اكره ولدى ليش مادري

هل الطفل يحس بطعم الحليب !! يعني يفهم ؟؟؟ بس اهو اول كان يشربه ؟؟ ليش يعني الحين لا ... بلييز اللى دخل اتخبرني عن حالتها اذا مرت بنفس الظرف لاتنطنوشوني وبعدين الولد بهالعمر كيف رقاده متى يرقد ومتى ينش انا ولدى يرقد بس ينش كل شوي يمزمز واحيانا يكون يوعان بس انا تعبانه انا كنت افكر اشتغل الحين لالالالا مااقدر عيل اللي يشتغلون كيف يرقدون وينشوون خبروننننننني

مرحبا اختي
اول شي حبيت اقول لج مافي ام تكره ولدها....يمكن نفسيتج تعبانه وتبين ترتاحين وتحسين انه السبب في عدم راحتج...بس انا متأكدة انه لما يبتسم تنسين كل همومج وكل التعب
ولدج للحين صغير وصعب تتحكمين في نومه...يعني نومه طبيعي..بالكثير ينامون ساعتين ويقعدون..واذا تبينه يطول..لازم يكون شبعان!
وبالنسبة حق ابوه..لا تتوقعين انه راح ياخذه منج كل الوقت او يسهر معاج..عشان اذا ما صار هالشي ما تتعبين! الرياييل يبون عيال ويحبونهم...بس ياخذونهم شوي بهالعمر وما يسهرون معاهم وما يعرفون يتصرفون اذا صاح البيبي...بس اذا كبر شوي ان شاء الله يخف التعب
حاولي تصبرين كلها مرحلة وتعدي...ومافي عيال من غير تعب...حمدي ربج.. ولا تفكرين بالتعب شوي وتتعودين..بس اذا تميتي تفكرين راح يصيدج اكتئاب...وحاولي كل ما ينام تنامين معاه
آسفة طولت عليج...واتمنى لج كل خير

يا اختي انتي لا تكرهين ولدك ولا شي ... اللى عندك دا احساس طبيعي سببه المسئولية الجديدة والسهر والتعب والارهاق وصياح البيبي وقلة النوم .... واحساسك انك وحيدة ومافي حدا بيساعدك ... وخصوصاً انك بكرية ... دي حالة اكتئاب بتمر على اغلب الامهات الجدد ... ويمكن انك تتخطيها بقراءة القران والاستغفار ... واطلبي المعونة من زوجك لابد يساعدك على تخطي الفترة دي التعاون حلو بين الزوجين

انا نفسي كنت اقضي ليلي كله في الصياح وكنت اتمني لواني ما حملت ولا ولدت وخصوصاً انو بنتي كانت تنام النهار كله وانا اكون في استقبال الضيوف وما اقدر ارقد ولا ارتاح وفي الليل تكون سهرانة لغاية الصبح وكله تصيح ... وبالتالي صرت ما انام ولا ليل ولا نهار واستمر الحال كدا حوالى 3 شهور وامكن زيادة كرهت فيها نفسي وكرهت الناس .. حتى ما رجعت بيت زوجي الا بعد فترة طويلة ...

بس الحين الحمدلله ... كنا فين وصرنا فين ... بنتي استعدلت نومتها وصرت اروح الدوام مرتاحة تماماً ... ما شاء الله تبارك الله ولا حول ولاقوة الا بالله .

ادرى طولت عليك بس حاولت اهون عليكي الامور

ما في ام تكره ابنها .. زي ما قلتي مهما كرهتيه تحسي نفسك كده ما ترضي فيه اي شي ...

بس يمكن عندك اكتئاب وتعب من التربية في الشهور الاولي .. هي حقيقة الشهور الاولي متعبة مرة .. بس باتعدي ... وبايكون لك ذكري .. وترجعي تتمني طفل تاني في نفس السن ..
من الشهر السادس بايبدا يعتدل لا تخافي .. انتي بس اصبري ... وربنا يسهلها عليك ...

اعرفي ان انتي كل ما تعصبي الطفل يحس بالعصبية هذي ... ويبدا يرفض الحليب والاكل ... خليك هادية معاه ..

ويصير خير باذن الله ...

