اللي عندها مشكله مع طفلها تخبرنا بها وسنحلها باسرع وقت ممكن الجزء ** 2 **

دماميه والنعم;4810460:

مشكوره على المساعده ياتوته

ابنتي عمرها 8 سنين وبنتي الثانيه 5 سنوات دايما في صراع وضرب :sa36:

فما الحل اختي؟

العفو عزيزتي ...

ياريت تعطيني بعض الامثله على العراك علشان اعرف السبب والحل مع الشكر ،،،

شكرا لثقتكي بي ،،، وفي انتظارك...

المغرمه;4782138:

الف شكر لك اختي توتة البحرين على الرد
للاسف ابنتي تنام معي منذ الصغر ولاكن صار لي ثلاثه شهور وانا احاول وياها انها تنام في سريرها بس مافي فايده وكل ماتنام جنبي آخذها واحطها على سريرها وبعد شوي تجي وتنام جنبي وهذا الشي متعبني حيل واتمنى اني اجد الحل المناسب لها لانه طريقة انها بعد ماتنام آخذها واحطها على سريرها مانفعت لانها على طول تجلس وتجي تنام جنبي
الاخت توتة البحرين تعبناش معانا
وجزاك الله الف خير على مجهودش اختي ماقصرتي

عزيزتي نفس ما ذكرت سابقا ،،،

لازم بتعبين في البدايه ويحتاج على حسب الطفل من اسبوعين الى شهر لين يتعلم وينام بروحه

واهو الخطأ منج من البدايه علمتيه ينام معاج ،،،

ذكرت انه طريقه وضع وساده الام بجانب الطفل ،،، والطريقه هي ان تنامي على وساده لمده اسبوع و بعد تنويم الطفل يتم موضع الوساده بجانبه لانه تعود على رائحه امه فيمسك الوساده وينام ،،،

وطبعا اخبرتك انه لما تستمرين على ذي الطريقه وفي حال استيقظ ،،، تنومينه بحظنك ولكن ليس على السرير الخاص بكي ،،،

ولما ينام كليا ،، تنتظرين كذلك عشر دقائق اضافيه ثم تعيدينه في سريره ،،

في البدايه يمكن تستيقظين اربع الى ست مرات ،،، ولكن مع الايام سوف تقل فتره الاستيقاظ ،،، وفي الاخير سوف ترتاحين نهائيا من هذي الظاهره بإذن الله

شكرا لثقتكي بي ،،، وفي انتظار النتايج ،،،

ryame;4828919:
مشكورة عزيزتي على ردج,, بس عندي مشكلة ثانية انها وايد ضعيفة مو شرات باقي الصغارية مربربين واحس انها ماتنام وايد يعني من 4 الى 6ساعات تقريبا, هل هذا الشيء طبيعي؟

طبيعي نومها ،،، وياليت لو تعطيني عمرها بالضبط مع وزنها وراح نجوف ضعيفه وله لا ،،، وشكرا


ملاحظه ،،، ياليت لو يكون الجواب في الصفحات الاخيره من الموضوع لاني امشي بالترتيب على الاسئله ،،،

الله يخليتش ياتوته البحرين ردي على مشكلتي وارسلت كل الاجوبه الي تحتاجينها انطرك بليزززززززز لاتتاخرين والمشكله في الصفحه12:21_8::21_8:

هلا يالغاليه توته البحرين مشكوره على الموضوع الطيب والله يجزيك خير يارب


انا عندي بنتي الله يحفظها عمرها اربع سنوات ونص صايره بزياده بزياده متعلقعه فيني لدرجة انها اذا


ماشافتني دقيقه تستجن وتصيح بااعلى صوتها مثل المطقوقه باحديد واتخرع احسب فيها شي بس عشان

دور على طبعا هذا الشي يزعجني في كل شي وفي كل وقت هي تصيح عشان تحسبني طلعت وخليتها


وانا ااحين مظطره اني اخذها وياي في كل مكان وانا منزعجه من هذا الشي لاني مرات احتاج اروح من غيرها


اذا عندي مشاوير مهمه اخلصها بسرعه فااخذها وياي وباكذا تصير تعطلني كثير وتكرهني في الطلعه اساسا


لانهامزعجه وتسوي حركات ومرات والله اني اقعد اصيح والله في السوق لاني ماني قادره عليها واقعد اصرخ


عليها واقولها هذي اخر مره تجين وياي ولكن بعدين اخذها وتعيد الحركه مره ثانيه وهذي حالتي وياها قبل ماكانت


كذا بس هالشهور هذي بس صايره بزياده ماتبي افارقها ولا دقيقه ماادري ليه كذا نشبه


ابي حل لهذا الشي الله يجزيك خير ..

