مشكلة بشعرك وتبين خلطة أو نصحيه تعالي هنا

مشكوره يلغاليه

ماشاء الله عليج

الغاليه انا شعريه جاااااف

وحاليا استخدم زيت فاتيكا وفيه ملعقة محلب مطحوووون

وشامبو فاتيكا بس مب دووووم احب انوع في الشامبووو

واستخدم حمام كريم فاتيكا احسه فادني يرطب شعري شوي

وفي الأسبوع احط حنا مع محلب وفاااد شعري وخفف التساقط

ومرات احط محلب مع ماي في شعري واخليه يوم واغسله

من زماااان ماحطيت ماسكات لشعري

ودي في ماسك فيه جل الصبار...

خاطري شعري يستوي فيه لمعه ^_^

انتظر ردج...

بنت الفقيدة;4648203:
الله يجزاكي خير على هالموضوع..:shy:


أختي عندي مشكله في شعري وهو أنه ناعم حيل وخفيف و يتساقط مع اني اعتني فيه واستخدم زيوت بس مافادت!!
أنا ماأبقيه يطول اهم شي أصير كثيف لاني تعبت معاه..:21_195:
وهل الي مثل شعري ينفع معاه الزيوت؟؟ وأنا كنت استخدم شامبو دوف بس الحين غيرته..!
وستخدمت الشامبو القديم الي لونه احمر يقولون مافيه مواد كميائيه وبنت خالي تستخدمه وطلع شعرها حلو عليه..
آسفه على الاطاله..ومشكوره مره ثانيه على الموضوع..:flower:

ويجزاك كل خير

حبيبتي ماقلتي لي نوع شعرك هل هو جاف او دهني او عادي ؟؟

الزيوت الأفضل تعملي خلطه مكون من نوعين أو ثلاثه وتستمري عليها علشان تشوفي النتائج

بس يكون عندك مجموعة وكل مره تجربي نوع هذا غلط وماراح تحصلي على نتيجة

المهم حبيبتي بالنسبه للتساقط بعطيك طريقة من الطب بالأعشاب وهي

( يمزج 15 جراماً من عصير الجرجير إضافة إلى 50 جراماً من الكحول وملعقة صغيرة من ماء الورد وتدلك بها فروة الرأس يومياً لمدة أسبوعين ثم يغسل)


وبالنسبه لخلطه تكثيف وتطويل

بعطيك مجموعة من الزيوت أخذي منها نوعين أو ثلاث بس

( زيت البطم , زيت أملج , زيت البصل , زيت السمسم , زيت الفجل , زيا الجرجير , زيت السدر , زيت الآس)

اللي تاخذيهم تمزجيهم مع بعض بمقدار متساوي
تخليهم خلطه جاهزة لك في علبه
وقبل الاستخدام ترجي العلبه
وبالأسبوع مرتين أو ثلاثه
ومن 4 إلى 6 ساعات


:flower:

سعودية برونز;4655873:
السلام عليكم كيفك خيتوو خبيرة على العموم ياخيتوو مشكلتي والله كبيرة في شعري اولا انا عندي فقر دم حاد وجالسه اعوضه بكل الفيتامين والخضروات والفواكه والحليب يعني مو مقصرة بنفسي المهم شعري قصير جداا مايطول له اكثر من 7 سنين وجااف جداااااا مايل للخشونه ومتقصف والمصيبه الاعظم انه في الوسط الراس ( الهامه ) جدااا تالف وقصير مررة مررة ماهو مع باقي شعري لحاله وهذا هي مشكلتي وتعبتني والله حيل وان شالله زواجي بعد 8 شهور ونفسي بشي يعجل في علاجه يااااااااااارب ويطوله ويكثرة وتسلمي اختي والله اني محتاجه مساعدتك وربي يرزقك بكل الخير ويسعدك دنيا وااخرة ,,,,,,,,,

وعليكم السلام

الحمدلله بخير (f)