حبيتي اقوووولج شغله مهمه ( في ناس يعالجووون اسنين علشان يشوفون ياهل واحد بس ) حمدالله على النعمه الى عندج وتعوذي من ابليس واذا انتي تعبانه خلى احد من اهلج يساعدج امج او اختج والله يساعدج ولازم تستحملين وهذا ولدج قطعه منج لاتنسين والله يوفقج

من التعب الزايد اتحسين جدي الى ولدش
خلي ولدش عند امش او يوم واحد و استريحي
بعدين بتحسين بالحب اتجاهاه
مسكين الجاهل هو ما يحس انهو امتعبنش لانة صغير و لازم بعض المسوليات تعطينة ابوة يسويها
ما تقدرين كل شي اتسوينة
الواحد يجي الية ضغظ و اعصاب من قلة النوم و كثرة الشغل
كلمي زوجش و خلية يساعدش
و عن روحة بيت العمة يبين كل الرجال جدي
ما يحسون الى الوحدة تعبانة او لا بس يبون المراة تروح بيت امهم و اشغال البيت اظل جدي
و ادا ما استوت يعصبون
و عن المرضعة لازم تغيرينة كل 3 شهور و الحلمات كل شهر ادا ما غيرتينهم يسببون فطريات لا سمح الله
و لازم تعقيمينهم احسن بالبخار
انتين غيري المرضعة و الحلمة و ادا لابعد شفتينة ما شربها غيري الحليب
اني كنت اعطي بنتي ابتاميل كمفورت شفتها ما شربتة دقت طعمة كان مر غيرتة اليها
و الله يوفقش

اكيد ما بتكرهي ابنك وما في ام بتكره ابنها اللي حملته تسع شهور وعانت وهي بتطلق وبتولد..اكيد حاله نفسيه سببها زي ما قالوا البنات التعب وعبئ المسؤليه. شي جديد عليك ومع الوقت بتتأقلمي..وما تتوقعي من حدا انه يساعدك حتى زوجك قليل لما يكون في زوج يسهر مع زوجته عشان ترضع البيبي او يغيرله حفاضاته .سبحان الله بيضل شي بالفطره اله علاقه بالام فقط ..
نصيحتي لك اخيرا انك تتعوذي بالله من الشيطان الرجيم كلما حسيت بهالاحساس واقرأي قران الك ولابنك كمان وان شالله ربنا بيعينك وبتشوفي احلى عريس بالدنيا ...

غناتي كل مافي الموضوع انج مرهقة نفسيا وجسديا.. حاولي تريحين نفسج وكل مارقد ولدج رقدي على اقل ترتاحين شوية.. اما بالنسبة للنوم انا نظمت وقت بنتي لما دخلت شهر الثاني كنت احاول بالليل على ساعة 9العبها وايد واضحكها واسويلها حركات رياضة لين ماتتعب وتدوخ وبعدها اعطيها حليب دافىء تنام ساعة 10.30 نومة مرتاااحة ماتنش الا مرة واحدة بالليل
اما بالنسبة للزوج فكل واحد له طبعه بس صدقيني صدق سوالف اليهال متعبة بس حلوة لانهم اسباب سعادتنا
يعنى تعب حلو :)
اما للزجاجة فيغضل تغيرينهم بين فترة وفترة لانهم اصلا يختربوا من كثرة التعقيم اما بالنسبة للحلمات المرضعة فيحب تغيره كل 3 اسابيع
اتمنى لج سعادة

وهج اشفيج استينيتي
عموما حبيبتي هذا مو كره
هذا تعب جسدي ونفسي
وكلنا بطريقة او باخرى نمر بها
يعني السبب الرئيسي قلة الراحة والنوم
بصراحة هو مو كره
بس انا مثلا من قلة النوم احيانا اطنش الها
اول ماتبكي اذا سكتت استانس واذا كملت اافف
وساعات من التعب اقول لها والله انا ابتلشت بج
بس بعدين لمن اهدى اقول لها
( ماما الكسلانة تعصب وتصارخ عليج خلاص ما نحبها)
وانا مثلج تنبط جبدي من ريلي
اللي يشبع نوم ومشاوير وراحة وانا منعفسة
بس ساعات اعذره واقول ع قلبي وراه دوام

ادري طووووووووووووووووووووولتها وهي قصيرة

إذن ليش الجنة تحت أقدام الأمهات من كثر ما يتعبون مع أطفالهم من هم في البطن في ما يكبرون ويتزوجون بعد معاهم

كله وحده تتعب في هالفترة نفسك بس نفس ما قالوا البنات مع أبتسامتهم يروح التعب كله

افا يا وهج الحب..

حرام عليج والله..

هذا باجر بيشلج لو تعبتي

هاي اول ثلاث شهور جي بس بعدين بتشوفينه غير ماشاء الله يرقد..

وقلة النوم اكيد فيه سبب..

ياما غازات في بطنه

او الحفاظ..

او ملابسه مضايقتنه جيكي اذا مافي شي يحجه..

وقمطيه عدل ورقديه..

مافي ام فالدنيا ما تعبت على عيالها..

الفليل عطيه منقوع التمر عسب يثقل بطنه ويرقد...

واذا ماشرب الحليب اتاكدي اذا مافي فطريات في حلجه

عطيه ماء وسكر نبات..

