والله مالي ويه اقوولكم اني أشيش

علييييييييج بالدعاء و التقرب من الله سبحانة وتعالى

والله يهديييج

بالعزيمه و الأصرار كل شي يصير
فكري في نفسج و في صحتج و لا تنسين ان التدخين
حرام .............حرام..............حرام
فكري ان رب العالمين يراقبج و ما يرضى بهالشي
الله يهديج يارب

اختي اهم شس انك تقوين العزيمه عندك وبصراحه اتكام عن نفسي اني اكره اي حرمه اشوفها تشيش او تدخن وهذي الحقيقه وان شاء الله ماتزعلين من اختك بس فعلا اكره اللي تسوي كذا لانها انثى وحلاة الانثى بنعومتها ورقتها مو تدخين وشيش وخراب صحه وصفار اسنان ....

حاولي وبندعيلك

عورتي قلبي لانج بنت بلادي..


انتي روحج قلتي كيف اتنزلين عمرج لها المستوى....!!!

لازم تكرهين الشي لانه ياي من طليقج...يعني هو كان ناوي يدمرج بهاي الطريقه اكيد هو مستانس ويشوفج تتعذبين..


انتي بنت ناس ودري هالسوالف وخليها لاصحابها عزيزتي...

عشان تقطعين هالعاده لازم تتوقفين عنها على طول مب شوي شوي
وتوبي توبه نصوحه
وان شاء الله بيعينج

والله بصراحه موضوعج وااايد اثر فيني ... لانه عندي صديقه تروح للقهاوي و تشيش هناك و انا دايما انصحها و اقوللها ان هذا عيب و ما يصير بنت تسوي هاي الاشياء .. شو بيقولون العرب عنج..
المهم انا اقول ردي لربج ترا اول شي التدخين و بعدين لا سمح الله يطلعلج واحد ثاني يخرب عليج دنيتج و آخرتج.. انتبهي والله ترا هذا مووول ما بيفيدج و اقعدي مع اهلج و شوفي رايهم لانهم صدق ما بيتقبلون هاي الفكره مب لانه عاداتنا و تقاليدنا لا بالعكس لانه بيقولون بنت فلان سوت كذا و صارت كذا... والله عيب

اختي العزيزه فكري بنفسج و ابعدي نفسج عن هذا السم.. و فكري بمستقبلج و اهم شي رضى الله عليج..

انا ما قول هذا الكلام الا لمصلحتج و في نفس الوقت لان صديقتي عندها نفس مشكلتج..


واتمنى ان الله يهدي الجميع و حسبي الله ونعم والوكيل..


اختج،، ليلي دبي

الله يساعدك ياااااارب

الله يعينك على الافلاع عن العادة دى

عروس الموج وDxb_lilly
وكل البنات
والله دمعة عيني احس انكم حاسين فيني ومقهور ودي اتمني

ما افكر في التدخين خاطري اودر بس المشكلة الشيطان يزين لي


ويخليني احس بمتعه خاصه لما اشيش احس براحه يتبعه ضيج

الشيخه والله مب ناقصني شي ويوم اشوف شكلي في المنظره اقوول حرام جمالي وبشرتي بالفعل حديث النفس يساعد

الله يعينج ويهديج ان شاء الله ...

حبيبتي الحمدلله انج عارفه ان هالشي غلط ..

بس لازم تكون عندج عزيمه قويه عشان تتركينه ...

وحاولي قد ما تقدرين تتركين هالعاده ..

حرام والله ... التدخين واااااايد يضر بالصحه ..

شوفي يا اختي

الموضوع كلش سهل

بس يبي لج اراده

عموما يا اختي لو قلتي لنفسج انا خلاص ما بدخن

على طول بي في بالج انج تبين تولعين لج وحده

اختي الحل هو كالآتي

حاولي تقسمين السيجاره نصين مره تدخنين اشوي وتطفين النص الثاني للمره الي بعده

اخذي دفتر وقلم وكتبي كل وقت بالضبط بالساعه والدقيقه كل ما تدخنين

يعني الساعه عشر الصبح دخنتي كتبي بالدفتر

بعدها بنص ساعه دخنتي كتبي بالدفتر

الين ما تبين تنامين

المهم اليوم الثاني :

شوفي الدفتر كم سيجاره استهلكتي أمس

قللي عدد اثنين من الي شربيته امس اوكي

ونفس الطريقه بصفحه جديده كتبي من الساعه الى الساعه الي انتي شربتي فيه ماشي

اليوم الي بعده :

قللي عدد ثلاث من السيجارات الي دخنتيها اليوم الي قبله طبعا بعد ما تشوفين العدد الي شربتيه

واسمعيني عدل خليج على الجدول كل يوم تقللين ثلاث او اثنين لو ما قدرتي على ثلاث

ان فشلتي مره لا تقولين خلاص ما في فايده لاااااااااااااااا هذا ما يسمونه فشل لأنك معذوره انتي اعترفتي

انك ادمنتي على النيكوتين يعني السالفه مو سالفة فشل سالفة ان النيكوتين اثر على الجسم واحتياجاته