حبيبتي بكون عندك فقر دم تاخذي حديد ؟ تاخذي حامض الفوليك ؟؟

او بس معتمد على الأكل

لأن اللي عندهم فقر دم الأفضل ياخذون مقويات تساعدهم حتى لو ياكلون زين


وبالنسبه لخلطه تكثيف وتطويل

بعطيك مجموعة من الزيوت أخذي منها نوعين أو ثلاث بس

( زيت البطم , زيت أملج , زيت البصل , زيت السمسم , زيت الفجل , زيا الجرجير , زيت السدر , زيت الآس , زيت الثوم )

اللي تاخذيهم تمزجيهم مع بعض بمقدار متساوي
تخليهم خلطه جاهزة لك في علبه
وقبل الاستخدام ترجي العلبه
وبالأسبوع مرتين أو ثلاثه
ومن 4 إلى 6 ساعات


وبالتوفيق حبيبتي ومبروك الزواج مقدماً وحياة سعيدة

:flower:

شفوق;4656561:
ياليت تجاوبين على تساؤلي

كم الفتره الزمنيه التي يوضع فيها الزيت على الشعر؟؟؟

وللمعلوميه نوع الزيت زيت زيتون واحيانا مخلوط معه زيت اخر؟؟؟

إذا شعرك خشن مايقل عن 6 ساعات

وإذا شعرك عادي أو ناعم من 4 إلى 6 ساعات

(f)

روائع الماس;4656815:
مرحبا ياعزيزتي انا اختك روائع وعلى وشك زواج ومحتاجه دعواتكم بس عندي مشكلة شعري ناعم كله بس صاير مرة خشن من قدام بس ومرة طاير احسه ناشف بس من قدام استعملت زيوت وخلطات كثير بس كل شيء طلع حلو ولامع إلا من قدام لسا ناشف وطاير بصراحة ماادري ليش مع العلم إني اعمل ممرضه ونكو مغطين شعورنا على طول ممكن يكون هذا هو السبب تكفين اختي محتاجه لخبرتك

ياهلا ومرحبا فيك

وعسى ربي يوفقك ويسعدك

طيب حبيبتي بعطيك خلطه حطيها على الجزء الخشن بس

أخلطي زيت الذرة ( عافيه) + زيت الزيتون بمقدار متساوي
وخليهم في علبه الخلطه
وقبل الاستخدام حطيها 3 دقايق في مويه دافيه جدا علشان يدفى الزيت شوي
ورجي العلبه وحطي منها على الجزء الخشن
واعملي تدليك للفروه بنفس المكان
وخليه مايقل عن 6 ساعات واستخدميها يوم ويوم
واستخدمي كريم بارشوت بعد ماتغسلي شعرك وتطلعي وهو رطب


:flower:

حراير عروس;4657317:

السلام عليكم ورحمة الله وبركاته ..

أولاً أشكرج أختي على هالموضوع الأكثر من رائع .. واللي يستفيد منه الجميع ..

آسفة جداً ماقدرت أقرأ كل مشاكل المشاركين بالموضوع .. واللي يمكن تكون مشكلتي مرت على إحدى الأخوات .. ونويت إني أقولج مشكلتي مع شعري اللي مأرقتني سنين طويلة ..

كان شعري جميل .. طويل كثيف .. معتدل في النعومة .. وفجأة يوم من الأيام شفته يتساقط بغزارة شديدة .. ولونه صار باهت ومع الأيام تقصف .. فاضطريت إن أنا أقصه .. وعالجته بالزيوت المعروفة .. زيت الخروع .. زيت الصبار .. زيت الجرجير .. لكن ماحسيت إني استفدت ولا من واحد منهم ..

بعد مرور سنوات ولما صار عندي مبلغ .. قررت إني أروح أتعالج عند إخصائية وزرتها بالعيادة .. وكشفت على شعري وفروة راسي وقالت إن فروة شعري سليمة .. وخصصت لي 4 جلسات .. على مدى 4 أشهر ..

ووصفت لي أدوية كانت عبارة عن " كبسولات pilfood مع نفس الشامبو .. وبخاخ Hirgrow 5% ..

التحسن كان منع تساقط الشعر ..

والجلسة الثالثة غيرت بس الشامبو إلى pregaine ..