اتعبي بس اشويه وان شاء الله باجر كلشي بيتغير اذا انتي على حليبه تتعايزين باجر بيطلعله ضرووس وهالسوالف شو بتسوين وياااه..


بعدين عن الريايل ترا كلهم جي بس عطيهم البيبي نظيف وساكت من يصيح زقروووج

اتصدقين نفس حالتي
وكنت ابي اكتب موضوع عن هذا الشي
بس انا مااسبة
اشلون يطاوعك قبلك اتسبيه
هذا ضناك
انا اقول بس افففففففف وبعد اندم اني قلتها
احسه يفهم علي وبيزعل لو سمعني قلتا له
الله يساعدنا على انه الحمد الله رب العالمين والصلاة على النبي محمد وآل محمد تعدل نومة
بس بعد اتكيسل اقوم
الله يساعدنا ويهدي ازواجنا

الله يعينج بس هذا من السهر والتعب وقلة النوم
تحيااتي

يا اختي العزيزه

مثل ما قالو الجميع ان مافي ام تكره عيالها وهاي فتره تمرين انتي في ضغط نفسي من الحياه الجديده وهالمرحلة بتعدي بأذن الله لا تحاتين

وهج حبيبتي اللي فيج شي عادي

مثل ماقالو لج البنات تعب نفسي وجسماني

وكلنا مرينا يهالظروووف مافي وحده ولدها يقعد من النوم فالليل ويخرب نومها بتقوم تضحك وفرحانه

النوووووووم سلطان

وعن زوجج لازم تشرحين له معاناتج

بالنسبة لي زوجي عليه دوام الليل خخخخخخخخ

اذا قعد ولدي فالليل يصيح والا جوعان والا أي شي هو يقعد ويرضعه وينومه

يكفي طول النهاااااااااااار احنا نكرف اجسامنا تعبت مايسوى علينا

الحمدالله يوم شرحت له التعب اللي احس فيه تفهم الوضع

الله يسخر لج زوجج و يمسكه لج وقت نومج بس والباقي عليج خخخ

والله يكون في عونج ويساعدج ووسعي صدرج تراهم فلذات اكبدنا

يعني الطفل يعدل نومه من نفسه ؟!!!
مشكورين لى ردرودكم صح احس كلامكم صح لانه ريولي تعورني ومفاصل عظمى وكل مكان من التعب وانا صوم واقضي رضان هالايام يمكن عسشان جي وبعدين qtr girl من كم يوم اقول ماتدخلين
انا كلمت ريلي اليوم اتخيلوا قال كل واحد له مسؤليات ولازم انتى تتبي من الياهل ولله رياييل اخر زمن انا شعلى برع البيت وانتى داخل انتى بس عليج هالولد لاتطبخين ولا تسويين شي بس يودي سليمان هذا كان رده

تدرين

احس لو انك عندك حد يساعدك شويه غير عمتك .. اقصد حد تكونين متطمنه له اكثر من عمتك.. احس وقتها انك وااااااااااايد بترتاحين

ادري اول الشهور متعبه بس مب للحد اللي تقولينها

حبيبتي انا عندي بنت عمرها سنه ونص والثانيه عمرها شهرين واسبوع
وصــــــــــــــــج تعب بس عودت نفسي اني اكون طويله بال

يوم تحسين بتعب وقهر تعوذي من ابليس
وياحبيبتي بعد تذكري ان اللزوج مهما ساعدك بتظلين انتي المسؤله الاولى عن ولدك

لان الزوج حرام تعبان مع الدوام وتبينه بعد يتعب بمسئوليات البيت
لا اختي خلي البيت لنا والسهر لنا واللله يعينهم على هم العمل وضغوطاته

شوفي بعطيك فكره

انتي علمي نفسك ان لما تقومين بواجبك لولدك تقنعين نفسك انك تسوينها بمحبه
يعني يوم بترضعينه لاتفكرين ان هذا واجب عليج
لا حطي في بالك انه شي حلو انتي تحبينه
لمي النونو لصدرك والمسيه بحنان وحسي بولدك واغصبي نفسك انك تكونين مرتاحه
مره ورا الثانيه بتلقين نفسيتك صارت احسن

لانك طول الوقت االلي راح تحسين انك مجبوره فاعكسي الموضوع انك تسوين هالشي بطيب خاطر وبالفعل مع الوقت بيصير بطيب خاطر وشي حبيب