الله يخليكم عطوني حل

عمي ابو زوجي وايد مدلع ولدي (3)سنوات و نص ،،،،لدرجة يتنازع معي و مع اي حد اذا شوية نصحنا ولدي،،بالرغم ان ولدي وايد مطيع صار من اسبوع يعاند اذا يبا شي خاصة اذا كنا بيت حماتي لان يعرف ان جده يسانده ،،و لما سألنا ليش يدعله لجرجة ان عادانه بتخترب يقول أن زوجي لان مسافر ما مفروض نزعل الجاهل




بس انا وايد متضايقة لان حاسة اني مامهمة في حياة ولدي ف حالة وجودنا ببيت حماتي(جدام اهل زوجي ولدي يقوللي ماأريدج)ويفضل يبات معهم ____بارغم اان يحبني و بعد اهل زوجي وايد زينيين معي وانا اموت عليهم_

هذا وحيدي وماقدر احمل لاني زارعة كلية وفيني مرض الذئبة الحمرا فمالي غيره وحاسة انهم يبون ياخذونه مني)))))
بس هو يحبني الا يوم يشوفهم يبدأ وهذا بس من 5 ايام (منسافر ابوه وبدا حماي يدلعه و يعطي كل شي )
وترى كل ممنوع مرغوب

عزيزتي انتظر الحل

هلابك حبيبتي توتة مرة ثانية ومشكـــــــورة جهدك المميز... بس حبيت اسألك لو في عندك موقع يفيدني اني احصل رسومات جاهزة للتلوين اقدر اطلعها برنت من الكمبيوتر او شي كذي يسلي الاطفال... وتسلــــــــمين ما تقصري دوم

الله يسعدك انا تعبت مرة مع بنتي لها ثمان شهور وانا اعلمها الحمام لكن للاسف ماهي راضية تتعلم لازم وباستمرار تعملها على نفسها عمرها ثلاث سنوات وست شهور شووووووووووووووووووووووووق الامس

انا مشكلتي ويا ولدي عبود الحين اهو بعد ثلاث شهور بيكمل الثلاث سنوات
مشكلتي وياه خلتني حتى الناس مااشوفهم موضعف مني او شي لا بالعكس بس لاني مااقدر اتحمل كل الي ايسويه ولدي كان وايد هادئ يوم اهو صغير بس كانت مشكلته انه وايد ايصيح ومايبي احد غيري وغير ابوه وكان وايد انطوائيومايحب يلعب مع الاطفال واحسه ايخاف من الناس مع اني اطلع معاه واخليه يشارك الاولاد في الالعاب بس ماادري ليش مافيه اي تغيير مع الوقت سجلته في الروضه بعمر سنتين بس هني طبعا تكمن المشكله لاني اتوقعت انه راح يتأقلم مع الاطفال بس الي صار انه صار وايد ياخد حركات من الاطفال الي في الروضه وصار يراددني في الكلام ويضرب وصار وايد ايعاند وايصيح ويبي كل الي يشوفه
مع اني والله ويا ابوه دايما نقعد وياه ونتكلم وياه عن الاشياء السيئه والصفات الحسنه الي لازم ايسويها واذا غلط انحاول انا احنا اعلمه انه الي سواه غلط واذا كرره راح يتعاقب وطبعا احنا اتعاملنا معاه بعقاب الكرسي انه اذا غلط نخليه على الكرسي وكان ينفع معاه دايما لانه بعد مانشيله يتأسف لينا وايقول انه ماراح ايسوي هالشي مره ثانيه اهو ولدي الوحيد وماابيه يصير عدواني يمكن انا ويا ابوه نبيه يكون مثالي ادري انه اشوي صعب هالطلب احنا من صغره اتعاملنا وياه على انه واحد كبير ادري انه غلط بس انا ابي الي اقوله ليه ايسويه من غير عناد ولدي اذا طلب شي وماسويناه ليه يقعد يصيح ويحاول انه ايرجع وانتو بكرامه ادري انه يبي يلفت انتباهنا بس انا وايد تعبت من هذي التصرفات احيانا ايكون احسن منه مافيه واحيانا ايصير انسان ثاني.... كرهت اني اطلع وياه في مكان عام عشان بس مايحرجني عطوني الحل الله ايخليكم

