رفيج زوجي يخربه على

حاولي تكلمينه ويمكن ضنك فيه مو بمحله يمكن تتوهمين تاكدي بالاول وبعدين فكري واهم شي الدعا واللجوء لله سبحانه وتعالى وربي يوفقك

اختي الانسان ماينجبر ع حاجه
يعني ريلج راضله هالشي للاسف
واهوه لو كان مقتنع انه هالشي
غلط ماكان صاحب هالاشكال
صحيح الصاحب ساحب بس
بعد الانسان لازم تكون عنده
قناعات ومباديء,,,,فلذلك السعي
لقطع العلاقه مش اهوه الحل
والحل اختي لاتتهاونين في
هذا الموضوع ولازم تتناقشون
بالهداوه وتوضحين له رفضج لهذا الشي
وعدم قبولج لهذا الوضع

اشكر اهتمامكم لكن الضنون بمحلها شفت رقم وحده وشفت مسج بالصدفه وهو حريص على مسح المسجات منه يعزمه على الستار بوكس ليرى البنات وكلمته وتزاعلنا وما كو فايده مو راضي يخليه ابى طريقه علشان يفك عنه انا حاولت اكلم زوجته اشرايكممع العلم انه متزوج 2

ما اعرف يا اختي شو اقووول ....

اخاف اذا قلت شي علاقتكم تتدمر ... بس ما عليه كلميه بالزين وان شاء الله خيييييييييييييييير

واتمنى باقي البنات يفيدوونج بنصايحهم


رووووووووووووووووووز

الله يعينك
كثري بالدعاء

اللله يعينك اختي لصراحة وضع صعب....اذا قصدك رفيجه متزوج 2...اللي ما يستحي ويسوي نفسه مراهق

انا لو منك اجيب رقم زوجاته الثنيتين واتصل فيهم بعد ما أتأكد من حركاته واخبرهم وبس...

شوي بيخف عن زوجك بيلقى شي اتلهي فيه

السلام عليكم ...
اختي انا اشوف انج ماتكلمين زوجاته ...لان يمكن يدري زوجج بعدين تكبر السالفة اكثر واكثر ...
انتي تكلمي مع ريلج ... وحاولي تتفاهمين معاه.. وتعلمينه ان اصدقاء السوء ماوراهم الا خراب البيوت ...
واذا عندج عيال ... حاولي تفهمينه ان عياله بيضيعون ... وان من يتعرض لاعراض الناس .. الله بيرسل له حد يتعرض لعرضه ....
واذا مانفع معاه... حاولي ان حد من اخوانج يقعد معاه (بس مايتكلمون عن هالشي).. قصدي اخوج يطلع معاه يروح السوق البحر اي مكان ... بس حاولي انج تبعدينه عن رفيجه هذا
وعليج بقيام الليل ... والدعاء ...
والله يكون في عونج

انا لو منك بتصل بزوجاته عن طريق حدا ثاني غيرك يعني من اي حدا بتثقي فيه عشان انتي تطلعي من الموضوع خليه ينشغل شوي عن زوجك وخليه يعرف انو الامور مش سايبه خربي عليه مثل ما هو مخرب عليكي وانتي ولا كانك هون اعملي حالك ما معك خبر بالسالفه قدام زوجك

والله ما كذب عليكم انا سويت شي بس والله نفع شوي قمت اتجرا اكثر بالحركات معاه وجلست معاه وقلت يا انا يا صاحبك وقلت شى وكنت خايفه انى اقوله بس والله الله ستر بقا يذبحني قلت لو فكرت تتزوج او تطلقت انى على طول راح اتزوج اللى خرب علاقتنا وهاوش بالبدايه وقال شلون تقولين هالكلام انتى جريئه ومن بعدها شوى وجا يترضانى ويقول انتى اغلى من اى احد شرايكم اصدقه ولا سوالف

للاسف زوجي اعترف انه متزوج على الخاين ابى حل انه ما يستمر معها

شوفي وحده واثقة فيها وخليها تكلم زوجاته وخبروهم عن كل شي ممكن يلاقون حل مع لي مايستحي واذا على زوجك حاولى تقعدين معاه وتشوفين الوضع وتفاهمي معاه وخبريه انه هذا الشي لي بيسوي بيضيعه هو وبيضيع بيته معاه
والله يوفقك

الله يساعد ياعمري صج والله انج جريئه في اللي قلتي بس ممكن تكون حل
ومدام انه قال لج انج اغلى من اي احد اناا في ر ايي انج تصدقينه اكيد كلامه صج يتروالي بالذات اللي يغازل اكيد يحب مرته مادري ليش هذا احساسي يمكن بسبب ضميره اللي يأنبه ويعذبه عليج

لو انا منك غيري رقمه باي رقم

وطلعي عنه مشاكل قولي ان فيه ناس قالوا انا انمسك ي الشرطه وجلدوه عشان يعاكس

ويقولو فيه مرض خطيييييييييييير الايدز وطلعي عليه بلاوي والله لو انا منك

لاجرب كل الطرق اللي يقولوها

وانا مع فزاعه

فزاعة شلون عرفتي انه متزوج هو قالها لك ؟

الله يعينج كلمي زوجك وان شاء الله مع الدعاء يصلح الله حاله

اي اعترف الخاين والله معاك يااسيل تسلمين ومالك يا بنى ادم الا ما كتب لك وهذا القضاء والقدر

رائئ من راي اسيل ولو مايبي يغير رقمه خليه لين يكون مشغول واسرقي موبايل واحرقي هذه الشريحة ولو سالك ماشفتي موبايلي قوليلو لا ماشفت انت شوف وين حطيته
رجال عينهم زايغة
وابقي قولينا وش تطورات الله يساعدك

الله يهديه مو تقلين من رفيجه لان رفيجه ماشي نفس طريقة زوجج اثنين يروحون بريولهم لهذه الاماكن
بس ادعي ان الله يهدي زوجج ويصده عن هالسوالف ويصلحه
اهم شي الخوف من رب العالمين
والله يسعدج يارب
والدعاء الدعاء الدعاء سبحان الله يغير حال الانسان من حال الى حال


دمتم سالمين
اختكم شريفة

SHREEFA;4654492:
الله يهديه مو تقلين من رفيجه لان رفيجه ماشي نفس طريقة زوجج اثنين يروحون بريولهم لهذه الاماكن
بس ادعي ان الله يهدي زوجج ويصده عن هالسوالف ويصلحه
اهم شي الخوف من رب العالمين
والله يسعدج يارب
والدعاء الدعاء الدعاء سبحان الله يغير حال الانسان من حال الى حال


دمتم سالمين
اختكم شريفة