الله يعينك

وهج
قريت انك تعطين النونو فارليز؟؟

تعنين البسكوت؟؟

المهم ان كان كلامي صح انتبههههههههههههههي تو الناس

على الرابع ويالله

مرحبا اختي
اول شي حبيت اقول لج مافي ام تكره ولدها....يمكن نفسيتج تعبانه وتبين ترتاحين وتحسين انه السبب في عدم راحتج...بس انا متأكدة انه لما يبتسم تنسين كل همومج وكل التعب
ولدج للحين صغير وصعب تتحكمين في نومه...يعني نومه طبيعي..بالكثير ينامون ساعتين ويقعدون..واذا تبينه يطول..لازم يكون شبعان!
وبالنسبة حق ابوه..لا تتوقعين انه راح ياخذه منج كل الوقت او يسهر معاج..عشان اذا ما صار هالشي ما تتعبين! الرياييل يبون عيال ويحبونهم...بس ياخذونهم شوي بهالعمر وما يسهرون معاهم وما يعرفون يتصرفون اذا صاح البيبي...بس اذا كبر شوي ان شاء الله يخف التعب
حاولي تصبرين كلها مرحلة وتعدي...ومافي عيال من غير تعب...حمدي ربج.. ولا تفكرين بالتعب شوي وتتعودين..بس اذا تميتي تفكرين راح يصيدج اكتئاب...وحاولي كل ما ينام تنامين معاه
آسفة طولت عليج...واتمنى لج كل خير

الصراحة زي ما قالوا البنات اختي انتي تتخيلين انج ماتحبينه

وكله من الضغط والتعب

وذكرتيني بزوجي الله يهديه كان كذا مايرضى يسوي شيء يقول هذا شغلك وانا كفايه علي شغل العمل

مع ان قله النوم تجيب الجنون تصدقي صرت من اروح بيت اهلي ارميها على امي وانام وكأني مانمت من سنه

حتى امي حست علي وكلمت زوجي وقالت له على الاقل خذها 3 او 4 ساعات تنام ويوم عليك تسهر ويوم عليها والحمد لله قبل وصار شوي شوي يساعدني ولأنه حس عليي اني لما انام كأني ميته من شد التعب لو يصير زلزال ماحسيت عليه

انا حاسه فيكي لانها تجربه مريت فيها انا وكل أم جديدة أكيد وانتي لازم تصبرين حالج وتساعدين نفسك بنفسك وتشجعين نفسك انها ازمة وبتعدي وان شاء الله كلها شهر أو شهر ونصف ويعدل نومته لحاله ويصير ينام له 6 ساعات وشوي شوي بيزيد وقت نومه بعد وانتي بس تصبري
مالنا إلا الصبر ولا تفكرين ان موضوع النوم هو كل شيء

جاينج التسنين والحبي وملاحقهم والمشي مايخلون مكان مايبون يستكشفونه

وللآن أنا كل يوم اقول لأبوها ماتساعدني عليها لان المسؤليه تكبر وغير كذا عندك البيت لازم تنظفيه ولو اني قمت اجيب لي شغاله تساعدني استأجرها بالساعة وأخذها لي نصف يوم ولا يوم إذا عندي زحمة وتساعدني

لان لو بنتظر زوجي يساعدني مابلاقي شيء

والكل قال ليي ان بعد الثلاث سنوات ان شاء الله بتقل المسؤلية وبترتاحين وهذاني انتظر وأقول متى الفرج ياربي

والصراحة انا مثلك أخاف من عمتي ام زوجي واخاف من حمواتي (اخوات زوجي)لان ماأئمن عليهم ماادري ليش من يوم بنتي صغيرة ماأطمئن عليها عندهم إلا إذا كنت موجودة معهم يعني مااوديها لحالها لكن في بيت اهلي ارتاح لما امي تاخذها وأفضى شوي لنفسي

انا مااخوفك بان المسؤلية تكبر لكن اقول لك ان حلاوة المسؤلية هذي تعبنا
وذكري نفسك بان الجنه تحت اقدام الأمهات ولهذا الله سبحانه بيجازينا ثواب تعبنا ولا في شيء بدون حساب عند الله سبحانه وان شاء الله نبلغ فيهم ونزوجهم ونشوف عيالهم وعيال عيالهم ويكونون سند لنا في كبرنا

الصراحة كلما رضعتها احسس نفسي اني مرتاحة مع اني حاسة فيج انا يوم ولدت اول 3 شهور تقريبا وأزيد بعد ظهري ومفاصلي كله تعبانيين من اثر الولادة وهذا اللي خلاني كله معصبه وحتى كنت اصارخ على بنتي نااااامي خلاااااااااص انا تعبت
لكن ابوها ولا كانه يسمع انا اعذره عليه دوام وانا وحدة فاضيه لكن مو لهالدرجة النوم سلطان ماحد يقدر ماينام بالأسبوع والأسبوعين
وانا بالذات كنت أم النوووووم ماحد يغلبني قبل لا اجيب بنتي ومن ولدت خلاص انحرمت من النوم وصرت قليلة نوم جداااااااااااا

والله يعيني ويعينك ويعين كل ام على اطفالها ويحفظهم لنا