التحسن منع تساقط الشعر + ظهور شعرات قليلة ..

الجلسة الأخيرة .. غيرت الكبسولات إلى keravit ..


خلصت الجلسات .. وأحس شعري تحسن شوي .. لكن ما زال خفيف !!! ..

طولت عليج أختي .. بس تحمليني ..

حالياً شعري خفيف .. قصير يوصل لأسفل الكتف بقليل.. عادي .. باهت .. متقصف .. جاف من الأسفل جهة اليمين فقط !!! ..
استخدمت :
" خلطة زيت الخروع + زيت زيتون + عسل " .. ما نفعتني
" فاشكول بالخيار" ..
" فاشكول بالجرجير " سوى شعري جاف جداً من الأسفل

أستخدم شامبو الخيل " Manentaill " من اسبوعين تقريباً .. وما زال شعري جاف من الأسفل فياريت تعطيني نصايحج حول موضوعي .. وأكون لج شاكرة ..

وعليكم السلام ورحمة الله وبركاته

جلسات علاج الشعر وقت الجلسات يحلى الشعر وبمجرد تنتهي يبدأ يرجع الشعر ماكان

وهذا نفس الحال مع الأدويه الخارجيه للشعر وقت الاستخدام الشعر حلو بس نتركها يرجع الشعر

إذا كنتي تعاني من التساقط خذي حبوب فيتامينات

وإذا كان شعرك بالأسفل جاف لحد التقصف الأفضل تقصي الأطراف

لأن لو ماقصيتيه التقصف بيترفع لفوق


بالنسبه لفاشكول أخذتي الأصلي ؟ الأصلي صناعه ايطاليا

وأحس أنك مااستخدمتي الأصلي

اللي مو أصلي صناعه لبنانيه


استخدمي كريم تصفيف الشعر بارشوت

ولما تطلعي من الشور حطي منه على شعرك وهو رطب

وخصوصا على الأطراف الجافه

بالنسبه للزيوت أعملي لك خلطه وحده واستخدميها

وتتكون من هالزيوت

( زيت اللوز الحلو , زيت الزيتون , زيت البابونج ) اذا مالقيتي البابونج اخذي من بداله أحد هالأنواع ( زيت السدر , زيت السفرجل , زيت البقدونس )

أمزجيهم مع بعض بمقدار متساوي
وبالأسبوع استخدميها مره أو مرتين
ومن 4 إلى 6 ساعات خليها بشعرك

السلام عليكم مشكورة خيتوو خبيرة ادري اني طولت عليك بس مارديتي علي في الموضوع عن شعري التالف في وسط الراس(الهامه) وجزاك الله خيررر ..........ز

حراير عروس;4661761:

التساقط الحمدلله بعد العلاج خف وااايد ..

وفعلاً كنت استخدم فاشكول صناعة لبنانية ..

وبالنسبة للتقصف مثل ماقلتي وصل لفوق .. وقصيته من تحت عشان أخفف التقصف شوي .. لأني ماقدر أقص قصة قصيرة ليش إنه زواجي بعد 3 أسابيع !! .. بس إن شاء الله بعد زواجي راح أقصه قصه عدله .. وبصراحة المصففة نصحتني إني أختار لي يوم معين وفي كل شهر بهالتاريخ أقص شعري عشان أعالج مشكلة التقصف .. فبغيت أعرف رايج بالموضوع ؟!! ..

وبغيت أسئلج .. بالنسبة لكريم باراشوت قصدج أغمر شعري قبل ما أغسله ؟!! .. وهل أقدر أستغني عن كريم باراشوت بكريم صانسيلك بالبيض باستخدام نفس الطريقة اللي ذكرتيها ؟!! ..


الخلطة اللي عطيتني إياها أغطي شعري بفوطة لو عادي بدون فوطة ؟!! ..

وهل شامبو الخيل يتماشى مع الخلطات والكريمات اللي نصحتيني فيها ؟!! .. لأني مثل ماقلت لج حالياً استخدم شامبو الخيل من أسبوعين تقريباً ..

