مشكلتى غريبه صدقوني

اختي وهج الحب .....

هذي الامور طبيعية ... انا تمر علي نفس اللحظات اذا كنت بنفس القاعه بس لحظات وخلاص ما اتم افكر وااااااايد حتى اهلي يقولون لي عرسج احلى حركات الصغار كانت احلى يعني ها ... بس ما تفكرين واااااااااااااايد ف يالموضوع .... خلاص انتي خذتي دوورج وهاي المرة تبين تاخذين دووور غيرج ما يصير ..... وردي البيت وادلعي يدام ريلج .... اكيد ما بيقصر عنج .... وليش تقولين 5 سنوات يعني العروس اتم بس 5 سنوات صالحه الاستخدام وبعدها تنتهي !!!!!!!!!!!! لا حبوبة .... ما فيها شي .... اللي تبا تكون عروس طووول عمرها بتكون عروس في نظر ريلها ... بحركاتها وكشختها ورومنسيتها صح ولا ؟؟؟ اطلعي فرفشي روحي تعالي ... وليش اصلا مسوية من الحبة قبه ومضايجه من النقاب ؟؟؟ بالعكس احترمي راي زوجج في هذا الشي ... واذا مش مقتنعه .. كلميه وصارحيه انج ما تقدرين على هذا الشي الحجاب كفاية واوعديه انج ما اطلعين شعرج يدام حد غريب ... يعني ها اتفاهمي معاه واذا ما طاااااااااااااااع خلاص احترمي رايه ... تراج بتحصلين الاجر على انح ترضينه وترضين رب العالمين يوم تسمعين كلاامه وتحترمينه .....

والسمووووووووووووحه عل الاطاله


رووووووووووووووووووووووووووووز

شلي من بالج ها الافكار وخلاص اللي فات فات

وابدي حياة يديدة انتي بعدج عروس الين ما اتيبين اول بيبي انتي عروس

البسي واتعدلي وعيشي عمرج في احلى جو

ولا تنكدين على عمرج

أختي وهج الحب ..
نصيحتي لج غيري حياتج بأي طريقه ولا تفكرين بأي شي وصدقيني اذا يالج بيبي راح تتغير حياتج وحتى انا كل ما أشغل شريط العرس ولا شريط السفر ( شهر العسل ) كنت وايد احس ان ودي ترد هالايام والحمدالله انتي عروس وراح تبقين عروس طول عمرج بس اذا انتي تغيرتي ....
ولا تفكرين وايد لان مثل ما انتي عرستي ودخلتي صالات وشفتي عرايس غيرج تتمنين ترجع الايام لانها عن جد احلى ليله ...........
والله يوفقج ونسمع عنج خبر حلو ))

مشكورين على الردود بس ماادري شو السبب هالحاله اللى فيني يمكن الكتمه اللى كنت فيها في شهر العسل لانه قلتلكم هو واااااايد يغاااااااار وبعد عقب ماملجنا كان مايخلييني اطلع على كيفي انا مالجه قبل العرس تقريبا ب 5 شهور وادرس في الجامعه وهالصيف تخرجت يعني انا موول ماحسيت انى فاضيه ورايقه لريلي عشان حي يمكن ماحسيت بيوم العرس ولا حظرتله عدل لا لشهر العسل لانه هو حتى ماخبرنى الا على الكوشه انه احنا بنسافر

يا عروووووووووووووووووووووووووووووووووووووسة ....راح نقولك عروسة الى ان تجيبي اول مولود لك قولي امين الله يرزقك بالذرية الصالحة.
ما اعرف اذا كان تفكيرك عادي او لا بس صدقيني اول ما حتحملين راح تنسين كل هذي الهواجيس

وهج الحب ترا انا تاريخ عرسي نفس تاريخج بس بعده بيومين يعني انا احدث منج هههههههههه
والله اني امر بنفس الظروف اللي انتي تمرين فيها بالضبط

بس انا الحين عندي بنت ومتأقلمة معاها وخلاص قمت انسي نفسي

وانا كنت العن منج اقعد ابجي وافكر طول اليوم وترا انا للحين احسب جم باقي واحس اني مريضة نفسيا