انا بنتي عمرها 8 شهور تقريبا من جبتها ... وانا ماعاد افضى لزوجي والسبب قلة نومها ..وغير قلة نومها فهو خفييييييييييييف جدا .. حتى لو لها اسبوع مانامت فنومها جدا خفيف اخف من نومي ونوم زوجي.. حتى لو هي شبعانة .. كنت ارضعها صدري خمسة شهور ومعاناة مع هالغازات والصياح لان انا فيني غازات فيألمها بطنها اول ماتمسك صدري..والان قطعته عنها..والان اعطيها صناعي وصدري للتنويم .. وحتى لو اشبعها نومها قليل جدا ... اذا جينا الغرفة انا وزوجي نمشي على اطراف اصابيعنا وتسمعنا وتقوم .. اذا توها نايمة وجلست مع زوجي مايمدينا نقعد دقيقتين الا هي صاحية وتبكي .. ابددددددددا ماتفرغت لزوجي من ولدت وهذا شيء اثر على نفسيتي وأحزني ... مع العلم انها لايمكن تنام الا ياصدري او الرضاعة بفمها اما اللهاية لا ماتبيها ...وعدد ساعات نومها ان كثرت 10 ساعات تستيقظ خلالها واحيانا تسهر كثير الى الصباح ..نوم النها تنام دقيقتين خمس دقايق وتقوم مصحصحة ..ولا عاد تبي ترجع تنام ماذا افعل
هي تحب تلعب كثير وتحب الناس . مع انها تستنكر وتبكي من الغرباء لكنها تتفاعل مع اي احد يلاعبها

انا ودي اربيها تربية معتدلة لادلع ولا قسوة كيف اسوي

ومشكلة قل نومها هذا من عمرها اسبوع

انا عندى بنت عمرها الان سنتين اول ما اولدت بنتى التانية الان عمرها شهر ما بطلت بنتى الكبيرة زن ونكد ودلع وفى الليل ما بتسكت وبدها تلزق فيى وما تنام فى مكانها ومتعلقة فيا كتير ومش عارفة ايش اعمللها مع انى ما بميزها عن المولودة الجديدة حتى ما تحس بالفرق بليييييييز بدى حدا يساعدنى ويعطينى طريقة او اى وصفة تخليها تنااااااااااام فى الليل وما تصحا اكتر من مرة وشكرا بستنا ردكم اخواتى الاحبة

اسعد الله مساك بكل خير
اناعندي بنوته عمرها عشرشهور ومتعلقه فيني بقوة حتى الخادمة ماتبيها خاصة اننا نعيش في بلد بعيد عن اهلنا ومالنا زيارات مع احد وش الحل معها ولو سمحتي ممكن تفيديني بلالعاب المناسبة لعمرها

كلي دلع وانوثه;4815886:
السلام عليكم ورحمة الله وبركاته مشكلتي عندي بنت عمرها 4سنوات عنيده مره تريد تمشي الي في راسها وتعصب مره اذا رفضت اعطيها الذي تريده ودائماً تضرب الاطفال بدون سبب معين وهي اول بنتي وكنت اذا زعلت مني تذهب الى ابيه ليرضيها واذا زعله ابيها تأتي الي اراضيها وتحب تستفز الاطفال باي شيء معها ونومها صعب وتحب تسهر ولا تنام الا بالهواش وعلمتها الذهاب الى الحمام وكانت تذهب الى الحمام طبيعي والان تتبول على ملابسها وهي صاحيها ونأمها احياناً ولها اخت بعدها وعمرها سنه وتغر منها وتضربها ارجوا منكي مساعدتي في مشكلتي هذه ولك الشكر. ملاحظة واذا زعلت ترجع الي في بطنها.