ونسمع إنه شامبو الخيل في بجنبه بعد زيت الخيل .. هل تنصحينا بالاستخدام ولا لا ؟!! ..


ومادري أحس كأن عندي لج أسئلة ثانية بس رايحة عن بالي !! ..

وسامحيني أختي على أسئلتي الكثيرة وأتمنى ما تتضايقين مني .. بس والله من غلبي !! ..


وجزيل الشكر والإمتنان لج أختي على إهتمامج بمشاكلنا ووضع حلول لها في متناول اليد ..

الحمدلله إن التساقط خف وعقبال مايروح نهائي

بس بمعدل طبيعي يوميا يتساقط من 50 إلى 100 شعره وهذا طبيعي


مثل ماتوقعت لبناني لأني أعرف الفاشكول الأصلي مايجفف الشعر

وهو الأفضل استخدمت أنواع كثيرة بس فاشكول هو الأفضل



وأنا اضم رأيي مع المصففه كل شهر تقصي بس الأطراف علشان مثل ماقلت لك لو خليتي التقصف بشعرك بيدمر باقي الشعر الحلو


وكريم بارشوت لا ماتغمري شعرك فيه قبل الغسل

كريم تصفيف عادي مثل كريم صانسيلك

بعد ماتطلعي من الشور وشعرك رطب تحطي منه على كامل شعرك

والأفضل تمشي شعرك بمشط واسع الفجوات

بارشوت أفضل من صانسيلك بالبيض

بس عادي استخدمي صانسيلك حتى يخلص والجديد خليه بارشوت

واتوقع راح تحسي بالفرق والنعومه بشعرك لما تستخدمي بارشوت



والخلطه الأفضل تغطي شعرك بكاب او كيس بلاستك وتحطي عليها فوطه علشان نتائج أحسن
وطريقة الفوطه هو تبلليها ماء وتعصريها كويس وتصخنيها في المايكرويف وتحطيها على راسك



وبالنسبه لشامبو الخيل أنا اخذته بس مابعد أجربه وأخذته لأن كثير يمدحونه بالرغم من انه يجفف الشعر بس علشان لا ينشف شعرك الأفضل تستخدمي البلسم اللي تبعه

وقريت هو بالبروتين شيء حلو واستمري عليه


والزيت ماادري عن نتائجه بس اتوقع ممتاز دام الشامبو ممتاز

واذا هو عندك ضيفيه مع الخلطه وأهم شيء بمقدار متساوي


وحياك الله في أي وقت وخذي راحتك حبيبتي

وعسى ربي يسعدك ويهنيك بزواجك


:flower:

سعودية برونز;4662818:
السلام عليكم مشكورة خيتوو خبيرة ادري اني طولت عليك بس مارديتي علي في الموضوع عن شعري التالف في وسط الراس(الهامه) وجزاك الله خيررر ..........ز

وعليكم السلام

العفو حبيبتي

لا عادي خذي راحتك حبيبتي

بالنسبه للتلف إن شاء الله تتعالج من الخلطه اللي راح تسوينها

لأن إن شاء الله بتطول شعرك ويروح هالتلف

بس أهم شيء لما تحطي منها تعملي دليك للفروه كم دقيقه

وتحطي على الفروه من خلطه الزيت مهم جدا

:flower:

nena_gitano;4658296:
[SIZE="7"][/مشكورة أختي باركك الله نصيحك كثير مفيدةSIZE]

العفو حبيبتي


:flower:

iwaki_san;4658510:
مشكوره يلغاليه

العفو حبيبتي

:flower:

صلصوحه;4658654:
ماشاء الله عليج

الغاليه انا شعريه جاااااف

وحاليا استخدم زيت فاتيكا وفيه ملعقة محلب مطحوووون

وشامبو فاتيكا بس مب دووووم احب انوع في الشامبووو

واستخدم حمام كريم فاتيكا احسه فادني يرطب شعري شوي

وفي الأسبوع احط حنا مع محلب وفاااد شعري وخفف التساقط

ومرات احط محلب مع ماي في شعري واخليه يوم واغسله

من زماااان ماحطيت ماسكات لشعري

ودي في ماسك فيه جل الصبار...