المهم امشي على الجدول

اختي خليك حاليا على السيجاره واتركي الشيشه

والسبب ان الشيشه بالراس الواحد عباره عن اثنين من علب السيجاره

خلاااااااااااااااااااااااص يمنع منعا باتا من الذهاب الى المقاهي سمعتيني خلااااااااااااااص

المهم يا اختي بعطيك فكره عن الموضوع

اختي لو تركتي الدخان والشيشه ما راح تقدرين ليـــــــــــــــــش

لأن مثل ما الدخان له اثر على جسمج فتركه له اثر اكبر

اول شي الرئتين بينصدم من حالة عدم أخذها جرعه النيكوتين

فالبتالي راح يطلع وصخ والم بالصدر وممكن يكون فيه دم ينزل

مع الكحه

فأنتي سوي كل شي اشوي اشوي

وخلي بالج على الجدول

لا تقولين طليــــــــــقي وما ادري شنو

عقلج في راسج

وانتي بنفسج قلتي ان هذا مو مستواج

خلاص انتي تقدرين ان شاء الله على هذا الشي

وانتي اكبر من جذي

انا سالفة الجدول نجحت مع زوجي

والحمدلله الحين كمل خمس سنوات على تركه للدخان

......................................................

الطريقه الثانيه عزيزتي

كل يوم اغلي كاس ماء بالجدر وكاس حليب بجدر ثاني

ولما ينغلون عدل مدل صبي الماي الحار كلش على الحليب الحار كلش

واخذي نفس عميق من البخار الناتج عن خلط الاثنين

نفس ونفس ونفس

بتلاحظين بثالث يوم ان الوصخ قاعد يطلع من صدرج على شكل بلغم

وبعد فتره تحسين انج تقدرين تتنفسين بشكل افضل

حتى الدخان بتكرهين طعمه لكن الجدول مهم ايضا لا تنسين

..........................................................

شنو بتكسبين لما تتركين الدخان

اول شي

حياتك وصحتك

ثاني شي

وجهك بيروح منه الصفار وقلت الدم

لأن الدخان يموت ويقلل من الاورده بالوجه خصتا

وانتي بنت ما يهمج جمالج

ثالث شي :

شنو احلى من ان يكون ثيابج ريحته حلوه بدون دخان

رابع شي :

شمي شعرج شوفي ريحته

أكيد كله دخان

خامس شي :

اصابعج شوفي اشلون متغير لونه مكان ما تمسكين السيجاره

سادس شي :

اسنانج اشلون تتكلمين مع الناس وانتي اسنانج صفر


اختي في واحد مات وهو مدين لما بغى يرفع يده للشهاده قبل ما يموت

رفع صبعين السبابه والوسطى تدرين ليش لأن متعود يدخن ويمسك السيجاره بالصبعين هذي

ننتظرج يا اختي تبشرينا انج تركتي الدخان

ولا تستعجلين كل شي يبي له وقت صدقيني بس اهم شي انتي خليج مقتنعه من نفسج

وواثقه من نفسج عسى ربي يخليج ويبعد عنج الشر

هالدنيا فيها جانبين السلبي و الاجابي..

وانتي طحتي في وحده من سلبياتها..

دامج بديتي تحسين بتأنيب الضمير..

فكري بالخطوات الي بعدها..حاولي انج ما توقفين عند حد الندم و بس لا

دايما" حاولي تحسنين من هالمشكله الي مضايقتنج..

افضل انج تلجإين لدكتور مختص في الاقلاع عن التدخين

و شوي شوي و مع الجلسات راح تتحسن حالتج..

و الطب تطور صار العلاج بالليز و غيره..صح البدايه صعبه لكن النتايج بأذن الله بتكون طيبه

و بتتركين هالسم البطيء ان شاء الله..

والله الموفق ^_^

بصيدليه في لاصقه تعوضج عن التدخين

انا زوجي قطع عن التدخين بالبدايه ماقدر بس شرى اللصقات اللي تلصق بالجسم وتعوضه عن النكوتين

والحمدالله الحين خففف واااااااااااااايد .. والفال لج

الله يهدييييييج ...

لو انتي ما كنتي تبين اتدخنين ما كنتي بتدخنين
لكن قلبج ضعيف

لا حول ولا قوة الا بالله ...

السلام عليكم..
اختي اللي يعرف العيب والحرام مايسوي هالأشياء..!
وبعدين إذا كل وحده بتتبع زوجها في التدخين والشرب والمخدرات عوذبالله مابيتم حد صاحي فى البلاد..
لازم يكون عندج الوازع الديني..شو بعد تدخين..الله يهديج

أخــتي اذ جا في بالك تشترين دخــان,,, اشتري بداله عصــير طمام او علك اوو اي شي واشغلي نفسكـ

اهم شي تكون عنش نيه صادقه انك تقطعيه.لانه زوجي كان مدخن وافتكينه لانه قطعها
انتي انوي اولا تقطعينه وبعين خففي عدد المرات الا تشربين فيها ودائما خلي اللبان عندك وقت الا يصير خاطرك تتدخنين اخدي لبان .ومارسي الرياضه على طول...وانشاء الله بتقطعينه....ونفسك ما تضعف قدامه او احد يعطي سيجارة وتاخديها احذري .....زالله يهديك

شكرا خواتي ارجوكم ادعولي محتاجتنكم محتاجه دعمكم النفسي