عزيزتي مشكلتك عاديه ،، وحلها سهل ،، ولكن يحتاج منكي الى صبر .

انتك مشكلتها الغيره ،،، وبعدها تحول ذلك الى العناد .

لحل هذي المشكله يجب ان تراجعي انتي وابوها الاحتمال الاول, هل انتما عصبيان!! اذا كان كذلك فهو وراثه , هل هناك مشاكل في الاسره , اذا كان نعم فهذا الناتج ، هل هناك استقرار عاطفي ودفئ اسري ، اذا كان لا فهذا الناتج ..

اذا كل الاحتمالات نعم اذا نأتي للحل التالي :


طفله تربت بحب وحنان ابويين تعلمت على الاكل لوحدها والذهاب الى الحمام لوحدها وهي في حاله استقرار تام ..

اتى من يشاركها في حياتها ، في حبها ، في العابها ، في اكلها ، احست انكم في وجهت نظرها تحبون طفتكم الجديده وتولونها الاهتمام اكثر منها ،، فالان تحاول ان تلفت نظركم علكم تتركون الطفله الجديده وترجعون كما كنتم من قبل ,,,

تحاول ان تلفت انتباهكم بضرب الاطفال ،، اذا انها لا تحس بأستقرار عاطفي وحنان كافي ،، لديها الرغبه في اخباركم ولكن على طريقتها ،،

فعليكي عزيزتي ان لا تقابلي العناد بالعناد ،،، وان لا تعضبي عليها ,, يجب ان تعطيها من وقتك الكثير ،،، تقولين كيف ،، سأخبركي

اولا يجب ان تنظمي وقتك كأم ،،، لاثنين ،،، كيف

يجب ان تهتمي بطفلتك الكبيره وان تعطيها الحنان والحب ،، وان تسمعيها ،، لانها متأثره كثيرا بوجود طفله اخرى غيرها ،،

اذا كانت تعاند من شي نفس التبول لا تغضبي او تتضايقي ،،، بل اجلسي معاها وحدثيها واخبريها بانها الكبيره وبانها حبيبتكي واخبريها بانها سوف تصبح صديقتك وحبيبتك وسوف تذهب الى الحمام حتى تحبيها اكثر واكثر ،،،

ومع الايام ستمر بسلام ،،، وهذي الحاله يشكو منها مغلب الامهات ،،،

شكرا لثقتكي بي ،،

غرورانثى;4825530:
سلااااااااااااااااام
مشكورة عزيزتي على مساعدتنا
انا عندي مشكلة
بس اساس المشكلة فيني مو في ابني
انا طفلي عمرة 7شهور بيرضع طبيعي ولله الحمد
مابيشرب الصناعي ابدا
بس المشكلة انني مااشرب الحليب ولا اكل منتجات الحليب من اجبان وغيرها الا نادرا جدا
ولا اريد ان يصاب ابني بنقص الكالسيوم
فما الحل الى ذلك
هل استطيع ان اعطيه لبنه او جبنه في هذا السن
علما بانني بدات تاكيله الروب قبل يومين فقط
واللي مخوفني اكثر ان ابني رجليه احس ان فيها تقوس شوي
بس لما سالت الطبيب قالي
ان هذا يمكن يروح بس يكبر
عشان كذا خايفة ان يكون عنده نقص كالسيوم وبالتالي تقوس في العظام

ارجووك ساعديني
لانني لااستطيعان اشرب الحليب بشتى انواعه...........

الحليب لدى الام يتكون من الغذاء الذي تتغذى عليه وليس من الحليب الذي تشربه ،،، فيمكنك الاستعانه بالخضروات الخضراء ... وغيرها من الاكلات المفيده ،،

ابنك يمكنه ان يتناول اغذيه اخرى مغذيه ،،، وذلك بأتباع سلسله التغذيه الموجوده في قسم التغذيه

وسوف تستفيدين منها بأذن الله تعالى ،،، وتتبعينها معه الى ان يكبر ،،،

شكرا لثقتكي بي ،،

جروح صامتة;4825751:
مشكلة بنتي ان عندها كحة وبلغم ومن يجي لها تزيد الكحة مع اني وديتها المستشفى وعطوها دوا بس مااحسه يفيد وما تقدر تنام من الكحة حتى لما ترضع وتكح تنفجر في البكاء وما ترد ترضع ومو عارفة شسوي مع العلم ان الاسبوع الجاي لها تطعيم لانها كملت ست شهور بشنو تنصحيني

سلامت ابنك ان شاء الله

نصيحتي ان تعطيه في الصباح الباكر كوب من الحليب الدافئ مع نصف ملعقه من العسل الطبيعي كل يوم ...

