الغده الدرقيه ؟؟

شوفي اختي

اني وحدة اعاني من خمول الغدة ويسمونه بالمصطلح الطبي HYPOTHRODISM

وهالمشكلة تطرأ على الغدة الدرقية تخليها ما تفرز هرمون يسمى TSH يعني THIROD STAMULATION HORMON وهالهرمون مهم ليش ؟؟ لآنه هو الهرمون الرئيسي الي يسيطر على كل الغدد اللي تفرز هرمونات بالجسم يعني هو البترول اللي تمشي به السيارة وبدونه ما تتحرك

في حالة النقص اللي عندنا شنو يصير
الغدة الدرقية ما تفرز هرمون TSH وبالتالي كل الغدد بالجسم تتخربط و منها ان الجسم مايحرق دهون لهالسبب الوزن يبدأ يزيد حتى لو كان اكلج طبيعي غير ان مع الايام اذا ما أخدتي علاج بتشوفين روحش كله دايخة وتبين تنامين و تتعبين من بدل اي مجهود عادي وبسيط و السبب واحد انه ما عندش طاقة وجسمش ما يحرق و اذا الحالة وصلت بلا علاج في مراحلها الاخيرة راح يتسبب بان الواحد ما يبي يشوف ضوء بتاتا ويفضل المكان المضلم اريح له يعني بتحبسي روحش بين اربع جدران لانش ما تتحملي النور طبعا بتكوني مضطرة وطبعا من ضمن مشاكل نقص هالهرمون انها ما تنشط المبايض اللي تفرز هرمونات الحمل ، يعني مستحيل يصير حمل والغدة الدرقية مخربطة وضيفتها

نرجع للغدة الدرقية ، اذا تم اكتشاف خمولها بتحتاج الطبيبة انها تعمل لك تحليل يسمونه anti thirode anti bodies على اساس انها تحدد هل النقص اللي عندج ظرف طارئ لو وراثي وليه مقياس معين فأذا تعدي المقياس الطبيعي فهذا يدل على انه وراثي بالعائلة و بتظري تاخدي الدواء مدى حياتش وهذا الشي لا تقلقي منه بكثر ما انش تحمدي ربك ان هالمرض ليه علاج وعلاج سهل مجرد حبة دواء تاكليها كل صبح وعلى الريق وما تاكل معاها اي شي لبعد ربع ساعة على الاقل علشان الجسم يمتص الدواء بسرعة ويستفيد منه وحاولي انش ما تنسين ولا حبة علشان لا تتخربط نشاط الغدة عندش

اول ما تنتضمين بالعلاج الوزن الزايد راح يثبت بس ما راح ينزل الا بنشاط رياضي فاذا كنتي حازمة مع نفسش اشتغلي على روحش و تحركي علشان تساعدي الجسم يحرق الدهون والغدة بتساعدش بالهرمون لكون انش تنشطيها بالدواء

طبعا الدوا اسمه ثايروكسين و لا تتساهلي بصغر حجمها ، ومهم جدا قوتها
اني بديت مع الدكتورة علاجي ب 25 و صارت تزيد لي لل 50 و 100 وحاليا صار لي مدة ثابته على 150

بالاول بتتعبي شوي وزيارتش للطبيبة بتكون متكررة على اساس ان تضبط ليش النشاط بعدين كل شهرين ثلاثة يبي ليش زيارة علشان تتأكدي ان كل شي في السليم

ونصيحتي ليش لا تروحين لا أي طبيب وبس روحي لطبيب مختص في الغدد الصم علشان يكون اخبر في مجال عمله

وبما انش مقدمة على الزواج ، اذا الله بلغش الحمل لا تتركي جرعة الدواء ابدا لآن اذا ما خديتها والغدة رجعت تكسل في النشاط ماراح تفرز الهرمونات اللي تحافط على نشاط و تغدية الرحم وجايز تسبب ليش بالاجهاض لا سمح الله

هذا كل اللي اقدر افيدش فيه وانشاء الله ما عليش شر
بس انتي تطمئني ان المسألة عادية جدا وما تحتاج تخافي منها


وبالتوفيق عزيزتي واني حاضرة لاي سؤال

أنا كمان معايا كسل وخمول في الغدة الدرقية بس مع أخذ الدواء كل يوم لي سته سنين مستقرة وهذا فضل رب العالمين وكل شيئ تمام فلا تقلقين .

انا كل شي منتضم عندي دوره كل شهر بس اسمنه الى بطة كبدي
والحبوب رفضتها اني اكلها تسبب دوخه وغثيان
فيه حل طبيعي يخلي الغده تشتغل

الله يسلمج حبيبي واذا عندش اي استفسار لا تترددي

نسيت اقول لج

لا تخافي من عدم مقدرتش للانجاب

لآن اول ما ينتظم افراز هرمون الغدة الدرقية كلشي يصير طبيعى وتقدري تحملي وتمارسي حياتش الطبيعة عادي

بحيرة قزوين;4637418:
الله يسلمج حبيبي واذا عندش اي استفسار لا تترددي

نسيت اقول لج

لا تخافي من عدم مقدرتش للانجاب

لآن اول ما ينتظم افراز هرمون الغدة الدرقية كلشي يصير طبيعى وتقدري تحملي وتمارسي حياتش الطبيعة عادي

ان شاء الله يا اختي
وتسلمين

يااخت بحور انا لي شهرين من عرفت ان عندي ضعف في الغدة الدرقيه وبدات اخذ 25 ورحت لدكتوره علشان ابغى احمل والسبب طبعا الغده سببت لي لخبطه في الدوره الشهريه