خاطري شعري يستوي فيه لمعه ^_^

انتظر ردج...

حلو برنامجك

وزيت وشامبو وكريم فاتيكا روعه يعني خلك عليهم


وعلشان لمعه الشعر بعطيك مجموعة من الزيوت
أخذي منها 2 بس وامزجيهم مع بعض بمقدار متساوي وخليهم خلطه

وهم

( زيت البابونج , زيت السدر , زيت السفرجل , زيت البقدونس)

وبالأسبوع حطي منها مرتين
ومن 4 إلى 6 ساعات


:flower:

شاكرة لج حبيبتي صدرج الرحب في تلقي الأسئلة والإجابة عليها ..

وكنت أبي أقول لج إن زيت الزيتون لما أروح للعطار يعطيني زيت الزيتون اللي استخدمه حق بشرة الجسم .. وأقول له أبي زيت الزيتون الخاص بالشعر يقولي مافي عندي إلا هذا .. ويراويني أنواع ثانية حق الشعر من ماركة صانسيلك بزيت الزيتون .. فأبي أعرف زيت الزيتون اللي تقصدينه هو نفسه اللي حق بشرة الجسم ولا لا ؟!! ..

حراير عروس;4663337:
شاكرة لج حبيبتي صدرج الرحب في تلقي الأسئلة والإجابة عليها ..

وكنت أبي أقول لج إن زيت الزيتون لما أروح للعطار يعطيني زيت الزيتون اللي استخدمه حق بشرة الجسم .. وأقول له أبي زيت الزيتون الخاص بالشعر يقولي مافي عندي إلا هذا .. ويراويني أنواع ثانية حق الشعر من ماركة صانسيلك بزيت الزيتون .. فأبي أعرف زيت الزيتون اللي تقصدينه هو نفسه اللي حق بشرة الجسم ولا لا ؟!! ..

العفو

عادي حبيبتي استخدمي زيت الزيتون اللي نستخدمه للطبخ

اللي بالسوبر ماركت يبيعونه

لأن الزيت الزيتون يرطب الشعر والجسم


(f)

مرحباً جديدة ..

عندي سؤال : هل أقدر استخدم أكثر من وصفة لشعري في الإسبوع الواحد مثل الخلطة اللي عطيتني إياها مع وصفة ثانية أيضاً للشعر التالف والمقصف الجاف ؟! .. أو أكتفي بوصفة وحدة ؟!! ..

وبصراحة اليوم تحمست وايد لعمل ماسك حق شعري .. وبما إن ماعندي زيت البابونج ولا الزيوت البديلة له >>> ناوية تشتريه اليوم ..

سويت خلطة عبارة عن : زيت زيتون + زيت اللوز + زيت الخروع + بيضة واحدة + 2 ملعقة عسل .. وطبعاً لفيت شعري بنايلون وفوطة ساخنة ..

وبخليهم ساعتين وربع لأن ماعندي وقت أخليهم أكثر !! >>>> بتطلع الإخت ..

النتيجة مادري عنها للحين .. بخبرج فيها بعدين ..

تحياتي لج عزيزتي

خبيرة من التجارب;4662991:
حلو برنامجك

وزيت وشامبو وكريم فاتيكا روعه يعني خلك عليهم


وعلشان لمعه الشعر بعطيك مجموعة من الزيوت
أخذي منها 2 بس وامزجيهم مع بعض بمقدار متساوي وخليهم خلطه

وهم

( زيت البابونج , زيت السدر , زيت السفرجل , زيت البقدونس)

وبالأسبوع حطي منها مرتين
ومن 4 إلى 6 ساعات


:flower:

بس انا استخدم زيت فاتيكا ومب ناويه اخربط وايد في الزيوت:sm240:

ماعندج ماسك يعطي لمعه للشعر؟؟؟؟

و سوري اذا حشرتج

يسلموووووووووووو خيتووووووووو وانشالله ببتدي من اليوم ,,,,,,,,,,,,,,,