تعملي له بخار في اليوم مرتين ...

وعصير برتقال يوميا...

والكحه والزكام والبلغم يحتاجون عشره ايام تقريبا الى ان يزول

شكرا لثقتكي بي

ثلج ونار;4829387:
سلام عليكم

انا هالاسبوع عبادي مسبب لي حاله نفسية

مشكلته من اطلع من الشقة يسوي لي الفزعة... حرب بمعنى الكلمة

طول اليوم اكون قاعده في الشقة عادي يلاعب ويضحك ويسولف هههه ويصيح لما يعطش او بينام وبس

وهالايام بس اطلع برى الشقة ويشوف مكان غير او وجوه واصوات وايد يقعد يصيح بشكل فضييييييييييع كأنه فيه شي او ضاربينه... وبس اركب السيارة ضحك مع ابوه ولا كأنه صاير شي..

شسووووووووووووي؟؟؟

عزيزتي طبعا اختلاف الجو لدى الطفل من مميزاته انه يخاف وخصوصا لما يجوف ناس وايد ويسولفون بصوت عالي ،،،

الحل ان تعوديه على ذلك ،،،

ولكن على مراحل ،، ان يجلس على النافذه ويرى الناس من نافذه الشقه ،، وتفتحين التلفاز يعني حركه وصوت في الشقه ،،، مو بس هدوء ،،

ويعدها يأتي طفل يجلس معه يلعب في الشقه مع والدته مثلا ،،، ويكون هناك صوت في الشقه وحركه ،،

تعلين قليلا صوتك معه ،، وتلعبين معه ،،يكون صوت من التلفاز كذلك ،،

وبعدها . تأخذينه في السياره كما يحب مع اطفال او مع الاهل ،، وبعدها سوف يتعود على الوجوه ويألفها ،، وثم بعد حين سوف ترينه متعلم ،،

ولكن لا تضايقيه وانما دعيه يرتاح ويتعود بالتدريج كي لا يصبح عند الكبر انطوائي او يكون يخاف الناس ،،

شكرا لثقتكي بي ،،

أم حسـن;4846696:
اذا تقدرين اساعدين توتت البحرين عندي مشكلتين
الاول
ولدي عمره سنتين وستت شهور بس للحين ما يتكلم اقول كلمات خفيفه مثل بح ، طح ، راح ، مانه ، ماما بابا
وهذي الكلامات لي يكررها الاطفال الصغار

احاول اتكلم معاه بس ما يقدر اكرر ويايي الاحرف بعضها ما يقولها صح كلش

وثاني مشكله وايد عنيد كلش ما يسمع الكلام وسوي الاعكس
مثل اقول اليه اشل العابك ما يرضه بدل اثيابك ما يرضه اقول مانه
هذي هي المشكله

عزيزتي المشكله الاولى عاديه اهم شي يسمع اللي تقولينه ويفهم يعني السمع عنده اوكي.

والشي الثاني انه يقول كلمات بسيطه يعني انه عنده تأخر في الكلام وذي الشيئ اما انه وراثه او عادي .

يمكن ان تكملي معه كلامج وتكثريه وهو يجمع وبعد السن الثالثه راح تلاحظين انه حافظ جميع الكلمات ان شاء الله .

مشكله العناد وارده في مثل سن طفلك وهو ليس عناد انما اثبات شخصيه مستقله عن الام .

لانها مرحله اكتشاف .

فالحل ان ترعينه وتزيدي الحنان وتقربيه منك اكثر وتتجنبي الغضب وتتحلي بالصبر .

لا تعطيه الاوامر لانج اخبرتيني بدل , شيل , افعل

هذا اسلوب خاطئ بدليه بي دعنا نلعب معا وبعدها نجمعهم في هذا الصندوق .

شكرا لثقتكي بي