تدرين ليش يصير فينا جذيه لانه ريايلنا ما دلعونا وترا انا زوجي كان متعمد هالاسلوب معاي

نصيحتي لج حملي وراح تروح منج العقدة تدريجيا

اعتقد انك مزوديتها شوي و ازا تعرفي مرشد نفسي مب غلط تسيريله ... في اخصائيين نفسيين او دكاترة ممكن يتصوحك و يقولولك انك طبيعيو او يشرحولك حالتك و الي هيي بنظري طبيعية بس انتي مزوديها شويه

مشكورين على الردردر ترى انا عندي ولد عمره 3شهور بس ترى ردردوكم اثرت فيني الله يخلينا لبعض وصح مثل ماقلتلى يا امم ورورد ريايييلنا مادلعونا

انا احس انه فجاه يانى المولود صدقونى ماابالغ ماعرف طيف ترى قلتلكم انا كنت ادرس في الجامعه وارجعله اخر كل اسبوع ادرس في اماره ثانيه !!! وبعدين امه كانت معكره علينا عمرها ماعاملتنى انى عرووس يوم البس شي يديد تخزنى بنظرات لانه كل تفكيرها تبانى اكون مثل حريم اول ومااتكشششخ بس بديت اطنشها من يبت المولود ......اتخيلوا كنت دوم اطلعها لابسه شيله مع انه ماشي رياييل في البيت !!!!!!!!!!!!!!

انتي مشكلتج اهون يمكن من مشكلتي ..

انا مب متزوجة و افكر بهالافكار ..

كل ما احضر عرس .. اقول العروسة شو تفكر اللحين العروسة معصبة ولا مستانسة .. صار لها مواقف قبل لا تدخل الصالة .. يا ربي انا متى بعرس كيف بيكون فستاني .. المعرس بيدش بعد شوي .. من احلى هو ولا هي .. كيف عرفوا بعض .. متزوجين عن حب .. ولا غصب .. ولا الاهل اختاروها له و هو ما شافها .. ولا هو حبها .. يدخل المعرس .. يا ربي هذا حليو .. يا ربي كيف بيكون شكل زوجي .. وسيم ولا لا .. يا ترى بحيبني ولا لا .. بيصير لي مواقف يوم عرسي نفس المواقف اللي تصير للعرايس ..

بعدها افكر اللحين شو يقول لها و شو تقول له .. ليش تبتسم .. بيسافروا لليلة ولا بيباتون في فندق .. وين بيسافروا .. انا لما اعرس وين بسافر .. و شو بسوي وقت السفر .. في الطيارة بخاف ولا لا .. زوجي بيكون من النوع اللي الحنون ولا الجاف .. بيكون شهر العسل حلو ولا بيكون نكد .. انا بتقبل اني اعيش مع شخص ثاني او لا ..

و فجأة ما اسمع غير امي يالله روحنا .. ههههه ..

تعبت نفسيا من كثر ما افكر بهالافكار .. افكاااااااااااااااااااااار ما تخلص .. صرت احلم يوم عرسي ..

المشكلة توني صغيرة ع هالسوالف .. يعني مو ان مثلا قطار الزواج فاتني او شيء .. او اني اتمنى اتزوج بسرعة و ميته ع الزواج .. بس ما ادري ليش هالافكااااااااااااااااار تحوم براسي دوم خصوصا اذا حضرت اعراس .. صرت ما احب احضر اعراس الا وقت الاجازات بس .. لاني ما اذاكر ابد .. اذا حضرت وقت الدراسة .. بس ايلس اسرح بالكتاب و افكر ..

و لما احضر عرس .. اذا معي حد من بنات عمتي .. عاد ابدأ بالهذره .. انا بسوي هالحركة في عرسي .. و في يوم عرسي بسوي كذا و كذا .. و بتمكيج عند فلانة .. لا لا احسن فلانة .. و بسوي المسكة في المحل الفلاني .. و اي قاعة احسن .. يييييييييييييييييييييييييييييييييييا ما اخلص ابد .. اللي يشوفني يقول ميتة ع الزواج .. مع اني ما ابي اتزوج اللحين .. ابي اكمل دراستي .. لاني ما من النوع اللي يقدر يوفق بين شيئين ..


