع الشقه

ولا انتوا هتركبوا الباب بس و مش هتعملوا باقي الشقه

لا دا مش مروحه دا اقرب لباب اوكورديون

المروحه بيبقا بابين بيتفتحوا الجهتين

ازيك يا نيمو عامله ايه يا جميله يارب بخير ديما ان شاء الله

لا مافيش حاجه اسمها صغير على المروحه
انا عندى باب المطبخ تقريبا زيه وعاملاه مروحه عادى جدا يعنى
ممكن يبقى فرده واحده او فردتين

وممكن باب اوكورديون بس يتكلف حلو عشان مايبوزش بسرعه

nemonamanemo;7592931:
لا ده مش مروحه و بالنسبة للطول انتي هتسدي حبه بالطوب عادي و بعدين تتمحر و تدهن مع الشقه

ولا انتوا هتركبوا الباب بس و مش هتعملوا باقي الشقه

الفاتحة معمولة بستارة حاليا وعايزين نعمل باب بس ، يعنى طول الفاتحة مش هينفع نقصره بالطوب.

yomizo;7593059:
لا مافيش حاجه اسمها صغير على المروحه
انا عندى باب المطبخ تقريبا زيه وعاملاه مروحه عادى جدا يعنى
ممكن يبقى فرده واحده او فردتين

وممكن باب اوكورديون بس يتكلف حلو عشان مايبوزش بسرعه

أيوووه ورينى بقى صور كده لباب المروحة وباب الأكورديون ؟

لا المروحه بيبقى فردتين بيتفتحوا كده كانهم بيتزقوا وممكن تقفليهم لو مافيش ضيوف بيتعملهم شناكل من ورا في الحيطه جنبهم

ومش بيتعملوا بالطول كله يعنى مش من السقف للارض
لا بيتاخد متوسط من هنا ومن هنا ويتعمل طول عادى مناسب
يعنى بيبان من فوق ومن تحته الفراغ اللى وراهم

الابواب القابله للطى Folding door



عبارة عن :

الواح من الخشب تربط ببعضها البعض عن طريق مفصالات عاليه الجودة
للتتحمل الاعباء اليوميه وتنزلق على مجرى داخل بانر من الاعلى لتعطى شكلا فخما للغايه




فتصميمها الذكى يجعل من عمليه فتح الباب اسهل من الطريقه التقليديه
فهو ايضا يوفر المساحه فى الحائط والارضيات , وبمقارنتها بالابواب (الاكورديون المصنوعه من الامنيوم)

نجد انها:
تتميز بشكلها الجذاب والفخم حيث انها مصنوعه من اجود انواع الاخشاب باشكال والوان متعددة
عازله للصوت بشكل كبير عن الالومنيوم فتعطى الاحساس بالخصوصيه أكثر

يوجد انواع مختلقه من هذة الابواب

ابواب قابله للطى منفردة Bi folding door

وابواب قابله للطى مزدوجه و متعددة Multi folding door

ويستخدم هذا النوع فى العديد من الاماكن داخل المنزل وخارجه
وعلى سبيل المثال:
غرفه المكتب
خزانه الكتب والملابس
الحمام
المطباخ والعديد من الاماكن الاخرى المتعددة





يتبع

الاوكرديون زى الى انتى منزلاه يا وردى بس بيبقا سمكه اقل فى كل ضلفه

إزيكو يا بنات مصر بجد إنتو عاملين مجهود خطير
وجد أنا بستفيد منكم أوى ونفسى طبعا أفيدكم أنا كمان
وخصوصا إنى بعمل شقتى دلوقتى
أنا كان ليا استفسار بخصوص الدهانات
أنا جبت مهندسة ديكور وهى عايزة تعمل دهان الحيطة يبقى لاكيه عشان بتقول إن البلاستيك بعد غسيلة كذا مرة بيبقع وبيغير لونه
يا ترى هيا كلامها صح فعلا وإيه هيا عيوب اللاكيه
ومرسى أوى ليكو:21_148:

بناويت

انهى احلى
الكرسى ده ولا اللى بعديه :D انا زهقتكم بموضوع الكرسى بس بجد واجعلى دماغى ونفسى الاقيله حل ساعدونى بقى








