29 سنه وتقدم لي عريس ....ولكن !!!!!!!

بصراحة اختي ...

اشوف العيب فيج مو فيه ...

و الغلط في طريقة التفكير فيج مو فيه ...

نفس ماقلتي

1) ماتعرفين تنسقين الافكار صح .. يعني تنقزين من نقطة لنقطة من غير سبب مقنع و في نص الكلام تقولين عينه فيها حول بسيط ...

الحين اختي و عينه فيها حول بسيط .. شنو يعني؟؟؟ لو انتي فيج حول بسيط ولا مو حلوة وحد رفضج لهل سبب ماتبتقولين عنه انسان سطحي؟؟؟

دام تقولين فيها كل المواصفات الزينه و متخرج و دارس بس لسه مالقه وظيفة .. المفروض توقفين معاه لين مايلاقي .. شنو فايده الزوجة عيل بوقفتها مع زوجها

2) انتي الحين تنتقدين شخصيته انها مو قويه مره .. و تحسين شخصيتج اقوة كانج انتي الي تسيرينه .. طيب منو عطه هل انطباع عند منو؟؟؟ لو كونج مافرضتي شخصيتج .. بتكون هذي نظرتج؟؟؟

3) الانفصال مو شي سهل على اقل سبب تدورين الطلاق و تعيدين النظر فيه .... الطلاق ساعات يكون نهاية لكل بداية امراه .. تحلم تحصل الاحسن و عقبها اصلا ماتحصل شي ...

الرايل يحبج و شاريج و مايرفضلج طلب و مستعد يتوظف و يسوي اي شي علشانج ... ليش ترفضينه؟؟؟ بالعكس اختي هاي نعمة من رب العالمين تمسكي فيه و الريال و المراه يكملون بعض ... كلن له عيبه و كلن يغطي عيب الثاني ....

و دام ليحين يبيج و متمسك فيج .. توكلي عل الله و اقبلي فيه .... و ووقفي بجنبه و عطيه فرصة يبرز شخصيته لا تسوين كل القرارات عنه و تفرضينها عليه .... و الله يوفقكم يارب

الله يكتب لك اللي فيه الخير ..

أخواتي العزيزات :
يُرجى التأكد من صحة الآيات و الأحاديث قبل وضعها في المشاركة :)

اسيل 2 شاكره لج مرورج العطر
وان شاء الله عقب صلاة الاستخاره ابشرج


#احلى الصبايا# حيالله باللي لفانا هلا بيج مليون
ان شاء الله ابشرج عقب صلاة الاستخاره
واستلف منج ............التوقيع لوووول


sweetdodo
شاكره لج نصحج وفعلا مثل ما قلتي
قليل بهذا زمان تلاقي رجال لديه اخلاق ودين
تسلمين لي

rose_rose7788
مشكوره روووووووووووز وفعلا ما ارضاه ع نفسي ولا عليه طبعا
واهو يستاهل كل خير
والله خفت لا اظلمه بشعوري البايخ
بس حتوكل ع الله رب العالمين

الجوهرة
مشكورة غناتي ع هالموقف اللي طرحيته وفعلا
اهم شي التقه في النفس
والله يوفقني وياه
واكون له ستر والقلب الكبير
وان شاء الله عقب صلاة الاستخاره حبشركم كلكم

rدلوعة باباتها
ياعيني عليج خيتو تصدقين قرريت ردج بالدوام وضحكت وماقدرت ارد عليج لاني ستانست بردج الصريح
وعجبتيني واكثر شي صراحتج
صح كلامج بس خيتو والله حاسه فيه وخايفه لا اظلمه لمن تركته
فكرت نفسي انا السبب اللي خليته يتوظف وظيفه هو ما يبيها وانا السبب في قلقه
خفت عليه لان كان مستعجل بشكل وكله يفكر
فانا فكرت نفسي ضاغطه عليه وابوه بعد
لان لسه الواحد اول ما يتوظف يبي يتهنى بوظيفته وراتبه وسيارته ويعيش حياته
فخفت لاكون عاله عليه
امكن انفصالنا كان سبب اننا نراجع قرارتنا صح ومن غير تسرع