بس جد تتعبني هالافكار وايد .. احاول اتخلص منها باني اتكلم و اعبر عنها ... بس مو دوم احصل حد اهذر معه في هالسوالف .. اذا قلت لامي ماما انا يوم عرسي بسوي كذا .. تقول جب ما عندنا بنات يقولن هالكلام .. يوم تكبري فكري بهالاشياء ..

.. انا اعتقد حتى لو تزوجت و مرت عشرين سنة ع زواجي .. بتم نفس حالتج افكر بيوم عرسي و كيف كان .. لانه من اللحين ماخذ 99 % من نسبة تفكيري .. فيكف عاد اذا خلص و راح ..

الله يعيني .. ويعينك حبيبتي ... بس الحال من بعضه

الله يريح بالك من التفكير فى الحاجات دى لان التفكير فيها هيتعبك حاولى تعيشى كل لحظة من الان بسعادة لانها مش هترجع تانى وبدلا من انك تفكرى فى يوم زفافك الماضى فكرى انتى ازاى هتخلى النهاردة احسن وغدا احسن واحسن وربنا يوفقك وخلى زوجك يساعدك لانه له دور كبييييييييييييييييييييييير جدا

يا عيووووووووووني
العرووس بتظل عرووس لو هي بغت هالشي
يعني بتكشخ وبتتعدل وبتسوي كل شي شرات اول الاياااام ...

اما اذا انتي حاطه في بالج انه كم شهر وخلاص فانتي غلطاااانه

والسمــــــــــــــوحه

فديكم والله ترفعوون المعنوياات اللله يجعله في ميزان حئسناتكم انتوا ماتعرفون شو قالى ريلي اليوم ...اليوم انى حلوة مادري ليش احس نفسيج حلوة وويهج منور وووجهج في شي حلو هذا بس لانى حطي في بالي كلامكم واتعدل شوي ....ترى فعلا انا كنت احس انى مريضضضضضه بس صدقونى بسبه وبسبب امه هم عيشووني انى انا حرمه مزوجه على مسؤليااات من اول الايااام

حبيبتي وهج الحب الوحد هي الي بتعمل من حالها عروس وهي الي خلص بتمل وبعد تحصر على شي مضه حبيبتي عيش اللحظه
انا زوجت وسافرت ولما اعدت اساوي اجرات الفيزا اكتشفت اني حامل وماكان الي 3 اسابيع مزوجه وعشت فتره شهر العسل خايف عى البيبي
ولما فتت بيتي دخلنا 3 مش تنين
وصديقني اول سنه بنحتفل بذكر زواجنا كان عندي بيبي
وهلا انا عندي2بنتين الحمدالله
بس عشت كل لحظه وماخليت شي يروح علي وانا تقريب شي 5 سنسن مجوزه وليوم انا عروس بنظر جوزي وطبعا بنظري كمان ودائما مهتم بحالي وبلبسي والماكب ومابروح مكان الي بكون الاجمل ولاحلابنظره
اتوقع هيك الوحده بظلها عروس

مشكورة يارا واله كلامكم يثلج الصدر بس انا ابى اعرف شو سبب الى فيني !!!!!!!!!!!!

العروس .. تعتبر كليوم عروس اذا كانت فرحانه بحياتها مع زوجها ... لانه كليوم جديد حلو يمر .... يولد احساس غير فيج و تحسين بعدج دلوعته ...

و العروس الي لو توها عرست و ماحست بالسعاده .. ماتعتبر عرس بينها و بين نفسها

يعني بالعربي على نفسية الوحده كيف تنظر لنفسها و لحياتها و لزوجها و كيف نظرة زوجها لها ...

الايام عمرها ماكانت مقياس في تحديد قيمة الوحده عند زوجها او عند الناس ...

