ما اعرف نهاية مصيري

السلااام عليكم ورحمه

:(

ابي اقول لكم عن مشكلتي

لاني صج حيرانه وما اعرف نهاية مصيري

انا عمري عشرين سنه وفي شخص يحبني موت ومتمسك فيني طبعا صار لنا سنتين ويه بعض
واهلي كلهم يعرفون عن علاقتي وياه وهو يعرف اخواني وخواتي يعني صار جنه واحد من الاهل
تكلمنا وايد عن الزواج بس المشكله انه امه مب راضيه لانها قالت احنا ما ناخذ وحده مب من ثوبنا يعني اهله كلهم تتزوجو من الاهل ومافي حد منهم خذ وحده من برع العايله
المشكله انه هو وايد متفائل ومتمسك فيني وقالي كلام وايد خلاني اكون متفائله مثله
وهو الصراحه ما فيه اي عيب يخاف ربه ويصلي وعنده اسلوب حلو مب عصبي يعني كل صفاته عاجبني
ومره من المرات قال شو رايج نتزوج بدون ما يدرون اهله
وانه انا اهلي كلهم راح يعرفون وانسوي عرس وكل شي بس انا خفت من هالاقتراح وقلت اني مب موافقه وهو بعد ما كان راضي بس غصبنه عنه قال هالكلام وانه ما يستحمل وايد
ف قالي مافي الا ننطر وانه هو بيحاول يكلم امه عن الموضوع ويحاول يقنعها
وانا مثل ما انا قاعده انطره لانه وعدني وانا مرتاحه وياه وعندي امل اكبير انه يوم من الايام بيأخذني
بس والله ما اعرف ليين متى بنتم على هالحال
قبل يوم عرفت رد امه قلت بتركه خلاص ولو اني احبه موت بس وربي كل ما اقوله انه لازم نفترق ومالنا نصيب يرد علي ويقولي انتي لي ومستحيل اتركج وهو وايد متعلق فيني
وانا نفس الشي هو خواته واخوه متزوجين بس هو الوحيد الباقي والله انا ما اعرف ليش هي تفكيرها جي معنه في دراسات وابحاث يحذرون من زواج الاقارب
بس ما اقول غير الله كريم
واتمنى انكم تقولون لي شو اسوي
ونسيت شغله ترى ابوه متوفي من يوم ما كان اصغير

:cry:

والسموحه ع الاطاله