وايه رايكم فى الكرسى ده ينفع يتعمل بيه كورنر فى الجنب كده كرسيين مع بعض ؟؟

botato;7594805:
إزيكو يا بنات مصر بجد إنتو عاملين مجهود خطير
وجد أنا بستفيد منكم أوى ونفسى طبعا أفيدكم أنا كمان
وخصوصا إنى بعمل شقتى دلوقتى
أنا كان ليا استفسار بخصوص الدهانات
أنا جبت مهندسة ديكور وهى عايزة تعمل دهان الحيطة يبقى لاكيه عشان بتقول إن البلاستيك بعد غسيلة كذا مرة بيبقع وبيغير لونه
يا ترى هيا كلامها صح فعلا وإيه هيا عيوب اللاكيه
ومرسى أوى ليكو:21_148:

بصى يا قمر البلاستك فعلا بعد كذا مره غسيل بتحسى اللون طلع احنا عندنا الصاله بلاستك بس بقاله دلوقت 15 سنه لاننا مش بنغسل الحيطان الا كل سنه مره يادوب بس حاولين كبس النور مره كل شهر وخلاص ده اللى بيتعمل

الاكيه بقى معمول فى الاوض وحلو جدا بس هو بيدى لمعه نتيجه عكس الضوء عليه بس فيه عيب ان الحيطه او اتخبطت بحاجه جامده او اتتدش البياض بيقشر غير كده هو عملى

انت ممكن تعملى الصالون والسفره عندك بلاستيك على اساس ان الستخدام فيهم مش كتير والليفنج والنوم اعمليهم لاكيه

كمان خالى بالك من حاجه ان طول ما يدك فى البيت وبتنفضى على طول عمرك ما حتحتاجى تغسلى الحيطان الا فين وفين

مشميرو الكرسي الاولانى احلى
والكورسي بتع الكورنر وهمممممممي بجد
ده جتى ممكن تعملى منه شيزلونج وتحطيه في اوضه النوم لو فيها مكان بجد شكله امور اوى


بوتيتو انا بجد اول مره اسمع عن موضوع دهان اللاكيه في الشقق ده

up up up

انا حاليا في مصر
وابي اسامي محلات ثانيه عشان الف واشوف الي يعجبني


وميرسييييييييه حبوبااات

pippo;7570210:
حبيبتى ماينفعش حد يقولك اعملى ايه
انتى اكيد فى حاجة بتميلى لها أكتر
بس خلى بالك ان المودرن ده بيبقى ميت.. ماينفعش تحطى أنتريه مودرن وخلاص. لازم تحطى ديكورات .. تابلوهات.. فازات مودرن.. الاكسسوريز هى اللى بتخلى الشكل العام حلو... وكمان المودرن بيزهق.. يعنى شوية وهتزهقى من المنظر العام..
لكن الاستيل عشان فيه تفاصيل مش بيزهق زى المودرن..
الاستيل اللى فيه شغل جامد لازم يتعمل فى أماكن واسعة..
اللى فيه شغل خفيف بيتعمل فى الاماكن الضيقة
والمودرن مناسب للأماكن الضيقة برضه..

على فكرة ده كلام الناس المتخصصين فى الديكور :)

مين اللي قال ان المودرن بيزهق وانو ميت والكلام دا ؟:think: بالعكس الواحد ممكن يغير كل شويه في المكان والمنظر العام بتاعو بسهوله لما يحط شوية خدديات بألوان جديده يدهن حيطه ولا يحط ورق حائط او يغير في شكل ولون الستاره يعني بحجات بسيطه ممكن تعملي مودرن شيك غير الستيل عشان يكون شيك لازم يكون فيه شغل جامد فالأثاث نفسو لانو بيعتمد على الأثاث بشكل رئيسي شغل اويما وحفر ومدهب ودا طبعا بيكون غالي دا غير انك مقيده إلى حد ما في الالوان غير المودرن انتي ممكن تدخلي اكتر من لون في بعض لان الإستايل دا نفسو قابل كده وبعدين الحكايه ماهياش حكايه مين احسن المودرن ولا الستيل دا إستايل ودا إستايل تاني خالص وبيعتمد على الشخص نفسو عايز ايه ؟ ومش هو ايه الموضه؟ هو من ناحية الموضه المودرن دا حاجه قديمة طالعه من سنة 1920 بس كل فترة بيتجدد ويتظهر فيه خطوط جديده بس هو بوجه عام بيعتمد على البساطه والخطوط المستقيمة والصريحه والستيل دا اقدم منو بكتير وهو مجموعة طرز كتيرة اوي احنا بنختصرها ببساطه في كلمة ستيل لكن كل طراز منهم غير التاني خالص فالشكل
انا بقول الكلام دا عن دراسه وخبره واسفه للتطويل بس حبيت اوضح:21_8:

ميرسى يايوميزو، أنا بعد البحث لقيت إن أنسب حاجة الأبواب القابلة للطى ديه أو الأكورديون بس طبعا تكون خشب ، محدش يعرف بقى الحاجات ديه بتتباع فين فى القاهرة ؟
زى اللى فى الصور دول ؟

سلسولة;7598443:
مين اللي قال ان المودرن بيزهق وانو ميت والكلام دا ؟:think: بالعكس الواحد ممكن يغير كل شويه في المكان والمنظر العام بتاعو بسهوله لما يحط شوية خدديات بألوان جديده يدهن حيطه ولا يحط ورق حائط او يغير في شكل ولون الستاره يعني بحجات بسيطه ممكن تعملي مودرن شيك غير الستيل عشان يكون شيك لازم يكون فيه شغل جامد فالأثاث نفسو لانو بيعتمد على الأثاث بشكل رئيسي شغل اويما وحفر ومدهب ودا طبعا بيكون غالي دا غير انك مقيده إلى حد ما في الالوان غير المودرن انتي ممكن تدخلي اكتر من لون في بعض لان الإستايل دا نفسو قابل كده وبعدين الحكايه ماهياش حكايه مين احسن المودرن ولا الستيل دا إستايل ودا إستايل تاني خالص وبيعتمد على الشخص نفسو عايز ايه ؟ ومش هو ايه الموضه؟ هو من ناحية الموضه المودرن دا حاجه قديمة طالعه من سنة 1920 بس كل فترة بيتجدد ويتظهر فيه خطوط جديده بس هو بوجه عام بيعتمد على البساطه والخطوط المستقيمة والصريحه والستيل دا اقدم منو بكتير وهو مجموعة طرز كتيرة اوي احنا بنختصرها ببساطه في كلمة ستيل لكن كل طراز منهم غير التاني خالص فالشكل
انا بقول الكلام دا عن دراسه وخبره واسفه للتطويل بس حبيت اوضح:21_8:

(y)(y)(y)
طيب ممكن تقوليلى إيه الفرق بين "المودرن" و "الألترا مودرن" ؟ أنا سألت السؤال ده مرتين قبل كده ومحدش رد عليا.

mashimaro16




دا حلو وكرسى الاخير صراحه معجبنيش والرأى الاخير ليكى


Warde عندنا واحد ذيهم الحمد لله بيس بلاستيك تقيل مش خشب بس مش عارفه منين صراحه

ممكن يكون فى الرويعى او الراجل بتاع بيبان الشارع مش عارفه والله اعلم

بسم الله الرحمن الرحيم


سؤال مهم جدا


بلنسبه بقا للدهانات

الراجل بيقول فى نوعين دهان بالزيت

واحد زيت عادى ودا قال وحش ومحدش عاد بيعمله عشان لما بتبقع ومش بيتغسل تقريبا

وواحد تانى مط بيتغسل وفيه لمعه

ايه رأيكم ايه هو احسن نوع دهانات

ولو شقه ان شاء الله 120 متر او 130 ان شاء الله
وهتدهن بس يعنى هى كانت مدهونه قبل كدا وهيظبط الفوارق بس ويصنفر الزياده لكن مش هيشيل اللون وهيدهن فوقه تقريبا 3 طبقات والله اعلم تعمل كام يا حلوين وايه هو احسن نوع دهان يوتن ولا باكين ولا ايه

ان شاء الله