اخوووي بيسفروونه لامريكا يتعالج..ساعدووني؟؟؟

ربنا يشفية ليوسف ويرجعة بالف سلامة
واطمنى اختى العمليات دى بئت سهلة ان شاء الله وناجحة
ادعيلة دايما واقراى قران وربنا يهدى والدتة ويرجعهولها بالف الف سلامة


وحبيبتى لو محتاجة اى حاجة فى الانجليزى ابعتيلى على الخاص

الله لايحرمني منكن يابناات عرووووووووس

والله مااقصرتن..ويعجز لسااني عن الرد..صج الصديق وقت الضيق..ومالنا الا بعض..الله يوفقكن ويسعدكن دوووم..ماتعرفوون شكثر مرتااحه نفسيا اليووم..خااصة بعد ماشفت الردوود اللي تطيب الخااطر..وتزيل الهم..

ان شاء الله بعتمد عليكم ..ورااح اقولكم اخبااره بالتفصيل..الى ان يحدد موعد السفر ان شاء الله..

وتسلممون لي ربي ماايحرمكم من كل عزيز وغالي..

السلام عليكم
الله يشفي اخوج ويرده لكم بالسلامه ..اختيه لا تفكرين وايد لأنج يوم بتروحين هناك بتلقين عرب واااايد واللي فى المستشفيات بعد فيها مترجمين عرب وغير اللي يتعالجون ..بتشوفين الناس وبتكّونين صداقات مابتنسينها في حياتج..فى حفظ الرحمان ياختيه

الله يشفيه ويرجعه سالم لكم

الله يسهل لك كل أمورك

وإت شاء الله يرجع أخوك وتكون صحته عال العال

الله يعافيه و يشفيه و يرده بالسلامه...

الغاليه لا تحاتين الوضع هناك...

ناس تسافر و ماتعرف غير يس و نو و الحمدلله مشوا امورهم...

الغاليه كوني على اتصال مع سفارتكم في امريكا...

يكون عندهم الملحق الصحي...فهميمهم الوضع...

و بيدبرون لج كل شئ...من مواعيد و مترجم...

يعني الحمدلله كل شئ متيسر...انتي بس توكلي على الله...

اسأل الله العظيم رب العرش العظيم اشفي يوسف وخليه لأهله يارب

الله يشفيه انشالله وتتسهل حالته مع العلاج :(!!

بس فديتج لاتحاتين الامريكان حليوين خاصه انج بتتكلمين وتحتكين مع دكاتره وناس في مستشفى يعني الناس في هالبيئه ترى وايــــــــد حليوين ويقدرون اذا الواحد يعني يطقطق او انه مايعرف انجليزي

لاتفكرين ترى كل اللي هناك 100% في الانجليزي .. يجونهم ناااس من كل الدنيا واخس منج صدقيني مايعرفون ولا كلمه ..

بس اذا انتي تحسين ان ودج يكون معاكم مترجم احسن والله بيكون اوكي .. بس ترى هم لهجتهم الانجليزيه واضحه يعني يمكن لما يشرح لج شي انتي تفهمينه عدل حتى لو بغيتي تسألين حاولي تسألين بقد اللي تقدرين عليه حتى لو ماقلتي الشي اللي تبينه صح يمكن هو يفهمج ويجاوبج

لاتحاتين وانتي خلي الدكشنري الناطق معاج دوم .. يمكن تمرون بموقف مثلا وتحتاجين انج تبرزين له كلام او شي .. قعدي طقطقي في هالدكشنري وركبي لج جمله حلوه وبجذي بتتعلمين وبعد بتوصلين المعلومه اللي تبينها .. مو شرط في المستشفى يمكن تحتاجينه في المطار .. في الطياره . . في الفندق . . اي شي ممكن يصير

وترى بتلقون هناك عرب في المستشفى وانشالله بتتعرفون على ناس فيهم خير وكل شي انشالله يتسهل

والله يوفقكم انشالله ويشفي اخوج يارب

الله يشفيه يارب ويخليه

بحكم تجربتى مع بنتى بنتى فيها فتح بالقلب بس بعدها ما الغمليه أن شاء الله بعد ست شهور

بس سفرنا لندن بس الحمد الله كل أتسهل معن أبوها رافض السفر والغربه أول مره نسفر بس لما سافرنا الحمد الله شفت وايد حالات مثل حاله بنى وأكثر بعد توكلو عالله ترى العمليه القلب سهل مومثل قبل الطب اطوره

وطمنينا عاليوسف

الله يصبر قلب امك ويرده لها سالما

الله يشفي مريضكم ويسهل أموركم عزيزتي

تسلمون لي على الوقفه ..اللي مااراح انسااه..الله يوفقكن ان شاء الله..ويريح بالكن مثل ماارتااح بالي..

ان شاء الله تتيسر الامور..واخباره ان شاء الله بوصلهاا لكم

اللهم يارب يشفي لكم وترجعوا بالسلامة وخلي امك تدعي لكم ويسهل لكم كل شي وييسر لكم اولاد الحلال
يااختي العزيزة اخوي سافر قبل كم شهر للدراسة كنا مرة خايفين وهو كان اكثر من خايف لانه مايعرف ولا كلمة انجليزي بس ربي يسر له كثير من اولاد الحلال من العرب من سوريا وكمان من اليمن وساعدوا في كل شي وان شاء الله ربي ييسر لك كمان انتي واخوكي والاخت شمس حياته هي في امريكا وعرضت عليك المساعدة خليها تراسلك والله ييسر لكم ويشفي لكم ان شاء الله .

اللة يعافية و يشفية ,,,,,,,,,بالعكس سيري و استانسي و توكلي على ربج ولا تنسين تشيلي اللاب توب وياج علشان نطمن عليكم ..........................الة يحفظكم:flower:

ينقل للركن المناسب

الهم اشفي يوسف ابن حواء وادم ورجعه لهله سالم يارب حبيبي هوه بعده صغير بس لاتخافي حبيبتي عمليته سهله جدا ان شاء الله فتحت القلب بامريكا عندهم اسهل مايكون عبالك يخيطون فتق ماشاء الله ونتي اي مدينه رايحه في امريكا ترى هناك كثير عرب وهم يجيبولك مترجم او عبر التليفون وداعتك مايرادله شي انا ما اعرف شي من النكليزي غير كلمات ودخلت بابني المستشفى الاسبوع الماضي دبرته ولله الحمد ونتي كذالك اقري دائما قران ون شاء الله ترجعون بلسلامه يارب

الله يشفيه ويبعد عنكم كل شر

وبالنسبة للسفر في البداية بتكونين خايفة بس مع الايام بتتعودين

والله يسهل اموووركم ويرجع لكم كتكوتكم باحسن حال ان شالله

يا رب يرجع اخوك مشافى معافى ان شاء الله وما تشيل هم للمعاملة في المستشفى اكيد هما رح يعتنو بيكم وباخوك انا خالي كان على وشك الموت بس الحمد لله بفضل الله وبالعناية الله لاقاها هناك استرجع صحته وكان يحكي لنا عن المعاملة الحسنة اللي كان الاطباء يتعاملون بها معاه
واتمنى اخوك يلاقي نفس الشي ويارب يشفيه

[GRADE="00008B FF6347 008000 4B0082"]اسال الله العظيم رب العرش العظيم ان يشفي يوسف ويرده لاهله سالما معافى [/GRADE]