بالعكس في ازواج لو تطوف عليهم سنين بعدهم يعيشون اعمارهم بشهر العسل و الناس تحسدهم و تقول ماشالله كانه بعدهم معاريس جدد

و في ناس العكس

يعني بدال ماتسئلين هل سؤال انتي خلقي للنفسج هل جو و بتوصلج الاجابه ^_^

موفقه حبيبتي و انتي بعدج عرووووووس

تعوذي من الشيطان وحاولي تستانسين في حياتج

انا عرسي بعد عرسج ابشهر كان هههههه

بس تعالي شوفي حالتي تبين اخبرج فالبرايفت...........انتي احكمي اذا اانا عروووس بعدني او لا

امشي واقولي اني بعدي عروس

ام سليماني وهوج حبيبتي تدرين احسج معقده عمرج عالفاضي اللحين انتي ماكملتي سنتين وتحسين بهالشعور اذا مروا عليج عشر سنوات واكثر شوبتسوين بالنسبه حق يوم تروحين عرس واحساسج كلنا نمر بهالشعور والاحساس ونقعد نتذكر لانها تظل ذكرى حلوه في حياتنا فلابد لما نحظر عرس تستثير عندنا الذاكره ونتذكر عرسنا ونقول ليت هاي عرسي انا كنت هالشكل في بداية زواجي افكر بهالشي بس اقنعت نفسي انه الوحده لو تبي تقعد طول العمر في نظر زوجها عروس بتم انتي وهج تدرين شاللي مضايقك بالموضوع اللي مضايقج انج عرستي وكنتي تدرسين بالجامعه حملتي ووكانت عندج دراسه بالجامعه ولدتي ومع ضغط عمتج تحسين انج مااستانستي بحياتج كعروس وخاصه انه كل شي ورى بعض وعلى طول من يوم عرستي لحد اليوم وانتي مضغوطه وخاصه توج عندج يهال ومومتأقلمه معاه كأم وواجباته وكزوجه وشغل البيت فمسبب لج ضيقه فتحسين انج مااستانستي في حياتج حبيبتي وهج شيلي هالفكره نهائيا من بالج اولا تعدلي لبسي كشخي سوي حركات لاتقولين سليماني خواتج يقدرون يساعدونج ابتدي بترتيب وقتج وخلي لو شي بسيط وقت تقضينه انتي وريلج مع بعض شرايج تحجزين في قصر الامارات مره ثانيه في الويكند وتخلين سليماني بيت امج واستانسي انتي وريلج بترجعين رفرش ترى السالفه ومافيها الروتين وبس امس نفس اليوم واليوم نفس باجر وهلم جره لاتحطين نفسج بهالقوقعه وشيلها من مخج والله في ناس وانا منهم معرسين اكثر من عشر سنوات بس للحين يوم تشوفينهم ماتقولين هذولي معرسين من زمان لا جنهم توهم معرسين بالنسبه حق النقاب احمدي ربج هاي نعمه كبيره من رب العالمين ريلج لو مايحبج جان ماغار عليج اعرف وحده كانت متحجبه قبل العرس ويوم عرست زوجها رفض انه تتغطى واجبرها انها تسوي مكياج كل ماتطلع معاه ويقولها علشان اذا ربعي شافوني يعرفون اني متزوج وحده حلوه يعني استغفر الله تحسين انه مايحبها لانه لو يحبها ماراح يرضى حد يطالعها ولو بنظره مومقصوده يبيها لنفسه وبس وقولي الحمدلله رحتي شهر عسل عندج ذكرى حلوة في ناس ماسافرت فيه ناس تطلقت بيوم الدخله وغيرهم وغيرهم حبيتي وهوج احنا كخليجين عامة ماتلاقين الرياييل رومانسيين بس حدهم الملجه اول ثلاث سنوات عرس وبعدين ينسون الرومانسيه يبون انتي تذكرينها فيهم فأنتي جددي بحياتج غيري من نفسج صيري كل يوم عروس اما سؤالج لحد متى تظل عروس انا اشوف انه هذا ماله مقياس الوحده متى مابغت تصير عروس تصير عروس وعمتج الله يسخرها لج .

دعواتي القلبيه لج براحة البال وحياة سعيده ملؤها الحب مع زوجج وولدج