وشكلي بعد هذا كله راح ارجع له بس عقب مااصلي لاة الاستخاره وياليت كنت اقدر اصليها اليوم بس انطر الدورة تخلص علشان اصليها
تسلمين خيتو ويسلم غاليج ومغليج

دوحانية
مرحبا ببيج وانتي نور المنتدى
ومشكوره ع حرصج ومتابعتج وجزاج الله الخير

خواتي لا تفهموني غلط انا طرحت القضيه لاجل ان ماقدرت اميز صح
واقرر صح لاجل انه بعد وفاة والدي الله يرحمه صرت لا احس واشعر بشي صرت فاقده الاحساس
كني ميته لاني وايد تاثرت بغيابه كان هو بالنسبه لي بمثابة توام روحي واكثر
الله يرحمه

الله يعين عموما انا راح اصلي صلاة الاستخاره وان شاء الله بشارة خير
بس انطر الوقت يعدي ع خير

يالغاليه انا من رأي دام انه اهله يبونج والكل فرحان معاج هذا شي وايد حلو ماشاءالله عليج وزين تلاقين ناس كذا بهالايام .................اختي اذا هو اشتغل بقطاع خاص ولا عام هذا عادي اهم شي يحصل على راتب ويستعد لحياته وبعدين عادي لو اهله ساعدوه شوي بأمور الزواج باجر ان شاءالله بيتوظف ورح يوقف على رجله ويعتمد على نفسه ...................وعن مشكله العين انا احس لا تشيلين هم ترا مثل ماقالو البنات الحين الطب متطور واكيد رح تلاقين علاج له حطي ببالج اهم شي جمال الروح والقلب مو الشكل ياما وياما ناس مشو ورا الاشكال وتبهدلو وماقدرو يكلمون حياتهم الزوجيه يعني ياختي باختصار شوفي الاولويه والاهم خذي ورقه وقلم وقسمي الورقه نصين واكتبي المشاكل وحاولي تحلينه وشوي شوي رح تشوفين تسهلت الامور وتبسطت والله معاج وربي يوفقج .......................................وطبعا لا تنسين الدعاء بقيام الليل وتصلين الاستخاره وان شاءالله ربي يخفف من همومج .......................وعاد لا تنسين تدعيلي انا بعد تراني من ديرتج :) خخخخ

صلي الستخاره وتوكلي ولتشلين هم حبيبتي..

عزيزتي رجاوي

العمر يمضي ،،ولو كان عمرك مثلا 24 ممكن ترفضي
ولاكن مثل ماقلتي عمرك 29

وهو يصلي واخلاق واخواته متمسكات بك

نادرا ماتشوفي الواحد يركض خلفك

بس الغريبة ليش متمسك فيك ؟؟

المهم وافقي حبوبة
وقبل كذا الاستخارة
شوفي صفتها بالنت
ابحثي عنها
وخوفي اذا رفضتي ..ماعاد راح يجيك خاطب

اسألي الله في صلاتك ان كان في هذا الشخص خير
فقربني له
وان كان فيه شر فأبعدني واصرفني عنه
والله الموفق

الجوكره;4632634:
بالاول شي استخري ربك
اما على الديون احنا عايشين بيها حبينا او كرهنا هو لسه مخلص دراسته يتوظف بالقطاع الخاص لين ما يلاقي عمل بالقطاع الحكومي وانتي بتشتغلي وان شاء الله تساعده بعض طالما الرجال طيب ويصلي ويعرف ربنا فهذا اهم شي ناس كثيرة عنهم فلوس بس مايعرفون ربنا انت اهم شي صلي صلاة الاستخارة وان شاء الله راح تتيسر امورك
ابقي طمنينا عنك

رأي من رأيها ماقصرت والله يقدم الي فيه الخير

الموضوع من 2007!!:047:

غدآرة q8;11206940:
عزيزتي رجاوي

العمر يمضي ،،ولو كان عمرك مثلا 24 ممكن ترفضي
ولاكن مثل ماقلتي عمرك 29

وهو يصلي واخلاق واخواته متمسكات بك

نادرا ماتشوفي الواحد يركض خلفك

بس الغريبة ليش متمسك فيك ؟؟

المهم وافقي حبوبة
وقبل كذا الاستخارة
شوفي صفتها بالنت
ابحثي عنها
وخوفي اذا رفضتي ..ماعاد راح يجيك خاطب

اسألي الله في صلاتك ان كان في هذا الشخص خير
فقربني له
وان كان فيه شر فأبعدني واصرفني عنه
والله الموفق

اشكرك رفيقة المنتدى ع مشاركتك ووقفتك جنبي

قد تكون هذه ارادة الله اني قاعده من سنتين ادور في نفس الدائرة


السموحه بنات

الموضوع قديم بس استجد من جديد والجديد عقب سنتين ابو الولد جا عندي الدوام وفتح علي الموضوع مره ثانيه وانا مادريت وش ارد عليه

تآج الوقآر;11207050:
رأي من رأيها ماقصرت والله يقدم الي فيه الخير

مشكورة يا تاج وقار ادعيلي بس

..لمعة عين..;11207594:
الموضوع من 2007!!:047:

ايه اختي بس الوضع استجد مره ثانيه ادعيلي

والله يجيب اللي فيه الخير

رسامة الحب;11207869:

معقول الموضوع من 2007

بس مادام دخلت لازم أرد
عليك بصلاة الاستخارة و كثري من الدعاء عسى الله يفرج همك و يسعدك في حياتك
و ما شاء الله أنت ما دخلت قلبه بس و قلب عايلته و تربعت بعد
لا تخافين من شيء ترى المستقبل بأيد الله و عليك بالصبر
الله يوفقك و يسر قلبك

والله كلامك يشرح النفس ويعطيني شجاعه اكثر تسلمين يالغلا

اختتتي احس ضيعتي فرصصة م اييييدج شكللله طييب ويحببج وربيي يوفققج فكري ورجعي له واادا مو مكون نفسسه مررده للشغل

Soft Touch female;11208541:
اختتتي احس ضيعتي فرصصة م اييييدج شكللله طييب ويحببج وربيي يوفققج فكري ورجعي له واادا مو مكون نفسسه مررده للشغل

اتمنى ان هالمره تكون ثابته

شكرا ع كلامك فعلا انها فرصه

وفرصه سعيده انج موجوده ع صفحتي

اسأل الله ان يهدي سرك وينير بصيرتك ويكتب لك الخير كله,شوفي اختي انتي متردده من قبول العريس نفسه,تدرين ليه؟لانك شايفه نفسك عليه وهذا من البدايه مشروع زواج فاشل,شوفي الوحده فينا تدور ع الرجال اللي يخاف الله فيها ويحتويها بحنانه ويملى عينها ماديا ومعنويا,معتمدة عليه في الحياة يعني خوي درب,ماهو اسم رجال والقلب والعقل فاضي,وعمر الزواج ماقام ع شكل الزوج ووسامته,اوشكل الزوجه ونعومتها ابدا,الزواج مشروع اقوى دعائمه الموده والرحمه,واثمن ارباحه الاولاد اللي هم زينة الحياة,انصحك لاتقبلين بالرجال وانتي تشوفينه اقل من مستواك المادي والاجتماعي,ع الرغم من ان القاعده الاساسيه للقبول بالزوج الدين والخلق,لكن اليوم تغيرت الموازين وصار الماده والمظهر الخارجي,اما بالنسبه للحول فهذا صنع الله,فكأنك تنتقدين الله ع خلقه,استغفري الله وسأليه العفو والعافيه,اسمحيلي طولت عليك,الله يوفقك ويسعدك.

طبعا الاستخارة لابد منهااا وصليها اكثر من مرة


وريال بلمواصفات اللي ذكرتيها باين انه شاريج ويحبج واذا هو نصيبج بتاخذيه

بالنسبة للديون والمصاريف ترا محد ماعنده ديون انا من رايي توكلي ع الله لانه مايتعوض

وربي يكتبلج اللي فيه الخير ان شاء الله

ربي يسعدج ويوفقج وصلي استخارة
وشوفي الحين في هالزمن ماراح تلقين شخص عدل
وتوكلي على الله
واتمنى انج ماتضيعين الفرصة
شكله طيب وعلى نياتة
والحين مافي احد ماعندة ديون حبيبتي
وسوي اللي يريح قلبج
وتقبلي مرووري حبيبتي